#Xalqaro_hamkorlik
#международное_сотрудничество
#international_relations

🇺🇿 🇦🇿 2024/2025-o'quv yilidan boshlab Toshkent kimyo-texnologiya instituti hamda Ozarbayjon Respublikasining SOCAR kompaniyasi qoshidagi Baku Oliy neft maktabi o’rtasida “Neft va gaz kimyosi va texnologiyasi” magistratura mutaxassisligi bo’yicha ingliz tilida qo’shma ta’lim dasturlari yo’lga qo’yiladi.

👩‍🎓 2024-yilning 22-iyul sanasida Toshkent kimyo-texnologiya institutiga (TKTI), SOCAR kompaniyasi  vitse-prezidenti Ziba Mustafayeva va Ozarbayjon Respublikasining Baku oliy neft maktabi rektori Elmar Gasimovlar boshchiligidagi delegatsiya tashrif buyurdi.

🔴 SOCAR kompaniyasi vitse-prezidenti Ziba Mustafayeva, Inson resurslarini rivojlantirish va funksional mukammallik bo'limi boshlig'i Elnur Huseynov, Baku Oliy neft maktabi rektori Elmar Gasimov, Uzluksiz ta'lim fakulteti dekani Ravshan Budagov, Oʼzbekneftegaz АJ Biznesni istiqbolli rivojlantirish departamenti menedjeri Аbdulajanov Elyor, Toshkent kimyo-texnologiya instituti rektori Usmonov Botir Shukurillayevich va mas’ul prorektorlar ishtirokida ikki tomonlama uchrashuvlar bo’lib o’tdi.

✔️ Uchrashuvda Baku Oliy neft maktabi vakillari bilan akademik tadqiqotlar boʻyicha hamkorlikni rivojlantirish ikki OTM o’rtasida talabalar akademik mobillgini amalga oshirish, muhandislik sohasida yetuk mutaxassislarni tayyorlash kabi masalalar muhokama qilindi.

⚡️ Uchrashuv natijalariga ko’ra magistratura ta’lim bosqichida qo'shma ta'lim dasturlarini amalga oshirish bo’yicha SOCAR va AJ Oʼzbekneftegaz mas'ul xodimlari ishtirokida hamkorlik shartnomasi imzolandi. Ta'lim jarayonlari to'liq ingliz tilida birinchi yil O'zbekistonda, ikkinchi yil esa O'zarbayjonda olib boriladi.

👩‍🎓 TKTI.UZ | ✉️ Telegram | 📱 Instagram | 📱 Facebook | 🌐 YouTube | 📱 VK | 🌐 Linkedin