تعبت من صعوبة حدوث الأشياء الي اريدها بحياتي هاي اذا صارت أصلاً

بودي اختفي واتلاشى

مرات انقهر على روحي
على كد ما أني أنسان آدمي بشكل
ليش هيج الدنيا ويايه
مداحجي كشخص ضعيف ويتشكى لاااا
بس جديات انقهر على روحي حرامات ...

يعني أتمنى لو جان اكو النا حق الخيار
بأن نولد وننوجد او لا ..

شداسوي هنا ؟ تكرار حيوات وموت ، وبعدين

شلون تحس نفسك موجود ؟

هالكد عشت حياة مليانه ضغط نفسي وصدمات وتوتر وترقب دائم وجنت اتقاوى واقوي روحي حتى اكدر اكمل
هسه صايرة ماعندي لا قوة ولا صبر ولا تحمل
ومداحبني هيج بس مو بأيدي كل الي عشته لحد هاللحظة الي مجان بي اكو نهايه حلوة تعوضني حتى ينعاد ايماني بالحياة او بنفسي خلاني اكون مرهفة ومرهقة وهشه من الداخل اقل شي ممكن يأثر بيه ، رغم كل هذا احب نفسي واحب الحياة واحب كولشي حلو وتأثير الأشياء الحلوة عليه تغيرني للأفضل بس واقعي غير وهو من ضمن الأشياء الي ماعندي تحكم او قدرة على تغييرها

أتمنى يرجع إيماني ورغبتي بالحياة
أتمنى يصير شي حلو اتعوض بيه بعد حياة من الركض والتعب والألم والوحشة
استاهل تصيرلي الأشياء الزينة اني خوش إنسانه وهاي وحدة من الامور الي تقهرني
انك تكون انسان نزيه صادق واضح عدل شريف حباب حنون عايش وفق مبادئ عزيز نفس
ليش الحياة ما تحتويك وتعوضك!

شكراً لان دتقرون ..

كل مرة ما ابين لأمي تعبي النفسي وابين كدامها شكد اني قوية ويا جبل ميهزني ريح
قبل شوية شاركتني فيديو على تغيير الحال
كتلها ادعيلي يتغير حالي اول مرة اطلب منها هيج
ودعتلي قريت حجيها وطكيت بجي
ايماني ديتلاشى بكل شي
اذا جنت موجود يارب وتسمعني والي قيمة كأنسان خلقته غير وضعي سهل أمري افتحها عليه عوضني خير فرح كلبي

" سوف تتفتح البذور المكتوبة لك في تربتك، حتى لو كانت مدفونة تحت الحجارة. "


حسيتها الي " بلكت "

" ما عم تروحي من بالي لأنك حنونة، الحنونة ما بتتنسي."

‏-الندم ٢٠١٦.

‏إضافةٌ للجمال ، أنتِ حنونة
وهذا يُضعف احتمالاتي في النجاة منكِ ..

داسمع هاي الأغنية داكول لو هديت هالأغنية لأحد بيوم من الأيام شكد راح اكون احبه واحترمه وشايفته شريك للعمر

قبل كم يوم اتخذت قرار يحميني
يحمي وقتي طاقتي عقلي مشاعري روحي

هو سهل لان الموضوع صار بالبداية
وشوية بي صعوبة لأن اكو أشياء جانت بنفسي

تعلمت احافظ على نفسي واحميها
آمل بيوم العوض الي يجي يمليني ويرضيني

يارب اذا موجود وتسمعني
خلي كل الأشياء الي اريدها تريدني

والأشياء الي مو زينة الي وتأذي روحي
ما ارغبها ولا اريدها وتكون عندي القدرة دائمآ اتخلى عنها