❗️Сябры, збіраем гісторыі пацярпелых, якія могуць распавесці пра катаванні і датычных супрацоўнікаў, а таксама пра ўмовы ўтрымання ў месцах пазбаўлення волі.

📌Дакументаванне неабходна для таго, каб захаваць доказы злачынстваў для справядлівых судоў у будучыні. На падставе сабраных матэрыялаў мы рэгулярна робім справаздачы і расследаванні.

📌Просім вас падзяліцца гэтай інфармацыяй з людзьмі, якія прайшлі праз катаванні. Калі ласка, толькі не забывайце пра асабістую бяспеку. Каб звязацца з намі для правядзення ананімнага інтэрв’ю пераходзьце па спасылцы

📌«Шырокая расцяжка» – гэта стрэс-пазіцыя. Чалавек стаіць тварам да сцяны, рукі падняты ўверх, а ногі вельмі шырока расстаўлены ў бакі. Гэта вельмі нязручная пастава для чалавека, працяглае знаходжанне ў якой можа прывесці да сур’ёзных праблем са здароўем.

▫️Здушванне нерваў і крывяносных сасудаў прыводзіць да парушэння кровазвароту.
▫️Адбываецца здранцвенне і паколванне ў канечнасцях, а таксама сутаргі.
▫️Утвараюцца моцныя ацёкі ног з-за працяглага знаходжання ў вертыкальным і нерухомым становішчы.
▫️З-за таго, што рукі ўвесь час падняты ўверх адбываецца моцнае перанапружанне цягліц і адток крыві.
▫️Невыносныя болевыя адчуванні з-за перанапружання цягліц і звязкаў.

📌Працягласць часу бяспечнага знаходжання ў стрэс-пазіцыі залежыць ад узросту чалавека, ад узроўню фізічнай падрыхтоўкі і агульнага стану здароўя.

📌Чым даўжэй чалавек будзе знаходзіцца ў стрэс-пазіцыі, тым больш інтэнсіўна будзе праяўляцца боль ў галіне шыі, плячэй, паясніцы і канечнасцяў. Чалавек нават можа адчуваць нясцерпны боль і страціць прытомнасць.

📌Напрыклад, пры пераломах, вывіхах, расцяжэнні, артрыце суставаў, грыжы пазваночніка, варыкозным пашырэнні вен, плоскаступнёвасці і шэрагу іншых захворванняў, знаходжанне ў «шырокай расцяжцы» яшчэ больш пагаршае стан здароўя.

📌Часцяком затрыманых ставяць на «шырокую расцяжку» на працяглы час, нават без асаблівых на тое прычын. Адназначна няма неабходнасці звяртацца да такога метаду, калі затрыманы чалавек не ўяўляе ніякай небяспекі і не аказвае супраціў. Гэты метад прымяняецца з мэтай даставіць фізічныя пакуты і псіхалагічнае ўздзеянне на чалавека, без прымянення фізічнай сілы. Калі пабоі можна зафіксаваць, то даказаць, што чалавека катавалі з дапамогай «шырокай расцяжкі» вельмі праблематычна.

❗️Калі да вас прымянялі «шырокую расцяжку» ці іншыя метады катаванняў, задакументуйце вашу гісторыю (спасылка для сувязі з намі). Падзяліцеся гэтай публікацыяй з людзьмі, якія праходзілі штосьці падобнае.

‼️⁨Гарачыя навіны

На 55-й сесіі Рады па правах чалавека ААН адбыўся разгляд рэзалюцыі па сітуацыі з правамі чалавека ў Беларусі.

У межах адной рэзалюцыі па выніках галасавання было прынятае рашэнне пра падаўжэнне мандата Спецдакладчыка па Беларусі яшчэ на адзін год, а таксама стварэнні місіі з трох незалежных экспертаў па становішчы ў галіне правоў чалавека ў Беларусі. Яны будуць прызначаныя Старшынёй Рады па правах чалавека.

📌Міжнародны камітэт па расследаванні катаванняў у Беларусі займаўся адвакатаваннем прыняцця гэтай рэзалюцыі.

Мы працягнем дакументаваць катаванні і перадаваць дадзеныя аб злачынствах у Беларусі ў ААН.

❗️Калі вы падвергліся катаванням ці жорсткаму абыходжанню па палітычных матывах — звяжыцеся з намі і задакументуйце сваю гісторыю. Спасылка для сувязі.

📌Каб звязацца з намі для правядзення ананімнага інтэрв’ю пераходзьце па спасылцы.

❗️Нагадваем, што мы клапоцімся пра бяспеку і захоўваем ўсе дадзеныя ў зашыфраваным выглядзе.

❗️9 красавіка 2024 у брэсцкім СІЗА №7 памёр Аляксандр Кулініч.

Ён быў падпалкоўнік запасу, служыў у 38-й асобнай гвардзейскай дэсантна-штурмавой Брэсцкай брыгадзе ПДВ.

Аляксандра затрымалі 29 лютага ў Брэсце і абвінавацілі ў абразе Лукашэнкі. Ён знаходзіўся ў СІЗА і чакаў суда.

Афіцыйнай прычынай смерці пазначана ішэмічная хвароба сэрца.💔

Выказваем спачуванні родным і блізкім Аляксандра.🙏

Цела палітвязня ўжо выдалі сваякам. Яго пахаваюць заўтра ў дзень яго нараджэння (11 красавіка) у горадзе Маладзечне.

Індывідуальныя прадпрымальнікі Літвы павінныя падаць падатковую дэкларацыю за мінулы год да 1 траўня 2024 года.

❗️Ва ўсіх рэзідэнтаў_к Літвы ёсць выдатная магчымасць пералічыць 1,2% ад свайго падатку на падтрымку некамерцыйных арганізацый. Калі пры падачы дэкларацыі рэзідэнт_ка не пазначыць канкрэтную арганізацыю, то дзяржава зробіць гэта самастойна. У любым выпадку 1,2% ад падаткаў абавязкова пойдуць на дабрачынныя патрэбы.

У Літве афіцыйна зарэгістраваная "Прававая ініцыятыва". Гэта праваабарончая арганізацыя, якая з'яўляецца заснавальнікам Міжнароднага камітэта па расследаванні катаванняў у Беларусі.

Калі вы хочаце падтрымаць нашу дзейнасць, то прытрымлівайцеся простай інструкцыі.

Пры запаўненні электроннай гадавой дэкларацыі трэба:

📌 Крок 1
Зайсці на ўкладку "Запытаць падтрымку" / Prašymas skirti parama

📌 Крок 2
Пазначыць рэквізіты:
VšĮ "Teisinė iniciatyva"
Lithuania, Vilnius, Kalvarijų g.125 LT-0822
№305806589 (рэгістрацыйны нумар)

📌 Крок 3
Адправіць дэкларацыю

❗️Вашыя адлічэнні будуць патрачаны на збор доказаў аб злачынствах у Беларусі, правядзенне незалежных грамадскіх расследаванняў і ўстанаўленне вінаватых, а таксама на правядзенне навучальных школ для праваабаронцаў і асветніцкія мерапрыемствы аб правах чалавека.