ፀደይ ባንክ ከ12ኛ ክፍል ከፍተኛ ውጤት ላስመዘገቡ ተማሪዎች የማበረታች ሽልማት ሰጠ፡፡

ፀደይ ባንክ በ2015 ዓ.ም የ12ኛ ክፍል ብሔራዊ ፈተና ወስደው ከፍተኛ ውጤት ላመጡ ተማሪዎች 6 መቶ ሺህ ብር የማበረታቻ ሽልማት ሰጥቷል፡፡

ሽልማቱን የሰጠው ታኅሳስ 14/2016 ዓ.ም ነው፡፡
ከዚህ ባሻገር ባንኩ ከ8ኛ ወደ 9ኛ ክፍል በከፍተኛ ውጤት ላለፉና ድጋፍ ለሚሹ ተማሪዎች የዩኒቨርሲቲ ትምሕርታቸውን እስኪያጠናቅቁ ድረስ ድጋፍ በማድረግ በርካታ ጎበዝ ተማሪዎች ሕልማቸውን እውን እዲያደርጉ እየሠራ መሆኑም ይታዎቃል፡፡ ይህ መርሐ-ግብር ‹‹ብቁ›› የሚል ስያሜ ያለውና ከ2005 ዓ.ም ጀምሮ እየተተገበረ የሚገኝ ነው፡፡

ለትምሕርት ዘርፉ ድጋፍ በማድረግ ደማቅ አሻራ ያለው ፀደይ ባንክ የትምህርት ቤት ግንባታ ብዙም ባልተስፋፋበት ዋግ ኽምራ ብሔረሰብ አሥተዳደር ውስጥ በ 13 ነጥብ 2 ሚሊዮን ብር ወጪ የ2ኛ ደረጃ ትምህርት ቤት አስገንብቶ ብዙዎችን ከትምሕርት ብርሃን ጋር ማገናኘቱም የሚታዎስ ነው፡፡

ፀደይ ባንክ በዚህ ወቅት በተከሰተው ድርቅ ምክንያት በሰሜን ጎንደር እና በዋግኽምራ ብሔረሰብ አሥተዳደር በአስቸጋሪ ሁኔታ ውስጥ ለሚገኙ የኅብረተሰብ ክፍሎች 50 ሚሊዮን ብር ድጋፍ ማድረጉ ይታዎሳል፡፡

የሁሉም ባንክ የሆነው ፀደይ ባለፈው ዓመት ብቻ ደግሞ 200 ሚሊዮን ብር የሚጠጋ ድጋፍ ለተለያዩ ማኅበራዊ ጉዳዮች ድጋፍ አድርጓል፡፡

ፀደይ ባንክ እና የኢትዮጵያ አየር መንገድ ግሩፕ በጋራ ለመሥራት ተፈራረሙ፡፡

ስምምነቱን የተፈራረሙት ዛሬ ታኅሳስ 19/2016 ዓ.ም ነው፡፡

በደንበኞች አገልግሎት ዘርፍ በጋራ ለመሥራት የሚያስችለውን ስምምነት የተፈራረሙት የፀደይ ባንክ ፕሬዚዳንት አቶ መኮንን የለውምወሰን እና በኢትዮጵያ አየር መንገድ ግሩፕ የአቬሽን ዩኒቨርሲቲ የሥልጠና ዘርፍ ምክትል ፕሬዚዳንት አቶ ካሴ ይማም ናቸው፡፡

አየር መንገዱ የካበተ እና ውጤታማ የደንበኛ አገልግሎት ያለው በመሆኑ ባንኩ ከአስራ ሶስት ሺህ በላይ የሚሆኑ ሠራተኞቹን በዘርፉ ሥልጠና እንዲያገኙ በማድረግ የተሻለ ውጤታማ እንዲሆኑ እንደሚያግዝ የፀደይ ባንክ ፕሬዚዳንት ተናግረዋል፡፡

የተሻለ የደንበኞች አያያዝ ከሌሎች ልዩ እንደሚያደርጋቸው የተናገሩት አቶ ካሴ ይማም ይህም አየር መንገዱንም ውጤታማ አድርጎታል ብለዋል፡፡ ከፀደይ ባንክ ጋር በተደረሰው ስምምነት መሠረትም በደንበኞች አገልግሎት ላይ በትኩረት ሥልጠናዎችን እንደሚሰጡ አረጋግጠዋል፡፡

ፀደይ ባንክ አጠቃላይ ካፒታሉን 12 ነጥብ 8 ቢሊዮን፣ አጠቃላይ ሃብቱን ደግሞ 56 ነጥብ 6 ቢሊዮን ብር ያደረሰ ግዙፍ ባንክ ነው፡፡

Join us on our digital media platforms:

Website |Telegram|Twitter|LinkedIn|Facebook|TikTok|Youtube

#TsedeyBank #FOREX #Remittance #Bankforall #Dahabshill #Ria #Banking #BankinginEthiopia #BanksinEthiopia #NBE #NationalBankofEthiopia #ForeignBanksEntrytoEthiopia #BankwithTsedey

#ፀደይባንክ! #የሁሉምባንክ!
#TsedeyBank! #Bankfora

አሁን! Happening Now!

የፀደይ ባንክ አ.ማ የባለአክስዮኖች 3ኛ መደበኛ ጠቅላላ ጉባዔ በአዲስ አበባ ኃይሌ ግራንድ ሆቴል በመካሄድ ላይ ይገኛል።

የ3ኛ መደበኛ ጠቅላላ ጉባዔ አጀንዳዎች፡-

1. ድምጽ ቆጣሪዎችን መሰየም፤
2. ምልዓተ ጉባዔ መሟላቱን ማረጋገጥ፤
3. የጉባኤውን አጀንዳዎች ማጽደቅ፤
4.የአክሲዮን ዝውውሮችን ማሳወቅ እና ማጽደቅ፤
5. እ.ኤ.አ የ2022/2023 የዳይሬክተሮች ቦርድ ዓመታዊ ሪፖርትን ማዳመጥ እና በሪፖርቱ ላይ ተወያይቶ መወሰን፤
6. እ.ኤ.አ የ2022/2023 የባንኩን የውጭ ኦዲተር ዓመታዊ ሪፖርትን ማዳመጥ እና በሪፖርቱ ላይ ተወያይቶ መወሰን፤
7. እ.ኤ.አ የ2022/2023 የባንኩን የተጣራ ትርፍ አደላደል እና አከፋፈል ላይ ተወያይቶ መወሰን፤
8. የዳይሬክተሮች ቦርድ አባላትን አመታዊ የአገልግሎት ክፍያ (Compensation) እና ወርሃዊ አበል መወሰን፤
9. ለሚቀጥሉት ሦስት ዓመታት ባንኩን የሚያገለግሉ የዳይሬክተሮች ቦርድ አባላትን መሾም፤
10. የባንኩን 3ኛ የባለአክሲዮኖች መደበኛ ጠቅላላ ጉባኤ ቃለ-ጉባኤ ማፅደቅ ናቸው።

Join us on our digital media platforms:

Website |Telegram|Twitter|LinkedIn|Facebook|TikTok|Youtube

#ፀደይባንክ!
#የሁሉምባንክ!
#TsedeyBank!
#Bankforall

ፀደይ ባንክ አጠቃላይ ሃብቱ 56 ነጥብ 6 ቢሊዮን ብር መድረሱን አስታዎቀ፡፡
ባንኩ በ2022/23 የሂሳብ ዓመት ከታክስ በፊት 1 ነጥብ 2 ቢሊዮን ብር ማትረፉንም ገልጧል፡፡

መስከረም 14/2015 ዓ.ም በይፋ ወደ ባንክነት የተሸጋገረው ፀደይ ባንክ የባለአክሲዮኖች 3ኛ መደበኛ ጠቅላላ ጉባዔውን ታኅሳስ 20/2016 ዓ.ም በአዲስ አበባ ኃይሌ ግራንድ ሆቴል እያካሄደ ነው።
በሂሳብ ዓመቱ ማጠናቀቂያ ላይ ጠቅላላ ተቀማጭ ገንዘቡ 34 ነጥብ 2 ቢሊዮን ብር የደረሰው ባንኩ ከደንበኞቹ 9 ነጥብ 6 ቢሊዮን ተቀማጭ ብር ሰብስቧል፤ ይህም ካለፈው የሂሳብ ዓመት የ39 በመቶ እድገት አለው፡፡ ፀደይ ባንክ 37 ነጥብ 6 ቢሊዮን ብር አጠቃላይ ብድር ከ 935 ሺህ በላይ ለሚሆኑ ደንበኞች አሠራጭቷል፡፡ የግብርናውን ዘርፍ በከፍተኛ ደረጃ እየደገፈ የሚገኘው ባንኩ በሂሳብ ዓመቱ ካሰራጨው ብድር ውስጥ ከፍተኛውን ድርሻ የሚይዘውም ይህ ዘርፍ ነው፡፡

ባንኩ በሂሳብ ዓመቱ ካለፈው ዓመት በ30 በመቶ እድገት በማሳየት 6 ነጥብ 6 ቢሊዮን ብር ገቢ ሲያገኝ በሌላ በኩል ካለፈው ዓመት ጋር ሲነጻጸር 49 በመቶ ጭማሪ በማሳየት 5 ነጥብ 4 ቢሊዮን ብር ወጪ አድርጓል፡፡ ለአዳዲስ ቅርንጫፎች ማስፋፊያ እንዲሁም ለቋሚ ንብረት እና ለቴክኖሎጂዎች ግዥ የተመደቡ ወጪዎች፣ የደመወዝ እና ጥቅማጥቅም እንዲሁም የወለድ ክፍያ መጨመር ለወጪው ከፍ ማለት ትልቁን ድርሻ ይይዛሉ፡፡