"بحيث ابمحبس اتوزّر"
أشار الشاعر هنا إلى شدّة نحوله وهَزْله
بفعل قوارع وغوائل الدهر، يذكّرني قوله بقول المتنبّي حينَ قال:
كَفى بِجِسمِي نحولًا أنّني رَجُلٌ
لولا مخاطَبَتِي إياكَ لم تَرَني

"لو طگني الهوا أتفطّر"
ويذكّرني قوله هذا بقول بشّار

في حُلّتي جسمُ فَتىً ناحِلٍ
لو هَبَّتْ الرِّيحُ بِهِ طَاحَا

وقوله أيضًا
إِنَّ في بُردَيَّ جِسماً ناحِلًا
لَو تَوَكَّأتِ عَلَيهِ لَاِنهَدَم

موبس الحديدة يلوحها الزنجار
العين الماتشوف اعزازها تصدي

مو بس للحرب اطلع جنت وياك
اني وياك طالع حتّى من ديني

كلتلك روحي وردة وبالنشاف تموت
غير بماي وصلك كون ترويني

على اوصَافك ، توالَمْ "عيد" ودخول .. وعلى حبّك يطول الشوگ عمره

يطعمك فُص قند، والروح قندول .. يطعم الحابسي ونِبْهار بَصرة

يمن گد ما حلو من الگاع مشيول .. تمرجح بالهوى على ارداف مُهْرة

تعطّ وريحتك لو عطّت تحول .. عذب، وتمطّگ المَيْتين، وامْره!

يطور مِحمداوي يناغي ماصول .. نزر ، ومدگدگ، وملگوط بابره

يهودج والتمرجح بيه مَنسول .. مثل غرنوگ حط بگاع خَضْرة

والحلگ رابي بهروش التّين
زاوداه اِحلاته والگيمر سِوه

والليل هادل عالزّند، لا، ريش
اِمْعَگَد لو جاسه عيّلهم هِوى

تِعَدِّلها وتِرَچِّدها وتِرد تِنْگِز
عَطْشانة وخطيّة العِطَش بيها اِيحِز
چن شِجرة وسَبِعْتَزلام بيها اِتْهِز

هَا بس تِنْحِني الحَطَّابة تِسْحَلها

- مِحسن الخيّاط

موالم والميتك وان تلافيت
وخربنا ولانا وافي ولا انت وفيت
تلاكينا وجزينا ونتلافيت
واحد گل للاخر هاي هي

اياد عبدالله الأسدي

اسمعت شمات ال بحالي فطربيت
وكلت لازم اذكرنك فطر بيت
ومحمد عملتك بيه فطر بيت
الله ولارهم ترميم اليه

"فطرأ بيت

طيور الهاجرت لابد ترد يوم
اجه موسمها ردت وانت ماجيت

كاطع المياحي🍃

شلع ضرسي وطبكلي صخر وي جوز
زماني وغير اكله جوز ويجوز
يجوز بيوم موتي ارتاح ويجوز
وره ما موت نفس الوجع بيه

إذا إنت غشيم وعرفوا يغشوك
شنو ذنبي ثمن لاخطائك آني أدفع ..
ثنه رجله الحزن والراس طخ الگاع
وركعني وتگلي اتهون لا تركع ؟..
غير الروح تقنع من اگلهه تهون
العطش من السراب شيرتوي شيقنع ؟..
چنت ادري الزرعته يموت بارض البور
وگلت بلكن يعيش وگمت اطش وازرع
ولو گالوا يضيع يخاف من الليل
وآني اسمع واغلس چني ما اسمع
ميهمني النجم ما الوحه بالچفين
المهم بعيوني الوحه بليل من يطلع
لتبيض وجه فوگه الرطوبه عيوب
ترى بياضك يطيح وبالعجل يگفع
بيهه وجوه تضحك والحقد مدفون
الشبه نميزه شبه شما يلصف ويلمع

سمير صبيح