اي احد عنده سؤال يكدر يدزلي على معرفي بالبايو وعذروني اخاف مرات اتاخر عليكم بالرد بسبب ضغط الدراسة او مرات تدزولي شيء وانسى ف مو متقصدة اغلس او شيء وان شاء الله ماقصر وياكم 🤍✨

مرحبًا طلاب شلونكم🤍
طلاب بس اريد انطيكم نصيحة اخيره بخصوص الاوسكي .. لتجادلون الدكاترة ابد مهما يحچون وياكم مهما يصير ظلم لتجاوب الدكتور ابد لو شنو يحچي عليك ويرزلك لان عندك خيارين يا اما تسكت وتكمل الي تعرفه وعلاقل تحصل درجه مو لا شيء
يا اما تاخذ صفر علمود نقاش لا يحل ولا يربط
وهالشيء صار عدنا لذلك واجب عليه انبهكم من كل النواحي

طلاب هذا checklist اني سويته بوكتها واعتمدت عليه بلامتحان جمعت كل شيء من اكثر من مكان من دكتور عبد الله ومن دكتور عبد الرحمن ومن مصادر متعدده وفادني وسهل عليه بلامتحان

بس بالكارديو صححو كملة palpation وكتبو palpitation لان مستعجله من سويتها وبالرابع ان شاء الله راح تشبعون من كلمة palpation 😂🤍

صباح الخير طلاب شلونكم🤍
طلاب بالنسبة لسمنر الفارما ف احنا بوكتها اخذتنا دكتورة صبا والسمنر تره ميحتاج تكتبون كومه سلايدات اذا انتو عشر طلاب مثلا ف كل طالب بالزايد فقط سلايدين اما الي يبدي ب انترودكشن اوك هذا ممكن يخلي ثلاث سلايدات وياخذ وقت شويه اكثر من زملائه باقيين لان كل طالب اله تقريبا من يقدم دقيقتين بالزايد او دقيقتين ونص لان اذا عشر طلاب زايد ناقص تصير نص ساعه وهمه بوكتنا جانو ياخذون كروبين سوه ف ثنينكم تصيرون ساعه ف لتسوون هواي سلايدات كل طالب سلايدين اذا حجي هواي او ثلاث سلايدات وحجي كافي ومرتب
بس لازم كل الطلاب يقرون السمنر وره ميخلص لان دكتوره صبا ممكن توكفك بنص شرح وتسالك سؤال من ضمن سلايدك او من ضمن السمنر كوله واغلبنا سألتنا سؤال او سؤالين

سعي الفارما من 30
الاعتراض يم الفرع حصراً.

تقسيم درجة الفارما بوقتنا
الي يحب يشوف شكد سمنر ينطون وكوزات

سمنر مينطون درجة كاملة بس حاولوا تقدمون افضل شيء عندكم
وكوزات فارما محسوبه ف رجاءًا اذا ديكوزوكم لحد يغيب

ملف ممكن يفيدكم بالهستري

مرحبا طلاب شلونكم🤍
اكو هواي دخلولي علمود هستري ديلزه وضاعت عليه محادثات ف راح اكتب بالمختصر هنا
هستري الديلزه من تروحله تكوله شنو عندك حيكولك عندي جدول امشي عليه اجي اغسل كليتي هنا انت مراح تضل صافن راح تسأله شنو الي خلاه يوصل لهاي الحاله يعني قبل لا يصير عنده فشل كلية وادى الى انو يسوي ديلزه شنو اعراض جانت عنده تبدي تسأل على urinary system وتتفصل بيه بالكامل تكوله جانت عندك حركه بلادرار الم كم مره تدرر جنت وياه دم او لا … وراجعت اطباء او لا شنو سويت تحليل وشنو طلع وشنطوك علاج يعني بالمختصر تاريخه الكامل قبل لا يصير عنده فشل كليه وينجبر يسوي ديلزه

اكو طالبة امتحنت بوكتها ديلزه وعندي هستري مالتها بس ماعرف مضبوط او لا بس المهم تاخذون فكرة عن احسن من ماكو

مرحبا طلاب🤍
باجر ان شاء الله اول كروب يمتحن اوسكي
من كل قلبي والله ادعيلكم 🫶🏻✨واعرف شنو الشعور هسه للاغلبية واكو خوف واكو قلق واكو حيره بس هذا شيء طبيعي بس لتخلوه يأثر عليكم 🩵
نصيحة طلاب
لتسألون عن الدكتور الي يمتحنكم لان هذا
هذا الشي بس راح يوتركم و ابد ما راح يفيدكم ف عوفو سالفه فلان دكتور شنو يحب وفلان شنو يكره انت اول وتالي امتحانك باجر عكبه ف قدم الي انت تعودت تقدم عليه ومعليك بالدكتور بالنهايه مراح تجي بهاللحظة قبل امتحان تعرف هالدكتور شنو يحب ومراح تستفاد ف اتوكلوا على الله والله يسهلها ولتخافون ابد شغله سهله ان شاء الله ومتخوف واي شي يجي من رب العالمين نعمة 🤍✨
اني وياكم اي شيء تردون دزولي حتلو صبح

مرحبا طلاب شلونكم🤍
بالنسبة ل كروب باجر سمعت دكتور سعد يسأل اشياء نظرية ف سويتلكم كروب راح انشر بيه ملخصات لدكتور سعد نفسها يسال منها وامتحن الوجبة مال اول العام وجاب الهم نفسها وكل سنة يكررها وره ما انشرها بالكروب الي عنده سؤال خلي يسأل

طلاب الي امتحنو هاليومين بكروباتكم ياريت تساعدون جماعتكم الي امتحانهم باجر ولتقصرون بيناتكم 🤍 كل واحد يحچي عن دكتور الي امتحنه وشنو يسأل لان ممكن يكرر نفس سؤال وشنو طبيعة الامتحان وشنو اخطاء الي ميسويها وشنو شي يسوي يستفاد منه
والله يوفق الجميع ان شاء الله🩵

مرحبا طلاب شلونكم🤍
بالنسبة ل الاوسكي ف اول شيء خلي نحچي على اوسكي الجراحه لان ابسط من الباطنية
اذا امتحانكم نفسنا ف احنا كان انو نحفظ checklists الي منزلتها الكم بالقناة وحرجع ادزها هنا بالكروب
بعدين كل كروب يمتحن بيوم
كروب B چانو يوم الاحد وموضوعهم كان jaundice
كروب A يوم الاثنين وموضوع كان frequent bowel motion
كروب C الثلاثاء وموضوع كان right lower iliac fossa pain

تتجمعون كولكم بقاعة الزهراوي وعليكم مراقبين من يبدي الامتحان كل ثمن طلاب يذيعون اسمهم يصعدون لقاعة ابن زهر
هناك اكو ثمن ابواب مغلقه ودكاتره همه يوزعوكم كل طالب على باب بس محد يعرف منو بداخل الباب يا دكتور من يبدي الامتحان تدخلون للباب ودكتور ياخذ اسمك وكاعد هوه على كرسي وكباله اكو كرسي هذا انت تكعد عليه وعلى الكرسي مالتك موجوده ورقه مكتوب بيها كيس انو مثلا female عمرها كذا عدها right lower iliac fossa pain
وهنا تبدي السلام عليكم اني طالب فلان
تسمحلي اخذ كم معلومه عن صحتك وتبدي اسمك عمرك والى اخره وحسب الموضوع ب كل جيك ليست

عندك خمس دقايق فقط لازم تكون دارخ جيك ليست بحيث تبديها بالتسلسل ومتنسى تسال سؤال وترجعله بالنهايه لان ماعندك وقت
السلام عليكم عليها درجه
ومن تختم شكرا جزيلا عليها درجه
هواي طلاب ينسوها حرامات وهيه شيء تافه وعليه درجات

من تخلصون انتو الثمن طلاب يحبسوكم بقاعه ابن زهر لحد ميكملون كل الطلاب بنفس الطريقه

راح تواجهون اشكال انواع من الدكاتره ف لتنصدمون اكو دكتور حباب مثلا يكولك لا ماعندي لا ماعندي واكو دكتور يكولك اي صخنت مثلا ف انت لازم تتفصل بال fever عالسريع وتكمل الاسئله مال جيك ليست مو تنساها
اكو دكتور الي خرع الطلاب خطيه انو هوه ساكت كل شيء ميجاوبك بحيث تحس نفسك كاعد تحچي خطأ بس هوه هذا طبعة ميجاوب ف انت استمر كمل اسئله جيك ليست وكول شكرا واطلع
في حال لا سامح الله مدا تتذكر الاسئله بقيه لتضيع وقت ودرجتك كبل حول على medical و socials history والبقيه لان عليها درجات كومه واكو طلاب ضلو يردون يذكرون الاسئله وحتى موصلو لل باقي وخلص وقت ف لتضيع وقتك اي شي تعرفه من تكمله هستري احچي

اذا بالورقه مكتوب female هنا انت دتكور تعامله معامله فيميل …متزوجه عندچ اطفال شوكت اجيتي للمستشفى
واهم اهم شيء الي چانت لعبتهم بيها انو طلاب منتبهو على كلمة female
ضلو مركزين على وجع بطن وهاهيه
وهمه جانو رايدين ال menstural cycle
كل شي تحچون عنها بيا عمر وهل اكو مشاكل او منتظمه والافرازات وكل شيء
هيه درجه جانت بيها