🎁 Онлайн рўйхатдан ўтиб, танловда ғолиб бўлган талабалар тақдирланди

Жорий йилнинг 15–31 январь кунлари аҳоли ва қишлоқ хўжалигини рўйхатга олиш тадбирининг биринчи — онлайн босқичи ўтказилди. Ушбу босқичда талабаларнинг фаол иштироки кузатилди.

Шу муносабат билан онлайн рўйхатдан ўтиш жараёнида фаол иштирок этган талабалар ўртасида танлов эълон қилинган эди. Танлов шартларига кўра, саволномада ўзи ва оила аъзолари ҳақидаги маълумотларни тўғри ва тўлиқ киритган талабалар ноутбук ва планшетлар билан тақдирланиши белгиланган.

✅ Шунга мувофиқ, тасодифий танлаш (random) усули орқали онлайн рўйхатдан ўтиш жараёнида иштирок этган талабалар орасидан ғолиблар аниқланди.

💻Ноутбук соҳиби бўлган талабалар:

Алимардон Қаюмов (Тошкент давлат аграр университети);

Нозима Собирова (Ўзбекистон давлат жаҳон тиллари университети);

Маржона Мирзаҳамдамова (Гулистон давлат педагогика институти);

Хонсулув Хакимова (Жиззах давлат педагогика университети);

Гулёра Тоҳиржонова (Тошкент давлат транспорт университети).

🤩 Планшет соҳиби бўлганлар:

Васлиддин Маликов (Самарқанд давлат чет тиллари институти);

Гулистон Баҳриддинова (Гулистон давлат университети);

Омина Усмонжонова (Наманган давлат университети);

Бунёджон Йўлчиев (Наманган давлат техника университети);

Азиза Хуррамова (Низомий номидаги ЎзМПУ).

🎁 2026 йил 18 февраль куни Миллий статистика қўмитасида Тошкент шаҳридаги олий таълим муассасаларида таҳсил олаётган, танловда ғолиб бўлган 4 нафар талабалар қимматбаҳо совғалар билан тақдирланди.

✅ Шунингдек, бошқа ҳудудлардаги олий таълим муассасаларида таълим олаётган ғолиблар рўйхатидаги талабаларга совғалар ҳудудий статистика бошқармалари орқали етказилади.