هام❗️❗️❗️❗️
رساله لكل الي يجون للتحرير يتظاهرون لازم يعرفون هاي الاشياء المهم...
١-من تجي وتظاهر انت ممجبور تروح للمطعم التركي والجسر الجمهوريه لان منطقه خطره ومكان ممكن يسبب باصابتك

2-انت جاي يوم واحد ليش تتقدم وتاخذ اقنعه وخوذ وتحرم الكوادر الطبيه والمسعفين والي بالمتقدم من هاي الخوذ والاقنعه وتعرض حياتهم للخطر، وفي حالة احتاجيتها على كد شغلك ورجعها اكو غيرك محتاجها اكثر

٣-من تسمع اكو ضربه وصوت اسعاف ابتعد عن الطريق وافتح طريق الها انت شاب واعي وتفتهم ممكن المصاب حالته خطره افتحله طريق لان ممكن المره القادمه انت تنصاب متريد ينفتح الطريق الك...؟

4-المفارز الطبيه هي للاسعاف المصابين الي حالاتهم خطره ليش توكف كدامها وليش تسد الطريق عن المسعفين ترى كاعد تسبب بموت المصاب شويه خلينا ندارك الموضوع!!

5- الفلوس الي تشتري بيها العاب ناريه نكدر نجيب بيها مستلزمات طبيه وحنسعف هواي ارواح ممضطر تحرك الجو بالالعاب الناريه لان بعدنا ما اخذنا حقوقنا وممكن هاي تنفجر بيدك وتنضر وممكن تنفجر ع المتظاهرين.. إضافة الى صوت الالعاب النارية ممكن يأثر ويشوش المتظاهرين وميعرفون اذا هذا صوت الالعاب النارية او القنبلة.

6- انت مجاي تظاهر لان الاكل مجاني لا خلي ثورتك حضاريه وثقافيه طالب بحقك وتوصل صوتك.... الاكل للابطال المرابطين بالتحرير مو للي جاي ساعه ويتونس...

7-الاغاني المسموح بيها هي الاغاني الوطنيه حصراا لان ارض تحرير سالت عليها دماء اكثر من ٢٥٠ شهيد من اجل المطالبه بحقنا... لهذا انت مجاي تتونس جاي تطالب بحقك اتخيل لو واحد من اقاربك مستشهد ترضاها ع نفسك!!!!!

ثورتنا هي درس للامم" لكيفية الثورة بطريقه حضاريه وعصريه" وناخذ بيها حقوقنا.... لا تكون سبب بموتنا وموت الثورة لان حقنا كلنا يروح.

#نريد_وطن
#نازل_اخذ_حقي
#العصيان_المدني_ثورة
#صحوة_طلاب
شارك على اوسع نطاق نصرا لثورتنا...

هدية من فلسيطين ...

قدم الشعب الفلسطيني اغنية كهدية لابطال ساحات الاعتصامات في المحافظات العراقية تحت عنوان ( ماكو منك يالعراقي )
ويذكر بأن هناك عدة دول عربية واجنبية ساهمت بنشر مايحدث والوقوف الى جانب الشعب العراقي ضد الحكومة وذلك بعدما تداولات فديوات كيف كانت حالات الاعتداء على السلميين

احنا الشعب الماتعلم يركع لشخص غير الله ابد ❤️💪

@Newz_ir3q

مواجهات بالكواتم داخل المنطقه الخضراء الان بين قوات مجهوله من جهه وقوات حكوميه وايرانيه من جهه اخرى

@Newz_ir3q

‏١٢ ألـف جريح
٢٥٠ شـهيد
وأنتَ،تِ، باچر تريد تطلع تروح تداوم!!

‎#ماكو_وطن_ماكو_دوام
‎#گوم_التعاونت_ما_ذلت
‎#مالنصر_إلا_صبر_ساعة
‎#ثورة_٢٥تشرين
‎#نازلين_٢٥تشرين

@Newz_ir3q

‏ما عنده شي يقدمه للمتظاهرين غير الجكاير وخياطة احذية المتظاهرين وكل هذا مجانا

والله وكفو من البطل ابو الغيرة ✌🏻

‎#نازلين_٢٥تشرين
‎#ثورة_٢٥تشرين

@Newz_ir3q

‏لعد واحنه اهل الجسر شبينه بس المطعم التركي تنشروهم 😂✌

بخدمتك حب ،
@Newz_ir3q

‏أقول للقناص الذي
يشاهدني عبر المنظار
صوب نحو الراس
ف في قلبي .. وطن يأبا السقوط
ندعو الامم الأمم المتحدة
الى مجالس الأمن والى حقوق الإنسان
الى الاتحاد الأوربي،والمنظمات الدوليةللتدخل لإيقاف الاعتداء الاجرامي على المتظاهرين
‎#ياشهداء_العراق_سنطالب_بحقوقكم
‎#المغتصبة_وعدا_ماحيينا
@Newz_ir3q

‏مهيبات بيارقهم شم خلائقهم خيالهم بطل!

مشهد مهيب لشعب العراقي البطل 💔 ،
@Newz_ir3q

‏.
Al-Jumhoriya bridge this afternoon
-----------
رسالة من القوات الامنية ينقلها متظاهر في جسر الجمهورية عصر هذا اليوم.
بس سؤال، هو اكو واحد يستشهد بمصيادة 🤔
@Newz_ir3q

‏.
demonstrators reopened "Abu Nawas" street with the help of the federal police, breaking the order of Baghdad Operations Command when they closed the street this morning

المتظاهرين قاموا بإعادة فتح شارع أبو نؤاس بمساعدة من الشرطة الاتحادية كاسرين بذلك أمرا من قيادة عمليات بغداد
@Newz_ir3q

‏نقابة المعلميـن العراقيين: الإضـراب يستمر يوم غد الأحد حتى الخميس السابع من تشرين الثاني .

جبل احد فرع الناصرية .

‏هذا هو الهتاف الحبيب لقلب كل عربي سليم الفطرة لم ينطلِ عليه سحر السحرة..
إيران برّه برّه ....
يتردد اليوم صداه الهادر في كل محافظة ومدينة عراقية، لأن العراقيين يعلمون أن مصائبهم كلها من إيران وأذنابها.
إنها ثورة تحرر....
@Newz_ir3q

‏شبيهن چنهن العافيه👌
وأنت أي أنت أنتبهلي أبن العراق لاتفضل أي وحده ع الثائره العراقيه بعد موقفهن مشرف ومشهودلهن 🌸

@Newz_ir3q

دقيقه من وقتك اقرأ الفاتحه على اروح شهداء #ثورة_اكتوبر .

بِسمِ اللهِ الرحمنِ الرَحيمِ

(( الحَـمدُ للهِ ربِ العـالَمِـينَ ‹2› الـرَحـمَنِ الـرَحيـم ‹3› مـالِـكِ يـومِ الـدِيـنِ ‹4› إيَـاكَ نعبُـدو و إيَـاكَ نَستَـعِيـن ‹5› ٱهـدِنَـا الصرَاطَ الـمُسـتَقـيم ‹6› صراطَ ٱلَـذِيـنَ أنعَـمتَ عَلـيـهِم غَـير ٱلمَـغضُـوبِ عَلَيـهِم وَلَا ٱلـضَالِيـنَ ‹7› ))

صَدقَ الله العَظيم.

الفاتحه على ارواح الشهداء ♥️.