#бозор_ва_нарх-наво

Тўрақўрғон марказий “Деҳқон бозори" тумандаги энг асосий савдо майдонларидан бири бўлиб, ҳафтанинг ҳар куни харидорлар билан гавжум. Барча байрамлар муносабати билан ташкилланадиган савдо ярмаркалари ҳам шу ердан бошланади.

Рамазон ойида харидорларга қулайлик яратиш, маҳсулотлар тури ва сифатини ошириш, аҳоли учун ҳамёнбоп нарх-наво сақланишини таъминлаш назоратда.

Бош прокуратура ҳузуридаги Иқтисодий жиноятларга қарши курашиш департаменти вилоят бошқармаси бошлиғи Акрамжон Халилов мазкур бозорда бўлиб, муборак ой шукуҳини акс эттириш учун қилинадиган ишлар бўйича қўшимча тавсиялар берди. Хусусан, ўзимизнинг боғ ва далаларда етиштирилган маҳсулотларни кўпроқ олиб келинса сотувчи ва харидорларга янада қулай бўлиши таъкидланди.

Туман ИИБ бошлиғи, 3-сектор раҳбари У.Муродуллаев Янгиобод МФЙда сайёр қабул ўтказди. Унда Абдулбоқиева Муслима, Бориев Шукруллох, Хасанова Мавлуда, Қодирова Инобатларнинг ичимлик суви таъминоти, тиббий ёрдам, контракт тўлови, курс ҳаражаатларини қоплаб бериш бўйича мурожаатлари қабул қилинди ва тегишли ташкилотларга йўналтирилди.

Кужрон МФЙда эса уюшмаган ёшлар билан учрашиб, уларнинг қизиқишлари, муаммо ва мурожаатлари ўрганилди.

Сектор раҳбари Ахси МФЙ профилактика инспекторларининг хизмат хонасини кўздан кечирди. Ҳудудда хуқуқбузарлик ва жиноятчиликнинг олдини олиш бўйича ишларни кучайтириш кераклиги тушунтирилди, юритувидаги ҳужжатлар кўрилди. Аниқланган камчиликларни бартараф этиш бўйича топшириқлар берилди.

Туман прокурори Б.Халилов томонидан сектор ҳудудидаги аҳолини ижтимоий ривожлантириш, ҳар бир маҳаллада тайинланган тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича ҳоким ёрдамчилари ва маҳалла раислари билан ҳамкорликда хонадонбай иш ташкил этиш, маҳалланинг “драйвери”ни аниқлаш ишсизликдан ҳоли ҳудудга айлантиришга қаратилган чора-тадбирларни амалга ошириш бўйича зарур кўрсатма ва тавсиялар берилди.

"Жаҳолатга қарши маърифат" шиори остида тарғибот тадбирлари давом этмоқда

Туман маданият бўлими ҳамда 9, 10-сонли болалар мусиқа мактаби ходимлари иштирокида ҳудудларда соғлом ижтимоий-маънавий муҳит яратиш, инсонлар ўртасида диний ва дунёвий илмларнинг ўзаро боғлиқлиги, фуқаролар онгида мафкуравий иммунитетни шакллантириш, жиноятчилик ҳолатларининг олдини олишга қаратилган "Жаҳолатга қарши маърифат" шиори остида очиқ мулоқот ташкил қилинди.

Тадбирда туман ҳокимлиги, ИИБ ТҚКБ, ЎМИ туман бош имом хатиби ҳамда ҳамкор ташкилотлар вакиллари томонидан юқоридаги масалалар юзасидан фикр-мулоҳазалар билдирилди, эртанги келажагимиз учун барча бирдек ҳаракат қилиши ҳақида батафсил тушунча берилди.