✅ Bugun Aholi va qishloq xo‘jaligini ro‘yxatga olishning ikkinchi bosqichi boshlandi

☝️ Toshkent shahar uchtepa tumani Ko‘kcha oqtepa mahallasi yettiligi uyma-uy yurib, aholini ro‘yxatdan o‘tkazmoqda.

👉 Batafsil ushbu videolavhada.

Toshkent shahar statistika boshqarmasi Axborot xizmati

Oʻzbekiston Respublikasi Prezidenti Shavkat Mirziyoyev Pokiston Islom Respublikasi Bosh vaziri Shahboz Sharifning taklifiga binoan 5-6-fevral kunlari davlat tashrifi bilan ushbu mamlakatda boʻladi.
—
Президент Республики Узбекистан Шавкат Мирзиёев по приглашению Премьер-министра Исламской Республики Пакистан Шахбаза Шарифа 5–6 февраля посетит эту страну с государственным визитом.

#Mirziyoyev #tashrif #Pokiston #hamkorlik

Prezident.uz|Facebook|Instagram|YouTube|X

Ҳозирда мамлакатимизда аҳоли ва қишлоқ хўжалигини рўйхатга олиш тадбирининг иккинчи босқичи — анъанавий, яъни хонадонма-хонадон юриб маълумот тўплаш жараёнлари давом этмоқда.

Мазкур босқичнинг дастлабки кунида 11 мингдан ортиқ хонадон қамраб олиниб, аҳолига оид маълумотлар планшет қурилмалари орқали электрон ахборот тизимига киритилди.

Айни пайтда рўйхатга олиш учун жорий этилган махсус ахборот платформаси барқарор ишламоқда. Саволномалар регистраторлар — маҳалла вакиллари томонидан аҳоли хонадонларига бевосита борилган ҳолда тўлдирилиб, барча маълумотлар электрон шаклда ахборот базасига киритилмоқда.

Рўйхатга олувчилар, энг аввало, онлайн рўйхатдан ўтмаган фуқаролар, шунингдек, биринчи босқичда саволномани тўлиқ ёки тўғри тўлдирмаган аҳоли хонадонларига ташриф буюрмоқда.

Рўйхатга олувчилар томонидан амалга оширилаётган ҳаракатлар GPS орқали кузатиб борилмоқда. Агар регистратор белгиланган тартиб-қоидаларга риоя қилмасдан, хонадонга бормасдан саволномани тўлдирса ёки маълумотларни асоссиз киритса, бундай ҳолатлар ахборот тизими орқали автоматик аниқланади ва уларнинг планшетида огоҳлантириш юборилади.

Фуқаролардан келиб тушаётган саволларга ўз вақтида жавоб бериш мақсадида 1851 қисқа рақами орқали колл-марказ фаолият кўрсатмоқда. Мутахассислар томонидан саволномани тўлдириш тартиби ва рўйхатга олиш жараёни бўйича тушунтиришлар бериб борилмоқда.

Шу билан бирга, аҳолидан энг кўп келиб тушаётган саволларга тўхталиб ўтамиз.

Савол: Аҳоли ва қишлоқ хўжалигини рўйхатга олиш саволномасини тўлдирмасам нима бўлади?

Жавоб: Агар саволномани тўлдирмасангиз, сиз яшаётган ҳудуд ҳақида тўлиқ ва аниқ маълумот тўпланмайди. Натижада, келгусида мактаб, боғча, шифохона, йўл ёки қишлоқ хўжалигини қўллаб-қувватлаш каби ишлар режалаштирилаётганда ҳақиқий эҳтиёжлар инобатга олинмай қолиши мумкин.

Шунинг учун рўйхатга олишда иштирок этиш ҳар бир фуқаро учун муҳим. Чунки ҳар бир тўғри ва холис маълумот юртимиз тараққиётига, аҳоли турмуш шароитини яхшилашга хизмат қилади.

Савол: Маълумотларнинг махфийлигини таъминлаш учун қандай ахборот тизимлари ишламоқда? Маълумотларим хавфсиз бўладими?

Жавоб: Рўйхатга олиш жараёнида йиғилаётган барча маълумотлар замонавий ахборот хавфсизлиги талабларига жавоб берадиган махсус электрон тизимларда сақланади.

Маълумотлар шифрланади, учинчи шахсларга узатилмайди ва солиқ, текширув ёки бошқа маъмурий мақсадларда қўлланилмайди. Улар фақат умумлаштирилган статистик таҳлил учун ишлатилади.

Савол: Қишлоқ хўжалигини рўйхатга олиш нима беради? Бу кимга ва нима учун керак?

Жавоб: Қишлоқ хўжалигини рўйхатга олиш орқали ҳар бир ҳудудда қандай маҳсулотлар етиштирилаётгани, улар ҳудуд аҳолисининг эҳтиёжини қай даражада қондира олаётгани аниқланади. Масалан, қайси жойда сабзавот ёки чорва маҳсулотлари кам, қайси ҳудудда эса имконият кўп экани маълум бўлади.

Шу маълумотлар асосида давлат қайси ҳудудга қандай ёрдам кераклигини, қачон ва қаерда қўшимча сув, техника ёки қўллаб-қувватлаш зарурлигини белгилайди.
Яъни, қишлоқ хўжалигини рўйхатга олиш — аввало аҳолининг озиқ-овқат билан барқарор таъминланиши ва ҳар бир ҳудуд имкониятларидан тўғри фойдаланиш учун керак.

Шу муносабат билан барча фуқароларни рўйхатга олиш жараёнида фаол иштирок этишга, регистраторлар саволларига тўғри, тўлиқ ва холис жавоб беришга чақирамиз.

Aholi va qishloq xo‘jaligini ro‘yxatga olishning ikkinchi bosqichi

☝️ Toshkent shahar Chilonzor tumani Do'mbiraobod mahallasi yettiligi uyma-uy yurib, aholini ro‘yxatdan o‘tkazmoqda.

👉 Batafsil ushbu videolavhada.

Toshkent shahar statistika boshqarmasi Axborot xizmati

📜 1871 йилги Тошкент шаҳрида аҳолининг табақалари бўйича статистика маълумот

1871 йилда ўтказилган рўйхатга олиш маълумотларига кўра, Тошкент шаҳрида аҳолининг табақаланиши қуйидагича:

1. Олий насабли эодагонлар – 159 та эркак, 96 та аёл;

2. Шахсий зодагонлар (табақаси ва меросини ҳеч кимга бериш ҳуқуқи йўқлар) – 411 та эркак, 184 та аёл;

3. Оқ танли руҳонийлар – 3 та эркак, 1 та аёл;

4. Меросхўр фахрий фуқаролар – 43 та эркак, 11 та аёл;

5. Шахсий фахрийлар (табақаси ва меросини ҳеч кимга бериш ҳуқуқи йўқлар) – 58 та эркак, 14 та аёл;

6. Савдогарлар – 134 эркак, 158 та аёл;

7. Аралаш аҳоли – 480 та эркак, 153 та аёл;

8. Ҳарбий табақалар: қўшин – 7125 та эркак;

9. Истеъфодагилар, муддатсиз таътилдагилар ва аскарлар оилалари – 469 та эркак, 1609 та аёл;

10. Чет эллик тобеълар – 360 та эркак, 73 та аёл;

11. Ўзбеклар (асосий ўтроқ аҳоли) – 40752 та эркак, 34622 та аёл;

12. Қирғизлар – 220 та эркак, 105 та аёлдан иборат бўлган.

Ассалому алайкум ҳурматли юртдошлар!

Бугун мамлакатимизда аҳоли ва қишлоқ хўжалигини рўйхатга олиш тадбирининг анъанавий — хонадонма-хонадон юриб маълумот йиғиш босқичи изчил давом этмоқда. Дастлабки икки кунда 44,6 минг хонадонлар рўйхатга олинди.

Жараён белгиланган режа асосида ташкил этилган бўлиб, рўйхатга олувчилар маҳаллалар кесимида фуқароларнинг яшаш манзилларига борган ҳолда саволномаларни электрон шаклда тўлдирмоқда. Барча маълумотлар планшет қурилмалари орқали ягона ахборот тизимига киритилмоқда.

Айни вақтда қўлланилаётган махсус ахборот платформаси барқарор ишламоқда ва тўпланган маълумотлар хавфсиз сақланмоқда. Рўйхатга олувчиларнинг ҳаракатлари GPS технологияси орқали назорат қилинаётгани жараённинг шаффофлиги ва холислигини таъминлашга хизмат қилмоқда. Агар хонадонингизга келган рўйхатга олувчи сизга нотаниш ёки ишончсиз туюлса, ундан хизмат бейджигини кўрсатишини сўрашингиз мумкин. Бейджикдаги QR-код орқали унинг маълумотларини текшириш ёки 1851 қисқа рақамига қўнғироқ қилиб қўшимча маълумот олиш мумкин.

Рўйхатга олиш жараёнларида юзага келаётган айрим саволлар бўйича изоҳ ва тушунтиришлар бериб борилмоқда.

Савол: Нега аҳоли ва қишлоқ хўжалигини рўйхатга олиш тадбирининг иккинчи босқичига “маҳалла еттилиги” тўлиқ жалб этилмади? Айрим ходимларга логин ва парол берилмади? Уларнинг рағбатлантирилиши қандай бўлади?

Жавоб: Аҳоли ва қишлоқ хўжалигини рўйхатга олиш тадбирининг иккинчи босқичида “маҳалла еттилиги” тизимидаги барча аъзолар белгиланган тартибда жараёнга жалб этилган. Бироқ ҳар бир ҳудудда рўйхатга олиш ишлари онлайн рўйхатдан ўтмаган аҳоли сони, хонадонлар зичлиги ҳамда амалий эҳтиёждан келиб чиққан ҳолда ташкил этилган.

Шу боис, айрим ходимларга логин ва парол бириктирилмаган. Логин ва пароллар фақат бевосита саволномаларни тўлдирадиган рўйхатга олувчиларга шахсан берилади. Бу маълумотлар хавфсизлиги, жавобгарлик ва жараённинг шаффофлигини таъминлаш мақсадида амалга оширилган.

Шу билан бирга, рўйхатга олиш якунларига кўра, жараёнда фаол иштирок этган, сифатли ва аниқ иш ташкил этган “маҳалла еттилиги” аъзолари белгиланган тартибда рағбатлантирилади. Рағбатлантиришда бажарилган иш ҳажми, сифат кўрсаткичлари ва белгиланган қоидаларга риоя этилиши асосий мезон ҳисобланади.

Савол: Рўйхатга олувчилар пул ёки SMS-код сўрашлари мумкинми?

Жавоб: Йўқ. Рўйхатга олувчилар ҳеч қачон пул, SMS-код ёки банкка оид маълумотларни сўрамайди. Пластик карта рақами, банк ҳисоб рақами, пароллар ёки бошқа молиявий маълумотларни сўраш тақиқланади.

Аҳоли ва қишлоқ хўжалигини рўйхатга олиш жараёни мутлақо бепул бўлиб, фуқаролардан ҳеч қандай тўлов талаб қилинмайди.

Агар кимдир ўзини рўйхатга олувчи деб таништириб, пул ёки SMS-код сўраса, бу фирибгарлик бўлиши мумкин. Бундай ҳолатда дарҳол тегишли идораларга хабар беришни сўраймиз.

Эслатиб ўтамиз, саволномадаги 71 та савол халқаро экспертлар тавсиялари асосида ишлаб чиқилган, Вазирлар Маҳкамаси қарори билан тасдиқланган ва очиқ манбаларда эълон қилинган. Шу боис, саволларнинг мазмуни билан олдиндан танишиб чиқиш тавсия этилади.

Ҳурматли юртдошлар!

Аҳоли ва қишлоқ хўжалигини рўйхатга олиш тадбири доирасида хонадонингизга келган рўйхатга олувчи - маҳалла еттилиги вакилига саволномада сўралган барча маълумотларни тўғри ва тўлиқ тақдим этишингизни сўраймиз.

Сиз берган маълумотлар аҳолининг яшаш шароити, қишлоқ хўжалиги ҳолати ҳамда ҳудудлар эҳтиёжини аниқлашда муҳим аҳамиятга эга. Айнан шу маълумотлар асосида келгусида ижтимоий инфратузилмани ривожлантириш, қўллаб-қувватлаш чоралари ва давлат дастурлари режалаштирилади.

Эслатиб ўтамиз, рўйхатга олиш жараёнида тақдим этилган барча маълумотлар фақат статистик мақсадларда қўлланилади, солиқ ёки назорат идораларига берилмайди ҳамда қонунчиликка мувофиқ равишда махфий сақланади.

Эътиборингиз учун раҳмат!

👉Aholi va qishloq xo'jaligini ro'yxatga olishning ikkinchi bosqichi

🟢 Toshkent shahar Mirzo Ulug'bek tumani Oqibat MFY dagi jarayonlar.

☝️Batafsil: Videolavhada.

Toshkent shahar statistika boshqarmasi Axborot xizmati

Уважаемые соотечественники!

В настоящее время в нашей стране продолжается второй этап проведения переписи населения и сельского хозяйства — традиционный, предполагающий подомовой обход и сбор информации.

На сегодняшний день специально внедрённая для проведения переписи информационная платформа функционирует стабильно. Анкеты заполняются регистраторами — представителями махаллей — при непосредственном посещении домохозяйств, после чего все данные вносятся в электронную базу. Особое внимание уделяется гражданам, не прошедшим онлайн-регистрацию, а также домохозяйствам, в которых на первом этапе анкеты были заполнены неполностью или с ошибками.

Деятельность регистраторов контролируется посредством GPS-мониторинга. В случае несоблюдения установленного порядка — если анкета заполняется без посещения домохозяйства или вносятся необоснованные сведения — такие действия автоматически выявляются информационной системой, а на планшет регистратора направляется соответствующее предупреждение.

Для оперативного ответа на обращения граждан функционирует колл-центр по короткому номеру 1851, специалисты которого предоставляют разъяснения по порядку заполнения анкет и вопросам организации переписи.

Ниже приводим ответы на наиболее часто задаваемые вопросы:

Вопрос: Какие последствия возникают при отказе от заполнения анкеты переписи населения и сельского хозяйства?

Ответ: В случае непредоставления информации не будут собраны полные и достоверные данные о территории проживания. Это может привести к тому, что при планировании строительства школ, детских садов, медицинских учреждений, дорог или организации мер поддержки сельского хозяйства реальные потребности населения будут учтены не в полном объёме. Участие каждого гражданина в переписи имеет важное значение для достоверного отражения потребностей общества и планирования дальнейшего социально-экономического развития.

Вопрос: Как обеспечивается конфиденциальность данных? Безопасны ли сведения и кто имеет к ним доступ?

Ответ: Все данные, собираемые в ходе переписи, хранятся в современных электронных системах, соответствующих требованиям информационной безопасности. Информация шифруется, не передаётся третьим лицам и не используется в налоговых, контрольных или иных административных целях. Данные применяются исключительно в обобщённом виде для статистического анализа.

Вопрос: Какова цель переписи сельского хозяйства и кому она необходима?

Ответ: Перепись сельского хозяйства позволяет определить, какие виды продукции производятся в каждом регионе и насколько они удовлетворяют потребности населения. Например, выявляется дефицит овощей или продукции животноводства в отдельных районах, а также наличие резервов в других регионах. На основе этих данных государство определяет необходимость и объём предоставления дополнительной поддержки: воды, техники или других мер содействия. Перепись сельского хозяйства обеспечивает рациональное использование ресурсов региона и стабильное продовольственное обеспечение населения.

В связи с вышеизложенным призываем всех граждан активно участвовать в переписи, а регистраторам предоставлять точные, полные и объективные сведения.

Благодарим за внимание.

Савол: Нега иккинчи босқичда сертификат берилмаяпти?

Жавоб: Сертификат — Мустақил Ўзбекистон тарихида илк бор ўтказилаётган аҳоли ва қишлоқ хўжалигини рўйхатга олишдек тарихий жараёнда иштирок этганингиз учун эсдалик, шунингдек саволномани мустақил равишда онлайн тўлдирганингиз учун бериладиган рағбатлантириш эди.

Рўйхатга олишнинг иккинчи босқичида эса саволнома фуқаронинг ўзи томонидан эмас, балки рўйхатга олувчи томонидан планшет қурилмаси орқали тўлдирилади.

Жараён онлайн тарзда амалга оширилмайди. Шу сабабли ушбу босқичда тизим автоматик равишда сертификат шакллантирмайди.
Шунинг учун иккинчи босқичда иштирок этган фуқароларга сертификат берилмайди.

Энг муҳими — сиз тақдим этган маълумотлар мамлакатни ривожлантириш ва келгуси режаларни белгилашда хизмат қилади.

Савол: Нега онлайн босқичда маълумотлар ўзи чиқар эди, офлайн босқичда эса чиқмайди?

Жавоб: Онлайн босқичда фуқаролар саволномани ўзлари интернет орқали тўлдирган. Шу пайтда тизим OneID орқали давлат идоралари ахборот базалари билан интеграция қилинган ҳолда ишлагани учун фуқаронинг исми, фамилияси, туғилган санаси каби айрим маълумотлар автоматик тарзда чиқиб турар эди.

Офлайн, яъни иккинчи босқичда эса саволнома рўйхатга олувчи томонидан планшет қурилмаси орқали тўлдирилади. Бу жараён интернетсиз ёки чекланган интернет шароитида амалга оширилади ва давлат идоралари ахборот базаларига тўғридан-тўғри уланиш мавжуд эмас. Шунинг учун маълумотлар автоматик равишда чиқмайди.

Шу сабабли иккинчи босқичда барча маълумотлар фуқаронинг ўзи айтган жавоблари асосида қўлда киритилади. Бу маълумотлар хавфсизлиги ва уларни тўғри йиғишни таъминлаш учун жорий этилган тартибдир.

Аҳоли ва қишлоқ хўжалигини рўйхатга олиш тадбири — мамлакат тараққиётини аниқ рақамлар асосида режалаштиришнинг энг муҳим босқичидир. Ушбу жараённинг самараси, аввало, аҳоли томонидан тақдим этилаётган маълумотларнинг тўғрилиги ва тўлиқлигига боғлиқ.