Anomal sovuq qanday xavflarni keltirib chiqaradi?

Qish oylaridagi g‘ayritabiiy sovuq ob-havo uy-joy komunal xo‘jaligi, elektr energiya tarmoqlarida sovuq harorat yuklamasining ortishi, gaz quvurlarida gaz bosimining keskin pasayishi va unga teskari aholi xonadonlari, ijtimoiy obyektlar va korxonalarda energetik yuklamaning ortishiga olib keladi.

Qishloq xo‘jaligi sektorida ham haroratning keskin pasayishi tuproq ustidagi haroratning havo haroratidanda 5-10 daraja pasayishiga, tuproq sirtining kuchli sovishi, yerning chuqur muzlashiga olib keladi. Issiqxona faoliyatini og‘irlashtiradi. Tokzorchilik yo‘nalishida sifatli o‘ralmagan toklarda kuchli sovuq urishi kuzatiladi.

Meditsina tizimida anomal sovuqlikning faol bosqichida atmosfera bosimining keskin ko‘tarilishi ro‘y beradi. Prognozlarga ko‘ra, 12-14 yanvar kunlari shimolda 1055 gPa, poytaxt Toshkentda 1050 gPaga yetadi. Yuqori atmosfera bosimi odam sog‘lig‘iga jiddiy ta’sir qiladi. Ayniqsa, u allergik, asmatik hamda qon bosimi xastaliklari bilan og‘riyotgan bo‘lsa. Tashqi muhitda uzoq qolib ketish, qahraton sovuqda inson o‘limiga olib kelishi mumkin.

Havo transport yo‘nalishida ham muammolar mavjud. Sovuqlik omili va kuchli qor bo‘ronlar aviareyslar taqvimiga o‘zgartirishlar kiritadi. Avtomobil yo‘llarida muzlamalar avtotransport harakatini yomonlashtiradi. Temir yo‘l poyezd qatnovi grafiklarida ham (temir yo‘l relslari torayishi hisobiga) o‘zgarishlar bo‘lishi mumkin.

Uzb_Meteo

Rasmiy kanalimiz👇👇👇
➡️ https://t.me/toshetk

Dekabr oyida 15,7 mlrd so‘mlik yoki 177 mingdan ortiq xonadonning bir oylik iste’moliga teng elektr energiyasidan noqonuniy foydalanish holatlari aniqlandi

2022-yil dekabr oyi davomida Energetika vazirligi ishchi guruhi tomonidan o‘tkazilgan nazorat tadbirlarida 719 ta holatda 35,5 mln kVt-soat elektr energiyasidan noqonuniy foydalanish holatlari aniqlandi.

Buning natijasida tizimga 15,7 mlrd so‘m zarar keltirilganligi ma’lum bo‘ldi. Ushbu hajmdagi elektr energiyasi o‘rtacha 177 mingdan ortiq xonadonning bir oylik yoki Sirdaryo viloyati iste’molchilarining bir haftalik elektr energiyasi iste’molini tashkil qiladi.

Noqonuniy foydalanishning eng ko‘p holatlari ayniqsa Andijon, Qashqadaryo, Samarqand va Toshkent viloyatlari hissasiga to‘g‘ri keladi.

Masalan, Samarqand viloyatidagi “Maroqand sifat tekstil” MChJda 2,3 mlrd so‘m, Toshkent viloyatidagi “Spring Kolours Industriy” MChJda 1,4 mlrd so‘m, Andijon shahridagi “F.X.S” MChJda 684,17 mln so‘m miqdoridagi qayta hisoblash ishlari amalga oshirildi.

Qoidabuzar iste’molchilarga nisbatan belgilangan tartibda choralar ko‘rilib, tegishli hujjatlar huquqni muhofaza qiluvchi organlarga taqdim etildi.

Nazorat tadbirlari davom ettirilmoqda.

Rasmiy kanalimiz👇👇👇
➡️ https://t.me/toshetk

“Hududiy elektr tarmoqlari” AJ tomonidan yurtimizda e’lon qilingan anomal sovuq kunlarda elektr tarmoqlarida favqulodda holatlarning oldini olish va ularni bartaraf etish bо‘yicha tunu kun faoliyat yuritadigan 950 dan ortiq avariyaviy brigada tashkil etilib, ularga 335 ta maxsus texnika va 700 dan ziyod avtotransport biriktirilgan. Bundan tashqari podstansiyalardagi transformatorlarning yuklamasi oshib ketmasligini nazorat qilish tadbirlari belgilanib, bu borada tizimli ishlar tashkil etildi.

Elektr tarmoqlaridan foydalanish bosh boshqarmasi boshlig‘i о‘rinbosari Ulug‘bek Hakimov “MY 5” telekanali “Hudud” informatsion telekanali ijodkorlari bilan tizimda ayni yо‘nalishda kо‘rilayotgan choralarga bag‘ishlangan suhbatda bu haqda batafsil tо‘xtalib о‘tdi.

“Hududiy elektr tarmoqlari” AJ Matbuot xizmati

Rasmiy kanallarimiz👇👇👇

Facebook | Telegram | YouTube | Instagram | Twitter

“HUDUDIY ELEKTR TARMOQLARI” AJ SOVUQ KUNLARI ELEKTR ENERGIYASIDAN FOYDALANISHDA AYRIM TAVSIYALARNI ESLATIB О‘TADI

Gidrometeorologiya xizmati ma’lumotlariga kо‘ra, bugundan boshlab mamlakatimizga Volgabо‘yi hududlaridan sovuq havo massasi kirib kelishi boshlanadi. Bunday anomal ob-havo sharoitida albatta, energiya resurslari, xususan elektr energiyasiga bо‘lgan talab odatdagidan birmuncha ortadi. Dastlabki hisob-kitoblarga kо‘ra, ayni kunlarda respublikamiz bо‘ylab umumiy elektr energiya iste’moli kunlik о‘rtacha 220 mln. kVt soatni tashkil etishi kutilmoqda. Bu о‘tgan yilning mos davriga nisbatan 12 mln. kVt.soatga yoki 7 foizga kо‘pdir.

Shu о‘rinda qayd etish joizki, О‘zbekiston Respublikasi Energetika vazirligi xabariga kо‘ra, energotizimda sodir bо‘lishi mumkin bо‘lgan yirik avariyalarni oldini olish, barcha iste’molchilarni bir maromda elektr energiyasi bilan ta’minlash maqsadida mahalliy hokimliklar bilan kelishilgan holda tasdiqlangan grafiklarga asosan qisqa muddatli cheklovlar kiritilishi rejalashtirilmoqda.

О‘z navbatida, “Hududiy elektr tarmoqlari” AJ kutilayotgan sovuq kunlarda elektr energiyasi meyoridan kо‘p iste’mol qilinishi natijasida past kuchlanishli elektr tarmoqlari hamda transformator punktlariga tushayotgan yuklamalarni kamaytirish hamda avariyaviy holatlarni oldini olish maqsadida quyidagi tavsiyalarga amal qilish maqsadga muvofiqligini eslatib о‘tadi:

- xonadongizda yoki ish joyingizda samarasiz ishlab turgan elektr jihozlarni tarmoqdan ajratib qо‘ying;

- kutish rejimida qoldirilgan har qanday elektr jihozi, kam bо‘lsada, elektr energiyasi sarflashini unutmagan holda, maishiy texnikalarni ulardan foydalanib bо‘lingach tarmoqdan ajratib qо‘ying;

- zamonaviy led lampalardan foydalanishning choralarini kо‘ring;

- sovuq kunlarda siz foydalanayotgan elektr isitish pechlarining sozligiga e’tibor bering. Nosoz pechlarni yaxshisi ishlatmang. Isitish pechlarini tarmoqqa ulagach esa ularni nazoratsiz qoldirmang. Yuklama natijasida simlar kuyishi va favqulodda holatlar kelib chiqishi mumkinligini yodda tuting;

- isitish pechlari hamda konditsionerlardan kun davomida emas, balki vaqti-vaqti bilan foydalanish elektr tarmoqlariga tushadigan yuklamalarni sezilarli ravishda kamaytirishga xizmat qilishini unutmang;

- kuchli shamol natijasida uzilib ketgan elektr simlari va boshqa nosoz elektr qurilmalar haqida tuman elektr ta’minoti korxonalari aloqa raqamlari hamda Jamiyatning 1154 qisqa raqamli Call-markaziga xabar bering.

“Hududiy elektr tarmoqlari” AJ tomonidan, о‘z navbatida, tizim barqarorligini saqlash, iste’molchilarga elektr energiya yetkazib berish uzluksizligi hamda elektr qurilmalar sozligini ta’minlash bо‘yicha tegishli choralar kо‘rilmoqda. Xususan, elektr tarmoqlarida favqulodda holatlarning oldini olish va ularni bartaraf etish uchun hududlarda tunu kun ishlaydigan 956 ta avariyaviy brigadalar tashkil etilib, ularga 335 ta maxsus texnika va 760 ta avtotransport biriktirilganligini qayd etish joiz.

Bundan tashqari, 538 ta transformator, 319,3 tonna transformator moyi, 1 983 ta tayanch ustun, 38,5 tonna sim, 73,4 km kabel, 3 056 dan ortiq mufta va boshqa zarur elektr jihozlaridan iborat avariyaviy zaxira manbai yaratilgan.

Elektr energiya ta'minoti bilan bog‘liq har qanday muammoli vaziyatda “Hududiy elektr tarmoqlari” Ajning tunu kun faoliyati yo'lga qo'yilgan 1154 qisqa raqamli Call-markaziga qo‘ng‘iroq qilishingiz yoki “Hududiy elektr tarmoqlari” AJ bilan muloqot” kanalining administratori @HET_admin ga o‘z murojaatingizni yo‘llashingiz mumkinligini eslatib o‘tmoqchimiz.

“Hududiy elektr tarmoqlari” AJ Matbuot xizmati

Facebook | Telegram | YouTube | Instagram | Twitter