ဒဂုံမြို့သစ် ရွှေဆိုင် ဓားပြတိုက်သူ ၃ ဦးကို ဖမ်းဆီးရမိ(7-4-2026)

ရန်ကုန်တိုင်း၊ ဒဂုံမြို့သစ်(အရှေ့ပိုင်း)ရှိ "ရွှေစင်ဝင်း" ရွှေဆိုင်နှင့် တောင်ဥက္ကလာပရှိ "ရောင်နီဦး" ရွှေဆိုင်တို့ကို သေ-နတ်ပစ်-ဖောက် လုယက်ခဲ့သူ ၃ ဦးကို သက်သေခံပစ္စည်းများ၊ ပစ္စတိုသေ-နတ်များနှင့်အတူ ဖမ်းဆီးရမိခဲ့ကြောင်း သိရသည်။

ပြီးခဲ့သည့် မတ်လ ၂၈ ရက်က ဒဂုံအရှေ့ပိုင်းတွင် သိန်း ၈၅၀၀ ကျော်တန်ဖိုးရှိ ရွှေထည်ပစ္စည်းများကို လုယက်ခဲ့သည့်ဖြစ်စဉ်မှ တရားခံ ဇော်လင်းထွန်းကို ဧပြီ ၁ ရက်တွင် မြန်အောင်မြို့၌ စတင်ဖမ်းမိဖမ်းမိခဲ့ပြီး ၎င်း၏ထွက်ဆိုချက်အရ သေ-နတ်ပစ်ဖောက်သူ မှန်ကြီး(ခ)သက်နောင်ကို လက်ပံတန်းမြို့တွင် ပစ္စတိုသေ-နတ်တစ်လက်၊ ကျည်ဆန်များနှင့်အတူ ထပ်မံဖမ်းဆီးရမိခဲဲ့သည်။

စစ်ဆေးပေါ်ပေါက်ချက်အရ ၎င်းဖြစ်စဉ်တွင် ပါဝင်သည့် စည်သူကိုပါ မြောက်ဥက္ကလာပ၌ ထပ်မံဖမ်းဆီးနိုင်ခဲ့ပြီး ထွက်ပြေးလွတ်မြောက်နေသူ တစ်ဦးကို ဆက်လက်ရှာဖွေလျက်ရှိကြောင်းသိရသည်။

Truth Waves

အမေရိကန်ရဲ့ အချက် (၁၅) ချက်ပါ အဆိုပြုချက်ဟာ လက်ခံနိုင်စရာမရှိဘူး လို့အီရန်ဖက်ကတုန့်ပြန်(7-4-2026)

ထရမ့်ရဲ့ (၄၈) နာရီထပ်တိုးရာဇသံဟာလဲ ဒီနေ့ ည(၈) နာရီမှာအချိန်စေ့ပါမယ်၊ အီရန်ဖက်က မလိုက်လျော သဘောမတူရင် ငရဲခန်းပို့ခံရသလိုဖြစ်မယ်လို့ကြိမ်းထားတယ်၊

မနက်တမျိုး ညနေတမျိုး အခြေအနေတွေရုတ်ခြည်းပြောင်းနေတဲ့အချိန်မျိုးမှာ တသက်စာကို တခါထဲချမ်းသာသွားအောင် အကျိုးပေးကောင်းသူတွေကိုသိပါသလား❓

စတော့သမားတွေပဲဖြစ်ပါတယ်
ယူကရိမ်းစစ်ထက် အများကြီး အလှုပ်အခတ်ကြီးတယ်၊ အကြိမ်များစွာဖြစ်တယ်၊ လောဘသာမကြီးနဲ့ ဒိထက်ကောင်းတဲ့အခွင့်အရေး တသက်မရတော့ဘူး၊ ဘာကြောင့်လဲသိလား ❓

အီရန်လိုအခွင့်အရေးမျိုးနောက်ထပ်မရနိုင်တော့သလို ထရမ့်လိုလူမျိုးလဲနောက်ထပ်မပေါ်နိုင်တော့ဘူး၊

နောက်လာဖို့ရှိတာက ထိုင်ဝမ်ပဲ
ထိုင်ဝမ်ကိစ္စဖြစ်ရင်တောင်မှ အီရန်လိုအခွင့်အရေးမျိုးမရနိုင်တော့ဘူး၊

BaMg ☯️

ယနေ့ တတိယအကြိမ် ပြည်ထောင်စုလွှတ်တော် ပထမပုံမှန်အစည်းအဝေး စ တုတ္ထနေ့သို့ ရွေးကောက်ခံ နိုင်ငံတော်သမ္မတ၊ ဗိုလ်ချုပ်မှူးကြီးမင်းအောင်လှိုင်တက်ရောက်မည်(7-4-2026)

တတိယအကြိမ် ပြည်ထောင်စုလွှတ်တော် ပထမပုံမှန်အစည်းအဝေးစတုတ္ထနေ့ကို ယနေ့ ဧပြီ ၇ ရက်နံနက် ၁၀ နာရီ၌ကျင်းပမည်ဖြစ်ရာ နိုင်ငံတော်သမ္မတ၊ ဗိုလ်ချုပ်မှူးကြီးမင်းအောင်လှိုင်တက်ရောက်မည်ဖြစ်ကြောင်း အစည်းအဝေးအစီအစဉ်(လျာထားချက်)အရ သိရသည်။

အစည်းအဝေးတွင် နိုင်ငံတော်သမ္မတကတင်ပြထားသော ပြည်ထောင်စုတရားသူကြီးချုပ်အပါအဝင် ပြည် ထောင်စုတရားလွှတ်တော်ချုပ်၊ တရားသူကြီးများ ၊ ပြည်ထောင်စုရွေးကောက်ပွဲကော်မရှင်ဥက္ကဋ္ဌ၊ အဖွဲ့ဝင်များကိုလည်း ကန့်ကွက်ချက်မရှိသဖြင့် လွှတ်တော်က သ ဘောတူကြောင်းကြေညာခြင်း၊ နိုင်ငံတော်သမ္မတက တင်ပြထားသော ပြည်ထောင်စုအစိုးရဝန်ကြီးဌာနအ ရေအတွက်၊ အမည်နှင့် ပြည်ထောင်စုဝန်ကြီးဦးရေ သတ်မှတ်ချက်တို့ကို လွှတ်တော်ကိုယ်စားလှယ်အချို့ကဆွေးနွေးခြင်း၊ နိုင်ငံတော်သမ္မတက ပြန်လည်ရှင်း လင်းတင်ပြခြင်း၊ ပြည်ထောင်စုအစိုးရဝန်ကြီးဌာန အ ရေအတွက်နှင့် အမည်သတ်မှတ်ချက်အား လွှတ်တော် ၏အဆုံးအဖြတ်ရယူခြင်းတို့ကိုလည်း ပြုလုပ်သွားမည်ဖြစ်ကြောင်း သိရသည်။

Truth Waves

နိုင်ငံတော်တည်ငြိမ်ရေးနှင့် နယ်မြေအေးချမ်းသာယာရေးအတွက် စစ်ဆင်ရေး တာဝန်များကို ထမ်းဆောင်ခဲ့သည့် ရှေ့တန်းပြန် နိုင်ငံ့သားကောင်း တပ်မတော်သား များအား သောင်းသောင်းဖြဖြ ဂုဏ်ပြုကြိုဆို
နေပြည်တော်၊ ၂၀၂၆ ဧပြီ ၆
နိုင်ငံတော်တည်ငြိမ်ရေးနှင့် နယ်မြေအေးချမ်းသာယာရေးအတွက် ရခိုင်ပြည် နယ်၊ ကျောက်ဖြူမြို့နယ် ဒေသတဝိုက် နယ်မြေလုံခြုံရေးတာဝန်များကို ထမ်းဆောင်၍ ပြန်လည်ရောက်ရှိလာသော ရှေ့တန်းပြန် နိုင်ငံ့သားကောင်း တပ်မတော်သားများအား ဂုဏ်ပြုကြိုဆိုခြင်းကို ယနေ့ညနေပိုင်းတွင် ရန်ကုန်တိုင်းဒေသကြီး၊ လှည်းကူးမြို့နယ်၊ ရဲမွန်တပ်မြို့ရှိ နယ်မြေခံတပ်ရင်း၌ ပြုလုပ်ရာ ရန်ကုန်တိုင်းစစ်ဌာနချုပ် တိုင်းမှူး ဗိုလ်မှူးချုပ် တင်မင်းလတ်နှင့် တာဝန်ရှိသူများ၊ မြန်မာနိုင်ငံရဲတပ်ဖွဲ့ဝင်များ၊ မြန်မာ နိုင်ငံစစ်မှုထမ်းဟောင်းအဖွဲ့ဝင်များ၊ ဌာနဆိုင်ရာတာဝန်ရှိသူများနှင့် ဒေသခံပြည်သူ များ ပါဝင်တက်ရောက် ဂုဏ်ပြုကြိုဆိုကြသည်။
တိုင်းဒေသကြီးနှင့်ပြည်နယ်အသီးသီးရှိ တိုင်းရင်းသားပြည်သူများ စိတ်အေး ချမ်းသာစွာ နေထိုင်လုပ်ကိုင်စားသောက်နိုင်ရေးနှင့် အသက်အိုးအိမ်စည်းစိမ်ဥစ္စာ လုံခြုံမှုရှိစေရေး၊ နိုင်ငံတော်တည်ငြိမ်ရေး၊ နယ်မြေအေးချမ်းရေးအတွက် ရှေ့တန်း စစ်မျက်နှာများတွင် စစ်ဆင်ရေးတာဝန်များကို နေ့မအားညမနားစွမ်းစွမ်းတမံ တာဝန် ထမ်းဆောင်ခဲ့သော ရှေ့တန်းပြန် တပ်မတော်သားများအား တိုင်းမှူးနှင့် တက်ရောက် လာကြသူများက အောင်သပြေခက်များဖြင့်လည်းကောင်း၊ အိုးစည်ဒိုးပတ် အတီး၊ အမှုတ်၊ အက၊ အခုန်များဖြင့်လည်းကောင်း ဝမ်းမြောက်စွာ သောင်းသောင်းဖြဖြ ကြိုဆိုဂုဏ်ပြုခဲ့ကြပြီး တိုင်းမှူးက အောင်ပွဲရရှေ့တန်းပြန်တပ်မတော်သားများအား ဂုဏ်ပြုချီးမြှင့်ငွေများ ပေးအပ်ခဲ့ကြောင်း သတင်းရရှိသည်။

ရခိုင်၊ ကျောက်ဖြူမှ အောင်ပွဲရရှေ့တန်းပြန် ရဲမွန်သားတို့အား တာဝန်ရှိသူများနှင့် ပြည်သူများက သောင်းသောင်းဖြဖြကြိုဆို (7-4-2026)

Truth Waves
TikTok- https://vt.tiktok.com/ZSHPRWGnh/

Telegram- https://t.me/truthwaves4arm/20676