#من_ديوان_دمعه_فاطميه_الجزء_الاول_للشاعرة_دمع_الفواطم



نعي ...لابي الزهراء ع ..محمد ص .....



شايل يبو الزهراء شايل
وظليت اون والدمع هامل
يا هو اليرد البيه عايل

--()--()--()()()--()--()--

عدوانكم عالوا عليه
وفرهدوا حكي من اديه
اكعد يبويه ورد اليه

--()--()--()()()--()--()--

اكعد ورد اليعيلون
ونشف يبويه دمع العيون
منك يبويه اكطع اضنون

--()--()--()()()--()--()--

ابجي عليك ابليل وانهار
ودمعي على الغدين عبار
يومك يبويه عسن لا صار

--()--()--()()()--()--()--

ملت الوادم من ونيني
بره المدينه امطلعيني
زايد يبو القاسم حنيني

--()--()--()()()--()--()--


من البجي اعليك امنعوني
وبره المدينه طلعوني
ابوي المشه كرت اعيوني



¢¢¢¢¢¢¢¢¢¢¢¢¢¢

✍🏻 #الحاجه_ ام علي الساعدي
    ❌لاإجيـــز حــذف الأســم❌

★★--------------★★----------★★

https://telegram.me/tteef

#من_ديوان_دمعه_فاطميه_الجزء_الاول_للشاعرة_دمع_الفواطم



لطمية ثكيلة .....للرسول ص .......



شايل يجد الحسنين
فاطم تهل دمع العين
تبجي لبوها وتنتحب ..فاطم تهل دمع العين

¤¤~¤¤~¤¤

مهضومه فاطم هاليوم
والدمع بالعين ادموم
الحيل منها مهدوم

تبجي وتسيل المدمع....
راح وبعد ما يرجع ....
تبجي لبوها وتنتحب ...فاطم تهل دمع العين

¤¤~¤¤~¤¤


مهضومه واتصيح احاه
شال الابو واويلاه
خلوني اروحن وياه

جد ابني غالي اعليه ....
ابوي ابو الحنيه ....
تبجي لبوها وتنتحب ....فاطم تهل دمع العين

¤¤~¤¤~¤¤

بلياك ما يسوه العمر
يا بويه بطل هالسفر
الفركاك اظلن بالقهر

عنت عليه شوفتك....
يا بويه محمل فركتك....
تبجي لبوها وتنتحب ....فاطم تهل دمع العين

¤¤~¤¤~¤¤

احا يبوي وفركته
طالت عليه غيبته
هيهات ترجع صدته

راح وبعد وين الكاه ....
ما ينحمل يا فركاه ....
تبجي لبوها وتنتحب ....فاطم تهل دمع العين

¤¤~¤¤~¤¤

امكدره الروح اليوم
والكلب مليان اهموم
الفكد الابو الدمعه ادموم

ما ينكطع جاريها ....
شال النبي هاديها....
تبجي لبوها وتنتحب ....فاطم تهل دمع العين




¢¢¢¢¢¢¢¢¢¢¢¢¢¢

✍🏻 #الحاجه_ ام علي الساعدي
    ❌لاإجيـــز حــذف الأســم❌

★★--------------★★----------★★

https://telegram.me/tteef

#من_ديوان_دمعه_فاطميه_الجزء_الاول_للشاعرة_دمع_الفواطم



فزاعيه سريعة ...لاستشهاد رسول الله ص .....



شال اليوم جد احسين ....

عازوا الزهرة عازوها

••°°••°°••°°••°°••

عازوها ابلطم وابنوح
من عدها الكلب مجروح
الفكده ما تبطل النوح

بالونات عينوها

••°°••°°••°°••°°••

جد احسين شال اليوم
كلب الزهرة ظل مالوم
ما تحمل هظم لا لوم

ابجد العترة هضموها

••°°••°°••°°••°°••

شال اليوم ابو الزهره
تبجي وتلطم العتره
فكده بالكلب جمره

النار اليوم شبوها

••°°••°°••°°••°°••

جد احسين شايل وين
مهضومه وتهل العين
يم امه بجه الحسين

دموعه ابعينه خلوها

••°°••°°••°°••°°••

احسين ايون على جده
شال ومابعد رده
شايل جده الي يوده

الزهره اتون على ابوها



¢¢¢¢¢¢¢¢¢¢¢¢¢¢

✍🏻 #الحاجه_ ام علي الساعدي
    ❌لاإجيـــز حــذف الأســم❌

★★--------------★★----------★★

https://telegram.me/tteef

سريعه ...للامام الهادي ع ....



امشونه نزور الهادي...وهناك ننصب ماتمه


___

السامره يله امشونه
العسكري تجري اعيونه
الفاكد يعازونه

الشيعه اله متألمه

___

ننصب عزاء الهادي
ابعالي صوت انادي
يومك يمرد افادي

وزادت عليه الامه

___

كليبي زادت وجعته
وعليك عله ونته
الهادي تفجع قصته

يوم النزع العمامه

___

خلونه نمشي نزوره
ابدمعه عليه منثوره
الشيعة عليه مقهوره

خلص ابضيم ايامه

___

دمعاتنه نجريها
الهادي يا واليها
يالجبدته امكطعيها

الوكت شد احزامه



¢¢¢¢¢¢¢¢¢¢¢¢¢¢

✍🏻 #الحاجه_ ام علي الساعدي
    ❌لاإجيـــز حــذف الأســم❌

★★--------------★★----------★★

https://telegram.me/tteef

هوسات...لذكرى استشهاد الامام علي الهادي ع...



امشونه انروح سامره وانون هناك
يالهادي اجينه نلطم وننعاك
يا وسفة الزمان اشلون خان اوياك

انون بيها///سامره انروح


------==={}■{}===------

ابسامره نون وانسيل دمعتنه
للهادي وانجر اهناك عبرتنه
الزجية اتكول عازونه يشيعتنه

المظلومة///بالهادي انعازي



الك يالهادي الك انصب تعازي اليوم

واشد احزام والطم وابكلب مالوم

مو بس الدمع اجري العين ادموم


وابجي اعليه/// اتعنه الكبرك



••••<>••••<>••••<>••••


حزنه والحزن اليوم لاك اعليك

نشيعك يا امامي وابد منخليك

تدري احباب الك تدرينه امواليك


اعلى الهامه/// نلطم واندك




¢¢¢¢¢¢¢¢¢¢¢¢¢¢

✍🏻 #الحاجه_ ام علي الساعدي
    ❌لاإجيـــز حــذف الأســم❌

★★--------------★★----------★★

https://telegram.me/tteef

لطمية ثكيلة...لذكرى استشهاد الامام علي الهادي ع




على الهادي ....الدمع بادي
رخص دمعي ..رخص دمعي

اون وانحب ....الكلب يلهب
حنه ضلعي .. حنه ضلعي

يوالينه ........يوالينه

()()()()()()()()

اهل دمعي على الوجنات وانحب واجذب الونه
مهضوم اعلى والينه وحك دمعي اهلنه
شايل يا علي الهادي ومنه انكطعت الضنه
ودع دنيته هاليوم يا وسفه رحل عنه

دمع و ونين ....واهل العين
كلف وضعي ..كلف وضعي

يوالينه .........يوالينه

()()()()()()()()

دموع العين اجريها على الهادي
واكله سيدي مولاي يومك مرّد افادي
ادك ابحركه وابلوعه واعليه الحزن بادي
شيعتكم الك نحزن نجر ونات وانادي

يهادينه ....الحزن بينه
انه الشيعي ..انه الشيعي

يوالينه ..........يوالينه

()()()()()()()()

اجر ونات واهل دمعات واجر حسره
على المسموم الصارت عيشته مره
يسمونه بغدر جا ليش ويلي وخلصوا عمره
اله لوعه ودمعنه ادموم وتسعر بالكلب جمره

جمره وآه ....والف ويلاه
صدى سمعي ..صدى سمعي

يوالينه ..........يوالينه

()()()()()()()()

عليه ادموعي اجريها واجر ونه
كلي بيا ذنب كلي يسمونك يسيدنه
امصابك فاجعة مولاي ويومك حيل ضاهدنه
اهل بيت النبي انتم سادتنه وايمتنه

على الشايل ........دمه هامل
نزل دمعي...........نزل دمعي

يوالينه.........يوالينه

()()()()()()()()

نواسي الحسن مولانه ونهل ادموعنه وياه
على امصابك نجر اونين انصيح ابصوت واويلاه
ابحركه وابدمع نثار نجر الاه بعد الاه
شال ابن الديانه اليوم كلها اتصيح ضيعناه

شال اليوم...........ابكلب مالوم
يروحي انعي........يروحي انعي

يوالينه.......يوالينه




¢¢¢¢¢¢¢¢¢¢¢¢¢¢

✍🏻 #الشاعرة_دمع_الفواطم
    ❌لاإجيـــز حــذف الأســم❌

★★--------------★★----------★★

https://telegram.me/tteef

صدر حديثاً 🔥🔥

ديوان

آهات الهاشميات ج٢

خاص.. بالزهراء وأم البنين عليهما السلام 😭😭

⬇️ للتواصل والاستفسار ⬇️
@ABRAR5325
@ABRAR5325

كروب اجهزة يفيد ملايات👇👇

https://t.me/+n-BgqsOHygw5OWNh

#ديوان_آهات_الهاشميات_الجزء_الثاني_خاص_للزهراء_وام_البنين_ع



لطمية فزاعية جنوبية...لذكرى وفاة السيدة ام البنين ع



الج هوسات ..والبيرغ يشيلونه
يبدويه وعليج ابنج يسمونه

👑👑❤️👑👑

الج بيرغ والج هوسه يبدويه
ربيتي زلم ابطال دهريه
عليج اليوم لطمتنه ابعداليه

كل الناس طيبج ما يوفونه...
الج هوسات....

👑👑👑❤️👑👑👑


#الشاعرة_دمع_الفواطم




¢¢¢¢¢¢¢¢¢¢¢¢¢¢

✍🏻 #الحاجه_ ام علي الساعدي
    ❌لاإجيـــز حــذف الأســم❌

★★--------------★★----------★★

https://telegram.me/tteef

صدر حديثاً 🔥🔥

ديوان

آهات الهاشميات ج٢

خاص.. بالزهراء وأم البنين عليهما السلام 😭😭

⬇️ للتواصل والاستفسار ⬇️
@ABRAR5325
@ABRAR5325

كروب اجهزة يفيد ملايات👇👇

https://t.me/+n-BgqsOHygw5OWNh

السلام عليكم....

ملايات كربلاء....تلكونه بمكتبة البحار

صدر حديثاً 🔥🔥

ديوان

آهات الهاشميات ج٢

خاص.. بالزهراء وأم البنين عليهما السلام 😭😭

⬇️ للتواصل والاستفسار ⬇️
@ABRAR5325
@ABRAR5325

كروب اجهزة يفيد ملايات👇👇

https://t.me/+n-BgqsOHygw5OWNh

#من_ديوان_آهات_الهاشميات_الجزء_الثاني_للزهراء_ع_وام_البنين_ع_للشاعرة_دمع_الفواطم



لطمية ممكن تقرأ بعدة اطوار...لذكرى استشهاد مولاتنا فاطمة الزهراء ع


هز الكون علمج...يم الحسين
مكسورت ظلع رحتي وتونين

____

علمج هاز السبع السماوات
هنا يمعربه واربات باشات
يزهرة اشلون نمتي عالترابات

اسم الله امن الكبر بيه لا تنامين
هز الكون علمج...

____

¢¢¢¢¢¢¢¢¢¢¢¢¢¢

✍🏻 #الشاعرة_دمع_الفواطم
    ❌لاإجيـــز حــذف الأســم❌

★★--------------★★----------★★

https://telegram.me/tteef

#من_ديوان_آهات_الهاشميات_الجزء_الثاني_للزهراء_ع_وام_البنين_ع_للشاعرة_دمع_الفواطم



قصيدة فزاعية جنوبية....لمولاتي فاطمة الزهراء ع





جاوين تريد.....بت الباش باشات
يا بنت النبي واهلج قيادات


🪢🪢🪢🪢🪢🪢🪢


يا بنت النبي جاوين تردين
ارحمي حال زينب لا تشيلين
عليج الحيف يا بت السلاطين

مرجونه وتون سبع السموات...
جاوين تريد....

🪢🪢🪢🪢🪢🪢🪢

¢¢¢¢¢¢¢¢¢¢¢¢¢¢

✍🏻 #الشاعرة_دمع_الفواطم
    ❌لاإجيـــز حــذف الأســم❌

★★--------------★★----------★★

https://telegram.me/tteef