#jarayon

Targ‘ibotchilar "karvon"i hududlarga yo‘l oldi

Prezidentimiz Shavkat Mirziyoyev raisligida joriy yil 8-aprel kuni Toshkent viloyatida islohotlar samaradorligi va istiqbolli loyihalar taqdimotiga bag‘ishlab o‘tkazilgan yig‘ilishda belgilangan vazifalar mazmun-mohiyatini aholiga yetkazish maqsadida Toshkent viloyati hokimligida maxsus seminar ko‘rinishida kengaytirilgan muloqot tashkil etildi.

Unda viloyatning barcha tuman va shaharlaridan jami 314 nafar “Ma’naviyat targ‘ibotchilari” ishtirok etib, ularga 2025-yilda amalga oshirilgan islohotlar natijalari, shuningdek, kelgusidagi ustuvor vazifalar yuzasidan atroflicha yo‘nalish va tushunchalar berildi.

Muloqotdan so‘ng turli soha vakillaridan, xususan ilm-fan,  ta’lim,  adabiyot,  madaniyat namoyondalari,  shuningdek,  deputatlar,  mahalla faollari,  nuroniylar, kayvonilar,  shijoatli yoshlardan  iborat targ‘ibotchilar" karvon"i hududlarga yo‘l oldi.

Endi ular joylarda — mahallalar, ta’lim muassasalari, korxona va tashkilotlarda aholi bilan bevosita muloqotlar o‘tkazib, amalga oshirilayotgan islohotlar,  xususan,  davlatimiz rahbarining beqiyos e’tibori tufayli viloyatimizda hayotga tadbiq etilayotgan ko‘lamli loyihalarning mazmun-mohiyatini keng jamoatchilikka yetkazadilar.

Rejaga muvofiq, ushbu targ‘ibot tadbirlari 17-aprelga qadar davom etib, viloyatdagi 883 ta mahalla, 875 ta maktab, 57 ta texnikum, 14 ta oliy ta’lim muassasasi hamda 200 ga yaqin yirik korxona va tashkilotlarni qamrab olishi maqsad qilingan.

Mazkur jarayon orqali aholining bugungi o‘zgarishlardan xabardorligini oshirish, islohotlarning mazmun-mohiyatini teran anglashlari hamda jamiyatda faol fuqarolik pozisiyasini mustahkamlash ko‘zda tutilgan.

✅Telegram 🌐Website 📹YouTube✅Facebook 🕊Twitter 🌐Instagram

🔴🟦🟦

“Salomatlik sayli” – sog‘lom turmush va milliy qadriyatlar tantanasi

🔴Ayni vaqtda Toshkent shahridagi Olimpiya shaharchasida “Navroʻzni ulugʻlash – insonni ulugʻlashdir” shiori ostida “Salomatlik sayli” milliy sport turlari va xalq o‘yinlari bo‘yicha Respublika festivali doirasida tadbir bo‘lib o‘tmoqda.

Mazkur sayl mamlakatimizda sog‘lom turmush tarzini keng targ‘ib etish, milliy sport turlarini rivojlantirish hamda xalq o‘yinlarini asrab-avaylashga qaratilgani bilan ahamiyatlidir.

Tadbirda Respublikaning turli hududlaridan kelgan ishtirokchilar o‘z mahoratlarini namoyish etib, sport va do‘stlik bayramini yanada ko‘tarinki ruhda o‘tkazmoqda.


Xususan, Toshkent viloyatidan borgan ishtirokchilar ham faol qatnashib, milliy sport turlari va xalq o‘yinlarida munosib ishtirok etmoqda.

✅Telegram 🌐Website 📹YouTube✅Facebook 🕊Twitter 🌐Instagram