Məktəb və universitetlərdəki pul yığımını qanuniləşdirirlər. Pul verənlər sertifikat alacaqlar

Uzun müddətdir ki, Azərbaycan təhsil sistemində həll oluna bilməyən pul yığma məsələsi artıq rəsmiləşir. Bundan sonra pul yığma rüşvət və ya süpürgə, fond pulu yox, ianə adlandırılacaq. Təhsilin İnkişafı Fondunun (TİF) sədri Elnur Nəsibov “Media və təhsil dialoqu” mövzusunda keçirilən təlim-seminarda çıxışından bu qənaətə gəlmək mümkündür. O, çıxışında bildirib ki, fond ölkə ərazisində və ondan kənarda yaşayan fiziki və hüquqi şəxslərə təşkilatın saytından istifadə etməklə təhsil üçün ianələrin edilməsinə imkan yaradacaq:

"İanələri edən fiziki və hüquqi şəxslər açıq va ya anonim şəkildə qala bilər. 1000 manat və aşağı məbləğdə ianə edənlərə elektron sertifikat, 1000 manat və daha artıq məbləğdə ianə edənlərə isə TİF ofisinə dəvət olunmaqla kağız sertifikat təqdim edilə bilər. Qeyri-maddi vəsaitlə ianə edən fiziki və ya hüquqi şəxslərə tərəfdaş sertifikatları təqdim edilə bilər".
Elnur Nəsibov pulun, yəni, ianənin haralara edilə biləcəyini də deyib:

1) Təhsilin İnkişafı Fonduna

2) Hər hansı konkret tematik layihə (məsələn, inklüziv təhsil, qızların təhsili, STEAM, infrastruktur və s.)

3) Öz məktəbinə ianə et.

Qeyd edək ki, fond ötən il Elm və Təhsil Nazirliyinin tabeliyində yaradılıb.

ABŞ dövlət katibi A.Blinken bu gün Kiyevə gözlənilməz səfər gelib. Kiyevdə A. Blinken bildirib ki, ABŞ Ukrayna ilə yanaşı Rusiya təcavüzündən zərərçəkən ölkələrə 2 milyard dollar yardım edəcək.

Diasporla İş üzrə Dövlət Komitəsinin sədri Qarabağın oyununa pulsuz bilet axtarır

Bu gün Qərbi Avropa vaxtı ilə saat 22:00-da Almaniyanın Freiburg şəhərində Qarabağ Futbol komandası ilə Freiburg komandası UEFA çempionlar liqası çərçivəsində görüşəcəklər. Komanda artıq Almaniyadadır. Gözlənilirdi ki, on minlərlə azərbaycanlının yaşadığı Qarabağ komandasına dəstək kifayət qədər olacaq. Lakin Time TV-nin yarışı izləmək üçün Freiburga gedən nümayəndəsi Emil Cəfərov bildirib ki, azərbaycanlı azarkeşlərin sayı az ola bilər. Çünki Freiburga səfər edənlər ancaq şəxsi təşəbbüs və şəxsi vəsaiti ilə gələnlərdir. Diaspora təşkilatlarından isə xəbər yoxdu.
“Kanal 13”-ün rəhbəri Anar Orucov isə şəxsi səhifəsində paylaşdığı statusda Diasporla iş Üzrə Dövlət Komitəsinin sədri Fuad Muradovu ciddi ittiham edib. O, yazıb:

— Bu gün Almaniyada bütün yollar Freiburga aparır! Can Qarabağ buradır. Ürəyi Azərbaycanla döyünənlərin əksəriyyəti bu gün bu şəhərə doğru yol alıb. Fuad Muradov, sənin Azərbaycan diasporun bəs hardadır? Xalqın cibi olmalı olan hökümət büdcəsindən ayrılan milyonlarla vəsaiti bir nəfəsə Avropada restoran, otel biznesinə xərcləyirsiniz (faktlar var və yazacam detallı) amma sənin ildə yüzminlər ayrılan diaspora təşkilatının bir nəfəri Qarabağın oyununa dəstəyə gəlmir?! 3-5 nəfər gələn olanda da zəng edib pulsuz bilet axtarırlar... Utanmırsınız da deyirəm! Diasporla iş üzrə Dövlət Komitəsinin sədri olasan, biletləri zəng etdirib pulsuz istəyəsən, ayrılan biletdən xeyli az adamın gələ, amma hər dəfəsinlə on min manatlarlarla pul siləsən! Qarabağ can qoyur, uğur qazanır, Azərbaycan adının qarşısına ZƏFƏRLƏR yazdırır, Avropanı susdurur ki, SİZİN kimi namərdlər büdcədən vəsait silib, pul qazansın!

Vətən müharibəsinin iştirakçısı küçələrdə dilənir

2020-ci il 44 günlük Qarabağ müharibəsi iştirakçısı, Ağdaş rayon sakini Samit Quliyev imkansızlıqdan prezidentin verdiyi “Xocavəndin azad olunması uğrunda” medalını sinəsinə sancaraq küçələrdə dilənir.

Mənbə: gününsesi.info

🇬🇪 Kutaisidə "Bank of Georgia"nın yerli filialına silahlı basqın olub. Bank binasında olanlar girov götürülüb. Basqınçı tələblərini irəli sürüb: helikopter, Rusiya bayrağı, 2 milyon dollar. Qeyd edək ki, Gürcüstanda son vaxtlar anoloji hal (banka basqın) dəfələrlə baş verib.

İranda aksiyalar idarə olunmaz hal alıb. Bu gün hakerlər İranın bütün dövlət televiziyalarını hack edərək, fəaliyyətlərini dayandırıblar. Hazırda İranda heç bir telekanal işləmir.

Yayılan, amma hələ ki, təsdiqlənməyən xəbərə görə, Çin Xalq Respublikasında hərbi çevriliş baş verib. Ölkə rəhbəri Si Tsipin həbs olunub. Bütün səlahiyyətlər ordu generalı Qiaominqə keçib.

Bu gün səhər saatlarında Ukrayna Silahlı Qüvvələri Krım körpüsünə raket zərbəsi endirib. Raket körpünün dəmiryol qanadında hərəkət edən neft sisternlərinə dəyib. Nəticədə yanğın başlayıb, avtomobillər hərəkət edən xəttin bir hissəsi də çöküb.
Qeyd edək ki, Krım körpüsü və ya Kerç körpüsü Kerç və Taman yarımadalarını, həm də Tuzla adası ilə Tuzla dilini birləşdirir. Körpü iki paralel hissədən — avtomobil yolundan (A-290) və dəmiryol xəttindən ibarətdir. Körpünün ümumi uzunluğu 19 km-dir. Krım körpüsü Ukrayna və Rusiya ərazisində tikilən ən uzun körpü hesab olunur. Bəzi mənbələrdə isə körpü Avropanın ən uzun körpüsü kimi təqdim edilir. Ukrayna torpaqlarını işğal edən Rusiya üçün strateji əhəmiyyətli obyektdir.

⚠️ Azərbaycanın Vaşinqtondakı səfirliyinin xidməti avtomobili erməni millətçilər tərəfindən atəşə tutulub.

Bu barədə Azərbaycan Xarici İşlər Nazirliyi məlumat yayıb.

Baş vermiş hadisə ilə bağlı diplomatik nümayəndəliyimiz tərəfindən dərhal ABŞ müvafiq qurumlarına məlumat verilib, kamera görüntüləri qarşı tərəfə təqdim edilib.

Məsələ ilə əlaqədar ABŞ-ın ölkəmizdəki müvəqqəti işlər vəkili 12 oktyabr tarixində XİN-ə çağırılıb, baş vermiş hadisə ilə bağlı ciddi narahatlığımız və narazılığımız ifadə edilib və Azərbaycan diplomatik nümayəndəliyinin təhlükəsizliyinin təmin edilməsi tələbi qarşı tərəfin diqqətinə çatdırılıb.