Joriy yilning 5-avgust kuni Ichki ishlar vaziri oʻrinbosari general-mayor B.T. Abdullayev va "Toshshahartransxizmat" AJ boshqaruvi raisi v.v.b R.S. Shamuradov hamda poytaxtda jamoat transporti tizimidagi muammolarni bartaraf etish orqali aholiga qulay jamoat transporti xizmatini koʻrsatish boʻyicha Idoralararo ishchi guruhi, shuningdek, avtobus saroylariga biriktirilgan masʼullar ishtirokida yig'ilish oʻtkazildi.

🔹Yigʻilishda idoralararo ishchi guruhi va "Toshshahartransxizmat" AJ hamkorligida amalga oshirilayotgan ishlar muhokama qilindi. Jumladan, Toshkent shahrida jamoat transporti xizmat sifatini yaxshilash, 2024-2025-o'quv yilida avtotransportlar soni ortishini inobatga olgan holda, yo'lovchi tashishda yuzaga kelishi mumkin bo'lgan salbiy holatlarni, tirbandliklarni oldini olish, yo'nalishda avtobuslar sonini ko'paytirish hamda avtobuslar harakati uchun mo'ljallangan "A" tasmali yo'laklardan avtobuslar to'siqsiz harakatlanishini ta'minlash maqsadida, ushbu yo'laklarda harakatlanib, to'xtash va to'xtab turish qoidalarini buzayotgan avtomobillarga nisbatan ta'sirchan choralarni ko'rish borasida ko'rsatma va topshiriqlar berildi.

⚡️Yig'ilish so'ngida, yuqorida ta'kidlangan vazifalar zamirida yagona maqsad - xalqimiz va yo'lovchilarga sifatli, xavfsiz jamoat transportini ko'rsatish eng oliy maqsadimiz ekanligi ta'kidlab o'tildi.

✍️“Toshshahartransxizmat” AJ Axborot xizmati

🌐Bizlarni ijtimoiy tarmoqlarda kuzatib boring
Telegram | Instagram | Facebook | Web-site