⚡️⚡️⚡️
#tezkor #rasman #tayinlov

Kulbekova Nasiba Zokirovna — Oliy ta’lim, fan va innovatsiyalar vazirligi Toshkent viloyati hududiy boshqarmasi boshligʻi lavozimiga tayinlandi.

Mazkur tayinlovga qadar Nasiba Kulbekova Nurafshon shahar hokimining yoshlar siyosati, ijtimoiy rivijlantirish va ma’naviy-ma’rifiy ishlar boʻyicha oʻrinbosari lavozimida faoliyat yuritgan.

@toshkent_vohasi

#mitti_hikoya

XATO

O‘g‘il halloslab kelib, onasining oyog‘iga yopishdi: "Endi hech qachon gap qaytarmayman, oyi! Oldingizda "uf" tortmayman! Ishdan kelganimda "Charchadim, oyi, oyog‘ingizni boshqa kuni uqalab qo‘ya qolay", demayman. Kech qolayotgan bo‘lsam ham, ertalab choyni siz bilan birga ichib ketaman. Xatoimni tushundim, oyi, meni kechiring!".

– Qani, baravar ko‘taramiz!

Janozaga kelganlar ayolning tobutini ko‘tarishdi.

@toshkent_vohasi

#kun_tarixi
#Xalqaro_oila_kuni

Bugun, 15-may kuni jahon miqyosida Xalqaro oila kuni nishonlanadi.

Ushbu bayram BMT Bosh Assambleyasi tomonidan 1993-yil 20-sentyabrdagi Xalqaro oila yili toʻgʻrisidagi rezolyutsiyaga muvofiq 1994-yilning 15-mayidan buyon muntazam ravishda nishonlanib keladi.

Oʻzbekiston Respublikasi Prezidentining 2018-yil 27-iyundagi “Oʻzbekiston Respublikasida oila institutini mustahkamlash konsepsiyasini tasdiqlash toʻgʻrisida”gi PQ-3808-son qaroriga muvofiq, 15-may har yili Xalqaro oila kuni sifatida respublika boʻylab keng nishonlanishi belgilab qoʻyilgan.

@toshkent_vohasi

Cho‘pday ozg‘in qariya yosh bolaga bu yerdan tezroq ketishni, yo‘qsa odamxo‘rlar uni o‘ldirib, yeb qo‘yishlarini aytib, ogohlantirmoqda. Ukraina SSR, 1933 yil.

Golodomor — 1932—1933 yillarda Ukraina SSR davlatining butun hududiga tarqalgan va taxminan 3,5 million insonning o‘limiga sabab bo‘lgan ocharchilik davri (16 ta davlat tomonidan bu hodisa genotsid deya baholanadi). Ushbu dahshatli ocharchilik Sovet Ittifoqi rahbariyati tomonidan ukrain xalqini o‘ziga bo‘ysundirish, Ukrainaning Sovet rejimiga qarshiligini yakuniy bartaraf etish va Moskvadan mustaqil Ukraina davlatini qurishga urinishlarga chek qo‘yish maqsadida olib borilgan.

Sovet davrini qo'msaydigan, bugungi ozodlikni, farovonlikni qadriga yetmaydiganlar ko'rsin.

@toshkent_vohasi

#mitti_hikoya

Boychechak

Ayol o‘g‘liga bir tarsaki tortdi.
— Kech bo‘lganda qayerdan kelyapsan?!
Bolakay o‘ng qo‘lini ko‘ylagining ichiga tiqib olgandi. Yuzida ikkilanish zohir bo‘ldi.
— Qirdan, — dedi u.
— Men uydan chiqma, degandim-ku! Nimadir o‘g‘irladingmi? Ko‘rsat-chi.
Yana bir tarsaki tushgach, bolakay qo‘ynidan bir dona boychechak chiqardi.
— Izlab-izlab bittagina topdim, — boychechakni uzatdi u. — Tug‘ilgan kuningiz bilan, oyijon.

@toshkent_vohasi

#mitti_hikoya

Sevishganlar va jin

Sevishganlar kimsasiz sohilda sayr qilib yurib, Olovuddinning sehrli chirog’ini topib olishdi.
– Meni ozod qilishlaring evaziga, – dedi jin, – har biringning bittadan tilagingni bajo keltiraman.

Qiz yigitga ko’z tashlab qo’yib dedi:
– Istaymanki, biz bir-birmizni qiyomatgacha sevaylik.

Dengizga tikilgancha yigit:
– Men esa o’sha qiyomat hoziroq kelishini istayman, – dedi.

@toshkent_vohasi

#mitti_hikoya

OILA

- Bu hayotda hamma meni aldaydi...
- Nega? Onang va akalaringchi?
- Ular ham meni aldashadi...
- Axir qanaqasiga?!
- Onam "sen yeyaqol, meni qornim to‘q" deb, akalarim esa, oxirgi pullarini menga berib, "olaver, bizga hozir pul kerakmas" deb aldashadi...

@toshkent_vohasi