💝 “Taqdirimizni faqat muallim hal qiladi” — Prezident

Prezident Shavkat Mirziyoyev o‘qituvchi va murabbiylar bilan uchrashuvda o‘zbek shaxmatchilarining kechagi g‘alabalarida ustozlarning ham katta hissasi borligini ta’kidladi.

“Shaxmatda bizning qahramonlarimiz nimaga natija qildi, degan savolga ham javob bitta. Muallimlarning qilgan mehnati kechagi g‘alabalarimizga olib keldi desak, bu ham adolatdan bo‘ladi.

Sizlar hal qiluvchi kuchsizlar. Sizlar O‘zbekistonimizning buyuk kelajagi poydevorini qo‘yyapsizlar desam, bu ham adolatdan bo‘ladi. O‘n marta qaytarishdan charchamayman: taqdirimizni faqat muallim hal qiladi”, — dedi Prezident.

Davlat rahbari uchrashuv ishtirokchilari va hududlardan muloqotga qo‘shilgan barcha ustozlarni bayram bilan tabriklab, ularning baxti va kelajagi uchun bor kuch va imkoniyatlar safarbar qilinishini ma’lum qildi.

https://t.me/Rasmiy_axborot_official

🎗Abdulla Avloniy nomidagi davlat mukofoti ta’sis etiladi

📢 Davlatimiz rahbarining “Yangi O‘zbekiston” universitetida o‘qituvchi va murabbiylar bilan uchrashuvida ta’lim tizimining barcha bo‘g‘inlarida faoliyat yuritayotgan ilg‘or pedagoglarni munosib rag‘batlantirish uchun alohida davlat mukofoti ta’sis etilishi ma’lum qilindi.

"Ushbu mukofotni o‘zbek milliy pedagogikasining tamal toshini qo‘ygan jadid bobomiz Abdulla Avloniy nomi bilan atasak", - dedi Prezident.

https://t.me/Rasmiy_axborot_official

#Tabrik

💐 Aziz ustoz va murabbiylar!

Sizlarni 1-oktabr — Ustoz va murabbiylar kuni bilan chin qalbimdan samimiy muborakbod etaman.

Ustoz — inson hayotida o‘chmas iz qoldiradigan, uning dunyoqarashi, bilim va tafakkurining shakllanishiga beqiyos hissa qo‘shadigan ulug‘ zotdir. Farzandlarimizga nafaqat bilim, balki Vatanga muhabbat, mehnatsevarlik, mas’uliyat va ezgu maqsadlar sari intilish tuyg‘ularini singdirayotgan fidoyi ustozlarning xizmatlari har qanday e’tirofga munosib.

✨ Davlatimiz rahbari Shavkat Mirziyoyev ta’kidlaganidek, ustozni e’zozlagan, uning qadr-qimmatini yuksak tutgan jamiyat albatta taraqqiy etadi. Bugun mamlakatimizda ta’lim va tarbiya tizimini rivojlantirish, yosh avlod uchun zamonaviy va munosib sharoitlar yaratish davlat siyosatining ustuvor yo‘nalishlaridan biri bo‘lib qolmoqda.

📎 Qurilish va uy-joy kommunal xo‘jaligi sohasi ham bu ezgu maqsadlarning amaliy ifodasini ta’minlashda muhim o‘rin tutadi. Zamonaviy, xavfsiz va qulay maktablar, maktabgacha ta’lim tashkilotlari, oliy ta’lim muassasalari hamda talabalar turar joylarini barpo etish — kelajak avlodga yaratilayotgan imkoniyatlarning muhim qismidir.

Vazirlik tizimida faoliyat yuritayotgan barcha mutaxassislar uchun ham ustoz va murabbiylarning bilim va tajribasi alohida qadrlanadi. Chunki har bir sohada, jumladan, qurilish va infratuzilma yo‘nalishida ham o‘z kasbining yetuk mutaxassislarini tarbiyalash, yosh kadrlarga tajriba va bilim berish mamlakatimiz taraqqiyotining muhim omilidir.

Fursatdan foydalanib, hayotini yosh avlod ta’lim-tarbiyasiga bag‘ishlagan barcha ustoz va murabbiylarga, faxriy pedagoglarga, professor-o‘qituvchilarga hamda o‘zining bilim va tajribasini yosh avlod bilan baham ko‘rayotgan barcha fidoyi insonlarga chuqur minnatdorlik bildiraman.

💥 Sizlarga mustahkam sog‘lik, oilaviy xotirjamlik va farovonlik, sharafli faoliyatingizda ulkan muvaffaqiyatlar, shogirdlaringizning yutuq va kamolini ko‘rib yurish baxtini tilayman.

💐 Bayramingiz muborak bo‘lsin!

Hurmat bilan
🏘 Sh.Hidoyatov Qurilish va uy-joy kommunal xo‘jaligi vaziri

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#Diqqat

🏙 O‘zbekiston shaharsozligining kelajagi muhokama qilinadi

“O‘zshaharsozlik LITI” davlat muassasasi tomonidan 18-noyabr kuni “O‘zbekistonda shaharsozlik va urbanizatsiyaning zamonaviy muammolari” mavzusida Respublika ilmiy-texnik konferensiyasi o‘tkaziladi.

Konferensiyada barqaror rivojlanish, yashil infratuzilma, urbanizatsiya, Smart City texnologiyalari, raqamli shaharsozlik hamda tarixiy-madaniy merosni asrash masalalari muhokama qilinadi.

📌 Ilmiy maqola va tezislar qabul qilinadi. Tanlab olingan materiallar konferensiya materiallari to‘plamiga kiritiladi.
📅 Topshirish muddati: 2026-yil 1-noyabr

📞+998 (20) 003-47-37 | +998 (71) 241-04-95
📧 info@shaharsozlik.uz
📍Toshkent shahri, Shayxontohur tumani, Alisher Navoiy ko‘chasi, 18-uy.

Olimlar, tadqiqotchilar, mutaxassislar, loyiha tashkilotlari hamda oliy ta’lim muassasalari vakillarini ishtirok etishga taklif qilamiz.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|