CNG Taxi များ ငှားရမ်းခတိုးတောင်းပါက တိုင်ကြားပါ၊ CNG အသုံးပြုခွင့် ပယ်ဖျက်မည်(16-3-2026)

စက်သုံးဆီဈေးနှုန်းများ မြင့်တက်လာမှုကို အခွင့်ကောင်းယူပြီး ငှားရမ်းခ တိုးမြှင့်တောင်းခံသည့် CNG Taxi များကို CNG အသုံးပြုခွင့်စာရင်းမှ ပယ်ဖျက်ကာ အခြားမော်တော်ယာဉ်များကို အစားထိုးခွင့်ပြုသွားမည်ဖြစ်ကြောင်း စွမ်းအင်ဝန်ကြီးဌာနက အသိပေးထားကြေငြာထားကြောင်း သိရသည်။

မတ်လ ၁၅ ရက်နေ့တွင်ကျင်းပသည့် အစည်းအဝေးအတွင်း စွမ်းအင်ဝန်ကြီး ဦးကိုကိုလွင်က ပြောကြားခဲ့တာဖြစ်ပြီး နိုင်ငံတော်မှ ပေးအပ်ထားသည့် အခွင့်အရေးများကို ပြည်သူများအကျိုးအတွက် အသုံးချနိုင်ရန် ယာဉ်ပိုင်ရှင်များနှင့် ယာဉ်မောင်းများက ပူးပေါင်းဆောင်ရွက်ကြရန်လိုအပ်ကြောင်းနှင့် လက်ရှိတွင် YBS နှင့် Taxi ယာဉ်များအတွက် CNG တစ်ကီလိုဂရမ်ကို ကျပ် ၂၇၃ ဒသမ ၂၅ နှုန်းဖြင့် ၂၀၀၇ ခုနှစ်မှစတင်၍ ရောင်းချပေးလျက်ရှိပြီး ယင်းဈေးနှုန်းမှာ နိုင်ငံတကာဈေးနှုန်းများနှင့် နှိုင်းယှဉ်ပါက ထက်ဝက်ခန့် သက်သာနေကြောင်း သိရသည်။

CNG Taxiများ မတရားငှားရမ်းခတိုးမြှင့်တောင်းခံခြင်းများရှိပါက ညွှန်ကြားရေးမှူး (CNG) ဖုန်းနံပါတ် ၀၉-၇၉၄၁၁၅၄၁၀ နှင့် ၀၉-၂၆၂၄၆၇၀၇၇ သို့ ဆက်သွယ်တိုင်ကြားနိုင်ကြောင်း သိရသည်။

Truth Waves

၂၀၂၆ ခုနှစ်၊ တက္ကသိုလ်ဝင်စာမေးပွဲနှင့် စက်မှု၊ စိုက်ပျိုး၊ မွေးမြူရေးတက္ကသိုလ်ဝင်စာမေးပွဲ ပဉ္စမနေ့ ဆက်လက်ဖြေဆို(17-3-2026)

၂၀၂၆ ခုနှစ်၊ တက္ကသိုလ်ဝင်စာမေးပွဲနှင့် ၂၀၂၆ ခုနှစ်၊ စက်မှု၊ စိုက်ပျိုး၊ မွေးမြူရေး တက္ကသိုလ်ဝင်စာမေးပွဲ ပဉ္စမနေ့အဖြစ် မတ်လ ၁၆ ရက်နေ့က တိုင်းဒေသကြီးနှင့် ပြည်နယ်အသီးသီးရှိ စာစစ်ဌာနများ၌ ဆက်လက်ကျင်းပခဲ့ရာ ရူပဗေဒဘာသာရပ်၊ သမိုင်းဘာသာရပ်၊ စက်မှုအတတ်ပည (မြေတိုင်းပညာ၊ လျှပ်စစ်ဆိုင်ရာစက်ပစ္စည်းများ၊ ဂဟေဆက်နည်းပညာ)၊ စိုက်ပျိုးရေးအတတ် တ်ပညာ (သီးနှံကာကွယ်ရေး)နှင့် မွေးမြူရေးအတတ်ပညာ (ရေသတ္တဝါမွေးမြူရေးနှင့် ပျားမွေးမြူရေး) ဘာသာရပ်များကို ကျောင်းသား၊ ကျောင်းသူများက ဖြေဆိုခဲ့ကြသည်ဟု သိရသည်။

အဆိုပါ ရူပဗေဒဘာသာရပ်နှင့် သမိုင်းဘာသာရပ် တို့ကို နေပြည်တော်ကောင်စီနယ်မြေ အပါအဝင် တိုင်းဒေသကြီးနှင့် ပြည်နယ်အလိုက် ခရိုင်၊ မြို့နယ်၊ စာစစ်ဌာနများနှင့် နိုင်ငံခြားစာစစ်ဌာနအပါအဝင် စာစစ်ဌာန စုစုပေါင်း ၈၈၇ ခု၌ ဝင်ရောက်ဖြေဆိုသူစုစုပေါင်း ၂၅၄၆၄၉ ဦး ဝင်ရောက်ဖြေဆိုခဲ့သဖြင့် (၉၄ ဒသမ ၇၅ ရာခိုင်နှုန်း) ရှိခဲ့သည်ဟုဆိုသည်။

Truth Waves