الراحل

محمد المياحي

لتغرك سكتّي كون خلگي يطول
البحر يكتل بصوته ويرهب بصمته

سعد البهادلي

وسحب سيفه الزمن هل من مبارز صاح؟
اعزل، ما خفت، والزمن نازلته..
ما لحته ابد لكن ترسني جروح..
بس عندي المهم ما عفته قاتلته

سمير صبيح

ياتاركي تجهل عنائي بل جفا
ان شاعت الاخبار عني تسمع
وتركت لي قلبا بحين وداعك
نارا به النمرود فيها يطمع

شتضن بيها حيل بغيابك تركلي
مرضرض والمصاييب هم تركلي
وداعك من حرك روحي تركلي
حريجة طمع النمرود بيه

كرم السراي

غير الروح تقنع من أگلها تهون

سمير صبيح

الليلة صوتك مو مثل صوتك هذاك
بي برائة وعاطفة ونبرة طفل
الليلة روحك جاية ادور امان
وخايف على اسرار كلبك تنسأل
هاي بيبان الكلب مفتوحة ليك
ومن سمعنا اسمك تكسر كل قفل
ليش متردد زرع حبك يريد
من زمان ابكاعنا يحب ينشتل

ذكرى وفاة الكبير جبار رشيد

أشيم الروح .تصبر تجفل من الصوت
يوجعهه الوكت.حدما بدت تتلف
أذكره بمصابك تخفض الجنحان
هيبه الوكفتك ما بين صف وصف
يالشايل عذاب أجيال تتله أجيال
أليثگل علينه . أعليك هان وخف


عريان السيد خلف

راح اطم جرحي بملح واسحگ عليه
خاف يعدل من يشم انفاسكم

عبدالله الشاوي

كون النبي يوسف بهل وكت ينجاب
زليخة يعوفها وانت ليرجعك شاب

تزور المگبرة وتعلگلي عود بخور
وتقرأ الفاتحة ولروحي تهديها
ماأبريك ذمة لاوحك حسين
تظل مشكولة ذمتك ماني باريها

عبدالله الشاوي

وألوچگ طعم حنظل تگطع الزردوم
واتمطگ جذب بعناد نمامي
واحسك بالمفاصل مثل حمى الخيل
صيخ من الألم واسلال بعظامي

عطا السعيدي

ونفانيفك حمام من أمد إيدي يطير
ولك شيصير؟
لو مزنة ضوة وتكحّل جفوني
وأبوسك حيل بعيوني
ويجيني من الگصايب هيل
ليل يسيّر إعله الليل
ومن بوسة تصير الصرّة نجم سهيل
وألِم بيدي ضواها
وروحي ترجف حيل
دفّيها ترة من الگيض بردانة
وآنه المستحي والرّوح غرگانة
وألف سبّاحة طولك
لكن شبيدي
من أمد إيدي تگلي إغرگ يالمعيدي

ليحبك من صدگ لو سهم يتلگاك
شيلمه الگاع تصغر لمن تودعه

علي رشم

تدري أهل الگنص الاسهام
صنعوها يصاحب بيش
صنعوها بحبل معگود
ومفتولة بحبل من ريش
الصگر من طاح فوگ الگاع
هم تدري بهضمته عليش ؟!
لان سهم جناحه من جناحه

وَما سُمتُها هوناً فَتَأبى قَبولَهُ
وَلَكِنَّما طالَ الصَفاءُ فَمَلَّتِ

ما بخسيت حگها لچن... مَلَّت
وميل الهودج الضلعان... مالت
مو مالت بچي، لا هسة.. مالت
ثغيب ومعط زيج اعله الثنيّة

-حسين علي

مُو ذلّة نَفِس حِزني وسفاهة راي
وَلا كِلمن يِموت اعليه اتهضّم

ولا دِنيه اطلبتها وما اجت ويّاي
وصرت بكِل وكت عالدنيه اتهجّم

حزني بهَالدهر چيه عالدهر مِغتاض
بِيه الفاجر اعله الهاشمي اتقدّمْ

وحسرة گلبي عالتخذموا بالسيف
ما خَلّاني دهرِي وياهم اتخذّم

-عَلي الحِرزي

العرّاب