Ибн Жавзий раҳимаҳуллоҳ айтадилар:
Ғийбат қанчалар солиҳ кишиларнинг амалларини фосид қилди, қанчалар амалларнинг савобини йўққа чиқарди ва Оламлар раббисининг қанчалар газабини келтирди.

Тазкира

https://t.me/tuhur

Ассалому алайкум ва роҳматуллоҳ

Жума айёмингиз муборак бўлсин

Имом Бағовий ривоят қилганлар, Пайғамбар алайҳиссалом тирноқ ва мўйлабларини ҳар жума куни қисқартирар эдилар".

Ас-софарийний "ғозаул албоб" китобида буюк одоблар ҳақида зикр қилар экан, Ибн Баттадан қуйидаги ҳадисни келтиради: "Ким тирноқларини жума куни олса унга шифо кириб дард чиқиб кетади".

Абу Ҳомид Ғаззолий "иҳёу улумиддийн" китобида Ибн Масъуд разияллоҳу анҳунинг қуйидаги сўзларини келтиради: Ким тирноқларини жума куни олса Аллоҳ таоло ундан дардни кетказиб шифони киритади.

Аллоҳумма солли ва саллим ва барик ала саййидина Муҳаммад.

https://t.me/tuhur

Ўтган асрнинг олтмишинчи саналарида Ҳинд диёрида жуда қимматчилик бўлиб кетди. Одамлар ўша вақтнинг уламоларидан бирининг олдига бориб қимматчиликдан, бозорда нарҳларнинг ҳаддан ташқари кўтарилиб кетганлигидан шикоят қилишди ва бундан қутилиш чораси ҳақида сўрашди.
Шунда олим уларга шундай жавоб берди: одамлар билан нарсалар Аллоҳнинг наздида гўёки тарозининг икки палласи мисолидирлар. Қачон инсоннинг қадр қиммати Аллоҳнинг наздида имон ва ихлос ила кўтарилса, нарсаларнинг қиймати тушади. Агар одамларнинг қиймати гуноҳ ва маъсиятлари туфайли Аллоҳнинг наздида қадрсизланса, бошқа нарсаларнинг қиймати кўтарилади, нарҳлари ошиб бораверади. Бас шундай экан, сизлар солиҳ амалларингизни кўпайтиринг, ихлосингизни оширинг, токи Аллоҳнинг наздида қийматингиз ошсин. Шунда бошқа нарсаларнинг нарҳи тушади, бозор арзонлайди. Ҳеч қачон одамларни камбағалликдан қўрқитманг, бу шайтоннинг ишидир. Ўзингиз сезмаган ҳолингизда шайтоннинг шеригига айланиб қолманг. Аллоҳга қасамки, агар қайсидир денгизнинг қаъридаги бирор силлиқ тошнинг ичида бирор банданинг ризқи яширинган бўлса, албатта у ризқ у ердан чиқарилиб эгасига етказилади. Шуни билингки, қимматчилик Аллоҳнинг сизга ёзган ризқини тўса олмайди. Жонингизни берган Зот нонингизни ҳам етказади. Аллоҳ таоло Қуръонда шундай деган:
وَلَوْ أَنَّ أَهْلَ الْقُرَى آَمَنُوا وَاتَّقَوْا لَفَتَحْنَا عَلَيْهِمْ بَرَكَاتٍ مِنَ السَّمَاءِ وَالْأَرْضِ
“Агарда (мазкур) юртларнинг аҳолиси имон келтирган ва тақво қилганларида эди, улар устига осмонлар ва Ердан баракотлар (эшиклари)ни очиб юборган бўлур эдик” (Аъроф сураси, 96-оят).
Имон ва тақво ила жамиятда саодат ҳукм суради, фаровонлик бўлади, тўкин сочинлик юзага келади. Қимматчиликни, нарҳ навони ошганлигини ўйлаб ўзингизни қийнаманг, Аллоҳ ризқингизни кафолатлаб қўйган. Балки, ризқ эшикларини очадиган амаллар билан машғул бўлинг, у ҳам бўлса тавба ва истиғфордир.

Зокир Найк.

https://t.me/tuhur

Бир киши Жунайд Боғдодийдан сўради: Кўзимни номаҳрамларга қаратишдан тийишим учун нима қилсам бўлади? У зот жавоб бердилар: Сенинг назаринг қараган нарсангга тушмай туриб сенга қараб турган Зотнинг назари сенга тушиб турганлигини бил.

Жомеъул улум валҳикам – Ибн Ражаб

https://t.me/tuhur

Макка ҳарамининг мунисалари

Макка аҳлининг қадимий одатларидан бири шуки, Арафа куни Макка аёллари ва баъзи эркаклар Ҳарам масжидида ифторлик қилиш учун шом намозига чиқадилар. Намоздан сўнг Каъбани тавоф қиладилар, хуфтон намозини ҳам шу ерда адо этадилар. Бунинг ягона сабаби шуки, Арафа куни ҳожилар Арафот, Муздалифа водийларида ҳаж аммалари билан машғул бўлганлари сабабли Каъбанинг атрофи бўшаб қолади. Аллоҳнинг байти тавоф қилувчилардан холи бўлиб қолмасин учун Макка аёллари шундай қиладилар. Ўша кунда Ҳарамдаги аёлларнинг сони эркакларникидан бир неча баробар кўп бўлади. Чунки, аксарият эркаклар ҳожиларга хизмат қилиш учун Арафот ва Минога чиқиб кетган бўладилар. Шунинг учун ушбу кунда Масжидул ҳаромга чиққан аёлларни "Ҳарамнинг мунисалари" деб аташади.

(Муниса юпатувчи деган маънони англатади, яъни улар атрофи зиёратчилардан бўшаб қолган Каъбага юпанч бўладилар).

Муҳаммад Ротиб Набулсий

https://t.me/tuhur

Яҳё бин Муъоз раҳимаҳуллоҳ айтадилар:
Тананинг касаллиги оғриқ билан, қалбнинг касаллиги гуноҳлар биландир. Тана касаллигида таомнинг лаззатини туймаганидек, қалб ҳам гуноҳлар туфайли ибодатнинг лаззатини туймайди.

"Сабилуттуқо битақриби заммилҳава" китобидан.

https://t.me/tuhur

Имом Ибн Ражаб раҳимаҳуллоҳ айтадилар:
Ҳалол ёйиш, ҳалолдан ичиш, кийиш ва озиқланиш дуонинг ижобатини вожиб қилувчи сабабдир.

"Дуоингиз ижобат бўлишини истасангиз" китобидан

https://t.me/tuhur

Фузола ибн Убайд разияллоҳу анҳу айтадилар:
Албатта, Аллоҳ таоло мендан хантал мисқолича амалимни қабул қилганлигини билишим мен учун дунё ва ундаги барча нарсалардан ҳам маҳбуброқдир. Чунки, Аллоҳ таоло Қуръонида: "Аллоҳ таоло фақат тақводорлардангина қабул қилади", деган.

Ҳулиятул авлиё

https://t.me/tuhur

Расулуллоҳ саллаллоҳу алайҳи васаллам дедилар: "Бу дунё мўминнинг зиндони, кофирнинг жаннатидир" (Имом Термизий ривояти).

Зикр қилишларича, Ҳофиз ибн Ҳажар Асқалоний раҳимаҳуллоҳ қози калон мансабида ўтирган вақтларида кунларнинг бирида башанг кийиниб, чиройли ясатилган уловга миниб, ортларидан бир қанча шогирдларни эргаштириб бозор оралаб кетаётсалар, рўпараларидан ёғ босиб кетган кийимда, бадбўй ҳидланиб кетган бир яҳудий ёғфуруш чиқдида шайхнинг йўлини тўсди ва уловининг арқонидан тутиб: Эй шайх, сизларнинг пайғамбарингиз айтмаганмиди: бу дунё мўминнинг зиндони, кофирнинг жаннати, деб? Қани сенга зиндон бўлганию, қани менга жаннат бўлгани?-деди.  Шунда Шайх яҳудийга жавобан: Аллоҳ таолонинг менга охиратда тайёрлаб қўйган неъматларига нисбатан олганда, гўёки мен ҳозир зиндондаман. Аммо, сенга охиратда тайёрлаб қўйган азобу уқубатларига нисбатан олганда, гўёки сен ҳозир жаннатдасан, деди. Олимнинг ушбу жавобини эшитган яҳудий тавба қилиб имон келтирди.

Файзул қодир.

https://t.me/tuhur

Пайғамбар алайҳиссалом дедилар: Эй аъробий, сен қачон Субҳаналлоҳ десанг, Аллоҳ таоло: рост айтдинг, дейди. Агар сен Алҳамдулиллаҳ десан, Аллоҳ таоло: рост айтдинг, дейди. Яна Аллоҳу акбар десанг, Аллоҳ таоло: рост айтдинг, дейди. Қачон: Аллоҳим мени мағфират қил, десанг, Аллоҳ таоло: айтганингдек қилдим, дейди. Агар Аллоҳим менга раҳм қил десанг, Аллоҳ таоло: айтганингдек қилдим, дейди. Қачон: Аллоҳим менга ризқ бер десанг, Аллоҳ таоло: сўраганингни бердим, дейди.

https://t.me/tuhur

Гоҳида маҳрумлик неъмат, ризқ эса, уқубат бўлиши ҳам мумкин. Ҳадиси шарифда айтиладики, "Албатта, Аллоҳ таоло ўз бандасини у яхши кўрган дунё неъматидан ҳимоя қилади. Шундайки, сизлар ҳам гоҳида беморларингизни зарарланиб қолишидан қўрқиб таом ва шарбатдан ҳимоя қилганингиздек".

Абдулазиз Турайфий

https://t.me/tuhur

Ибн Жарир раҳимаҳуллоҳ айтадилар:
Агар биродарингизни йўлда учратиб қолсангиз, ундан қаердан келяпсан?-деб сўраманг. Чунки, эҳтимол у келаётган жойини билишингизни истамас. Агар келаётган ери ҳақида сизга айтса, ҳижолат бўлиб қолиши мумкин. Бордию, бошқа ердан келаётганини айтиб алдаса, у ҳолда гуноҳкор бўлишига сабабчи бўлиб қоласиз. Шунингдек, биродарингизни бирор ерга кетаётганини кўрсангиз, қаерга кетяпсан?-деб ҳам сўраманг. Сўрамадингиз, сўрамадингиз, энди уни қаерга кетаётганини билиш мақсадида унга ҳамроҳ ҳам бўлманг.

“Шуъабул имон” - Байҳақий

https://t.me/tuhur

Имом Ибнулқайюм раҳимаҳуллоҳ айтадилар:
Одамлар ҳар гал зулм ва фисқу фужурни янгисини пайдо қилгани сари, Аллоҳ таоло ҳам уларнинг устига қилмишлари туфайли янги офат, иллат ва нуқсонларни пайдо қилади.

Зодул маъод

https://t.me/tuhur

Маърифий суҳбатлар: Ёшлар тарбиясида касбнинг ўрни

Қурбон ҳайити намози. 16.06.2024. Ҳазрати имом

Бакр ибн Абдуллоҳ Музаний раҳимаҳуллоҳ агар бирорта мўйсафид кишини кўрсалар: бу киши мендан яхшироқ, чунки у Аллоҳга мендан кўра кўпроқ ибодат қилган, дер эдилар. Агар ёш йигитни кўрсалар: бу ҳам мендан яхшироқ, чунки мен ундан кўра кўпроқ гуноҳ қилганман, дер эдилар.

Ҳулиятул авлиё

https://t.me/tuhur

Абу Ҳурайра разияллоҳу анҳудан ривоят қилинади, Расулуллоҳ саллаллоҳу алайҳи васаллам дедилар: “Дунё лаззатларини кесувчи – ўлимни – кўп эсланг” (Имом Термизий ривояти).

Жаноза кетидан жаноза, вафот кетидан вафот, ўлим хақидаги хабарларни деярли ҳар куни эшитамиз. Кимнидир машина уриб кетган, кимдир касаллиги туфайли, яна кимдир йўлда кетатуриб бехосдан йиқилиб тушган ва жон берган. Ҳаммалари ҳам бу дунёни ортларида қолдириб кетдилар, биз эса, уларни тупроқ остига қўйиб келдик. Шубҳасиз, бир кун менинг ҳам, сизнинг ҳам навбатимиз келиши аниқ. Шундай экан, қайтмас сафарга ҳозирлигингизни кўраверинг.
Эй, сиз ёшлар, ҳали ёшман деб, тавбани ортга сурманг. Ҳеч бир қабристонга “ФАҚАТ ЁШИ КАТТАЛАР УЧУН” деб ёзиб қўйилмаган.

https://t.me/tuhur

Яхши гапнинг қадри

Басра масжидининг имоми Фарқад айтади: Суфён Саврий раҳимаҳуллоҳ вафоти олдидан бемор бўлиб ётганида одамлар унинг зиёратига киришди. Ўша ерда бир киши бир гап айтди. Суфён Саврийга мазкур гап ёқиб қолди ва тўшагини остидан қоғоз, қалам олиб у гапни ёзиб қўйди. Зиёратга келганлар ҳайрон бўлиб: шу ҳолингизда ҳам ёзяпсизми?-дейишди. Шунда Суфён Саврий раҳимаҳуллоҳ: яхши гап экан, агар ўлмай қолсам яхши гапни эшитганим қолди, агар ўлсам, яхши гапни ёзиб қолдирган бўламан, дедилар.

Ҳулиятул авлиё.

https://t.me/tuhur

Фазилатли амаллар бобида заиф ҳадисларга амал қилишнинг ҳукми

Имом Нававий раҳимаҳуллоҳ айтадилар: Билингки, кимга бирор амалнинг фазилати ҳақида ҳадис борлиги маълум бўлса, умрида ҳеч бўлмаса бир марта бўлса ҳам ўша амални бажариб қўйсин. Ҳечам амал қилмай тарк қилиши мутлақо мумкин эмас. Балки, имкони етган даражасида, енгилгина адо этиб қўйса, Пайғамбар алайҳиссаломдан ворид бўлган муттафақун алайҳи бўлган қуйидаги ҳадисга амал қилган бўлади: “Қачонки, мен сизларни бирор амалга буюрсам, тоқатингиз етганича унга амал қилинг”.
Муҳаддис уламолар ҳамда фуқаҳолар айтадиларки: модомики, ҳадис тўқима бўлмаса, фазилатли амаллар, бирор амалга тарғиб ёки бирор амалдан қайтариш бобида заиф ҳадисларга ҳам амал қилиш жоиз ва мустаҳабдир.

Китабул азкор

https://t.me/tuhur