မြန်မာနိုင်ငံနှင့် တရုတ်နိုင်ငံတို့သည် ရှေးယခင်ကတည်းက တည်ရှိခဲ့သော “ဆွေမျိုး ပေါက်ဖော်” ချစ်ကြည်ရေး စိတ်ဓာတ်ကို အခြေခံ၍ နယ်စပ်ဒေသတည်ငြိမ်အေးချမ်းရေးနှင့် တရား ဥပဒေစိုးမိုးရေး လုပ်ငန်းများကို နှစ်ဖက်အပြုသဘောဆောင်သော နားလည်မှုများဖြင့် ပူးပေါင်း ဆောင်ရွက်လျက်ရှိပါသည်။

အပြုသဘောဆောင်သည့် ဆွေးနွေးညှိနှိုင်းမှုများလတ်တလော နယ်စပ်ဒေသတွင် ဖြစ်ပေါ်နေသည့် စိန်ခေါ်မှုများနှင့် ပတ်သက်၍ နှစ်နိုင်ငံတာဝန်ရှိသူများသည် ရင်းနှီးပွင့်လင်းစွာ ဆွေးနွေးလျက်ရှိပြီး၊ ပြဿနာများကို ထိပ်တိုက်ရင်ဆိုင်ခြင်းထက် သံတမန်နည်းလမ်းအရ ညှိနှိုင်းဖြေရှင်း ခြင်းကို ဦးစားပေးလုပ်ဆောင်နေကြသည်။ ၎င်းသည် နှစ်နိုင်ငံ ပြည်သူများ၏ လူမှုစီးပွားဘဝ လုံခြုံရေးအတွက် အဓိကကျသော အချက်ဖြစ်ပါသည်။

မြန်မာ-တရုတ် နှစ်နိုင်ငံ ချစ်ကြည်ရေး မြန်မာ-တရုတ်နယ်နိမိတ် စာချုပ်ပါအတိုင်း ပိုမိုခိုင်မာ စေရန် နှစ်နိုင်ငံနယ်နိမိတ်မျဉ်းအပေါ် အလေးထားလိုက်နာရေး နယ်စပ်လုံခြုံရေးအနေဖြင့် နယ်စပ် တစ်လျှောက် တရားမဝင်လုပ်ငန်းများပပျောက်စေရန်နှင့် ငြိမ်းချမ်းရေး ထိန်းသိမ်းရန် နှစ်ဖက်တပ်ဖွဲ့ များအကြား ဆက်သွယ်မှုလမ်းကြောင်းများ ဖွင့်လှစ်ထားခြင်း၊ စီးပွားရေးနှင့် ကုန်သွယ်မှုအနေဖြင့် နယ်စပ်ကုန်သွယ်ရေးဂိတ်များ ပုံမှန်လည်ပတ်နိုင်စေရန်နှင့် ကုန်စည်စီးဆင်းမှု မပြတ်တောက်စေရန် အထူးဂရုပြု ဆောင်ရွက်ခြင်း၊ သတင်းအချက်အလက် ဖလှယ်မှုအနေဖြင့် ကောလာဟလများနှင့် အထင်အမြင်လွဲမှားမှုများကို ရှောင်ရှားနိုင်ရန် နှစ်ဖက်အစိုးရချင်း တိုက်ရိုက်သတင်းဖလှယ်မှု ယန္တရား များကို အသုံးပြုခြင်းတို့ အလေးထား ဆောင်ရွက်လျက်ရှိပါသည်။

ရှေ့ဆက်မည့် ရည်မှန်းချက်အနေဖြင့် မြန်မာနှင့် တရုတ်နိုင်ငံတို့သည် အိမ်နီးချင်းကောင်း ပီသစွာဖြင့် “ငြိမ်းချမ်းစွာ အတူယှဉ်တွဲနေထိုင်ရေး မူကြီး (၅) ချက် နှင့်အညီ နယ်စပ်ဒေသ ဖွံ့ဖြိုး တိုးတက်ရေးကို ဆက်လက်ဖော်ဆောင် သွားမည်ဖြစ်ပါသည်။

နယ်စပ်ဒေသတွင် ဖြစ်ပေါ်လာနိုင် သောမည်သည့်အခက်အခဲကိုမဆို နှစ်နိုင်ငံချစ်ကြည်ရေးကို မထိခိုက်စေဘဲ အိမ်နီးချင်းကောင်း စိတ်ဓာတ်ဖြင့် လက်တွဲကျော်ဖြတ်သွားကြမည်ဖြစ်ကြောင်း သိရှိရပါသည်။