#census_2026

Мен census.stat.uz орқали онлайн рўйхатдан ўтдим! Сиз-чи?

Янги Ўзбекистоннинг келажаги — сизнинг иштирокингизда!

Бирга рўйхатдан ўтамиз – бирга келажакни қурамиз!

Ёдгора Зиёмуҳаммедова
Ўзбекистонда хизмат кўрсатган актриса

☑️Oybek Metro bekatida targ'ibot tadbiri o'tkazildi

👉Metroning odamlar eng gavjum bo'ladigan bekatlaridan biri sanalgan Oybek bekatida Aholi va qishloq xo'jaligini ro'yxatga olish bo'yicha targ'ibot tadbiri tashkil etildi.

☝️Batafsil videolavhada.

Toshkent shahar statistika boshqarmasi Axborot xizmati

Онлайн рўйхатдан ўтиш босқичи бошланганига 17 кун бўлди

Шу вақт ичида 29 миллиондан ортиқ фуқаролар онлайн рўйхатдан ўтди.

Ҳозирга қадар census.stat.uz портали орқали жами хонадонларнинг 79 фоизида истиқомат қилувчи фуқаролар онлайн рўйхатдан ўтишни муваффақиятли якунлади.

Онлайн рўйхатдан ўтиш тугашига атиги бир кун қолди.

Фаол бўлинг, онлайн рўйхатдан ўтинг, ютуқли ўйин иштирокчисига айланиб, қимматбаҳо совғаларни қўлга киритинг!

Ассалому алайкум, ҳурматли юртдошлар!

Аҳоли ва қишлоқ хўжалигини рўйхатга олиш тадбирининг биринчи босқичи — онлайн рўйхатдан ўтиш жараёнлари бугун тунги соат 00:00 ҳолатига якунланади.

2026 йил 31 январь соат 11:00 ҳолатига кўра, census.stat.uz портали орқали мамлакатимизда жами хонадонларнинг 79 фоизида истиқомат қилувчи, яъни 29 миллион нафардан ортиқ фуқаро онлайн рўйхатдан ўтди.

Энг юқори кўрсаткичлар Хоразм вилоятида — 90,5 %, Наманган вилоятида — 86,8 %, Сирдарё вилоятида — 85 %, Андижон вилоятида — 84,2 % ва Сурхондарё вилоятида — 83,9 % қайд этилган.

Айни пайтда Жиззах вилоятида — 80,3 %, Тошкент вилоятида — 80,3 %, Самарқанд вилоятида — 76,7 %, Бухоро вилоятида — 74,9 %, Фарғона вилоятида — 74,2 % ва Тошкент шаҳрида — 62,8 % нисбатан паст кўрсаткичлар кузатилмоқда.

Онлайн рўйхатдан ўтиш босқичи бугун ўз ниҳоясига етади. Ушбу босқичда қатнашмаган фуқаролар учун Аҳоли ва қишлоқ хўжалигини рўйхатга олиш тадбирининг иккинчи босқичи — “Маҳалла еттилиги” вакиллари томонидан уйма-уй юриб, маълумотлар планшет қурилмалари орқали census.stat.uz платформасига киритилади.

Эслатиб ўтамиз, саволномани хато ёки тўлиқ бўлмаган ҳолда тўлдирган фуқаролар учун автоматик огоҳлантириш тизими жорий этилган. Сертификат ойнасида кўк рангли “Сертификат тасдиқланди” ёзуви чиқса, маълумотлар тўғри киритилган ҳисобланади. Қизил рангли “Маълумотлар тўлиқ эмас” огоҳлантириши пайдо бўлса, камчиликларни бугун, онлайн рўйхатдан ўтиш босқичи якунлангунига қадар, охирги маротаба бартараф этиш тавсия этилади. Акс ҳолда, 4–28 февраль кунлари маҳалла вакиллари томонидан қайта рўйхатдан ўтказиш амалга оширилади.

Бугун онлайн рўйхатдан ўтишнинг сўнгги куни. Барча фуқароларни саволномани тўлиқ ва аниқ тўлдириб, ушбу муҳим умуммиллий тадбирда фаол иштирок этишга чақирамиз. Саволномани тўғри ва тўлиқ тўлдирган фуқаролар совринли ўйин иштирокчиси бўлиб, турли совғалар соҳиби бўлишмоқда.

Онлайн рўйхатдан ўтишда фаол иштирок этинг!

Эътиборингиз учун раҳмат!

✅ Mirobod dehqon bozorida targ'ibot tadbirlari

☝️ Toshkent shahar statistika boshqarmasi tomonidan tashkil etilayotgan targ'ibot tadbirlaridan yana biri Mirobod dehqon bozorida bo'lib o'tdi.

👉 Batafsil videolavhada.

Toshkent shahar statistika boshqarmasi Axborot xizmati

🧑‍🎓 2025 йилда 40 мингга яқин хорижликлар Ўзбекистонга ўқиш мақсадида келган

🏢 Миллий статистика қўмитасининг дастлабки маълумотларига кўра, 2025 йилда жами 39,7 минг нафар чет эл фуқаролари ўқиш мақсадида Ўзбекистонга келган.

📊 Бу кўрсаткич ўтган йилнинг мос даври билан солиштирилганда 58,2 % га ошган.

🌍 2025 йилда Ўзбекистонга ўқиш мақсадида келган чет эл фуқаролари сони мамлакатлар бўйича қуйидагича:

Ҳиндистон — 17 241 нафар;

Туркманистон — 9 349 нафар;

Тожикистон — 2 904 нафар;

Покистон — 1 779 нафар;

Хитой — 1 428 нафар;

Жанубий Корея — 917 нафар;

Қирғиз Республикаси — 912 нафар;

Миср — 893 нафар;

Филиппин — 745 нафар;

АҚШ — 482 нафар;

Бошқа давлатлар — 3 011 нафар.

✅ Amir Temur xiyoboni metro bekatida madaniy-ma’rifiy tadbir tashkil etildi

☑️ Toshkent shahar statistika boshqarmasi va O’zbekiston Volontyorlari assotsiatsiyasi bilan hamkorlikda targ‘ibot tadbiri o‘tkazildi. Ro‘yxatga olish jarayoni hamda savol-javob viktoranasida faol qatnashgan ishtrokchilarga esdalik sovg‘alari ulashildi.

👉Batafsil videolavhada.

Toshkent shahar statistika boshqarmasi Axborot xizmati

Таҳлилнома / Ўзбекистон 24: Аҳоли ва қишлоқ хўжалигини рўйхатга олишдан сўнг фуқароларнинг чорва ва ерларига солиқ солинмайдими?

🚆Paxtakor metro bekatida navbatdagi targ'ibot tadbiri

👉Toshkent shahar statistika boshqarmasi va O'zbekiston volontyorlari assotsiatsiyasi bilan hamkorlikda tashkil etilgan navbatdagi tadbir Paxtakor metro bekatida bo'lib o'tdi.

Toshkent shahar statistika boshqarmasi Axborot xizmati

Ассалому алайкум ҳурматли юртдошлар!

Ўзбекистон Республикаси Президентининг 2025 йил 19 сентябрдаги 173-сон фармонига мувофиқ, аҳоли ва қишлоқ хўжалигини рўйхатга олиш жараёнлари икки босқичда ўтказилиши белгиланган эди.

Биринчи босқич 2026 йилнинг 15–31 январь кунлари census.stat.uz портали орқали онлайн шаклда амалга оширилди. Ушбу усулнинг қулайлиги ва тезкорлиги, шунингдек, аҳолининг умуммиллий тадбирга бўлган юқори қизиқиши натижасида бу босқичда кутилганидан ҳам юқори қамровга эришилди.

Дастлабки маълумотларга кўра, атиги 17 кун ичида мамлакатимиздаги жами хонадонларнинг 82,3 фоизида истиқомат қилувчи 30 миллиондан ортиқ аҳоли саволномани онлайн тўлдириб, рўйхатдан ўтди. Бу натижа Мустақил Давлатлар Ҳамдўстлиги давлатлари орасида ўзига хос рекорд сифатида қайд этилди. Таққослаш учун, Қозоғистонда 60 кунда аҳолининг 40 фоизи, Беларусь Республикасида 25 кунда 22 фоизи, Россияда эса 31 кунда 16 фоизи онлайн рўйхатдан ўтган.

Қисқа муддатда онлайн рўйхатдан ўтишда юқори қамровга эришилгани юртдошларимизнинг рақамли саводхонлиги ҳамда рақамли хизматлардан фойдаланиш маданияти тобора ортиб бораётганини ҳамда рақамли хизматларга нисбатан ишонч ва амалий кўникмаларни шакллантирганини яққол кўрсатади.

Рўйхатдан ўтиш жараёнларида Ўзбекистон Республикаси Президенти Администрацияси, Олий Мажлис палаталари, Вазирлар Маҳкамаси, прокуратура, адлия, Олий суд ва Миллий телерадиокомпания тизими ходимлари, шунингдек, Соғлиқни сақлаш, Маданият, Рақамли технологиялар, Иқтисодиёт ва молия вазирликлари ходимлари ҳамда уларнинг оила аъзолари биринчилардан бўлиб онлайн рўйхатдан ўтишди.
Умуман, барча давлат органлари ва ташкилотлари ходимлари ҳамда уларнинг оилалари фаол иштирок этдилар.

Рўйхатга олиш маълумотларини тўплаш жараёнлари тўлиқ рақамлаштириш мақсадида махсус ахборот тизими ишлаб чиқилган бўлиб, у ҳар бир жисмоний шахснинг идентификация рақами асосида иш олиб боради ҳамда такрорий киритилаётган маълумотларни автоматик аниқлаш имконини беради. Шунингдек, хато ва камчиликлар билан тўлдирилган саволномалар ҳам автоматик тарзда ажратиб олинади.

Шу боис, онлайн босқичда қатнашмаган ёки саволномани хатоликлар билан тўлдирган фуқаролар учун рўйхатга олиш тадбирининг иккинчи босқичида — 4–28 февраль кунлари — маҳалла еттилиги вакиллари уйма-уй юриб, маълумотларни планшетлар орқали census.stat.uz платформасига киритишади.

Тайёргарлик ишлари доирасида 2025 йил декабрь ойида республика бўйича 7,6 миллиондан ортиқ турар жой объектларининг GPS-координаталари аниқлаштирилди. Бу эса рўйхатга олиш жараёнларини реал вақт режимида кузатиш, рўйхатга олувчиларнинг аниқ манзилда иш олиб бораётганини текшириш ва маълумотлар сифатини назорат қилиш имконини беради.

Мазкур жараёнда иштирок этаётган “маҳалла еттилиги” тизимидаги 55 мингдан ортиқ ходим уч босқичли тренинглар орқали тайёрланди. Натижаларнинг ишончлилигини таъминлаш мақсадида эса 10–15 фоиз ҳажмда қайта текширув ишлари амалга оширилади. Бу амалиёт халқаро стандартларга тўлиқ мос келади.

Ахборот тизимининг барқарор ишлаши учун зарур сервер қувватлари ажратилди, ахборот ва киберхавфсизликни таъминлаш бўйича тегишли чоралар кўрилди. Фуқаролар томонидан тақдим этилган барча маълумотлар қонунчиликка мувофиқ ҳимоя қилинади, шахсий маълумотлар махфий сақланади ва фақат статистик мақсадларда қўлланилади. Улар солиқ, ҳуқуқни муҳофаза қилувчи ёки бошқа назорат органларига тақдим этилмайди. Шунингдек, платформанинг барқарор ишлашида кўмаклашган Рақамли технологиялар вазирлиги ҳамда Киберхавфсизлик марказига алоҳида миннатдорлик билдирамиз...