🍽 Январь ойида кафе ва ресторанлар қанча савдо қилди?

🏢 Миллий статистика қўмитаси маълумотларига кўра, 2026 йилнинг 1 февраль ҳолатига Ўзбекистонда умумий овқатланиш соҳасида 26 763 та тижорат корхоналари фаолият юритмоқда.

💸 2026 йилнинг январь ойида умумий овқатланиш корхоналарининг савдо айланмаси 15,2 трлн сўмга етди.

📊 Бу кўрсаткич 2025 йилнинг мос даврига нисбатан 18,9 фоизга ошган.

🤩 Ўзбекистон йил бошида асосан қайси давлатлар билан савдо қилди?

🏢 Миллий статистика қўмитаси маълумотларига кўра, 2026 йилнинг январь ойида Ўзбекистоннинг ташқи савдо айланмаси 5,8 млрд АҚШ долларини ташкил этди.

🌎 Мазкур даврда Ўзбекистон ташқи савдо айланмасидаги ТОП-10 давлатлар (АҚШ долларида):

🇨🇳 Хитой – 1,6 млрд

🇷🇺 Россия – 1,1 млрд

🇰🇿 Қозоғистон – 414,1 млн

🇹🇷 Туркия – 207,4 млн

🤩 Афғонистон – 139,6 млн

🇰🇷 Корея Республикаси – 126,8 млн

🇫🇷 Франция – 123,6 млн

🇩🇪 Германия – 106,9 млн

🇹🇲 Туркманистон – 96,6 млн

🇸🇩 БАА – 94,3 млн

🏗 Норасмий сектор томонидан бажарилган қурилиш ишлари ҳажми 4 трлн сўмга етди

🏢 Миллий статистика қўмитаси маълумотларига кўра, 2026 йилнинг январь ойида Ўзбекистонда норасмий сектор томонидан 4 трлн сўмлик қурилиш ишлари бажарилиб, 2025 йилнинг мос даврига нисбатан 7,1 % га ошган.

📊 Норасмий сектор томонидан бажарилган қурилиш ишларининг жами қурилиш ишлари ҳажмидаги улуши 30,9 % ни ташкил қилди.

📊 Ушбу кўрсаткичнинг йиллар кесимидаги динамикаси қуйидагича (январь):

2022 йил – 1,2 трлн сўм

2023 йил – 1,1 трлн сўм

2024 йил – 1,4 трлн сўм

2025 йил – 3,5 трлн сўм

2026 йил – 4 трлн сўм

📈 Февраль ойида инфляция 0,6 % ни ташкил этди

🏢 Миллий статистика қўмитаси маълумотларига кўра, 2026 йилнинг февраль ойида истеъмол секторидаги товарлар ва хизматлар нархлари ўртача 0,6 % га ошган.

📉 Йиллик истеъмол нархлари индекси (ИНИ) 107,3 % ни ташкил этиб, ўтган йилнинг шу ойига (2025 йил февраль — 110,1 %) нисбатан 2,8 фоиз бандга пасайди.

📈 Февраль ойида озиқ-овқат маҳсулотлари нархлари ўртача 0,9 % га, ноозиқ-овқат товарлари 0,2 % га ҳамда аҳолига кўрсатиладиган пуллик хизматлар эса 0,6 % га қимматлашгани кузатилган.

Асосий озиқ-овқат маҳсулотларидан помидор (12,1 %), қовоқ (11,7 %), картошка (5,0 %), олма (4,1 %), узум (3,5 %), банан (3,0 %), қўй гўшти (2,6 %), шакар (2,1 %), сабзи (1,8 %), паранда гўшти (1,4 %), мол гўшти (суяксиз гўштдан ташқари) (1,6 %), товуқ тухуми (0,7 %), обинон (0,6 %) ва биринчи навли буғдой уни (0,5 %) нархларининг ошиши инфляцияга асосий таъсир кўрсатди.

Асосий озиқ-овқат маҳсулотларидан инфляцияни пасайтирувчи омил сифатида бодринг (-13,8 %), мандарин (-5,6 %) ҳамда барча навдаги гуруч ва гуруч оқшоғи (-0,9 %) нархларининг пасайиши муҳим ҳисса қўшди.

Ноозиқ-овқат маҳсулотлар нархларидан қимматбаҳо металлардан ясалган никоҳ узуклари (1,5 %) ҳамда томир кенгайтирувчи препаратлар (0,6 %) нархлари ўсиши шунингдек, АИ-92 маркали бензин (-0,5 %) нархи пасайиши кузатилди.

Шунингдек, xизматлар нархи ва тарифларида узоқ масофага қатнайдиган поездда йўл ҳақи (14,0 %), маиший чиқинди учун ҳақ тўлаш (4,7 %), ички ва халқаро йўловчи ҳаво транспорти (4,4 %), эркаклар ва ўғил болалар учун сартарошхоналар хизматлари (0,9 %), стоматологик профилактик хизматлар (1,0 %) ва таксида йўл ҳақи (0,9 %) нархлари ошиши асосий омил бўлиб хизмат қилди.

➡️Батафсил

Ҳисоб-китоблар учун 10 мингдан ортиқ савдо ва хизмат кўрсатиш нуқталаридан 1,2 млнга яқин нархлар қайд этилган. 419 турдаги озиқ-овқат ва ноозиқ-овқат маҳсулотлари ва 98 турдаги хизматлар нархлари кузатилди.

🏢 Минимал истеъмол харажатлари бўйича қўшимча маълумот

Миллий статистика қўмитаси томонидан 2026 йил учун камбағаллик чегараси, яъни минимал истеъмол харажатлари (МИХ)нинг янгиланган қиймати эълон қилинди.

Маълумки, минимал истеъмол харажатлари аҳолининг энг зарур эҳтиёжларини қоплаш учун талаб этиладиган минимал харажатлар миқдорини ифодалайди. У халқаро методология асосида ҳисобланади ва ҳар йили инфляциянинг озиқ-овқат маҳсулотлари, ноозиқ-овқат маҳсулотлари ҳамда хизматлар бўйича нарх индекслари асосида алоҳида индексация қилинди.

Жумладан, Ўзбекистон Республикаси Вазирлар Маҳкамасининг 2021 йил 27 августдаги “Минимал истеъмол харажатлари қийматини ҳисоблаш тартибини амалиётга жорий этиш тўғрисида”ги 544-сон қарорига мувофиқ, минимал истеъмол харажатлари қиймати ҳисоблаб чиқилади. Шу тартибга мувофиқ, 2026 йил учун ҳисобланган минимал истеъмол харажатлари қиймати бир ойда киши бошига 715 минг сўмни ташкил этди. Эълон қилинган маълумотларга кўра, МИХнинг янгиланган қиймати амалдаги 669 минг сўмдан 6,9 фоизга ошган.

Бир қарашда МИХ қиймати инфляция қанча бўлса, шунчага яқин ошиши керакдек туюлади. Аммо амалда бу икки кўрсаткич доим ҳам бир хил бўлавермайди.

👉 Қуйидаги сабабларга кўра, МИХни ҳисоблаш ва янгилаш тартиби инфляциянинг умумий рақамидан фарқ қилиши мумкин:

▶ Биринчидан, МИХ тўғридан-тўғри умумий инфляция даражасига эмас, балки унинг таркибий қисмлари – озиқ-овқат маҳсулотлари, ноозиқ-овқат маҳсулотлари ва хизматлар бўйича нарх индекслари орқали алоҳида-алоҳида индексация қилинади. Шу сабабли, МИХнинг ўзгариш суръати ҳар доим ҳам умумий инфляция даражаси билан мос келмайди.

▶ Иккинчидан, МИХ ўсишининг (2025 йилдагига нисбатан 6,9 фоиз) мазкур даврдаги инфляция даражасидан фарқ қилиши МИХ таркибида озиқ-овқат маҳсулотларининг юқори улушга эга эканлиги билан изоҳланади. Яъни, бошқа (ноозиқ-овқат маҳсулотлар ва хизматлар) омилларга нисбатан озиқ-овқат маҳсулотлари нархининг ўзгариши МИХ қийматига кўпроқ таъсир кўрсатади.

▶ Учинчидан, МИХ ўзгариши умумий инфляция даражасидан ҳар доим ҳам пастроқ бўлавермайди.

Масалан, 2023 йилда МИХ 14%га оширилган бўлса, йиллик инфляция 12,3% ни ташкил қилган. Шунингдек, 2024 йил бошида МИХ 9,3% га, истеъмол нархлари эса 8,8% га ошган.

Минимал истеъмол харажатлари таркиби республика иқтисодиётининг ривожланиши ҳамда аҳоли даромадлари ва харажатларидаги ўзгаришларини инобатга олинганлиги сабабли, уни ҳар 5 йилда ўрнатилган тартибда қайта кўриб чиқилади.

Шу муносабат билан, жорий йилда аҳолини рўйхатдан ўтказиш маълумотлари ҳамда 16 мингта уй хўжалигининг истеъмоли ва даромадлари бўйича сўров натижалари асосида 2027 йилда минимал истеъмол харажатларининг янгиланган мезонларини ишлаб чиқиш режалаштирилган.

🌺 Байрам статистикаси: Ўзбекистонда аёллар сони 18,9 млн нафардан ошди

🏢 Миллий статистика қўмитаси маълумотларига кўра, 2026 йилнинг 1 январь ҳолатига Ўзбекистонда аёллар сони 18 979,0 минг нафарни ташкил этган.

📊 Аёллар доимий аҳолининг 49,6 фоизини ташкил этган.

🇺🇿 Ҳудудлар кесимида аёллар сони қуйидагича:

Самарқанд вилояти – 2 172,4 минг нафар

Фарғона вилояти – 2 091,2 минг нафар

Қашқадарё вилояти – 1 831,6 минг нафар

Андижон вилояти – 1 737,4 минг нафар

Тошкент шаҳри – 1 616,9 минг нафар

Тошкент вилояти – 1 574,3 минг нафар

Наманган вилояти – 1 568,5 минг нафар

Сурхондарё вилояти – 1 486,6 минг нафар

Бухоро вилояти – 1 050,4 минг нафар

Хоразм вилояти – 1 032,3 минг нафар

Қорақалпоғистон Республикаси – 1 021,7 минг нафар

Жиззах вилояти – 776,0 минг нафар

Навоий вилояти – 548,7 минг нафар

Сирдарё вилояти – 471,0 минг нафар

______________________________________

🌷 8 март — Халқаро хотин-қизлар куни муносабати билан барча аёллар ва қизларни самимий муборакбод этамиз. Ушбу нафис байрам соҳибаларига мустаҳкам соғлиқ, оилавий бахт-саодат, эзгу орзу-мақсадларининг рўёбини ва барча ишларида улкан муваффақиятлар тилаймиз.

🛫 2026 йилнинг илк ойида 7 мингга яқин ўзбекистонликлар Таиландга борган

🏢 Миллий статистика қўмитаси маълумотларига кўра, 2026 йилнинг январь ойида 6 890 нафар Ўзбекистон фуқаролари туристик мақсадларда Таиландга сафар қилган.

📊 Бу кўрсаткич ўтган йилнинг мос даврига нисбатан қарийб 6 фоизга ошган.

📊 Уларнинг сафар мақсадлари бўйича тақсимоти қуйидагича:

саёҳат – 6 478 нафар;

қариндошларни йўқлаш – 406 нафар;

ўқиш – 4 нафар;

хизмат юзасидан – 2 нафар.

💸 Ўтган ойда қайси мева-сабзавотлар нархи ошди?

🏢 Миллий статистика қўмитаси маълумотларига кўра, 2026 йилнинг февраль ойида инфляция 0,6 % ни ташкил этди.

📈 Ой давомида айрим мева-сабзавотлар нархларида ўсиш кузатилди. Хусусан, помидор нархи 12,1 % га (2025 йил февраль ойига нисбатан −12,5 %), қовоқ 11,7 % га (2025 йил февраль ойига нисбатан −57,1 %), картошка 5,0 % га (2025 йил февраль ойига нисбатан +2,0 %), булғор қалампири 4,2 % га (2025 йил февраль ойига нисбатан −15,1 %), олма 4,1 % га (2025 йил февраль ойига нисбатан +12,4 %), лимон 3,6 % га (2025 йил февраль ойига нисбатан +90,0 %), банан 3,0 % га (2025 йил февраль ойига нисбатан +2,4 %), сабзи ва карам 1,8 % га (2025 йил февраль ойига нисбатан мос равишда +8,8 % ва +10,6 %) ошди.

📉 Шунингдек, айрим маҳсулотлар нархларида пасайиш ҳам кузатилди. Жумладан, бодринг нархи 13,8 % га (2025 йил февраль ойига нисбатан −13,0 %), мандарин 5,6 % га (2025 йил февраль ойига нисбатан +15,8 %), апельсин 5,4 % га (2025 йил февраль ойига нисбатан +6,8 %), лавлаги 1,7 % га (2025 йил февраль ойига нисбатан +8,3 %) арзонлашди. Пиёз нархи эса 0,9 % га (2025 йил февраль ойига нисбатан −3,0 %) пасайди.