موالم والميتك وان تلافيت
وخربنا ولانا وافي ولا انت وفيت
تلاكينا وجزينا ونتلافيت
واحد گل للاخر هاي هي

اياد عبدالله الأسدي

اسمعت شمات ال بحالي فطربيت
وكلت لازم اذكرنك فطر بيت
ومحمد عملتك بيه فطر بيت
الله ولارهم ترميم اليه

"فطرأ بيت

طيور الهاجرت لابد ترد يوم
اجه موسمها ردت وانت ماجيت

كاطع المياحي🍃

شلع ضرسي وطبكلي صخر وي جوز
زماني وغير اكله جوز ويجوز
يجوز بيوم موتي ارتاح ويجوز
وره ما موت نفس الوجع بيه

إذا إنت غشيم وعرفوا يغشوك
شنو ذنبي ثمن لاخطائك آني أدفع ..
ثنه رجله الحزن والراس طخ الگاع
وركعني وتگلي اتهون لا تركع ؟..
غير الروح تقنع من اگلهه تهون
العطش من السراب شيرتوي شيقنع ؟..
چنت ادري الزرعته يموت بارض البور
وگلت بلكن يعيش وگمت اطش وازرع
ولو گالوا يضيع يخاف من الليل
وآني اسمع واغلس چني ما اسمع
ميهمني النجم ما الوحه بالچفين
المهم بعيوني الوحه بليل من يطلع
لتبيض وجه فوگه الرطوبه عيوب
ترى بياضك يطيح وبالعجل يگفع
بيهه وجوه تضحك والحقد مدفون
الشبه نميزه شبه شما يلصف ويلمع

سمير صبيح

من اشوفك
حسبت حضنك يصير گماط
وتدگ روحك صليب بضلعي بالشبگة
واشد من غيبتك
ماصخ طلع ملگاك
اجيت وجدمي ليل !
ودمعتي تسبگة
انة مالح !
واغزر من ادوس الگاع
شني ماغزرت وياك بالملگة؟

علي رشم

اخخخ يا نسمة شبابي الغربت ياهو اليردها

_عريان🍃

ما تِنسمع رحّاي .. بس إيديِ ٱدير
أطحَن بُگاية الرُّوح موش أطحَن شِعير!

عَاتبتك گبل ظني العَتاب يفيد
و أني ادري النهَر ما ينعَدل مجراه

سعد شميل