Асосий маблағ йўллар ободлигига қаратилади

Тўрақўрғон туманида “Ташаббусли бюджет”нинг 2023 йилги 2-босқичида 5 та МФЙда 14,2 км ички йўлларни асфальтлаш учун 5 млрд. 445 млн. сўм сарфланган эди.

Президентимизнинг ташаббуслари билан йўлга қўйилган ушбу тизим аҳолининг кўплаб муаммоларини ҳал этишда муҳим ўрин тутаётганини халқимиз ҳис этаётгани рақамларда ифодаланяпти.

“Ташаббусли бюджет”нинг 2024 йилги биринчи босқичида 19.884.500.000 сўмлик 16 та лойиҳада ғолиб бўлинган бўлса, шундан 16.454.500.000 сўм, яъни ўтган йилгидан қарийб 3 баравар кўп маблағга эга 13 та лойиҳа ички йўлларни асфальтлаш мақсадига қаратилган. Айниқса, туман марказидан олисдаги Хўжанд, Лангарбобо, Қодиробод, Зарбдор, Ўрда, Калвак, Чорбоғ, Тепа Найманча, Ахси, Паст Найманча, Соҳибкор маҳаллалари аҳли ҳамжиҳатликда ишлаб, етарли овоз тўплашга эришдилар.

Айни кунларда ушбу лойиҳаларни амалга оширишга ҳозирлик кўриляпти.

Франция маданият марказига Франциянинг Европа ва ташқи ишлар вазирлигининг Европа қитъаси бошқармаси бошлиғи Брис Рокфейл ҳамда Франциянинг Ўзбекистондаги элчиси Аурелия Бушез хоним ташриф буюришди.

Ташриф давомида Жамғарманинг меҳмон ва ҳамкорлари қурилиш ишларининг бугунги ҳолати билан танишиб, Марказнинг режалари ва истиқболли лойиҳаларини муҳокама қилдилар.

Бинода жамоат жойларидан ташқари Реставрация илмий-тадқиқот маркази ҳам жойлашади.

Реставрация маркази қайта таъмирлаш ишларининг марказлашган тизимини яратиш, маҳаллий мутахассисларнинг малакасини ошириш, реставрация ва консервациянинг юқори сифатли усулларини ишлаб чиқишни кўзлайди.

✅Каналга уланиш: @aokanamangan

Тўрақўрғон туманидаги Паст Найманча маҳалласидаги 27 та аҳоли хонадонларидан ер ости (Д - 219мм) газ қувури хонадонлар ичидан олиб ўтилгани ва ҳимоя минтақаси бузилганлиги ҳамда ушбу тармоқ қарийб 45 йил аввал тортилганлиги юзасидан фуқаролар мурожаати келиб тушганди.

Шуни эътиборга олиб “Ҳудудгаз” Наманган газ таъминоти филиалининг туман бўлими томонидан 1 километр узунликдаги газ қувурини реконструкция қилиб, газ тармоғини ер устига чиқариш ишлари бугундан бошлаб юборилди.

Таълим-тарбия муассасаларига эътибор кучайтирилади

Тўрақўрғон тумани прокурори А.Юсупов бугун ҳудуддаги 6-давлат МТТда ўрганиш ўтказди.

Мазкур боғчада мавжуд имкониятлар ишга солиниб, фаолият олиб борилмоқда. Бироқ муассаса 150 ўринли бўлса-да, 180 нафар болалар бор, тарбияланувчилар учун мўлжалланган ёзги боссейн таъмирталаб аҳволда, муаммони  бошқа имкониятлардан фойдаланган ҳолда бартараф этиш бўйича чора-тадбирлар белгиланди. Тарбияланувчилар учун қўшимча тўгараклар ташкил этиш бўйича кўрсатма ва тавсиялар берилди.

Шунингдек, ҳудуддаги 61-умумтаълим мактаби фаолияти билан танишилди. Муассаса ҳудудида бўш турган ер майдонларидан самарали фойдаланиш ҳолатлари кўрилди.

Тўрақўрғон тумани прокурори А.Юсупов томонидан Ўзбекистон Республикаси Президентининг 21.12.2023 йилдаги “Маҳалла институтининг жамиятдаги ролини тубдан ошириш ва унинг аҳоли муаммоларини ҳал этишда биринчи бўғин сифатида ишлашини таъминлашга қаратилган чора-тадбирлар тўғрисида”ги Фармони ижросини таъминлаш мақсадида Оқтош маҳалласида ишсиз аҳоли ҳамда ёшларни бўш иш ўринларига жойлаш, Сайҳунобод ва Уйчи туманлари тажрибасини оммалаштириш орқали томорқадан унумли фойдаланиш ҳолатлари ўрганилди.

Шунингдек, маҳаллада ўтказилган сайёр қабул ва ёшлар билан учрашув жараёнларида билдирилган таклиф ва муаммолар бўйича яшаш хонадонларига бориб суҳбатлашилди, мурожаатларнинг ҳал этилиши алоҳида назоратга олинди.