📣 តម្លៃហាងឆេងមាសអន្តរជាតិនាព្រឹកនេះ (9:00AM)

🔴 តម្លៃមាសសកលត្រូវបានជួញដូរក្នុងចន្លោះតម្លៃ 4500$ ក្នុងមួយអោន នៅក្នុងថ្ងៃព្រហស្បតិនេះ ដោយកំពុងជួបការលំបាកក្នុងការបន្តរក្សាកំណើនពីការជួញដូរពីរវគ្គចុងក្រោយ ខណៈដែលសេចក្តីថ្លែងការណ៍ផ្ទុយគ្នាជុំវិញលទ្ធភាពនៃកិច្ចចរចាសន្តិភាពរវាងសហរដ្ឋអាមេរិក និងអ៊ីរ៉ង់ នៅតែបន្តធ្វើឱ្យទីផ្សារហិរញ្ញវត្ថុមានភាពរង្គោះរង្គើ។

❗️ ទីក្រុងវ៉ាស៊ីនតោនបានអះអាងថា ការចរចាកំពុងតែប្រព្រឹត្តទៅ ដោយមានសេចក្តីរាយការណ៍ថា រដ្ឋបាលលោក ត្រាំ បានផ្ញើសំណើចំនួន ១៥ ចំណុចទៅកាន់អ៊ីរ៉ង់តាមរយៈប៉ាគីស្ថាន ក្នុងគោលបំណងដោះស្រាយជម្លោះ និងបើកច្រកសមុទ្រ Hormuz ឡើងវិញ។ ទោះជាយ៉ាងណាក៏ដោយ អ៊ីរ៉ង់បានបញ្ជាក់ថា ខ្លួនគ្មានបំណងធ្វើការចរចាជាមួយសហរដ្ឋអាមេរិកនោះទេ ហើយនឹងបដិសេធរាល់សំណើបទឈប់បាញ់របស់អាមេរិក ដោយផ្ទុយទៅវិញ ខ្លួនបានដាក់ចេញនូវលក្ខខណ្ឌផ្ទាល់ខ្លួន រួមទាំងការទាមទារអធិបតេយ្យភាពលើការគ្រប់គ្រងផ្លូវទឹក Hormuz នេះ។

❗️ ទន្ទឹមនឹងនេះ សហរដ្ឋអាមេរិកក៏បានបញ្ជាឱ្យដាក់ពង្រាយកងទ័ពរាប់ពាន់នាក់ទៅកាន់មជ្ឈិមបូព៌ា ដែលបង្កើនកង្វល់កាន់តែខ្លាំងអំពីលទ្ធភាពនៃការវាយលុកតាមផ្លូវគោក។ មាសបានប្រឈមនឹងសម្ពាធនៃការលក់យ៉ាងខ្លាំងក្នុងខែនេះ ដោយសារការហក់ឡើងនៃតម្លៃថាមពលដែលបណ្តាលមកពីការរំខាននៃសង្គ្រាមអ៊ីរ៉ង់ បានជំរុញឱ្យមានការភ័យខ្លាចចំពោះអតិផរណា និងនាំឱ្យធនាគារកណ្តាលធំៗផ្លាស់ប្តូរទៅរកការអនុវត្តគោលនយោបាយរូបិយវត្ថុតឹងរ៉ឹង (Hawkish)។

🔴 Updated ម៉ោង 2:00 ថ្ងៃត្រង់នេះតម្លៃមាសសកលបច្ចុប្បន្នកំពុងស្ថិតនៅតម្លៃ 4,457$ ក្នុងមួយអោនស្មេីរនឹង 5,369$ មួយតម្លឹង!

🔴 Updated ម៉ោង 8:00 យប់នេះតម្លៃមាសសកលបច្ចុប្បន្នកំពុងស្ថិតនៅតម្លៃ 4,441$ ក្នុងមួយអោនស្មេីរនឹង 5,350$ មួយតម្លឹង!

📣 តម្លៃហាងឆេងមាសអន្តរជាតិនាព្រឹកនេះ (9:40AM)

🔴 តម្លៃមាសសកលបានហក់ឡើងលើស 4400$ នៅថ្ងៃសុក្រនេះ បន្ទាប់ពីបានធ្លាក់ចុះយ៉ាងគំហុកកាលពីថ្ងៃមុន។ ការងើបឡើងវិញនៃតម្លៃនេះបានកើតឡើង បន្ទាប់ពីប្រធានាធិបតី ដូណាល់ត្រាំ បានពន្យារពេលចំណាត់ការលើទីតាំងថាមពលរបស់អ៊ីរ៉ង់រហូតដល់ថ្ងៃទី ៦ ខែមេសា ដែលបានជួយធ្វើឱ្យទីផ្សារមានភាពធូរស្រាលឡើងវិញ។

❗️ ទោះជាយ៉ាងណាក៏ដោយ សង្គ្រាមមិនទាន់បញ្ចប់នៅឡើយទេ ហើយអ៊ីរ៉ង់បានបដិសេធផែនការសន្តិភាពរបស់សហរដ្ឋអាមេរិក។

❗️ កាលពីថ្ងៃព្រហស្បតិ៍ តម្លៃមាសបានធ្លាក់ចុះជិត ៣% ដោយសារអ្នកជួញដូរមានការព្រួយបារម្ភថា ជម្លោះនេះអាចធ្វើឱ្យតម្លៃប្រេងបន្តស្ថិតក្នុងកម្រិតខ្ពស់ ជំរុញឱ្យអតិផរណាកើនឡើង និងធ្វើឱ្យធនាគារកណ្តាលមានលទ្ធភាពតិចតួចក្នុងការទម្លាក់អត្រាការប្រាក់។

🔴 Updated ម៉ោង 2:00 ថ្ងៃត្រង់នេះតម្លៃមាសសកលបច្ចុប្បន្នកំពុងស្ថិតនៅតម្លៃ 4,459$ ក្នុងមួយអោនស្មេីរនឹង 5,372$ មួយតម្លឹង!

📣 តម្លៃហាងឆេងមាសអន្តរជាតិនាព្រឹកនេះ (9:00AM)

🔴 តម្លៃមាសសកលបានធ្លាក់ចុះជិត 1% មកនៅត្រឹម $4,450/អោន នាព្រឹកថ្ងៃចន្ទនេះ ខណៈសង្គ្រាមនៅមជ្ឈិមបូព៌ាកាន់តែរីករាលដាលខ្លាំង បន្ទាប់ពីក្រុមឧទ្ទាម Houthi បានចូលរួមវាយប្រហារលើអ៊ីស្រាអែល និងគំរាមកំហែងដល់ផ្លូវដឹកជញ្ជូនប្រេង។ ទន្ទឹមនឹងនេះ យោធាអាមេរិកក៏កំពុងត្រៀមប្រតិបត្តិការជើងគោកក្នុងប្រទេសអ៊ីរ៉ង់ផងដែរ។

📌 មាសបានបន្តធ្លាក់ចុះជាង 15% បើធៀបនឹងខែមីនា ដោយសារក្តីបារម្ភរឿងអតិផរណា និងការរំពឹងទុកលើការដំឡើងអត្រាការប្រាក់។ បន្ថែមលើនេះ បណ្តាប្រទេសធំៗបានកាត់បន្ថយការទិញមាស ដើម្បីបញ្ចេញសាច់ប្រាក់មកទប់ទល់នឹងផលប៉ះពាល់សេដ្ឋកិច្ចពីសង្គ្រាម ដែលជាកត្តារុញឱ្យតម្លៃមាសបន្តធ្លាក់ចុះ។

🔴 Updated ម៉ោង 8:00 យប់នេះតម្លៃមាសសកលបច្ចុប្បន្នកំពុងស្ថិតនៅតម្លៃ 4,547$ ក្នុងមួយអោនស្មេីរនឹង 5,510$ មួយតម្លឹង!

🔴 Updated ម៉ោង 2:00 ថ្ងៃត្រង់នេះតម្លៃមាសសកលបច្ចុប្បន្នកំពុងស្ថិតនៅតម្លៃ 4,559$ ក្នុងមួយអោនស្មេីរនឹង 5,492$ មួយតម្លឹង!