🔴 Updated ម៉ោង 2:00 ថ្ងៃត្រង់នេះតម្លៃមាសសកលបច្ចុប្បន្នកំពុងស្ថិតនៅតម្លៃ 5,193$ ក្នុងមួយអោនស្មេីរនឹង 6,256$ មួយតម្លឹង!

🔴 Updated ម៉ោង 8:00 យប់នេះតម្លៃមាសសកលបច្ចុប្បន្នកំពុងស្ថិតនៅតម្លៃ 5,184$ ក្នុងមួយអោនស្មេីរនឹង 6,245$ មួយតម្លឹង។

🔴 តម្លៃមាសសកលបានឡើងទៅដល់កម្រិត $5,190 ក្នុងមួយអោន ក្នុងថ្ងៃសុក្រនេះ បន្ទាប់ពីមានការកើនឡើងរយៈពេលពីរថ្ងៃជាប់គ្នា ដែលជាការកើនឡើងប្រចាំសប្តាហ៍ទី ៤ ជាប់ៗគ្នា។

❗️ ទីផ្សារកំពុងតាមដានយ៉ាងយកចិត្តទុកដាក់ចំពោះផែនការដំឡើងពន្ធគយសកល ១០% របស់លោក ដូណាល់ត្រាំ (ខណៈប្រទេសមួយចំនួនអាចនឹងកើនឡើងដល់ ១៥%) និងការបន្តកិច្ចពិភាក្សារវាងសហរដ្ឋអាមេរិក និងអ៊ីរ៉ង់នៅសប្តាហ៍ក្រោយ។

‼️ ទន្ទឹមនឹងនេះ ក្រុមវិនិយោគិនកំពុងតាមដានសកម្មភាពរបស់ធនាគារកណ្តាលអាមេរិក (Fed) ផងដែរ ប៉ុន្តែលទ្ធភាពនៃការកាត់បន្ថយអត្រាការប្រាក់នៅក្នុងខែមិថុនាបានធ្លាក់ចុះមកនៅត្រឹមប្រហែល ៥០% ហើយការរំពឹងទុកសម្រាប់ការកាត់បន្ថយអត្រាការប្រាក់ចំនួន ៣ ដងក្នុងឆ្នាំនេះ ក៏ស្ទើរតែរលាយបាត់ទៅហើយ។

🔴 Updated ម៉ោង 2:00 ថ្ងៃត្រង់នេះតម្លៃមាសសកលបច្ចុប្បន្នកំពុងស្ថិតនៅតម្លៃ 5,185$ ក្នុងមួយអោនស្មេីរនឹង 6,246$ មួយតម្លឹង!

📣 តម្លៃហាងឆេងមាសអន្តរជាតិនាព្រឹកនេះ (9:00AM)

🔴 តម្លៃមាសបានសកលឡើងថ្លៃជាង 1% រហូតដល់លើស $5,370 ក្នុងមួយអោន ស្មេីរនឹង $6,469 មួយតម្លឹងនាព្រឹកថ្ងៃចន្ទនេះ។ ដោយវាជាកម្រិតខ្ពស់បំផុតក្នុងរយៈពេលជាងមួយខែមកនេះ។

📌 មនុស្សម្នាបានសម្រុកទិញមាសកាន់តែច្រើន ដោយសារពួកគេចង់បានកន្លែងដែលមានសុវត្ថិភាពសម្រាប់ការពារទ្រព្យសម្បត្តិរបស់ពួកគេ។ ព្រឹត្តិការណ៍នេះបានកើតឡើងបន្ទាប់ពីសហរដ្ឋអាមេរិក និងអ៊ីស្រាអែលបានវាយប្រហារលើប្រទេសអ៊ីរ៉ង់កាលពីចុងសប្តាហ៍កន្លងទៅ។

⚠️ របាយការណ៍បានឱ្យដឹងថា មេដឹកនាំកំពូលរបស់អ៊ីរ៉ង់គឺលោក Ayatollah Ali Khamenei បានទទួលមរណភាព ដែលធ្វើឱ្យភាពតានតឹងនៅក្នុងតំបន់មជ្ឈិមបូព៌ាកាន់តែពុះកញ្ជ្រោលខ្លាំង។ ចរាចរណ៍នាវានៅក្នុងតំបន់ឈូងសមុទ្រក៏បានក្លាយជាហានិភ័យផងដែរ។

❗️ បន្ទាប់មក អ៊ីរ៉ង់បានវាយបកវិញតាមរយៈការវាយប្រហារលើគោលដៅនានារបស់សហរដ្ឋអាមេរិកនៅក្នុងប្រទេសជិតខាង រួមមាន៖ អារ៉ាប់រួម (UAE), បារ៉ែន, គួវ៉ែត, កាតា, អារ៉ាប៊ីសាអូឌីត, ហ្ស៊កដានី, អ៊ីរ៉ាក់ និងស៊ីរី។

📈 តម្លៃមាសក៏បានកើនឡើងក្នុងរយៈពេល 7 ខែជាប់ៗគ្នា គិតត្រឹមខែកុម្ភៈ ដែលជាការកើនឡើងក្នុងរយៈពេលវែងបំផុតមិនធ្លាប់មានចាប់តាំងពីឆ្នាំ 1973 មក។

📌 មូលហេតុរួមមាន កំណើននៃជម្លោះក្នុងសកល ការសម្រុកទិញមាសយ៉ាងខ្លាំងពីសំណាក់ធនាគារកណ្តាលនានា និងការដែលអ្នកវិនិយោគដកខ្លួនចេញពីឭបណ្ណបំណុលរដ្ឋាភិបាល និងរូបិយបណ្ណមួយចំនួន។

🔴 Updated ម៉ោង 2:00 ថ្ងៃត្រង់នេះតម្លៃមាសសកលបច្ចុប្បន្នកំពុងស្ថិតនៅតម្លៃ 5,387$ ក្នុងមួយអោនស្មេីរនឹង 6,490$ មួយតម្លឹង!

🔴 Updated ម៉ោង 8:00 យប់នេះតម្លៃមាសសកលបច្ចុប្បន្នកំពុងស្ថិតនៅតម្លៃ 5,395$ ក្នុងមួយអោនស្មេីរនឹង 6,500$ មួយតម្លឹង។

📣 តម្លៃហាងឆេងមាសអន្តរជាតិនាព្រឹកនេះ (9:00AM)

🔴 តម្លៃមាសបានហក់ឡើងដល់ប្រហែល 5,350$ ក្នុងមួយអោននាព្រឹកថ្ងៃអង្គារនេះ ដែលជាការឡើងថ្លៃរយៈពេល ៥ ថ្ងៃជាប់ៗគ្នា។ មនុស្សម្នាបាននាំគ្នាទិញមាសកាន់តែច្រើន ដោយសារតែភាពតានតឹងនៅមជ្ឈិមបូព៌ាកាន់តែអាក្រក់ទៅៗ ហើយមាសត្រូវបានគេចាត់ទុកថាជា «ជម្រកសុវត្ថិភាព» ក្នុងអំឡុងពេលដែលមានហានិភ័យ។

⚠️ កាលពីថ្ងៃចន្ទ ប្រធានាធិបតី ដូណាល់ត្រាំ បានថ្លែងថា សហរដ្ឋអាមេរិកនឹងបន្តវាយប្រហារលើប្រទេសអ៊ីរ៉ង់ រហូតទាល់តែអ៊ីរ៉ង់លែងជាការគំរាមកំហែងទៀត។ លោកបានបន្តថា ជម្លោះនេះអាចអូសបន្លាយពេលមួយខែ ឬយូរជាងនេះ។ ចំណែកឯអ៊ីរ៉ង់វិញ បាននិយាយថា ខ្លួនបានបិទច្រកសមុទ្រ Hormuz និងបានព្រមានថា ខ្លួនអាចនឹងវាយប្រហារលើនាវាទាំងឡាយណាដែលព្យាយាមឆ្លងកាត់ច្រកនេះ។

❗️ ដោយសារតែបញ្ហានេះ តម្លៃប្រេងបានហក់ឡើងខ្ពស់។ ការឡើងថ្លៃប្រេងអាចរុញច្រានតម្លៃទំនិញផ្សេងៗឱ្យកាន់តែខ្ពស់ ដែលធ្វើឱ្យមនុស្សមានការព្រួយបារម្ភអំពីអតិផរណានៅក្នុងសហរដ្ឋអាមេរិក។ មូលបត្របំណុលរដ្ឋាភិបាលអាមេរិក (Treasuries) ត្រូវបានគេលក់ចេញ ហើយវិនិយោគិនរំពឹងថា ធនាគារកណ្តាលអាមេរិក (Fed) នឹងកាត់បន្ថយអត្រាការប្រាក់តិចជាងមុន។ ទីផ្សារភាគច្រើនយល់ថា ការកាត់បន្ថយអត្រាការប្រាក់លើកក្រោយរបស់ Fed អាចនឹងកើតឡើងនៅក្បែរខែកញ្ញា។