🇺🇿 OʻZBEKISTON RESPUBLIKASI KONSTITUTSIYASI

4-modda.
Oʻzbekiston Respublikasining davlat tili oʻzbek tilidir.
Oʻzbekiston Respublikasi oʻz hududida istiqomat qiluvchi millat va elatlarning tillari, urf-odatlari va anʼanalari hurmat qilinishini taʼminlaydi, ularning rivojlanishi uchun sharoit yaratadi.

✈️ @tilxon

🟢 Ish yuritish jarayoni 3 xil bosqichda amalga oshiriladi:
➡️hujjat tayyorlash;
➡️hujjat aylanishi;
➡️hujjat saqlanishi.

✈️ @tilxon

🔵 Hujjat tayyorlash jarayoni huquqiy va lingvistik bilim va tajribalar asosida amalga oshiriladi. Hujjat tuzilishi belgilangan qoliplarga mos, uning mazmuni huquqiy talablarga javob beradigan, matn tarkibi esa til me'yorlariga muvofiq tarzda yozilishi lozim.

❗️ Har qanday hujjat rasmiy uslubda yoziladi.

✈️ @tilxon

✍️ Hujjat aylanishi hujjatning tegishli tartibda rasmiylashtirilishi, joʻnatilishi va adresat (hujjat qabul qiluvchi)ga yetib borishini ta'minlash chora-tadbirlari hisoblanadi.

🟢 Hujjat elektron shaklda, qogʻoz shaklda va nusxalangan shaklda ijrochiga yetkaziladi.

🔴 Maxfiylik darajasiga qarab, ayrim hujjatlarning faqat mazmuni xodimlarga tanishtirilishi mumkin.

✈️ @tilxon

🔊Hujjat saqlanishi ish yuritishdagi alohida ahamiyatga ega masala.

🔊Har qanday hujjat ish faoliyat jarayonida vazifasini bajarib boʻlgandan keyin yigʻma jildda saqlanadi.

⏭️Hujjatlarning toifasi va turiga qarab saqlanish muddati belgilanadi.

🔊Ayrim hujjatlar muayyan muddatdan keyin yoʻq qilinsa, muhimroq hujjatlar saqlash uchun arxivga topshiriladi.

✈️ @tilxon

#rasmiy_uslubda_yozamiz

❌ “Mazkur yo‘nalishda ishlar olib borilmoqda”

✅ “Yo‘nalish bo‘yicha ishlar amalga oshirilmoqda”

Rasmiy uslubda har bir soʻz aniqlikni talab etadi.

✈️ @tilxon

🇺🇿 Oʻzbekiston Respublikasi "Davlat tili haqida"gi Qonun 1989-yil 21-oktabrda qabul qilingan.

🫥 Qonun 1995-yil 21-dekabrda tahrir qilingan.

✅ Qonun 24 moddadan iborat.

✈️@tilxon

💠 Har bir fuqaroning “Davlat tili haqida”gi Qonun mazmuni bilan tanish bo‘lishi davlat tiliga hurmat va fuqarolik mas’uliyatini shakllantirishda muhim ahamiyat kasb etadi.

➡️Tanishib chiqish uchun havola manzillari:

🔷 "Davlat tili haqida"gi Qonun (oʻzbek tilida);

🔷 "Davlat tili haqida"gi Qonun (rus tilida);

🔷 "Davlat tili haqida"gi Qonun (ingliz tili).

✈️ @tilxon

#Xabaringiz_bormi

🔔 Vazirlar Mahkamasi huzuridagi Atamalar komissiyasi majlisining 2025-yil 30-iyuldagi 62-son bayoniga asosan 30 dan ortiq soʻzlarning yangi muqobili iste'molga kiritilgan.

🟦 Mazkur soʻz va atamalarni siz bilan tanishib chiqamiz.

✈️ @tilxon

🟦 Rasmiy uslubda chiziqcha va tire masalalari eng koʻp tarqalgan xatolikdan biri sanaladi.

🫥 Chiziqcha qisqa, tire esa uzun shaklda boʻladi. Chiziqcha imlo qoidalari bilan, tire esa tinish belgisi qoidalari bilan tartibga solinadi.

❗️ Chiziqcha "-nchi" qoʻshimchasi oʻrniga qoʻyiladi: 2026-yil 7-may
(Imlo qoidalariga asosan yil va sanalardan soʻng chiziqcha qoʻyilishi shart).

❕ Tire esa ma'lum chegarani anglatadi. Masalan, oraliq masofa, oraliq yillar, oraliq sanalar va h.k.
➡️ 2020—2026-yillar boʻyicha hisobot.
(Ushbu misolda jami 7 yillik hisobot haqida soʻz bormoqda)
➡️ Toshkent—Xorazm avtomobil yoʻli.
(Mazkur misolimizda ham Toshkentdan Xorazmgacha boʻlgan masofa nazarda tutilmoqda)

Tire haqida keyingi sonlarimizda yana qoʻshimcha ma'lumotlar beramiz.

✈️ @tilxon