زَهرةُ الشَّمس△🌻.

احكيلكم قصتي مع البكالوريا؟

أنا طالب فاشل جداً دراسياً « ومازلت حتى الآن»
ولكنني وبشكل غريب، أتحول إلى عَبقري عندما اقرأ عن شيء أحبه..
وشو هو الشي يلي بحبه ؟ عندها لم أكن اعرف اسمه حتى ويلي هو ( علم النفس )

في الرياضيات؟؟ حتى الآن بتلبك بحالي..
في اللغة الانجليزية؟ كنت مابعرف الـ « he من ال she »
مفكرين اذا دكتور رح كنت حب العلوم؟ ولا كنت افهم منها شي..
طيب بالعربي بما اني كاتب؟ ( ولا بعرف إعراب كلمة كنت)
وخاصة إني قدمت البكالوريا حُرة وانا برا المدرسة..

قدمت البكالوريا متل أي شخص.. ونجحت شَحط..
وكان يلي بعرفه بدي كمل بشي واحد يلي هو ( بخص الكتب يلي بحبها.. )
بعد تدقيق وتفحيص.. عرفنا بأن هي الكتب هي علم نفس.. والفرع اسمه علم نفس.. كان قرار نهائي...
لوقت اقترح علي حدا انو هاد المجال كمان الواحد فيه يكون طبيب نفسي..
طبيب؟ دكتور؟ يَعني طب « حرفياً انا مُعدلي لا يتناسب مع زمور سيارة إسعاف»

وهون كان في فُرصة الذهبية لحياتي
( بأنني ادرس طب بجامعة خاصة بلغة انجليزية.. بشكل مدفوع كلياً )
العالم المحيطة فيني؟ انت ؟ وطب وانجليزي..
إلا شَخص واحد.. يلي هو أمي.. قالتلي بتقدر..

بدأت رحلة مختلفة تماماً.. فيها كان عندي فكرة واحدة.. اني بعرف رح كمل بالقراءة.. وبالمجال النفسي..

وبدأت رحلة طبية بالانجليزي ( ولازلت لليوم احتفظ باول كتاب انجليزي قرأته.. ترجمت فيه كل كلمة... ٢٦٤ صفحة كل كلمة!
حتى ماكنت بعرف معنى they , went , do )

اليوم..
انا د.فرانسوا داراني ، انهيت الطب البشري..
أتكلم ٤ لغات ( العربية والانجليزية بنفس المستوى، اللاتينية والالمانية أقل من ذلك )
٤- شهادات في العلاج المعرفي السلوكي ( معتمدة عالمياً من جامعتين في أمريكا كل منها فترة دراسية ٦ اشهر )
بدأت باختصاص الطب النفسي..
وسافرت إلى ألمانيا لإكمال هذا الاختصاص..
في رصيدي ٧ كُتب.. نُشر منها ثلاث..

سيقول لي أحدهم:
ولكن، أنت حصلت على الفرصة الذهبية..
لذلك سأخبرك، أنت لا تُدرك كم كَلفتني تلك الفرصة الذهبية في حياتي.. وجنون ذلك الاختيار..وصدقني إن اخبرتك بها ستفرضها بدون أن تفكر..

كنت فاشل بالرياضيات.. ولازلتُ فاشلاً بالرياضيات..

د.فرانسوا داراني

154 viewsشَهدْ, 15:59