Сертификатингизни текширинг ва совринли ўйинда иштирок этинг

Онлайн рўйхатдан ўтиб, сертификат олган фуқаролардан платформага яна бир бор кириб, сертификат ойнасидаги огоҳлантиришларни диққат билан текшириб чиқишларини сўраймиз.

Агар маълумотлар тўғри ва тўлиқ киритилган бўлса, сертификат ойнасида кўк рангда «Сертификат тасдиқланди» ёзуви акс этади.

Агар саволнома хатолар ёки камчиликлар билан тўлдирилган бўлса, тизимда жорий этилган мантиқий назорат ва сунъий интеллект текширувидан сўнг сертификат ёнида қизил рангда «Маълумот тасдиқланмади» деган огоҳлантириш пайдо бўлади.

Ҳурматли юртдошлар, саволномани тўғри ва тўлиқ тўлдиринг, ҳар куни ўтказилаётган совринли ўйинда иштирок этинг ва қимматбаҳо совғалар соҳиби бўлиш имкониятини қўлдан бой берманг.

🟢 Toshkent shahar statistika boshqarmasi rahbariyati tomonidan Aholi va qishloq xo‘jaligini ro‘yxatga olish doirasida onlayn ro‘yxatdan o‘tgan fuqarolar o‘rtasida o‘tkazilgan sovrinli tanlov g‘oliblariga planshet qurilmalari topshirildi

👉 Batafsil ushbu videolavhada

Toshkent shahar statistika boshqarmasi Axborot xizmati

🎉 Онлайн рўйхатдан ўтган фуқаролар ўртасида янги совриндорлар аниқланди

Миллий статистика қўмитаси томонидан аҳоли ва қишлоқ хўжалигини рўйхатга олиш тадбири доирасида онлайн рўйхатдан ўтган фуқаролар ўртасида тасодифий танлаш (random) усули орқали навбатдаги совриндорлар аниқланди.

Саволномани тўғри ва тўлиқ тўлдирган иштирокчилар орасида ўтказилган танлов натижаларига кўра, қуйидаги фуқаролар ғолиб деб топилди:

📋 Совриндорлар рўйхати

Отажанов Каримбой Мансурбек ўғли — Хоразм вилояти, Қўшкўпир тумани

Яхёева Зилола Абдурахимовна — Тошкент вилояти, Зангиота тумани

Чутбаев Мухаммадулло Рахматиллаевич — Тошкент шаҳри, Мирзо Улуғбек тумани

Абдурахмонова Гўзал Фирдавсовна — Тошкент шаҳри, Олмазор тумани

Худайбердиева Шахло Кабуловна — Тошкент шаҳри, Яккасарой тумани

Шукруллаева Мухлисабону Мамирджон қизи — Сурхондарё вилояти, Денов тумани

Кафанова Людмила Михайловна — Сирдарё вилояти, Янгиер шаҳри

Хайдарова Лола Каршибаевна — Самарқанд вилояти, Оқдарё тумани

Мамбетниязова Паруаз Нуратдиновна — Қорақалпоғистон Республикаси, Қораўзак тумани

Абдухалимов Саидазимхон Бобохон ўғли — Қашқадарё вилояти, Нишон тумани

Хакбердиева Дилдора Сафаровна — Навоий вилояти, Навбаҳор тумани

Дедабоева Манзура Тургунпулатовна — Наманган вилояти, Наманган шаҳри

Блибекова Лобар Ахмедовна — Жиззах вилояти, Дўстлик тумани

Аҳмадалиев Ҳаётбек Отабек ўғли — Фарғона вилояти, Ёзёвон тумани

Ниёзов Низомиддин Исомиддинович — Бухоро вилояти, Қоракўл тумани

Рўзибоев Хадиятилло Ўткирбек ўғли — Андижон вилояти, Олтинкўл тумани

Ғолибларга қимматбаҳо совғалар — ноутбук ва планшетлар топширилади. Совринларни топшириш жараёнлари ҳақида қўшимча маълумот берилади.

Совриндорларни аниқлаш жараёни онлайн рўйхатга олиш тадбири давомида ҳар куни давом этади.

📲 Онлайн рўйхатдан ўтинг — соврин ютиш имкониятини қўлдан бой берманг!

Ижтимоий тармоқлар ва колл марказ орқали оила таркибини автоматик шакллантиришда таклиф этилаётган маълумотлар бўйича бир қатор саволлар келиб тушмоқда.

Онлайн рўйхатдан ўтувчи томонидан ҳар бир оила аъзоси ҳақидаги маълумотларни киритиш жараёнида қулайлик яратиш мақсадида, Давлат хизматлари портали маълумотлари асосида оила таркиби ва уларнинг шахсга доир маълумотлари, яъни тўлиқ исми, ЖШШИР рақами, туғилган сана ва бошқалар интеграция орқали автоматик равишда тўлдирилади.

Ушбу маълумотлар айрим ҳолатларда Сизнинг оилангиз таркиби билан фарқли бўлиши мумкинлигини инобатга олиб, онлайн рўйхатдан ўтувчи учун мазкур маълумотларни таҳрир қилиш, хусусан оила аъзолари маълумотларига ўзгартириш киритиш, улардан баъзиларини ўчириш ёки қўшиш имконияти яратилган.

Шундан келиб чиқиб, барча онлайн рўйхатдан ўтувчилардан ўзлари билан биргаликда яшаётган ҳар бир оила аъзоларини тўлиқ ва тўғри рўйхатга киритишларини сўраб қоламиз.

Мен саволномани тўлиқ тўлдира олмадим. Сабаби битта фарзандимда ЖШШИР рақами йўқ, шу боис тизим уни қабул қилмади. Нима қилишим керак?

Агар саволномани тўлдиришда фарзандингиз бўйича ЖШШИР маълумотлари чиқмаса, my.gov.uz орқали маълумотларни аниқлаб, рўйхатга олиш платформасида оила аъзосини қўшишингиз мумкин.

Агар фарзандингизда умуман ЖШШИР рақами бўлмаса, Давлат хизматлари марказига мурожаат қилиб, ушбу рақамни расмийлаштириш лозим. Шундан кейин саволномада оила таркибини тўлиқ тўлдириш мумкин.

Нима учун саволномада уй қандай материалдан қурилгани ва ҳожатхона шароитигача сўралмоқда?

Барча давлатларда бундай кўламдаги йирик рўйхатга олиш тадбирларини ўтказиш Бирлашган Миллатлар Ташкилотининг Аҳолишунослик жамғармаси ва бошқа халқаро ташкилотлар тавсияларига кўра ишлаб чиқилган саволномалар асосида ўтказилади.

Ушбу рўйхатга олиш тадбири учун сарфланаётган маблағга мактаб ёки боғча қурса бўлмайдими. Нега керак бу тадбирни ўтказиш?

Рўйхатга олиш — давлатнинг стратегик режалаштириши учун асосий ахборот манбаи ҳисобланади. Айнан шу маълумотлар асосида қаерга мактаб, боғча, шифохона, уй-жой ва инфратузилма объектлари қурилиши аниқ белгиланади.

Аҳолини рўйхатга олиш орқали:
- қайси ҳудудда болалар сони кўплиги;
- қаерда мактаб ёки боғча етишмаслиги;
- аҳоли қандай шароитда яшаётгани аниқ маълум бўлади.

Агар бундай аниқ маълумотлар бўлмаса, мактаб ёки боғчалар нотўғри жойда ёки эҳтиёждан кам ёки ортиқ қурилиши мумкин. Шунинг учун рўйхатга олиш — бу алоҳида харажат эмас, балки давлат маблағларини тўғри ва самарали сарфлашга хизмат қиладиган муҳим асос ҳисобланади. Шундай экан, бир неча миллиард сўмлик рўйхатга олиш тадбири келгуси ўн йилликларда давлат маблағларини тўғри йўналтириш имконини беради.

Нима учун давлатга менинг уйим, ишим ва боғим ҳақида бунча маълумот керак?

Давлатга уйингиз, ишингиз ва боғингиз ҳақидаги маълумотлар солиқ ёки текширув учун эмас, балки аҳолининг турмуш даражаси ва яшаш шароитини тўлиқ ўрганиш, шунингдек, инфратузилма эҳтиёжларини аниқлаш учун керак.

Бу маълумотлар орқали қайси ҳудудда уй-жой ва коммунал хизматлар етишмайди, аҳоли турмуш даражаси қандай ва болалар мактаби, боғча ёки қишлоқ хўжалиги инфратузилмасини қаерда ривожлантириш кераклиги аниқланади.

Яъни, рўйхатга олиш давлатнинг ижтимоий ва ривожлантирувчи дастурларини самарали режалаштириши ва ресурслардан тўғри фойдаланиши учун муҳим асос бўлиб хизмат қилади.

Мен талабаман ва олий таълим ташкилотининг ётоқхонасида яшайман. Мен рўйхатдан ўтиш жараёнида “Турар жой манзили” сифатида қайси манзилни кўрсатишим керак, доимий яшаш жоимними ёки ётоқхона манзилиними?

Талабалар ўқиш давомида яшаб турган манзилида рўйхатдан ўтадилар. Агар талаба олий таълим муассасаси ётоқхонасида яшаса - у ҳолда шу ётоқхона манзили бўйича рўйхатга олинади. Агар талаба ижара уйда ёки қариндошининг уйида яшаса - у ҳолда айни шу манзил бўйича рўйхатдан ўтади.
Бу қоида барча олий таълим муассасалари талабаларига тааллуқлидир.

Онлайн рўйхатдан ўтишда фаол иштирок этинг!

Этиборингиз учун раҳмат!

#рўйхатга_олиш_тарихи

Бутуниттифоқ аҳолисини рўйхатга олиш

1959 йил Андижон шаҳри.

Ҳисобчи ва инструктор назоратчилар рўйхатга олиш варақларининг тўғри тўлдирилганлигини текширишмоқда.

☝️Navbat Yunusobod dehqon bozoriga

✅ Toshkent shahar statistika boshqarmasi hamda O'zbekiston Volontyorlari assotsiatsiyasi hamkorlikda tashkil etayotgan targ'ibot tadbirlarining navbatdagisi Yunusobod tumanidagi dehqon bozorida bo'lib o'tdi.

✅ Aktsiya sifatidagi tadbirda fuqarolarning Aholi va qishloq xo'jaligini ro'yxatga olish borasidagi bilimlari sinovdan o'tkazilib, jarayonda faol ishtirok etgan aholi vakillariga maxsus sovg'alar topshirildi.

Toshkent shahar statistika boshqarmasi Axborot xizmati

#census_2026

Аҳоли ва қишлоқ хўжалигини рўйхатга олиш — мамлакат тараққиётини илмий асосда режалаштиришнинг муҳим босқичидир.

Рўйхатга олиш жараёни очиқ, шаффоф ва фуқаролар учун қулай тарзда ташкил этилган.

Ҳар бир инсон ўз маълумотларини ишонч билан тақдим этиши мумкин.

Келинг, барчамиз масъулият билан иштирок этайлик.

Ишончли маълумот — барқарор тараққиёт пойдевори.

Шерзодхон Қудратхўжа,
Журналистика ва оммавий коммуникациялар университети ректори, Миллий медиа бирлашмаси бошқарув раиси

Ассалому алайкум, ҳурматли юртдошлар!

Аҳоли ва қишлоқ хўжалигини рўйхатга олиш тадбирининг биринчи босқичи — онлайн рўйхатдан ўтиш жараёнлари ҳозирда давом этмоқда.
Дастлабки маълумотларга кўра, 28 январь ҳолатига census.stat.uz портали орқали жами хонадонларнинг 70,4 фоизида истиқомат қилувчи фуқаролар онлайн рўйхатдан ўтган.

Яъни, бугунги кунга қадар 25 миллион нафардан ортиқ фуқаро онлайн рўйхатдан ўтишни якунлади.

Ҳудудлар кесимида онлайн рўйхатдан ўтган хонадонлар улушига эътибор қаратсак, Хоразм вилояти — 85,5 %, Қорақалпоғистон Республикаси — 79 %, Сирдарё вилояти — 77,9 % ва Навоий вилояти — 76,9 % билан онлайн рўйхатдан ўтиш даражаси бўйича энг юқори кўрсаткичларни қайд этган.

Айни пайтда, Сурхондарё вилояти — 68,5 %, Бухоро вилояти — 63,8 %, Андижон вилояти — 63,6 % ва Тошкент шаҳрида — 49,5 % билан нисбатан паст кўрсаткичлар кузатилмоқда.

Албатта, бунда катта шаҳарлар эффекти кузатилади. Яъни, йирик шаҳарларда аҳолининг гавжумлиги, иш ва кундалик ташвишларнинг кўплиги, доимий ҳаракат ва тиғиз ҳаёт тарзи билан бир қаторда, ижарада яшовчи аҳоли улушининг юқорилиги, иш жойи ва яшаш манзилининг тез-тез ўзгариши каби омиллар жараён суръатига таъсир кўрсатмоқда.

Шунга қарамай, онлайн рўйхатдан ўтиш жараёнлари тугашига 3 кун қолганини инобатга олиб, ҳар бир юртдошимиздан ушбу муҳим умуммиллий тадбирда фаол иштирок этиб, келажагимиз учун бор-йўғи 20–30 дақиқа вақт ажратишини сўраб қоламиз.

Шу ўринда эслатиб ўтамиз: саволномани хато ёки тўлиқ бўлмаган ҳолда тўлдирган фуқаролар учун автоматик огоҳлантириш тизими жорий этилди. Онлайн рўйхатдан ўтиб, сертификат олган фуқаролардан платформага яна бир бор кириб, сертификат ойнасидаги огоҳлантиришларни диққат билан текшириб чиқишларини сўраймиз.

Агар сертификат ойнасида кўк рангли “Сертификат тасдиқланди” ёзуви чиқса, маълумотлар тўғри киритилган ҳисобланади. Агар эса қизил рангли “Маълумотлар тўлиқ эмас” деган огоҳлантириш пайдо бўлса, унда кўрсатилган камчиликларни бартараф этиб, саволномани тўлиқ тўлдириш тавсия этилади.

Акс ҳолда, 4–28 февраль кунлари маҳалла вакиллари томонидан қайта рўйхатдан ўтказиш ишлари амалга оширилади.

Ҳурматли юртдошлар!

Онлайн рўйхатдан ўтиш жараёнлари тугашига бор-йўғи 3 кун қолди. Шу боис, ҳар бир фуқародан ушбу муҳим умуммиллий тадбирда фаол иштирок этишини сўраймиз.

Бугун берилган ҳар бир тўғри ва аниқ маълумот эртанги кун режаларини белгилаш, инфратузилмани ривожлантириш, ижтимоий хизматлар сифатини ошириш ва аҳоли фаровонлигини таъминлашга хизмат қилади.

Шу боис барча юртдошларимизни онлайн рўйхатдан ўтиш жараёнида саволларга масъулият билан, тўлиқ ва аниқ жавоб беришга чақирамиз. Саволномани тўғри ва тўлиқ тўлдиринг, ҳар куни ўтказилаётган совринли ўйинда иштирок этинг ва қимматбаҳо совғалар соҳиби бўлиш имкониятини қўлдан бой берманг!

Бефарқ бўлманг — онлайн рўйхатдан ўтинг ва юрт келажагини биргаликда барпо этайлик!

Ҳудудлар кесимида онлайн рўйхатдан ўтган хонадонлар улушига эътибор қаратсак, Хоразм вилояти — 85,5 %, Қорақалпоғистон Республикаси — 79 %, Сирдарё вилояти — 77,9 % ва Навоий вилояти — 76,9 % билан онлайн рўйхатдан ўтиш даражаси бўйича энг юқори кўрсаткичларни қайд этган.

Айни пайтда, Сурхондарё вилояти — 68,5 %, Бухоро вилояти — 63,8 %, Андижон вилояти — 63,6 % ва Тошкент шаҳрида — 49,5 % билан нисбатан паст кўрсаткичлар кузатилмоқда.