لطمية ثكيله عن حال زينب ع في رحلة الاسر ....




يالماشيه ابلا والي ....يالماشية ابلا والي

وين الدلال العالي ....وين الدلال العالي


يم المهابة والخدر ..

اشلون حالج باليسر ..

زينب يزينب ...زينب يزينب


¤¤▪︎¤¤▪︎¤¤▪︎¤¤▪︎¤¤


اشلون حالج باليسر واشلون تمشين

ولو مال مره محملج المن تحشمين

عباس لا يمج بعد لا يمج احسين

عالناكة يا هو يصعدج يخت الميامين

محد لمح خيالج ....محد لمح خيالج

اشلون هسه حالج ....اشلون هسه حالج

ادروبج خطر وابعيده ..

ويصعب يمشي البيده ..

زينب يزينب .... زينب يزينب

¤¤▪︎¤¤▪︎¤¤▪︎¤¤

ياهو اليثنيلج بعد ويدك ركبته

وايكول هاي ام الخدر ويصعد اخته

عباس اخييج بالدرب حلوة رفجته

باليسر رحتي وعالترب ظلت يمنته

عباس طيب السيرة ....عباس طيب السيرة

كله شهامه وغيره .... كله شهامه وغيره

يانجمة الثريه ..

صعبه مشت مسبيه ..

زينب يزينب ....زينب يزينب

¤¤▪︎¤¤▪︎¤¤▪︎¤¤

حالج شعب كلبي ومرد دلالي

يمخدرة يم الدلال العالي

اتكولين انه المحد لمحلي اخيالي

هاليوم عدوان وغرب تبرالي

حرمة وغريبه ابهالحال ....حرمه وغريبه ابهالحال

وامكلفة ابجمع اعيال ....وامكلفه ابجمع اعيال

تبجي وتنوح الايتام ..

وابعيد يا درب الشام ..

زينب يزينب ....زينب يزينب

¤¤▪︎¤¤▪︎¤¤▪︎¤¤


لا والي يبره للضعن لا رايه رفت

اشلون لو نوك الهزل بالدرب عثرت

ياهو الينشفلج دمع لو عين صبت

وجثة عزيزج بو علي عالكاع ظلت

اموذرة ومسلوبه ....اموذرة ومسلوبه

واعلى الوجه مكلوبه ....واعلى الوجه مكلوبه

اشلون من شفتيها ..

واعله الثره عفتيها ..

زينب يزينب ....زينب يزينب

¤¤▪︎¤¤▪︎¤¤▪︎¤¤

اشلون عفيتيه عالثره وجروحه تشخب

الله يعينج عالجره الله يزينب

اشصار كلبج بت علي والحال يصعب

من عكبه رحتي اميسره بالشتم والسب

ممشاج بالله اشلونه .... ممشاج بالله اشلونه

والوالي ظل ابكونه .... والوالي ظل ابكونه

امرافكه جتاله ..

تصعب يهاي الحاله ..

زينب يزينب ....زينب يزينب





¢¢¢¢¢¢¢¢¢¢¢¢¢¢

✍🏻 #الحاجه_ طيف الساعدي
❌لاإجيـــز حــذف الأســم❌
✅إجيز للأخوة الرواديد بعدم ذكر أسمي
★★--------------★★----------★★

https://telegram.me/tteef

#القصيدة_في_ديوان_دمعه_فاطمية_الجزء_الاول_للشاعرة_دم_الفواطم_موجود_حاليا_في_المكتبات



نعي ...عتاب زينب ع على قبر ابي الفضل العباس ع




اعتاب الي وياك عباس
يا هيبتي ويا رفعة الراس
وسفه عفتني ابين الارجاس

••▪︎••▪︎••▪︎••

اكعد على كبرك واعاتب
واسولف على كل المصايب
ذليت بديار الغرايب

••▪︎••▪︎••▪︎••

فك الكبر عباس واكعد
وعن حال اخيتك كوم وانشد
الضيم للدلال مارد

••▪︎••▪︎••▪︎••

رديتلك يا ابو الكفاله
زينب انه وام الجلاله
كلب اليفاركم اشحاله
••▪︎••▪︎••▪︎••

فك الكبر واسمع عتابي
واحجيلك ابضيمي وعذابي
اوياي شعمل شمر الضبابي

••▪︎••▪︎••▪︎••

اكعد واجر اوياك العتاب
وانشدني اشسوه اوياج المصاب
حيل الكلب عباس ذاب

••▪︎••▪︎••▪︎••

اعاتبك واعتب عليك
واخبرك ابحالي وابجيك
مهضومه يخويه وجايه ليك

••▪︎▪︎••▪︎▪︎••

اكعدلي يخال ابني اكعدلي
اجيت اذب اعليك حملي
اشبيج يا زينب دكلي

()×()×()×()×()

ناشدني ياهو العايل اعليج
اخوج اجيج ومااخليج
تبجين جا ياهو المبجيج



¢¢¢¢¢¢¢¢¢¢¢¢¢¢

✍🏻 #الحاجه_ ام علي الساعدي
    ❌لاإجيـــز حــذف الأســم❌

★★--------------★★----------★★

https://telegram.me/tteef

#القصيدة_في_ديوان_دمعه_فاطمية_الجزء_الاول_للشاعرة_دم_الفواطم_موجود_حاليا_في_المكتبات


فزاعية جنوبيه مع رباط هوسه...للاربعين




يا عباس ....زينب ردت اليوم
تعبها السبي والحيل مهدوم

(( اتلكاها //// اكعد عباس ))

●●●●●●

يا عباس زينب ردت اعليك
عدها اعتاب وياك وتحاجيك
تحجي ابضيمها اتون وتبجيك

(( امن الناكه //// اكعد نزلها ))

●●●●●●

هزله النوك منها الظهر مكسور
اجتك لاطمه والدمع منثور
اختك جاية و الكلب مقهور
(( المهجومه //// جانت بالشام ))

●●●●●●

من ابعيد صاحت آه يوالي
اكعد شوفني خويه اشجرالي
غاطيني الهظم والضيم حالي

(( امغطيها //// ردت والضيم ))

●●●●●●

غاطيها الهظم وتخط الذيال
منها راح عزها وراح الدلال
ميال الوكت عباس ميال

(( ياواليها /// عالناكه اتون ))

●●●●●●

ردت كربله واتصيح خال ابني
كوم اكعد امن الناكه دنزلني
اجيتك حايرة ودرب السبي هدني

(( اتلكاني /// يا خال اولادي ))



¢¢¢¢¢¢¢¢¢¢¢¢¢¢

✍🏻 #الحاجه_ ام علي الساعدي
    ❌لاإجيـــز حــذف الأســم❌

★★--------------★★----------★★

https://telegram.me/tteef

#القصيدة_في_ديوان_دمعه_فاطمية_الجزء_الاول_للشاعرة_دم_الفواطم_موجود_حاليا_في_المكتبات


فزاعية سريعة. ..للاربعين



وين اكبور اهالينه. ..يدفان
يا سجاد عمه وين الحنان

[♢♢♧♢♢]♧[♢♢♧♢♢]

كبر أبوك دليني
يالسجاد حاجيني
دافن وين ضي عيني

مهضوم الكلب والحيل خلصان

[♢♢♧♢♢]♧[♢♢♧♢♢]

دليني على كبره
اندهه واكعد ابكتره
اشوف اصواب البصدره

امصابك يالولي اكله ما هان

[♢♢♧♢♢]♧[♢♢♧♢♢]

دليني الكبر وينه
وين احسين والينه
اخبره بالجره اعلينه

اكله وياي ما رحمت العدوان

[♢♢♧♢♢]♧[♢♢♧♢♢]

يا سجاد يا عمه
كلبي حاير ابهمه
انشدك وين ابو اليمه

عزيز الروح وسفه اضمه تربان

[♢♢♧♢♢]♧[♢♢♧♢♢]

اهيل اترابه وابجيله
واعدل كل مفاصيله 
عن ضيم السبي احجيله

من الشام خويه الحيل عدمان



¢¢¢¢¢¢¢¢¢¢¢¢¢¢

✍🏻 #الحاجه_ ام علي الساعدي
    ❌لاإجيـــز حــذف الأســم❌

★★--------------★★----------★★

https://telegram.me/tteef

#القصيدة_في_ديوان_دمعه_فاطمية_الجزء_الاول_للشاعرة_دم_الفواطم_موجود_حاليا_في_المكتبات



فزاعية او مربعة ....للاربعين




اجيت الكربله ...بالاربعينيه
ما تكعد يوالي تنشد اعليه

《♧》《♧》《♧》《♧》

كوم اكعد يخال ابني وتلكاني
تراني ناحله وامغيرة الواني
افراكك بالكلب يحسين اذاني

اجيتك ناحله وكل حيل ما بيه

《♧》《♧》《♧》《♧》

هدني الشوك الك والروح محتامه
وكلبي يا عزيزي زادت الامه
انشد وين اخوي وذيج ايامه

وين ايامكم يهل المحنية

《♧》《♧》《♧》《♧》
من الشام اجيت الكربله اعنايه
روحي امهدهدة والضيم ويايه
اجيت انشد وادور وين وليايه

لكيت اهل الفخر نومه بالوطيه

《♧》《♧》《♧》《♧》

اجيت الكربله والروح تعبانه
ضيم الشام هدنه وحيل اذانه
ننشد عالحياده الجانوا اويانه

كلولي يزينب هله ابهالجيه

《♧》《♧》《♧》《♧》

هزله ناكتي واذاني ممشاها
والجانت عزيزة الشمر ذلاها
شني حال المره من غير ولياها

لو حشمت يا هو  الينغر اعليه

《♧》《♧》《♧》《♧》



¢¢¢¢¢¢¢¢¢¢¢¢¢¢

✍🏻 #الحاجه_ ام علي الساعدي
    ❌لاإجيـــز حــذف الأســم❌

★★--------------★★----------★★

https://telegram.me/tteef

#القصيدة_في_ديوان_دمعه_فاطمية_الجزء_الاول_للشاعرة_دم_الفواطم_موجود_حاليا_في_المكتبات




ردادية ....لعودة زينب ع الى كربلاء



اتلكوني ...اتلكوني ...
آه يخوتي اتلكوني
بضعوني ...بضعوني ...
هالعودت بضعوني

<♧><♧><♧><♧>

اليوم السبايا عودت
الكربله هاليوم اجت
امن ابعيد ليكم حشمت
نزلوني ..نزلوني ..من ناكتي نزلوني

<♧><♧><♧><♧>

امن ابعيد وعليكم صحت
هاي المحامل جدمت
جا ليش اخوتي ما اجت

بعيوني ..بعيوني ..جيت الدمع بعيوني

<♧><♧><♧><♧>

انحب واهل ادموعي
ومطبكات اضلوعي
زايد حنيني وروعي

ما جوني ..ما جوني
ليش اخوتي ما جوني

<♧><♧><♧><♧>

انحب واهل الدمعه
وابكلبي ميت وجعه
بالاربعين الرجعه

جابوني ..جابوني
امن الشام هالجابوني

<♧><♧><♧><♧>

يحنان ليكم جينه
وامن السبي ردينه
اكعدوا وشوفوا اشبينه

نشدوني ..نشدوني
عن الهظم نشدوني




¢¢¢¢¢¢¢¢¢¢¢¢¢¢

✍🏻 #الحاجه_ ام علي الساعدي
    ❌لاإجيـــز حــذف الأســم❌

★★--------------★★----------★★

https://telegram.me/tteef

#القصيدة_في_ديوان_دمعه_فاطمية_الجزء_الاول_للشاعرة_دم_الفواطم_موجود_حاليا_في_المكتبات





نزله على طور خدام ......للاربعين




رديت ..رديت ...رديت يوم الاربعين
ناديت ..ناديت ..ناديت وينك ياحسين

○○••••○○••••○○

اجينه من الشام خويه الكربله
اجيت لارض الشوم ميت لا هله
كربله ام المصايب والبله

ونيت ..ونيت ..ونيت كاتلني الحنين
رديت ..رديت ..رديت يوم الاربعين

○○••••○○••••○○

ردت ضعوني واصيحن وينكم
امن اليسر ردينه خويه انريدكم
اكعدوا ونزلوا المحاميل بيدكم

حنيت ..حنيت ...حنيت اشوفك خويه وين
رديت ..رديت ..رديت يوم الاربعين

○○••••○○••••○○

شوف خويه اشصار شوف الي جره
وينك انت او وين سبع الكنطره
جيت من ضيم السبي امرمره

ياريت ..ياريت ..ياريت اموتن هالحين
رديت ..رديت ..رديت يوم الاربعين

○○••••○○••••○○

كاطعه ادروب البعيدة بالسبي
امن الشمس والله انكلب لون العبي
حرمه ويرافكني وسفه الاجنبي

خليت ..خليت ..خليت رسمك بالعين
رديت ..رديت ..رديت يوم الاربعين

○○••••○○••••○○

جيت اشكي الضيم وشسوه الشمر
من ضرب السياط متني منهطر
كون ميته ولا عشت هذا العمر

شلكيت ..شلكيت ..شلكيت منك يالحنين
رديت.. رديت..رديت يوم الاربعين



¢¢¢¢¢¢¢¢¢¢¢¢¢¢

✍🏻 #الحاجه_ ام علي الساعدي
    ❌لاإجيـــز حــذف الأســم❌

★★--------------★★----------★★

https://telegram.me/tteef

#من_ديوان_دمعه_فاطميه_الجزء_الاول_للشاعرة_دمع_الفواطم



نعي ...لابي الزهراء ع ..محمد ص .....



شايل يبو الزهراء شايل
وظليت اون والدمع هامل
يا هو اليرد البيه عايل

--()--()--()()()--()--()--

عدوانكم عالوا عليه
وفرهدوا حكي من اديه
اكعد يبويه ورد اليه

--()--()--()()()--()--()--

اكعد ورد اليعيلون
ونشف يبويه دمع العيون
منك يبويه اكطع اضنون

--()--()--()()()--()--()--

ابجي عليك ابليل وانهار
ودمعي على الغدين عبار
يومك يبويه عسن لا صار

--()--()--()()()--()--()--

ملت الوادم من ونيني
بره المدينه امطلعيني
زايد يبو القاسم حنيني

--()--()--()()()--()--()--


من البجي اعليك امنعوني
وبره المدينه طلعوني
ابوي المشه كرت اعيوني



¢¢¢¢¢¢¢¢¢¢¢¢¢¢

✍🏻 #الحاجه_ ام علي الساعدي
    ❌لاإجيـــز حــذف الأســم❌

★★--------------★★----------★★

https://telegram.me/tteef

#من_ديوان_دمعه_فاطميه_الجزء_الاول_للشاعرة_دمع_الفواطم



لطمية ثكيلة .....للرسول ص .......



شايل يجد الحسنين
فاطم تهل دمع العين
تبجي لبوها وتنتحب ..فاطم تهل دمع العين

¤¤~¤¤~¤¤

مهضومه فاطم هاليوم
والدمع بالعين ادموم
الحيل منها مهدوم

تبجي وتسيل المدمع....
راح وبعد ما يرجع ....
تبجي لبوها وتنتحب ...فاطم تهل دمع العين

¤¤~¤¤~¤¤


مهضومه واتصيح احاه
شال الابو واويلاه
خلوني اروحن وياه

جد ابني غالي اعليه ....
ابوي ابو الحنيه ....
تبجي لبوها وتنتحب ....فاطم تهل دمع العين

¤¤~¤¤~¤¤

بلياك ما يسوه العمر
يا بويه بطل هالسفر
الفركاك اظلن بالقهر

عنت عليه شوفتك....
يا بويه محمل فركتك....
تبجي لبوها وتنتحب ....فاطم تهل دمع العين

¤¤~¤¤~¤¤

احا يبوي وفركته
طالت عليه غيبته
هيهات ترجع صدته

راح وبعد وين الكاه ....
ما ينحمل يا فركاه ....
تبجي لبوها وتنتحب ....فاطم تهل دمع العين

¤¤~¤¤~¤¤

امكدره الروح اليوم
والكلب مليان اهموم
الفكد الابو الدمعه ادموم

ما ينكطع جاريها ....
شال النبي هاديها....
تبجي لبوها وتنتحب ....فاطم تهل دمع العين




¢¢¢¢¢¢¢¢¢¢¢¢¢¢

✍🏻 #الحاجه_ ام علي الساعدي
    ❌لاإجيـــز حــذف الأســم❌

★★--------------★★----------★★

https://telegram.me/tteef

#من_ديوان_دمعه_فاطميه_الجزء_الاول_للشاعرة_دمع_الفواطم



فزاعيه سريعة ...لاستشهاد رسول الله ص .....



شال اليوم جد احسين ....

عازوا الزهرة عازوها

••°°••°°••°°••°°••

عازوها ابلطم وابنوح
من عدها الكلب مجروح
الفكده ما تبطل النوح

بالونات عينوها

••°°••°°••°°••°°••

جد احسين شال اليوم
كلب الزهرة ظل مالوم
ما تحمل هظم لا لوم

ابجد العترة هضموها

••°°••°°••°°••°°••

شال اليوم ابو الزهره
تبجي وتلطم العتره
فكده بالكلب جمره

النار اليوم شبوها

••°°••°°••°°••°°••

جد احسين شايل وين
مهضومه وتهل العين
يم امه بجه الحسين

دموعه ابعينه خلوها

••°°••°°••°°••°°••

احسين ايون على جده
شال ومابعد رده
شايل جده الي يوده

الزهره اتون على ابوها



¢¢¢¢¢¢¢¢¢¢¢¢¢¢

✍🏻 #الحاجه_ ام علي الساعدي
    ❌لاإجيـــز حــذف الأســم❌

★★--------------★★----------★★

https://telegram.me/tteef

سريعه ...للامام الهادي ع ....



امشونه نزور الهادي...وهناك ننصب ماتمه


___

السامره يله امشونه
العسكري تجري اعيونه
الفاكد يعازونه

الشيعه اله متألمه

___

ننصب عزاء الهادي
ابعالي صوت انادي
يومك يمرد افادي

وزادت عليه الامه

___

كليبي زادت وجعته
وعليك عله ونته
الهادي تفجع قصته

يوم النزع العمامه

___

خلونه نمشي نزوره
ابدمعه عليه منثوره
الشيعة عليه مقهوره

خلص ابضيم ايامه

___

دمعاتنه نجريها
الهادي يا واليها
يالجبدته امكطعيها

الوكت شد احزامه



¢¢¢¢¢¢¢¢¢¢¢¢¢¢

✍🏻 #الحاجه_ ام علي الساعدي
    ❌لاإجيـــز حــذف الأســم❌

★★--------------★★----------★★

https://telegram.me/tteef