Ақорда» шығыны 5 жыл бұрынғыға қарағанда едәуір артқан

Бұл туралы Kursiv.media хабарлады.

Мәселен, 2023 жылы президент әкімшілігіне бюджеттен 16,8 млрд теңге жұмсалған. Бұл 5 жыл бұрынғы шығыннан 2,4 есе көп. Басылымның жазуынша, президент әкімшілігінің шығыны инфляциядан да жылдам артқан.

Ал мемлекет басшысының жұмысын материалдық қамтамасыз етуге жауапты президент іс басқармасы 93,5 млрд теңге жұмсаған. 5 жылда шығын 84 пайызға өскен. Мемлекеттік органның ең көп шығыны — 16,1 млрд теңге көлік жаңартуға жұмсалған.

Бізге жазылыңыз

Ресей Азаттық радиосын «Жағымсыз ұйымдар» тізіміне қосты

Тізім министрліктің сайтында 20 ақпанда жарияланды.

Бұл тізімдегі ұйымдардың жұмысына араласқан, қаржы аударған ресейліктер қылмыстық жазаға тартылады.

Ресей билігінің тізімінде 142 «Жағымсыз ұйым» бар.

Бұл тізімге Ресей билігі «Елдің конституциялық құрылымына, қауіпсіздігіне, елдің қорғаныс әлеуетіне қауіп төндіреді» деп санайтын ұйымдарды қосқан.

Бізге жазылыңыз

АҚШ Навальныйдың өліміне байланысты Ресейге қарсы ірі санкция пакетін жариялайды

Бұл жөнінде Калифорнияға сапары кезінде журналистерге АҚШ президенті Джо Байден хабарлады.

Ол шара жөнінде толық ақпарат 23 ақпанда жарияланатынын айтты.

Америка президенті Джо Байден Навальныйдың өліміне Ресей басшысы Владимир Путинді кінәлады.

Бізге жазылыңыз

Мәдениет және ақпарат министрі Аида Балаева журналист Думан Мұхаммедкәрімді «Саяси тұтқын» деп есептемейді

Ол Қазақстан билігінен оны босатуды талап еткен халықаралық Human Rights Watch құқық қорғау ұйымының мәлімдемесімен келіспейді. Бұл жөнінде Азаттық хабарлады. 

Министр «Халықаралық құқық қорғау ұйымы Думан Мұхаммедкәрімді саяси тұтқын деп есептеп, бостандыққа шығаруға шақырды» деген тілші сұрағына: «Мен ол пікірмен келіспеймін» деп жауап берген. 

Бізге жазылыңыз

Қытайлық хакерлік топ шамамен екі жыл бойы Қазақстанның маңызды IT-инфрақұрылымдарын бақылауда ұстаған

🔊 Толығырақ мына жерден оқи аласыз

Маңғыстауда West Oil Software басшылары ереуілшілерге «жұмыстан шығаратынын» айтып, тағы ескерту жасады

Жұмыс беруші компанияның хабарламасы 21 ақпанда Energy Monitor телеграм-арнасында жарияланды.

Басшылық жұмысшыларды «24 ақпанға дейін жұмысқа оралуға» үндеп, сол мерзімнен кейін «заңсыз ереуілшілермен еңбек келісімшартын бұзатынын» айтты.

Бізге жазылыңыз

Әйеліне қол көтергендер қанша жылға сотталады?

Мәжіліс отырысында мақұлданған «Қазақстанның кейбір заңнамалық актілеріне әйелдердің құқығы мен балалардың қауіпсіздігін қамтамасыз ету мәселелері бойынша өзгерістер мен толықтырулар енгізу туралы» заң жобасында қол көтеру туралы да жазылған.

Депутат Жұлдыз Сүлейменованың айтуынша, енді әйеліне қол көтергендер 8 жылға сотталуы мүмкін.

Бізге жазылыңыз

Алматыда 2 балдық жер сілкінісі тіркелді

Жер сілкінісі 22 ақпанда сағат 00:26-да тіркелді. Эпицентрі Алматы қаласынан оңтүстік-шығысқа қарай 260 км жерде Қытай аумағында орналасқан.

Сездіңіз бе?🤔

Бізге жазылыңыз

Қонаев қаласында Думан Мұхаммедкәрімнің соты басталды

Сотқа Думан Мұхаммедкәрімнің бір топ жақтасы жиналды. Сағат 10:30-да болады деген сот 12:00-ге шегерілген. Бұл туралы Masa Media жазды.

12 ақпан күні өткен тыңдауда прокурор соттан процесті жабық өткізуді сұраған еді. Судья өтінішті қанағаттандырған. Бұл өтінішке қорғаушы тарап қарсы шықты.

«Не дейді» YouTube-арнасының авторы Думан Мұхаммедкәрім «тыйым салынған ұйым ісіне араласу» және «экстремизмді қаржыландыру» баптары бойынша күдікке ілінген.

Қазақстандық құқық қорғаушылар Думан Мұхаммедкәрімді «саяси тұтқындар» қатарына қосқан.

Бізге жазылыңыз

Қоғам белсендісі Рысбек Сәрсенбай журналист Думан Мұхаммедкәрімді қолдауға келген адамдар «заң бұзбағанын» айтты

Қонаев қалалық ішкі саясат бөлімінің басшысы Сағынай Мұсағитов Думан Мұхаммедкәрімнің жақтастарына «Бейбіт жиын бойынша әкімдікке хабарлама жібермегенін» айтқан еді.

Журналистің жақтастары Сағынай Мұсағитовтың сөзіне наразы болды. Жақтастар алаңға емес, сотқа келгенін жеткізді.

🎥: Azattyq

Бізге жазылыңыз

Қуандық Бишімбаев тағылған айыптарды мойындамайды

Бұл туралы Қуандық Бишімбаевтың адвокаттары El Media арнасына берген сұхбатында айтты.

Олардың сөзінше, Салтанат Нүкенова субдуральды гематомадан қайтыс болған. Ұрыс болмаған. Болған жағдай оқыс оқиға. Қуандық Салтанатты әлі де жақсы көреді т.б.

📹: Qumash

Бізге жазылыңыз

Қазақстан президенттерінің отбасы мүшелері ұлттық пантеонға жерленбейді

Ұлттық пантеон туралы ереженің жаңа редакциясы жарияланды.

Жаңа редакцияда президенттердің отбасы мүшелерін, мемлекеттік хатшыларды, Конституциялық кеңестің төрағаларын, сондай-ақ «Қазақстан Республикасының тұңғыш президенті-Елбасы Нұрсұлтан Назарбаев» ордендерінің иегерлерін алып тастау ұсынылады.

Түсіндірме жазбада бұл Қазақстанның тұңғыш президенті туралы заңның күші жойылғанына байланысты жасалып отырғаны айтылған.

Бізге жазылыңыз