هذني كل الجيك ليست المطلوبة من عدكم وبالتوفيق للجميع🤍🫶🏻

❗️طلاب اخر نصائح ومهمه لازم تتبعوها تره تضيعيون والله
١) ركزو على git ومن متوقع باجر يجيكم jaundice او abdominal pain او frequent bowel motion
٢) رجاءا طلاب كونو سريعين من تحجون ويا دكتور تره وقت يركض بيكم اذا تماطلون يعني اسمك ،عمرك .. هذني مفروض تاخذ منك نص دقيقه واقل اصلا
٣)اذا هستري مثلا وجع بطن ومن وصلت وكتله عندك تقيء مثلا .. اكو دكتور يكولك لا علمود يسهل عليك واكو يكولك اي ف انت هنا من تتفصل بالتقيء مو تكعد الي ساعتين وتقيء شلونه وقبل الاكل لو بعد الاكل وياه خيوط دم لو كتل دم 🚫🚫🚫🚫 ابد لتسوون هاي سالفه والله العظيم وانت هنا يكولك خلص الوقت ف عالسريع اسأل كم سؤال مثلا كم مره وكميته ولونه ووياه دم واعبر عالسريع ومانتضر شيكولي الدكتور ولا يهمني اصلا ايا كان جوابه
٤)اذا نسيت تكمله الاسئله كبل حول على past medical وباقيات وكلمة شكرا لان عليها كومه درجات ف لتضل تصفنلي تذكر باقي اسئله يلا تحول عالنهايه ويخلص الوقت
٥)اكو دكتور ميحچي اي شيء ولا يجاوب مجرد يأشر ف لا تخاف وعبالك دنحجي خطأ انت كمل كل الاسئله عالسريع واطلع وخليه ساكت احسن
٦) للمره الالف عوفو رڤيو اوف سستم رجاءًا ( اللهم اني بلغت اللهم فشهد) هاي مو باطنيه هذا focus history
٧) اذا هستري هوه vomiting اتفصلو بيه على راحتكم اما جان تقيء او صخونه او اسهال او اي شيء من ضمن كيس مثلا ابدومن ف ديرو بالكم من تفصيل الزايد لان الوقت يطير

صباح الخير طلاب 🤍
اجه هذا الكيس ناشرته بالقناة واجه النا العام .. اتمنى تكونون قريتوه وجابتوا 🤍

طلاب ليش اغلبكم مقاري ال frequent bowel motion ؟؟ واني منزلتها الهم ثلاث مرات بالقناة وكلت الكم عليها مهمه وكل شيء يخص ال git مهم
ماكو شيء انزله بالقناة اذا مجاي او مو مهم ولمصلحتكم .. يعني اغلبكم قاري ملفات زايدة وعايف المهم واني كتلكم ماكو اسهل من جراحه هيه ورقه تحفظها وتروح وفول مارك بجيبك .. يعني احنا رابع ومجايبين النا مواضيع معقده ف ليش رايحين زايد ومضيعين المهم ؟
عالعموم اتمنالكم كل التوفيق وان شاء تجيكم درجات على كد تعبكم واعلى شيء يارب 🤍🙏🏻

مرحبا طلاب شلونكم🤍
بالنسبه ل السمنر مال كميونيتي ف صراحة اني ماعرف شكد عليه بمرحلتكم فماكدر اكوللكم شيء لان احنا چان عدنا كوزات وهيه محسوبه اما سمنر ف ماذام سوو الكم ف اتوقع انو عليه عشره مثل مرحلتنا الحاليه

احتمال تتقسمون يعني كل كروب على دكتور مثلا احنا چان دكتور نوار وغيرنا دكتور جليل او رقيه او سعدون

الي مسؤول عليهم دكتور نوار ف انتبهوا لان يسأل طالب طالب ب كل حرف موجود بالسمنر ف لحد يحفظ بس الجزء مالته وهاهيه

مرحبا طلاب شلونكم 🤍
اغلبكم يسأل انو اكو حذف او لا ?
لا ماكو اي حذف ب اي ماده
وهمين عالامسكيوات شنو الي يجي وشنو جاي هاي اني مثبتتها الكم كولها بالهاشتاك بس مجرد اضغطوا على اي ماده تردوها ومباشرة يحولكم الها وتلكون حاچيه عن كل شيء يخصها
واخيرا انو ماده كورس ثاني عليها اكثر من اول لو نفس شيء
اني بالنسبه الي ماعتمد على حچيهم لان بالجراحه عساس الثاني اكثر واجه بالتساوي بين الاول والثاني
بس على ما اتوقع انو هالسنه غير لان ماده كورس ثاني ممتحنين بيها ف اكيد عليها الحصه الاكبر بس مو معناها انو تعوفون الكورس الاول

ليهسه اكو وقت وليهسه اكو فرصه وتگدر تبدي من جديد حتى لو حسيت كل شيء انتهى ومتدبرها ف لا تگدر تبدي من اول وجديد بس الي عليك انو تكول بسم الله الرحمن الرحيم من تبدأ .. ولا تكرر غلطتك وتستهان من جديد ولتستعجل على نتيجه لان رب العالمين كال {أسعى يا عبدي وأنا اعينك } يعني انت عليك بالسعي والنتيجه على رب العالمين .. طول ما انت عايش ف اكو وقت واكو فرصه وانطي هاي الايام المتبقيه حقها وكل جهدك وطاقتك وعوف الاحباط واليأس (ولا تيأسوا من روح الله) وردد دائما {ربي إني مسني الضر وانت ارحم الراحمين}
أيام معدودة وتبقى هلأيام ذكرى ف شد حيلك لان النتيجة تستاهل ولكل مجتهد نصيب وبالنهايه راح تكونون راضين عن نفسكم وتعيشون ايام حلوه نتيجه تعبكم الي تعبتوا ف هي فتره وتعدي [ كل مُر سيمر]🤍✨
بالتوفيق للجميع وأن شاء الله بحق هذا الشهر الفضيل الله يجبر بخاطرنا كلنا🩵

صباح الخير طلاب 🩵
شلونكم ان شاء الله بخير 🤍
حسب blue print الي دينزل لمرحلتنا انو ماده كورس ثاني عليها درجة اكبر
ف ركزو زين { الي سألني اني مقاري هواي وتارك هواي ف اقرا ماده كورس الثاني قبل الاول بس مو معناها متقرأ ماده كورس اول بس ثاني عليه الاولويه }

الي يريد تقديرات والي هيه تجي بالمرحلة الثالثه بسهولة اذا كنت قاري ماده كورس اول وهسه تبدي ثاني ف { ماكو ترك ل اي كورس }

وبالتوفيق للجميع 🩵🫶🏻

امسكيوات سنين سابقة تخص مادة Pollution الخاصة ب د. سعدون (مدققة)

امسكيوات فصل اول (مادة epidemiology الخاصة بد. نوار ونصف مادة د. جليل biostatistics مدققة)
امسكيوات فصل ثاني (النصف الثاني من مادة د. جليل biostatistics ومادة د. جليل nutrition مدققة)

لا انصح بقراءة الا امسكيوات د. سعدون لان موضوع ال nutrition نصًا وسهل من الملازم, موضوع ال epidemiology ماكو تكرار اله (بالفصل اول د. نوار ما كرر ولا امسكيو), موضوع ال biostatistics سهل جدًا ومن الملازم كذلك و(فصل الثاني ما اجه ولا امسكيو)

امسكوات دكتور سعدون تقريبًا نصكم سأل عليها بس چنت ادورها الكم
يتكرر كل سنه نفسها بس مو معناها متقرون الملازم لان اصلا شفت عدكم ضايفين ملازم ثلاثه جديده لدكتور سعدون ف حيجيب اكيد منها

اما باقي دكاتره ف الي يريد يقرأ امسكيو براحته بس اني بالنسبه الي ولهواي طلاب مقرينا لان متكرر ف لحد يعتمد على امسكيو كميونيتي بالنجاح