*#فِي _ حُب _ الإسلام..《02》*
*#بِقلم: أسرار جُمعة 💛.*
*ـہہہـ٨ــــہہہــــــہہہـ٨ــــہہہـ*

‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏العصر سمر و يارا جوني
و طلعنا مشينا لِي أية ..

بيت ناس أية مِننا بِشارعين
يعني..
ما بعيد
أما يارا و سمر بيوتهم بِتفتح علينا .

و صلنا دقينا الباب..
فتحتْ لينا جواهِر أختْها الصغيرة
عمرها ذي خمس سنوات كِدا .

وجن: جوجو الحِلوة
و شلتها بُستها .

جواهر: وجونة .

وجن: عيون وجونة أنتِ
كيفك ؟

جواهر: تمام .

وجن: الحمد لله
أية قاعدة ؟

جواهر: أي قاعدة جوا .

دخلنا سلمنا على أمها و قعدنا
ضيفونا
بعد مسافة..
أية جاتنا
سالنا مِنْ أحوالها و ليه ما جاتْ المدرسة ؟
قالتْ :
كانتْ عيانة .


يارا: صحي ما حكينا ليكِ الشمار .

أية "وهي بِيستعدل": شمار شنو ؟!

يارا: عاينوا لمِنْ صلحتْ قاعدتها غايتو .

أية: سريع ياخ ما قادرة أتنفس .

سمر: حالتك صعبة يا صحبتي .

يارا:خلاص بوريكِ لـٰكِن..
تدفعي كم ؟

أية: العايزاهو .

يارا: ثواني بس أجيب أله حاسبة .

وجن: ليه أصلو أنتِ عايزة كم ؟

يارا: عايزة جُغلومية مِليون بس
لـٰكِن..
عارفني أنا طيبة
؛ عشان كِدا بخفض ليها لي عُشرومية
كِدا قصرتَ ؟

وجن: لالا نهائي .

سمر: أية هي زاتها فطرتْ لمِن تديكِ
قروش ؟
و بعدين الأسماء الغريبة دي شنو كمان
جُغلومية و عُشرومية !

يارا: ديل أخترعتهم أنا .

سمر: واضِح .

يارا"هي بِتضيق عيونها" : قاصدة شنو ؟

سمر: ولا شي سلامتك يا قلبي .

أية: أها يا يارا أحكي ياخ .

يارا: كُل الموضوع أنو..
المُديرة قسمتنا لجِمعيات وقالوا :
النشاط نِستفيد منهُ
" و حكتْ ليها كلام المُديرة "

أية"بِغيظ" : ده هوَ شمارِك ؟

يارا: أي وعارفة أنو..
الموضوع ما خطير لـٰكِن عملتَ كِدا
؛ عشان أرفع ضغطك بس
و شُكراً .

أية: أمسكوني مِنْ البت دي .

سمر: هسه منو الماسكك يا بتنا ؟
أمشي ليها ساي .

أية"بِتهديد": ثواني بس الليلة ما بخليكِ .

و قامتْ مِنْ مكانها وبقتْ تجضِم يارا
و هي شغالة ليها لا الا جُضومي
غايتو أتفشتْ فيها كويس
و أنِحنا بِجاي ميتين مِنْ الضِحك .

بعد خلصوا عوارتهم دي رجعنا نِتونس
و قالتْ :
حـ تدخل معي فِي جِمعية القُرآن .


بعدهُ طلعنا على البيت..

كُل واحدة دخلتْ بيتهُم
أنا مشيتَ المطبخ طوالي عملتَ لي
كيكة
قُلتََ :
أكُلها بعدين .


مشيتْ غُرفتي بقيتْ أقرا
لمِنْ..
سمعتَ أذان المغرِب..
قُمتَ صليتْ و قريتْ أذكار المساء

بعده أبوي وليد جوا مِنْ الجامع
أجتمعنا كُلنا لِلأكل و أكلنا

بعد الأكل..
عملتَ ليهم الشاي
و فتحتَ التلاجة
؛ عشان أشيل الكيكة
لـٰكِن..
ما لقيتها !


وجن: ده منو الأكل الكيكة الكانتْ فِي التلاجة ؟
ده أنتَ يا وليد مُش؟ .

وليد: ما تِتهميني ساي .

وجن: بِتهمك
؛ لانو ماف زول غيرك حـ يكون شالها .

وليد: شايفاني براي فِي البيت ده ؟
ليه ما شايفة ولاء دي؟ .

وجن: لا ما شالتْها شِلتْها أنتَ ده .

وليد: شُفتيني أنتِ ؟

وجن: لا لـٰكِن..
مُصِرة أنو أنتَ شلتها .

وليد: يا زولة لمِنْ يكون عندك دليل بعدين تعالي .

وجن: سمح يا وليد بس
خلي أعرف أنو..
أنتَ شلتها .

وليد: حـ تعملي لي شنو ؟

وجن: ببقيك شوربة .

وليد"بِتريقة": خوفتني .

وجن: ليك حق تخاف و ترجِف عديل .

وليد: ليه شايفاني كاستر ؟

وجن: ما ظريف نهااااائي .

ولاء: بِسيرة الكاستر أسمعوا النُكتة دي .

وليد: لا أسكُتِ ما عايزين .

ولاء: لا لازم تعوذوا و تسمعوا
يلا فِي مسطول فتح التلاجة
لقى صحن كاستر قاعد يرجف
" وسكتتْ؛ لانو بِقتْ تدمع وما قادرة تكمِل مِنْ الضِحك "

وليد: أها تقُعدي تضحكي و تبكي و ما بِتفهمينا شي .

ولاء" وهي بِتضحك" : معليش ما قادرة والله
المُهم لمِنْ المسطول شافو قاعد يرجف
قال ليهو :
ما تخاف داير أشرب موية بس .

وجن" وهي بِتضحك": حِلوة حِلوة .

وليد: أنتِ عارفة يا ولاء أنا لي تلاتة أيام ما ضحكتَ و بِي الليلة أربعة أيام .

ولاء: كئيب بس
النُكتة مُضحكة شديد .

وليد: على سيرة الموية الـ في النُكتة دي
أنا عايز موية .

ولاء: غلطانة أنا الخلاني أجيب سيرة الموية شنو ذاتو .

وليد: ده أخر الظرافة .

ولاء: خلاص بجيب ليك لـٰكِن..
المُقابل شنو ؟

وليد: و لا شي .

ولاء: أبيت يلا ما ماشة .

وليد: كويس بعدين ما يبقى ليكِ بمبي بس
وجن أختي حبيبتي مُمكِن تجيبي لي موية ؟

وجن: مع أني لسه فِي موضوع الكيكة لـٰكِن..
حاضر .

وليد"وهو بِتكلم مع ولاء": شوفي عليك الله .

وجن جابتْ الموية و مدتْها لي وليد..

وليد: أخُتِك وين أنا ياخ .

وجن: سيب البكش .

بعد شِرب قال :
الليلة حـ أطلعكْ يا وجن .

وجن: أحللللللف .

وليد: وحياتك .

وجن: أول حاجة يا سلااااام
ثانياً يا وليد الحلف بِغير الله لا يجوز .

« أحذروا الحلف بغير الله فهو شرك والعياذ بالله وللأسف الحلف بِغير الله بقى مُنتشر جِداً
منها العبارات ديل..
و النبي
و عليا الطلاق
و الكعبة
و رحمة فلان
و حياة أولادي
و راس أمي
و راس أبوي
و حياتك
و حية عيونك
و غيره..
ديل كُلهُم لا يجوز

¹.قال رسول الله ﷺ " من حلفَ بغيرِ الله فقَد كفر أو أشرَك "

².وقال رسول الله ﷺ " إنَّ اللَّهَ يَنْهَاكُمْ أنْ تَحْلِفُوا بآبَائِكُمْ فمَن كانَ حَالِفًا فَلْيَحْلِفْ باللَّهِ أو لْيَصْمُتْ "

الحلف يكون بِالله فقط
يعني مُمكِن تقول :
و الله
و رب الكعبة ».

وليد: جزاكِ اللَّه خير .

وجن: و جزاكَ الفِردوس الأعلى .

ولاء: وليددد أخوي .

وليد: ما أخوكِ ولا بعرفك .

ولاء: أنا ما أختك ؟

وليد: أي .

ولاء: كرفستَ مشاعري .

وليد: أكويها .

ولاء: كويس و حـ أكوي ملابسي برضو لي طلعة بعدين .

وليد: على ما أظن أنا قُلتَ أنو..
حـ نطلع أنا و وجن .

ولاء: يرضيك أقعُد براي ؟

وليد: يرضيني و بِشدة .

ولاء: يخسي عليك
زِعلتَ زاتو .

وليد: يا وجن عِندك دمعة ؟

وجن: أي ليه ؟!

وليد: عشان نديها لي ولاء تطرشِق .

ولاء"وهي قايمة و عاملة أنو زِعلتْ": ما ماشة زاتو .

وليد: شايفة كدي بعدين تتأخري بس .


ولاء أبتسمت بِأنتصار وقالتْ :
يسسس
لـٰكِن..
واصلتْ مشيها
؛ عشان هيبة الزعلة ما تروح .


مشيتْ جهزتَ عبايتي و كويتها بِمزاج
العشاء أذن..
ناس أبوي طلعوا الجامع لِلصلاة
أنحنا بعد صلينا قُمنا أتجهزنا

أنا لابسة..
عِباية وطرحة نُص توب بِاللون الزيتي
و الباندانة التحت الطرحة و الأسبورت بِالأبيض
أما وجن لابسة..
عِباية وطرحة نُص توب بِاللون الكُحلي
و الباندانة التحت الطرحة و الأسبورت بِالبيجي



ناس أبوي جوا مِنْ الصلاة..

وليد: أخواتي الحِلوات بِسحروكم
تعالوا أحصِنكُم .
مشينا ليهو حصنا..
بعدهُ طلعنا


رِكبنا العربية وأتحركنا..
و طول الطريق قاعدين نِتونس

وصِلنا..
لقينا أنو..
ودانا مكان إيسكريم
ياخ فِي اللحظة دي حبيتو حُب .

نِزلنا وقعدنا لينا فِي تربيزة كِدا قاعدة طرف و بِتشوف منها منظر البحر رهيب .


وليد: أها عايزين بِنكهة شنو ؟

وجن: يلا أنتَ عارفني أنا بحِب الإسكريم كيف
فـ عايزة الحجم العائلي .

ولاء: حِيلك حِيلك .

وليد: لا بِجيكِ ألتهاب .

وجن: خائف عليَّ ؟

وليد: فِي زول ما بِخاف على أختو حبيبة قلبو ؟

وجن: حبيبي حبيبي .

ولاء"بِغيظ" : مششم غايتو .

وجن: يا وليد فِي زول هِنا غيران .

وليد" و هو بِضحك": غيرة شديدة .

ولاء:منو قال ليكم أنا غيرانة ؟ .

وجن: واضح أنو ما غيرانة .

وليد: أي أي .

وجن: وأغار مِنْ شنو بِالله ؟
أنتوا ما عندكم موضوع بس .
شغلناها ليها و بقينا نضحك عليها ..


طلبنا..
أنا بِالفانيليا كالعادة
ولاء بِالفراولة
و وليد بِالكاكاو


وجن: الينتهي مِنْ حقو أول يقبل لِحق أخوهو .

وليد و ولاء: أتفقنا .


أنا و ولاء خلصنا فِي نفس اللحظة
و عاينا لي بعض و أبتسمنا
قُلتَ ليها :
قاعدة تفكري فِي نفس القاعدة أفكر فيهو ؟

قالتْ لي :
أي .

بعدهُ عاينا لي إيسكريم وليد و ضِحكنا ضحكة شريرة
وليد: أوع تفك ...
و قبل يتم كلامو هجمْنا عليهو .

هو أتخلع و بقى يعاين لينا
بعد خلصنا مدينا ليهو العِلبة
و قُلنا ليهو :
أتفضل أكُل .

وليد: لا بِالهنا .

ولاء: لالا كيف الكلام ده لازم تاكُل .

وليد: هو أنتوا فضلتوا حاجة الزول يأكُلها ؟! .

وجن: كيف ما فضلنا ؟!
ما شايف العِلبة دي ؟ .

وليد: صحي ما قصرتوا مدام خليتوا العِلبة
كتر خِيركُم ياخ .

وجن: شُفتَ كيف ؟ .

وليد: أي شُفتَ
أوع هسه تاكلوني أنا كمان .

ولاء: معليش ما بِناكُل حِمضيات .

وليد: قصدِك شنو يازولة ؟
أصبُري لي شوفي اليطلعك منو تاني .

ولاء: معقولة بس
أنا كان قصدي أقول ليك أنو..
ما قاعدين ناكُل سُكريات
حِمضيات دي طلعتْ بِالغلط .

وجن: هرشوها .

ولاء"بِهمس" : أي شي و لا الطلعة .

وليد: ماشي أشتري لي واحد تاني بس..
كدي الواحدة فيكم تدخل يدها دي .


طلب تاني واحد و برضو بِقينا نمد الملاعق بِتاعتنا
؛ عشان نشيل مِنو
و هو يوديهُ بعيد مننا

أخر حاجة..
بقى مرة يأكل و مرة يأكلنا

بعدهُ بِقينا نِتونس
و فضفضنا لِبعض ♡.


أتصورنا سيلفي..
و شال لي كُل واحدة فينا إيسكريم الحجم الكبير و لي ناس أمي
بعدهُ طلعنا .



رِكبنا العربية و بِقينا نِتونس ...

وجن: أنا ما عارفة ليه هُم مُسمنوا الحجم العائلي فِي حين أنو..
أنا براي قاعدة أكمِلو ! .

ولاء: غايتو زول بِحب الأسكريم ذيك ما قابلنني .

وجن: ياااااخ ده العِشق .

و واصلنا ونستنا لمِن..
وِصلنا


نِزلنا..
فتحنا الباب
لقينا الأنوار مطفية
بقينا نِتسحب براحة
؛ عشان ما نعمل كركبة و أمي تصحى و تقبضنا
؛ لانو أتاخرنا .


فجأة !..

الأنوار ولعتْ !
ولقينا أمي واقفة و بِتعاين لينا

وليد: كتمتْ .

نادية: ماشاء اللَّه ماشاء اللَّه
جايين مُتاخرين
و كمان قاعدين تِتسحبوا براحة ذي الحرامية !




#على_الهامِشْ:


- ويسألونكَ عنِ الأخِ قُل :
حُب لنْ يُختذل وحياةً بِلا عِللُ و جمالٌ أبلغُ مِنْ عِباراتِ الغزلِ

قيلَ عنْ الاخِ :
هوَ ذَلِك الذي تطلُب مِنهُ نجمتين..
فيعودُ لكَ حاملُ معهُ السماءِ !

إن الأخَ نعمةُ مِنْ اللَّه تعالى علينا
فهوَ المؤنسُ، الصديقُ و الرفيقُ
هوَ الأمانُ فِي هَذهِ الأرضِ
و الإنسانُ الوحيدُ الذي..
لن يخذلكَ أبدًا إن احتجتهُ

أمّا عنْ أُخي..
فلا أقتباس يصِفهُ
و لا نصْ يكفي لِلحديثِ عنهُ
هوَ الأمانُ ، هوَ الخيرُ ، هوَ الكُلُّ ♡

#أحمدوا اللَّه على نِعمة الأخوان 💛🌻.

.*يتبــــــــــــــــــــــــــــــــــــــــــع*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏

‏ابوك لما يرفض زول اتقدم ليك او يقول ليك اصبري م معناها م عايز ليك الخير والسعادة بالعكس اهلنا عندهم نظرة نحن م شايفنها نحن في اللحظات الذي دي بتسيطر علينا عاطفتنا بس هم بكونو حاسبين لكل خطوة وشايفين من كل جانب ف دايما ندي الاهل وخصوصاً الأبو النسبة الكبيره في القرار دا✔️💛🌸💕 .

‏فضحتهم بقع الصدأ..
‏أولئك الذين حاولوا إقناعنا
انهم من ذهب...🙃💔

“عندما تتراخى قبضتك عن مصحفك..
تشتد قبضة الحياة حول عنقك😔✔️

*#فِي _ حُب_ الإسلام ..《03》*
*#بِقلم: أسرار جمعة... 💛*
*ـہہہـ٨ــــہہہــــــہہہـ٨ــــہہہـ

‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏نادية: ماشاء اللَّه ماشاء اللَّه
جايين مُتاخرين
و كمان قاعدين تِتسحبوا ذي الحرامية ! .

ولاء: أمي أنتِ عارفة أنو..
طولنا مِنْ الطلعة و الزمن جرى كمان .

وجن: أي يُمة ما حسينا بِالوقت .

نادية: بِالحالة أنتِ شغالة بُكرة مدرسة يا وجن .

وجن: بصحى بدري أن شاء الله .

نادية: الدور ده حـ أمشيها ليكُم
يلا أدخلوا .

مشينا شِربنا موية و دخلتَ الإيسكريم فِي التلاجة..
قُلتَ لي وليد و ولاء :
يلا تصبحوا قُرود .

قالوا لي :
تصبحي أرنب .

وجن: تصبحوا دولفين .

ولاء و وليد: تصبحي دِجاجة .

وجن: تصبحوا ببغاء .

ولاء و وليد: تصبحي باندا .

وجن: تصبحوا مُشبك .

ولاء و وليد: تصبحي خاتم .

قُلتَ ليهم :
تصبحوا حلق .

ولاء: أسكتوا أسكتوا
بِذكر الحلق عندي ليكم نُكتة رهيبة عديل .

وجن: أحكي .

ولاء" وهي بِتضحك":
فِي واحد حلق
واي ما قادرة ما قادرة .

وليد: أها فِي واحد حلق .

ولاء: فِي واحد حلق أختو لِبستو
و بقتْ تضحك
و خلتنا نضحك معاها .

شُفنا أمي فتحتْ باب غُرفتها وجاية على البرندا
طوالي جرينا
و كُل زول دخل غُرفتو

مِنْ دخلتَ نُمتَ طوالي ما صحيتْ الا وقت جات ولاء صحتني لِلقيام..

قُمتَ صليتْ و رجعتَ نمتَ
ما نُمتَ مسافة طويلة جاتْ أمي صحتني لِصلاة الفجر
ناس أبوي طلعوا الجامع
و أنحنا صلينا
بعد خلصتَ..
بقيتْ أسبح وأستغفر وقريتْ أذكار الصباح

ناس أبوي رجعوا مِنْ الجامع
بِقينا نقرأ سورة البقرة
يلا ما قاعدين نقراها فِي جماعة
و كِدا، كُل زول بِقراها براهو
لـٰكِن..
بنكون قاعدين فِي مكان واحد بس
؛ عشان نضمن أنو..
كُل زول قراها و نشجع بعض
و نطمئن أنو..
كُل زول قرأ أذكارو
و بعدهُ أبوي بِحكي لينا قِصة مِنْ قِصص الأنبياء و الصحابة

آصلاً ده برنامجنا كُل صباح
و خير اليوم الذي يبدأ بِذكر اللَّه

حرفياً بِنحس بِبركة فِي يومنا و وقتنا
و غير الراحة النفسية العجيبة ♡!.

صِديق: الليلة القصة عن الصحابي الجليل زيد بن حارثة
مِن يوم ما أتسمى "زيد بن محمد"
كانت التسمية دي بعد رِضا الأب الحقيقي لِزيد

الحِكاية مِنْ البداية إن زيد كان طِفل عنده ثمانية سنوات ماشي مع والدته يزوروا أهلها فِي بلد تانية
حصلتْ غارة على المكان فـ أخدوهُ هو و كم طفل كمان
؛ عشان يبيعوهم فِي سوق عكاظ مع الغُلمان

يومها كان ابن أخو ستنا خديجة موجود في السوق
حكمتْ الأقدار إنو..
هو بِالتحديد الـ يشتري زيد
إشتراهُ وإشترى معاهو كم غلام و رجع بيهم لِبيتهُ .

لمن أمنا خديجة عرفتْ أنو..
ابن أخوها رجع بِالسلامة قررتْ تزوره
وهو حُباً فيها
قال ليها :
تختار أي غُلام من الغُلمان الـ أشتراهم مؤخراً و تشيلو عندها عَبد يساعدها فِي أمور بيتها
أمنا خديجة إختارتْ زيد
؛ لأنو توسمتْ فيهو الخير

و تعدّي فترة ما كبيرة و يظهر النبيﷺ
فِي حياة أمنا خديجة ويتزوجوا
فـ تقرر تديهو زيد
ياخد العبد ده يتصرف فيهو و يبقى تحت أمره و ملك يدهُ
النبيﷺ قرر يعتقهُ مِن العبودية ويجعله حُر ليس لأحدٍ من سُلطانٍ عليه
ورغم ذَلِك يفضل عايش معاهُم فِي البيت برضو، عايش كـ ضيف ما كـ عبد !

فِي الوقت ده كان أبو زيد وأمهُ بِفتشوا فيهو و فِي قِمة حُزنهُم و قلقهُم عليهو
لِحدي ما فِي موسم مِنْ مواسم الحج كان فيهُ وَفد مِنْ قوم زيد
أثناء وجودهُم فِي مكة
شافوهُ وعرفوهُ

مشوا كلموهو وسألوهو فـ حكى ليهُم وطمّنهم
وقال ليهم :
" أخبروا أبي أني مع أكرمِ والد "

أبو زيد بِمُجرد ما عرف مكانو مشى طوالي هو و عمهُ
مشى للنبيﷺ وقال :
"يا بن عبد المُطَّلب أنتم جيران الله تَفُكُّون العاني, وتُطْعِمون الجائِع, وتُغيثون الملْهوف, وقد جِئْنا في ابننا الذي عِندك، وحَمَلْنا إليك من المال ما يفي به، فامْنُنْ علينا وفاده لنا بما تشاء واطْلُب المبلغ الذي تريد"
سيدنا النبي - مِنْ باب الدِقة- سأله
"و من ابْنُكُما الذي تَعْنِيان؟"
فقال :
" غُلامك زَيْدُ بن حارِثَة"

النبيﷺ اقترح عليهم حل آخر..
أكثر إنصافاً لِمشاعر زيد وأكثر احتراماً لِرأيه و فِي نفس الوقت يغنيهم هُمَّ عن دفع الفدية
فقال :
" أدْعوه لكم فَخَيِّروهُ بيني وبينكم فإنْ اخْتاركم فَهُو لكم بِغَيْر مال, وإن اخْتارني فما أنا بالذي يرغب عمن اخْتاره"

فقال العمّ والأب: "و اللَّه قد أنْصَفْت وبالغتَ فِي الإنصاف"

فأرسل النبي ﷺ لِينادوا زيْداً,
و لمِن جا سالهُ فقال: "من هذان؟"
قال : "هذا أبي حارثة ابن شُرَحْبيل, وهذا عمِّي كَعْب"

فقال صلوات ربي و سلامه عليه :
" يا زيد, قد خَيَّرْتك إنْ شِئتَ مَضَيْتَ معهما, وإن شِئتَ أقَمْتَ معي"

فما كان من زيد إلا أن قال مِنْ غير تَرَدُّدٍ ولا إبْطاء: "بل أُقيمُ معك، وما أنا بالذي أخْتار عليك أحداً أنت الأب و العمّ"

فقال أبوه: " وَيْحَكَ يا زيد, أَتخْتارُ العُبودِيَّة على أبيك وأمِّك ؟"
قال:"إني رأيْتُ مِنْ هذا الرجل شيئاً أنْساني كُلَّ إنْسان، ما أنا بالذي يُفارقُه أبداً "

فِي اللحظة دي النبيﷺ قرر يكرّم زيد ويطمّن أبوهو
فـ مسكهُ مِن يدو لحدي الكعبة..
وقف عِند الحِجْر ونادى فِي الناس
" يا معْشَر قُرَيْش, اِشْهدوا أنَّ هذا ابني يَرِثُني وأرِثُهُ"
هُنا طابت نفس الأب فعاد إلى قومهِ مُطمئن القلب مُرتاح البال

و مِن وقتها إتسمى زيد ابن حارثة بـِ زيد ابن محمد

كل ده كان قبل البعثة، فلما بُعث سيدنا محمد كان زيد هو أول مَن آمن به مِن الموالي
واستمر الحال على ما هو عليه لحد ما الإسلام حرّم التَبَنّي ونزل قول الله تعالى: {وَمَا جَعَلَ أَدْعِيَاءَكُمْ أَبْنَاءَكُمْ}
وقال تعالى :
{ادْعُوهُمْ لِآَبَائِهِمْ هُوَ أَقْسَطُ عِنْدَ اللَّهِ فَإِنْ لَمْ تَعْلَمُوا آَبَاءَهُمْ فَإِخْوَانُكُمْ فِي الدِّينِ وَمَوَالِيكُمْ وَلَيْسَ عَلَيْكُمْ جُنَاحٌ فِيمَا أَخْطَأْتُمْ بِهِ وَلَكِنْ مَا تَعَمَّدَتْ قُلُوبُكُمْ وَكَانَ اللَّهُ غَفُوراً رَحِيماً}

و مِن وقتها رجعوا ينادوا زيد بـِ زيد بن حارثة امتثالاً لأمر الله

و لإن ده كان صعب جِداً على نفس زيد الكان فخور بِإنتسابه للنبي ﷺ
ربنا الجبار الذي يجبر بخاطر عبادهُ
أجبر بِخاطره وذكر أسمهُ في القرآن و هو الصحابي الوحيد الـ إتخلّد اسمه بذِكره فِي القرآن
﴿فَلَمَّا قَضَى زَيْدٌ مِنْهَا وَطَراً زَوَّجْنَاكَهَا لِكَيْ لَا يَكُونَ عَلَى الْمُؤْمِنِينَ حَرَجٌ فِي أَزْوَاجِ أَدْعِيَائِهِمْ إِذَا قَضَوْا مِنْهُنَّ وَطَراً وَكَانَ أَمْرُ اللَّهِ مَفْعُولاً﴾

و كان تزوج السيدة زينب بنت جحش رضى الله عنها وبعد صعوبة العيش بينهما طلقها زيد وتزوجها النبيﷺ بِامر من الله تاكيداً لِلحُكم بِتحريم التبني
؛ لانه لا يجوز ان يتزوج الرجُل طليقة ابنهُ

وكان زيد قائدًا شجاعًا لذا ولاهُ النبىﷺ امارة الجيش فى غزة مؤته
ولَكِنهُ استشهد رضى الله عنه فيها و ذَلِك فِي العام الثامن الهجري
و حزِن النبيﷺ عليه حزنًا شديدًا
و كان يُسمى بـِ حِبّ رسول الله

فرضى الله عنهُ و عن الصحابة أجمعين .

كُلنا: يا سلااااام .

نادية: أها أستفدتوا مِن القصة دي شنو و قررتوا تطبقوا شنو فِي حياتكم ؟

وجن: أنا حسيتْ أنو..
حُبي لِلرسول ﷺ زاد
و أنو كيف زيد بن حارثة فضلو على أهله
فـ الحاجة دي أثبتت لي قُدر شنو أنو النبي ﷺ عطوف فِي تصرفاتو
و أتعلمت برضو أنو..
أعامل الناس أحسن مُعاملة
و ما أفرق بيناتهم
أقتداءً بِالرسول ﷺ
و كيف عامل زيد .

ولاء: أنا لفتْ نظري أكتر شي
أنو ربنا كيف جبر بِخاطر زيد
و أسمو هو الوحيد المذكور فِي القرآن الكريم

و أتذكرتَ موقف برضو ربنا جبر فيهو بِخاطري
مرة أنا كُنتَ زهجانة
فتحتَ النت لقيتْ رسالة جبر خاطر حِلوة شديد مِن قروب رسلوا لي فـ مزاجي أتقلب 180 درجة و بقيت طول اليوم مبسوطة
سبحان اللَّه ربنا رسلهم فِي اليوم ده تحديدًا
؛ عشان يجبروا بِخاطري
فـ بِالجد أنا كُل مرة بحب ربنا أكتر و أكتر
و قررت أنو..
أجبر بِخواطر الناس و ما أقول لِزول كلام جارح .

وليد : أتعلمتَ أنو..
أتاكد مِن أيَْ حاجة قبل أتصرف
و ده لمِن النبيﷺ سال أب زيد وعمه و قال ليهم من باب الدقة :
"من أبنكما الذي تعنينان"
و برضو أنو..
أحكُم بِالعدل .

نادية: بارك اللَّه فيكُم ونفعَ بِكُم .

كُلنا: أمين وياك يارب .

صِديق: يلا أنا عايز أوريكم حاجة عادة حِلوة أنو..
تكثروا مِنْ الصلاة على النبيﷺ
كُل ما تكونوا فاضيين
و أدعوا كتير أنو..
ربنا يرزقنا رؤيتهُ في الدنيا و رفقتهُ فِي الأخرة .

كُلنا: أن شاء اللَّه .

بعدهُ شربنا الشاي
و قُمتَ
؛ عشان أتجهز لِلمدرسة

أتجهزتَ ولبستَ زي المدرسة
طبعاً الزي المدرسي بتاعنا بنطلون و فستان لمِن الرُكبة لـٰكِن..
أنا عاملاهو فُستان طويل و واسع و البنطلون ما ظاهر
؛ لانو لبس البنطال لا يجوز لِلمراة

« الظاهرة دي بقتْ مُنتشرة جِدًا أنو..
البت تكون لابسة بنطلون
اللَّه المُستعان !

أحذروا يا جميلات مِن لِبس البنطال
المُوضوع خطير

¹. قال رسول اللَّه ﷺ : عن أبي هريرة رضي الله عنه قال : " لعن رسول الله صلى الله عليه وسلم الرجلَ يلبسُ لِبْسَةَ المرأةِ ، و المرأةَ تلبس لِبْسَة الرجل".
و اللعن: هو الطرد مِن رحمة الله
و البنطال مِن لبس الرجال
لذا يحرم لبسه لِلنساء
حتى لو واسع
وأضراره كتيرة ذي أنو..
يفصل الساق و يحجمها
و سيئات جارية ليكِ
يعني..
كُل واحدة تشوفك و قلدتك حـ تأخدي سيئات و تاني تجي واحدة تقلدها حـ تجيكِ سيئاتهم الأتنين و هكذا..

². وقال رسول الله صلى الله عليه وسلم : " ثلاثٌ لا يدخلون الجنة ولا ينظر الله إليهم يوم القيامة: العاق والديه ، والمرأة المُتَرَجِّلة المتشبهة بالرجال ، والدَيُّوث
وهو الرجل الذي لا يغار من لبس أهله "

وأنتَ كـ راجل الحق تكون غيور على أهل بيتك وأختك و ما تخليها تطلع بِي بنطلون ولبس ضيق
وين الغيرة ؟
هل ترضى يقولوا عليك ديوث ؟
أكيد لا مُش
طيب أرشدها و أتكلم معاها
وأنتِ يا حِلوة معقولة عايزة تخسري الجنة بِسبب قِطعة قُماش ؟!

³. قال رسول الله ﷺ:
" صنفان مِن اهل النار نساء كاسيات عاريات مائلات مميلات لا يدخلون الجنه ولا يجدون ريحها "
والمقصود بها: المرأه التي تلبس اللبس الضيق سواء كان بنطلون او فستان او عبايه ضيقة
و أنتِ لو عرفتِ كيف الرجال قاعدين يعاينوا ليكِ لغطيتِ نفسك بِالحديد !


ألم يهزّك هذا الحديث ؟

كاسيات عاريات لا يدخلن الجنة ولا يجدن ريحها "
ويح قلوبنا إن خسرنا الجنة وريحها بسبب قطعة قماش !!


فَلا تَجعَلي قِطعَة قُماشٍ فِي دُنيا فانِية تَحرِمكِ مِن جَنّة الخُلد

فـ يا وصية الرسول أخدي خطوة جدية تجاه الموضوع ده و راجعي حِجابك وأرضي ربك
لو أنتِ فِي المدرسة و أصلاً ما قاعدة تلبسي بناطلين الا الزي المدرسة هنا حـ تكوني ما عملتِ حاجة
مُمكن تلبسي عباية لمِن تصلي المدرسة تطلعيها أو تقصي ليكِ فستان طويل و واسع
أسرِعِي أخَيّـة فالمَـوت يأتِـي بغتَـه ! ».


بقيتْ قاعدة أقرأ
بعدين طلعتَ بعد سمعتَ صوت الباب أكيد ديل ناس أية
سلمتَ عليهم و طلعنا .


وصلنا المدرسة ...
بعد الطابور أخدنا حصصنا وطلعنا فسحة الفطور صليتْ صلاة الضُحى
و بقينا نتونس
الجرس ضرب دخلنا الفصول
أخدنا أخر حصة
طبعاً الحصتين الأواخر النشاط.
الجرس ضرب..
و الحماس ألف لِلجِمعية .




#على_الهامِشْ:


‏مِنْ أسماء اللَّه الحُسنى «الجبّار»
فهو يجبُر قلبك، ويقضي حاجاتك، كأن لم يمسّك قرحٌ، أو يُكسَر لكَ خاطِر.. وأنتَ الّذي كُنتَ تتوهّم أنّ ما تتمناه قد فقد بريقه، واستحال إلى المُحال!


فيا جبّار، اجْمعنا بأمنياتنا جَمعًا يُنعِشُ الرُّوح، ويجبُر القلب ♡.

#حوقلوا 💛🌻.

.*يتبــــــــــــــــــــــــــــــــــــــــــع*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌

*#فِي _ حُب _ الإسلام..《04》*
*#بِقلم: أسرار جمعة💛.*
*ـہہہـ٨ــــہہہــــــہہہـ٨ــــہہہـ*

‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏جمعتَ البنات و أخدنا إذن مِنْ المُديرة أنو..
عايزين نقعُد فِي الطابق الفوق و نقرا هناك
و افقت لينا

شلنا فرشة و مصاحِفنا
ركبنا السلم طلعنا الطابِق الفوق
دخلنا فِي واحد مِنْ الفُصول

الطابق الفوق بِتكون مِنْ فصلين
واحد فاضي ساي ما فيهو أدراج أما التاني فيهو
و في باب بِطلع لِلبلكونة
أنحنا قاعدين نقرا تحِت و الفوق ده ممنوعين مِنهُ .

فرشنا الفرشة و رتبنا المكان و فتحنا المُكيف

قُلتَ ليهم :
يقعدوا فِي شكل نُص دائرة
بِحيثُ كُلهم يكونوا شايفني

قعدوا و أنا قعدتَ .


وجن: السلام عليكم .

البنات: وعليكم السلام و رحمة اللَّه وبركاته .

وجن: أسأل الله أن يعيننا و يجعل عملنا خالص لِوجه

طيب يا حِلوات قبل نبدأ..
عايزة كُل واحدة فيكم توريني هي دخلتْ الجِمعية دي ليه ؟
يلا نبدأ بِالدور مِن تسابيح .


تسابيح: أنا عايزة أنال بيهو الشفاعة .

وجن: جميل .

سيدة: عشان ألبس والديني تاج الوقار .

وجن: أن شاء اللَّه .

مُزدلفة: عايزة قلبي يكون سليم خالي مِنْ
أمراض القلوب الحِقد و الحسد والكراهية و غيره..

وجن: أحسنتِ
فعلاً الحاجة دي مُهمة
؛ لانو ما بِدخل الجنة إلا من كان قلبهُ سليم .

أية: عايزة آتغير لِلأحسن .

وجن: و أفضل وسيلة أخترتيها هي سلوكك طريق القُران
؛ لانو حـ يهذبك و يغيرك أن شاء اللَّه .

أية: أن شاء اللَّه .

و الباقي وروني غاياتهم و كُلهم كانوا سمحة

وجن: معناتو أنحنا كُلنا مُتفقين أنو..
دخلنا الجِمعية دي
؛ عشان الأخرة والجنة مُش ؟
يعني..
ما همنا الدُنيا
و لا مدح الناس لينا و عشان ينادونا بِلقب
يا حافظة القُرآن

أنا عايزة أصل ليكم لِنُقطة النية
لازم نيتك تكون للَّه فقط
و حاولي جددي نيتك كُل مرة
؛ لانو بِتتغير
و النية محلها القلب
ما تنطقيها
؛ لانو نطقها بِدعة

لمِنْ هنا أنتوا معي و فاهمني ؟ .

البنات: أي .

وجن: يلا نجي لِنقطة مُهمة شدديد و هي..
"العمل بِالقُران"
القُرآن ما حفظ بس
لازم نتدبرهُ و نعمل بيهو
حاولي بِقدر الأمكان أنك تعملي بيهو
؛ لانو ربنا حـ يسألك مِنهُ

مثلاً..
لمِنْ نأخد أية بِتتكلم عن النهي عن المنكر و الأمر بِِالمعروف
تاني أنتِ تحاولي تطبقي الآية دي فِي حياتك
مِنْ تشوفي مُنكر تنهي عنهُ
و تامري الناس بِالمعروف

و ما تستعجلوا لِحفظ القُرآن
أنتوا عارفين عمر بن الخطاب
حفظ سورة البقرة فِي أثنى عشر سنة !
هل عشان ذاكرت ضعيفة ؟
و لا ما قاعد يحفظ سريع ؟
لا بِالعكس ما كان ذاكرتهُ ضعيفة
و كان بِحفظ سريع

لـٰكِن..
كان بِعمل بِالايات
ما باخد أية قبل يعمل بالقبلها

يعني هو..
ما حفظ سورة البقرة و بس
بل تعلم و عمل بِها

و ما ينفع تكوني حافظة القُرآن و قاعدة تلبسي بناطلين و تِتبرجي !
ما ينفع تكوني حافظة القُرآن و أنتِ قاعدة تشتمي و أسلوبك فظ !
ما ينفع تكوني حافظة القُرآن و أنتِ
سيئة الخُلق !
وين تآثير القرآن فيكِ ؟

حاولي أنو تكوني..
" قُرآن يمشي على الأرض "
تكوني فتاة صالِحة، هينة، لينة، طيبة القلب
أتفقنا ؟ .

البنات: بِأذن اللَّه .


وجن: الحمد للَّه
طيب برنامجنا حـ يكون كالأتي :-
الحِصة الأولى..
حـ تكون لِلحفظ
حـ نحفظ بِرواية حفص عن عاصم
بِمُعدل وجهين فِي اليوم
يعني..
خِلال خمسة أيام حـ نكون أخدنا عشرة أوجه
أما الجُمعة و السبت لِلمُراجعة

و ما تشيلوا همَّ عادي جِدًا تحفظي القران مع قراية المدرسة
ما زاحم القرآن شي الا باركهُ
حـ تلقي بركة فِي وقتك و حـ يكفيكِ جِدًا
أسمعي لي أيَّ شيخ تجويدهُ واضح و بقرأ براحة ذي أيمن السويد
بعد تسمعي أبدي أحفظي ويا حبذا لو بعد صلاة الفجر

و بعدهُ حـ نأخد حبة تجويد
هسه عايزة منكم تجيبوا كراسين واحد لِلثنائيات كُل أتنين حـ يسمعوا لِبعض
و يكتبوا مستوى حِفظهُم و أخطائهُم فِي الكراس بتاع الثنائيات
و الكراس التاني حقي لِلتسميع النهائي
حـ تجوا تسمعوا لي أنا و حـ أصحح ليكُم
أخطائكُم

أما الحِصة التانية..
حـ تكون لِلتفسير و لو فضلتْ مِنها بديكُم مُحاضرة و توعية دينية
اليوم بِأذن الله حـ نبدأ بِسورة الفاتحة و تصحيحها .

البنات: طيب .

قريتها ليهم بعدين قروها لي
و لاحظتَ أخطاء فِي قرايتهُم ليها

وجن: فِي الاية " مَـٰلِكِ يَوْمِ اٌلدّينِ"
الكاف حركتها شنو ؟ .

البنات: كسرة .

وجن: يلا ظهروا الكسرة ما تقولوا مَـٰلِكْ
؛ لانو كِدا قاعدين تسكِنوا الكاف .

البنات: " مَـٰلِكِ يَوْمِ اٌلدّينِ" .

وجن: أيوا كِدا
و برضو نطقتوا كلمة "رب" بِالسكون فِي قوله تعالى: "الْحَمْدُ لِلَّهِ رَبِّ الْعَالَمِينَ"
و الصواب كسرها .

البنات: "الْحَمْدُ لِلَّهِ رَبِّ الْعَالَمِينَ"

وجن: أي كِدا صح
يا تسابيح لو مُمكِن تقري لي
قوله: "إِيَّاكَ نَعۡبُدُ وَإِيَّاكَ نَسۡتَعِينُ" .

تسابيح:"إيَاك نَعۡبُدُ وَإِيَّاكَ نَسۡتَعِينُ" .

وجن: ما شددي الياء في قوله تعالى : "إيَّاك"
قُلتِ: "إيَاك "يلا كِدا ما صح
؛ لانو التشديد تخصيص للَّه بِالعبادة أي :
يارب، لا نعبد إلا أنت، ولا نستعين إلا بك .

تسابيح: جزاك اللَّه خير .

وجن: وجزاكِ الجنة
تاني لاحظتَ لِنطقكُم لِبعض الحروف غلط
بدل الطاء: "تاء" في قوله تعالى : " الصراط"
قُلتَوا: اهدنا الصراتَ .

و نطقتوا الصاد: "شين"
في قوله تعالى: " الصراط "
قُلتوا: "الشراط".

و بدلتوا السين: "صاد" في قوله تعالى : "المستقيم "
قُلتوا : "المصتقيم".

و بدلتوا التاء: "طاء" في قوله تعالى : "المستقيم "
قُلتوا: "المسطقيم"

مُحتاجين تدريب فِي مخارج الحروف .

جنات: ده كُلو بِسبب أنو..
حذفوا لينا مخارج الحروف و ما درسونا ليها .

تسابيح: فِعلاَ الحق كان ما يحذفوها .

وجن: اللَّه المُستعان
يلا نرجع..
يا مزدلفة أقري لي
قوله:" صِرَٰطَ ٱلَّذِينَ أَنۡعَمۡتَ عَلَيۡهِمۡ" .

مُزدلفة: "صِرَٰطَ ٱلَّذِينَ أنعمتُ عَلَيۡهِمۡ" .

وجن: ضميتِ التاء فِي قوله: "أَنْعَمْتَ"
قُلتِ: " أنعمتُ "
و ده خطأ كبير
؛ لانو بِغير المعنى
فالأولى تعني..
أن الله هو المُنعِم
كدي أرجعي أقريها تاني .

مُزدلفة:" صِرَٰطَ ٱلَّذِينَ أَنۡعَمۡتَ عَلَيۡهِمۡ " .

وجن: أحسنتِ
جنات كدي قولي:" وَلَا ٱلضَّآلِّينَ " .

جنات: "وَلاَ الضَّالِّينَ" .

وجن: فخمتِ لام "وَلاَ الضَّالِّينَ" وهي مُرققة .

جنات: أنا الترقيق و التفخيم ده ما بعرف ليهم مُمكِن تشرحي لينا ؟

وجن: مِنْ عيوني
يلا شفتوا الحروف كلها ؟
مُقسمة أصلاً لي حروف طبيعتها خلقة ربنا ليها بِتتنطق مُفخمة وحروف بِتتقال مُرققة
وحروف عندها حالات ما ثابتة مرة تكون مُفخمة و مرة مُرققة
لكن أول شيء أرح نعرف أصلاً يعني شنو مُفخمة و يعني شنو مُرققة ؟
أرح قولوا رَ ، رِ .

البنات: رَ ، رِ .

وجن: لمِنْ نقول حرف الراء و هي عليها فتحة بِنلاحظ أنو..
أقصى اللسان ارتفع " يعني اللسان مِنْ جهة الحلق طلع فوق"
ولمِنْ نقول حرف الراء وهي عليها كسرة حـ نلقى أقصى اللسان نِزل تحت
رَ ، رِ
كِدا وضحتْ ؟ .

البنات: أي .

وجن: طيب أرتفاع أقصى اللسان لي أعلى ده اسمه " تفخيم"
ونزوله تحت ترقيق
فـ لمِنْ نجي نفخم الحرف بِنرفع أقصى اللسان ولمِنْ نجي نرقق بِننزله
و لمِنْ نجي نشوف الحرف أصلاً مُفخم و لا مُرقق بِنراقب أقصى اللسان ونشوفهُ وين
تمام ؟ .

البنات: تمام .

وجن: يلا كِدا عِرفنا يعني شنو تفخيم و ترقيق
أرح نشوف تقسيم الحروف
ح نلاقي الموضوع ساهل شديد
عِندنا سبعة حروف ديل طبيعتهم دايمًا مُفخمات
وبِتجمعهم لي عبارة " خص ضغط قظ" وكررناها كتير لِغاية ما حفظناها وفصلناها حرف حرف و نطقنا كُل حرف و راقبنا أقصى اللسان لقيناهُ فوق
وعشان أقصى اللسان فوق يعني عالي فالحروف دي أسمها #حروف_الاستعلاء
بعد تطلعي السبعة حروف دي تاني عندك بقية الحروف كُلها مُرققة أقصى اللسان فيها بِكون تحت يعني أسفل فهي اسمها #حروف_الاستفال
حِلو لمِنْ هنا ؟ .

البنات: حِلو .

وجن: يلا نجي لِلحروف العندها حالات اللي هي..
زِي حرف الراء مرات بِتكون مُفخمة و مرات بِتكون مُرققة و عِندها أحكام عاوزة درس براها
عندنا برضو الألف تتبع ما قبلها مِن الحروف لو..
الحرف القبلها مُفخم بِتكون مِفخمة و لو..
الحرف القبلها مُرقق بِتكون مُرققة
و عِندنا برضو لام لفظ الجلالة عندها أحكام زِي الراء
و عِندنا الغنة بتاعت الإخفاء الحقيقي بِتتبع ما بعدها " عكس الألف "
فهمتوا ؟ .

البنات: آي .

جنات: اللهم بارك طريقتك فِي الشرح حِلوة شديد اول مرة أفهم التجويد كِدا .

وجن: الحمد لله أنك أستوعبتِ .


« ملاحظة..
شرح درس التفخيم و الترقيق ده مأخوذ مِنْ الشيخة الاء العوض رحمة جزاها الله خير الجزاء ».


وجن: يلا نرجع لِتصحيح الأخطاء..
المد فِي كِلمة "الضَّالِّينَ"
أنتوا مشيتوا طوالي ما مديتوها
ده مد لازم كلمي يُمد ست حركات لزومًا

و برضو من الأخطاء فِي ناس فِي قراءة الفاتحة ما بقروا البسملة فِي بداية السورة !
وهي آية عند حفص

ركزوا فِي الأخطاء دي وحاولوا أقروها بِصورة صحيحة
؛ لأنو فِي الاخطاء الشائعة في تلاوتها دي مُمكن تبطُل الصلاة إن وقع فيها المصلي و غيرتْ المعنى .

مُزدلفة: سبحان اللَّه فِي حاجات أول مرة أعرفها !
جزاك اللَّه خير الجزاء .

وجن: و جزاكِ الفردوس الأعلى
يلا نجي لِتفسير سورة الفاتحة..

سورة الفاتحة سُميت هذه السورة بِالفاتحة
؛ لأنه يفتتح بها القرآن العظيم, و تُسمى المثاني
؛ لأنها تقرأ فِي كُل ركعة, ولها أسماء أخرى

أبتدئ قراءة القرآن باسم الله مستعينا به," اللهِ " علم على الرب -تبارك وتعالى- المعبود بِحق دون سواه, وهو أخص أسماء اللَّه تعالى, ولا يسمى به غيره سبحانه
" الرَّحْمَنِ" ذي الرحمة العامة الذي وسعت رحمته جميع الخلق
"الرَّحِيم" بِالمؤمنين
و هما اسمان مِن أسمائه تعالى
يتضمنان إثبات صفة الرحمة للَّه تعالى كما يليق بجلاله

الْحَمْدُ لِلَّهِ رَبِّ الْعَالَمِينَ (2)

الثناء على الله بِصفاته التي كلُّها أوصاف كمال, وبنعمه الظاهرة والباطنة، الدينية والدنيوية، وفِي ضمنه أَمْرٌ لِعباده أن يحمدوه, فهو المستحق له وحده, وهو سبحانه المنشئ للخلق, القائم بأمورهم, المربي لجميع خلقه بنعمه, ولأوليائه بالإيمان والعمل الصالح.

الرَّحْمَنِ الرَّحِيمِ (3)

"الرَّحْمَنِ" الذي وسعت رحمته جميع الخلق
"الرَّحِيم" بِالمؤمنين

مَالِكِ يَوْمِ الدِّينِ (4)
و هو سبحانه وحده مالك يوم القيامة
و هو يوم الجزاء على الأعمال.
و فِي قراءة المسلم لهذه الآية في كل ركعة من صلواته تذكير له باليوم الآخر
و حثٌّ له على الاستعداد بالعمل الصالح و الكف عن المعاصي والسيئات

إِيَّاكَ نَعْبُدُ وَإِيَّاكَ نَسْتَعِينُ (5)
إنا نخصك وحدك بالعبادة
و نستعين بك وحدك في جميع أمورنا
فالأمر كله بيدك, لا يملك منه أحد مثقال ذرة.
وفي هذه الآية دليل على أن العبد لا يجوز له أن يصرف شيئًا من أنواع العبادة كالدعاء والاستغاثة والذبح والطواف إلا لله وحده
وفيها شفاء القلوب من داء التعلق بِغير الله, ومن أمراض الرياء والعجب, والكبرياء

اهْدِنَا الصِّرَاطَ الْمُسْتَقِيمَ (6)
دُلَّنا, وأرشدنا, ووفقنا إلى الطريق المستقيم, وثبتنا عليه حتى نلقاك
و هو الإسلام، الذي هو الطريق الواضح الموصل إلى رضوان الله وإلى جنته
الذي دلّ عليه خاتم رسله وأنبيائه محمد صلى الله عليه وسلم, فلا سبيل إلى سعادة العبد إلا بِالاستقامة عليه

صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلا الضَّالِّينَ (7)
طريق الذين أنعمت عليهم من النبيين والصدِّيقين والشهداء والصالحين, فهم أهل الهداية والاستقامة

ده تفسير بِصورة مُبسطة
؛ عشان بس تفهموا وقت قاعدين تقروا أنتوا قاعدين تقولوا شنو !
هسه زمن الصلاة جاء أرح نصلي ونرجع .

مشينا الوضاية أتوضينا و صليت بيهم..

« عادي المرأة تصلي بِالنساء لـٰكِن..
ما بِتقيم ولا بِتتقدم عليهم فِي الصلاة بتكون واقفة فِي النص فِي الصف الأول معاهُم »

خلصنا و بقينا نسبح..

وجن: يا بنات أقروا أية الكرسي .

جنات: فضلها شنو ؟ .

وجن: قال رسول اللّٰه ﷺ :

« مَن قرأَ آيةَ الكُرسيِّ في دبُرِ كلِّ صلاةٍ مَكْتوبةٍ لم يمنَعهُ مِن دخولِ الجنَّةِ إلَّا أن يموتَ »

جنات: يا اللَّه ربنا ده رحيم بِنا شديد .

مُزدلفة: حرفياً .


رجعنا قعدنا فِي الحلقة...

أية: أنا فِي الصلاة وقت أصلي ما بِحس نفسي خاشعة وكِدا يعني
حتى فِي قراءة سورة الفاتحة
هسه وقت صلينا ما حسيت بِشئ !
الحل شنو ؟

وجن: الخشوع مُهم جِداً و بِجي بِالدعاء
و التأني فِي القراءة
فِي كتابين مُفيدين شديد أسمهم..
" أول مرة أصلي "
و " 33 سبب لِلخشوع فِي الصلاة"
أقريهم حـ يفيدوكِ بِأذن الله

يلا نجي لِسورة الفاتحة..
لمِن تقريها أستشعري أنو..
ربنا قاعد يرد ليكِ
و بين كُل أية وأية أسكتِ شوية

لمِنْ تقولي : بِسۡمِ ٱللَّهِ ٱلرَّحۡمَٰنِ ٱلرَّحِيمِ "¹"
ٱلۡحَمۡدُ لِلَّهِ رَبِّ ٱلۡعَٰلَمِينَ .
آسكتِ شوية
؛ لانو ربنا حـ يرد ليكِ
و يقول : حمدني عبدي

و لمِن تقولي : ٱلرَّحۡمَٰنِ ٱلرَّحِيمِ
يقول الله عز وجل : اثنى علي عبد

و لمِن تقولي : مَٰلِكِ يَوۡمِ ٱلدِّينِ
فيقول الله عز وجل: مجدني عبدي

و لمِن تقولي : إِيَّاكَ نَعۡبُدُ وَإِيَّاكَ نَسۡتَعِينُ
فيقول الله عز وجل : تِلكَ مني لعبدي هي لِعبدي

لمِن تقولي: ٱهۡدِنَا ٱلصِّرَٰطَ ٱلۡمُسۡتَقِيمَ "6" صِرَٰطَ ٱلَّذِينَ أَنۡعَمۡتَ
عَلَيۡهِمۡ غَيۡرِ ٱلۡمَغۡضُوبِ عَلَيۡهِمۡ
وَلَا ٱلضَّآلِّينَ (7)
فيقول الله عز وجل : هي لِعبدي و لِعبدي ما سأل .

لمن تقولي آية و تسكتِ و تحسي أنو..
ربنا قاعد يرد ليكِ تلقائياً حـ تنتبهي و تخشعي
طبقي الطريقة دي .

آية: أن شاء اللَّه .

بعدهُ أخدنا وجهين مِنْ سورة البقرة
و كررناهم كتير لمِنْ حفظوا فِي الحلقة يرجعوا البيت يثبتوا بس
فسرتَ ليهم الوجهين و قُلتَ ليهم نِكتفي اليوم بِكِدا .




#عِند جِمعية الفُنون :

يارا: أها كُل واحدة تورينا مُوهبتها شنو ؟ .

رؤى: أنا النوم .

مروة: أنا الأكل .

يارا "و هي بِتضحك": مواهب لـٰكِن .

سارة: أنا سواقة العجلة .

مروة: أها يا محمد ولد
و كُلنا ضِحكنا .

شيماء: أنا كِتابة الشِعر .

يارا: اللَّه اللَّه طلع عندنا شاعرة .

صفاء: كدي أتحفينا بِبيت شِعر .

شيماء" وهي بِتهمهم نظام بِتصلح صوتها ": أحم أحم .

مروة: قولي الشِعر فيني أنا يا شيماء .

شيماء: يا مروةُ..
رميتُ سهٌمَ الحُبِ قٌاصدةَ قلبكِ..
فمرَ مِنْ فوقِكِ لِشِدةٍ قُصرِكِ .

يارا: ده هو شِعرك ؟! .

شيماء"بِثقة": أي رهيب مُش ؟

يارا: رهيب لِدرجة يستاهل أنو..
نفكك بِطماطم .

مروة"بِغيظ": يا زولة أنا ما قصيرة .

شيماء:أنا خايفة كان عطستِ تدقي الأرض بِراسك !
و تقولي ما قصيرة ؟ .

مروة: ......................




#على_هامِشْ_المَزح :


قال أحدهُم:
اعْشَقْ مِنَ النِّسْاء كُلَّ قَصيرَةٍ
وَدَعِ العَواميدَ الطِّوالَ وَأَمْرَها

أَيْنَ الجَمالُ بِأَنْ تُحِبَّ زَرافَةً
تَحْتاجُ حَبلاً كي تُقَبِّلَ خَدِهَا !

فرد عليه آخر:
اعْشَقْ مِنَ النِّسْاء كُلَّ طَويلَةٍ
وَدَعِ السَّنافِرَ بَيْنَها تَتَسَنْفَرُ

أَيْنَ الجَمالُ بِأَنَّ تُحِبَّ قَصيرَةً
إِنْ سِرْتَ غَفْلانًا بِها تَتَعَثَّرُ


#فِي _النهاية :

مَن أرادَ الوَردْ..
ينحني لهُ

و مَن أرادَ أنْ يرى القمر..
يرفع راسهُ

فـ يا عزيزتي أنتِ جميلةُ جِداً
سواء كُنتِ وردة ام القمر ♡.

#هلِلوا 💛🌻.

.*يتبــــــــــــــــــــــــــــــــــــــــــع*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏

كأنَّما الدُّنيا خُلِقت للركضِ،
والوصولُ الوحيدُ في الجنَّةِ.

ياربِّ،
لا تحرمنا الوصولَ..

بعض الاصدقاء ليسوا اصدقاء انما حياة💙♥️

السلام عليكم ورحمة الله وبركاته
انا سمير محمد
ناشط ف العمل الطوعي،
برفع إستوري حوجات متعففين، حوجات دم، ولو بتفتش علي دواء او اي خدمة ممكن يحتاجها الانسان.
عن طريق الاستوري تمت حوجات كتيرة بإذن الله ف عشان كدة بحتاج لكمية من المشاهدين عشان نساعد بعض، لو عايز تساعد ف الخير دا وتكسب أجر، حفظ ورسل رقمي لاصحابك وأهلك ومعارفك أو اي شخص خلي يسجل اسمي " سمير محمد " ويرسل لي اسمو ثلاثي عشان اسجل رقموا من باب ..... الدال علي الخير كفاعله ..... ومن مشى في حاجة أخيه حتى يثبتها له،, ثبت الله قدمه يوم تزل الأقدام 💚
+249127703139

دا لينك بدخلك للرقم طوالي
https://wa.me/message/V5BL5SKEJAC4B1

مزاد على 100 ألف فقط.
إصنع معروفًا ولو بسيطًا يرفع عنك بلاءً كبيراً.
تصدق وأخلص النيه لله عز وجل.
كان ﷺ أجود الناس عامةً
كان يقول لبلال:
"أنفِق بلال، أنفِق بلال، ولا تخشَ من ذي العرش إقلالا"
أي تصدّق يا بلال ولا تخشَ الفقر، فما أنفقتم من شيءٍ فالله يُخلِفه وهو خيرُ الرازقين.
للتبرع .بنكك 3424877
ماي كاشي 618962 بإسم سمير محمد
فوري 51394043 مهند فضل
الأشعار عل الرقم *+249 92 276 9974*

مرت عدة أشهر على زواجي
وزوجتى الآن نائمة بجنبي و أنا أتابع فيلم على التلفاز فجأة أهتز هاتفي
أحدهم  أرسلت رسالة " انا  إيمان سمعت أنك تزوجت لكني مازلت مشتاقة لك "
إنها صديقة قديمة فتاة جميلة و أنيقة
أغلقت الرسالة لكي أتأكد من أن زوجتي مازالت نائمة فعلآ . نظرت إليها فإذا هي في سبات عميق من تعب النهار وأعراض الحمل تأملتها كثيراً  ♥️♥️
من  أعطاها هذا الأمان لتنام بهذا النوم العميق في بيت جديد عنها  بعيدة عن بيتها الذي قضت فيه ٢٦ سنة وأهلها الذين نشأت بينهم . .
ما الذي  جعلها لتترك كل شيئ و تأتي معي لبيت جديد عنها لتهتم بي تطبخ وتغسل وتسهر على راحتى
بل و فوق هذا هي جد مطمئنة وواثقة أنها نائمة بجانب رجل يتكفل بحراستها !!
فأمسكت هاتفي وقمت بحظر صاحبة الرسالة والتفت إلى زوجتي ونمت إلى  جانبها فأنا رجل لا أخون زوجتي التي وثقت بي وتركت اهلها وبيتها وإخواتها من اجلي
لن أدمر عائلتي إني أخاف الله .

قالت:  و أحيانًا أثناء محادثتنا "أتدلّل" و أدّعي الزعل حتى تصبح الرسائل غير كافية ولا يجد سبيلاً لإرضائي بها ..
إلى أن يتوقَّف عن الكتابة و هنا تبدأ ضربات قلبي بالتسارع ثم ... يتصل ❤
و عندها ابتسم منتصرة كَ موسيقار حصَل على نغمته الأخيرة و تغنّى بها
و بعدها ... صوته و على قلبي السَّلام ❤