مساء الخير طلاب شلونكم 🤍
الحمد لله خلصتو وارتاحيتو 🩵 عطلة سعيدة للجميع يارب 🙏🏻 ✨
لحد ينقهر على اي امتحان مكدر يجاوب او م اجتي الاسئله مثل ما توقع او چان يتوقع يجاوب اكثر من هيچ .. حقكم اول مره تمتحنون واكو مواد جديدة عليكم واكو الي مچان يعرف على شنو يقرأ بالبداية والي مر بظروف .. المهم يكون الجاي افضل♥️
يارب درجات ترضي الكل واعلى شيء🫶
والي مقرأ هالكورس وتوقع هاهيه بعد انتهت لا ماكو شيء انتهى هاي البداية بس عندك فرصه تحاول وتقرأ من جديد وتبدي بداية جديدة وتشد حيلك وتجاوب بالفاينل💙
كلنا بشر وكلنا عدنا فترات نتعب ونمل ومنكدر نكمل وتجي ايام نجاوب وايام منجاوب بس نذكر دائما اكو فرصه طول مال السنة منتهت 🖤
ارتاحو ورستو وبالعطلة خلو نظام جديد لفترتكم الجايه وابد لتقصرون بيها لان الله انطاكم فرصه تعوضون ف اذا قصرت هنا محد راح يفيدك غير الندم👍🏻
اتمنى مقصرت وياكم بيوم وعذروني على كل شخص مكدرت اجاوبه او تاخرت عليه بلاجابه بس راح توصلون رابع ان شاء الله وتفهمون السبب🥲
ان شاء الله هم حكون وياكم لحد منخلص ونفرح سوا ان شاء الله 🩵
وتصبحون على خيير ✨

مرحبا طلاب شلونكم🤍
بالنسبة ل الاوسكي ف اول شيء خلي نحچي على اوسكي الجراحه لان ابسط من الباطنية
اذا امتحانكم نفسنا ف احنا كان انو نحفظ checklists الي منزلتها الكم بالقناة وحرجع ادزها هنا بالكروب
بعدين كل كروب يمتحن بيوم
كروب B چانو يوم الاحد وموضوعهم كان jaundice
كروب A يوم الاثنين وموضوع كان frequent bowel motion
كروب C الثلاثاء وموضوع كان right lower iliac fossa pain

تتجمعون كولكم بقاعة الزهراوي وعليكم مراقبين من يبدي الامتحان كل ثمن طلاب يذيعون اسمهم يصعدون لقاعة ابن زهر
هناك اكو ثمن ابواب مغلقه ودكاتره همه يوزعوكم كل طالب على باب بس محد يعرف منو بداخل الباب يا دكتور من يبدي الامتحان تدخلون للباب ودكتور ياخذ اسمك وكاعد هوه على كرسي وكباله اكو كرسي هذا انت تكعد عليه وعلى الكرسي مالتك موجوده ورقه مكتوب بيها كيس انو مثلا female عمرها كذا عدها right lower iliac fossa pain
وهنا تبدي السلام عليكم اني طالب فلان
تسمحلي اخذ كم معلومه عن صحتك وتبدي اسمك عمرك والى اخره وحسب الموضوع ب كل جيك ليست

عندك خمس دقايق فقط لازم تكون دارخ جيك ليست بحيث تبديها بالتسلسل ومتنسى تسال سؤال وترجعله بالنهايه لان ماعندك وقت
السلام عليكم عليها درجه
ومن تختم شكرا جزيلا عليها درجه
هواي طلاب ينسوها حرامات وهيه شيء تافه وعليه درجات

من تخلصون انتو الثمن طلاب يحبسوكم بقاعه ابن زهر لحد ميكملون كل الطلاب بنفس الطريقه

راح تواجهون اشكال انواع من الدكاتره ف لتنصدمون اكو دكتور حباب مثلا يكولك لا ماعندي لا ماعندي واكو دكتور يكولك اي صخنت مثلا ف انت لازم تتفصل بال fever عالسريع وتكمل الاسئله مال جيك ليست مو تنساها
اكو دكتور الي خرع الطلاب خطيه انو هوه ساكت كل شيء ميجاوبك بحيث تحس نفسك كاعد تحچي خطأ بس هوه هذا طبعة ميجاوب ف انت استمر كمل اسئله جيك ليست وكول شكرا واطلع
في حال لا سامح الله مدا تتذكر الاسئله بقيه لتضيع وقت ودرجتك كبل حول على medical و socials history والبقيه لان عليها درجات كومه واكو طلاب ضلو يردون يذكرون الاسئله وحتى موصلو لل باقي وخلص وقت ف لتضيع وقتك اي شي تعرفه من تكمله هستري احچي

اذا بالورقه مكتوب female هنا انت دتكور تعامله معامله فيميل …متزوجه عندچ اطفال شوكت اجيتي للمستشفى
واهم اهم شيء الي چانت لعبتهم بيها انو طلاب منتبهو على كلمة female
ضلو مركزين على وجع بطن وهاهيه
وهمه جانو رايدين ال menstural cycle
كل شي تحچون عنها بيا عمر وهل اكو مشاكل او منتظمه والافرازات وكل شيء
هيه درجه جانت بيها

امتحان مو صعب اني بالنسبه الي شفته سهل كولش وال 30/30 تجي بسهوله بس يراد تركيز مثلا مثل مكلت الكم كلمة female تفرق هواي وهواي طلاب شطار محصلو الفول مارك بسببها

ونجي على شغله جانبيه الي هيه الخوف وعدهم الثقه بنفسك هاي راح تفرق هواي عند الدكتور اني من ناس الي قبل امتحان اخاف كولش واكيد هذا شيء يصير بس من ادخل من دكتور ماحسسه بهذا الشيء واكون واثقه من نفسي كولش بس مو اتكبر عالدكتور وانما احسسه انو اني اعرف شنو جاي احجي ومسيطره
ف اهدو وعلى كيف ولتخافون من دكتور تره احسن الكم من بيشنت حقيقي لان هالسنه امتحنا بيشنت حقيقي مكتوب بالورقه كيس عدها ابو صفار ومن تسألها تكولك ماعندي ف اذا امتحانكم نفسنا ف هاي طريقه الي كلت الها الكم فوك

اي سؤال يخص اوسكي جراحه تكدرون تسألون

ال checklist الخاصة ب امتحان اوسكي الجراحه ك مرحلة ثالثة ميطلعون الدكاتره عن هذني المواضيع ف احفظوهم نصًا

صباح الخير طلاب شلونكم🤍
ليوم نحچي عن اوسكي الباطنية
اول شيء اوسكي الباطنية يختلف جذريًا عن اوسكي الجراحه
الباطنيه تكون بالمستشفى وعلى پيشنت حقيقي اما ك تقسم الكروبات ف الكروب الواحد راح يتقسم الى قسمين او ثلاثه
خلي ناخذ مثال على العام
على ما اذكر اول 17 اسم من كروب b امتحن يوم الاحد
وكذلك اول 17 من كروب C و A

القسم الثاني من الطالب يمتحنون الاحد الي وراه
هاي شنو؟ يعني عدهم اسبوع اضافي؟ يقرون بيه اكثر منا احنا الاسماء الاولى ؟
اي نعم .. ويعرفون طبيعة الامتحان
احنا نسمي الكروب الاول (كبش الفداء)
بس لتخافون تره بالحالتين تعامل الدكاتره ميتغير وكذلك طبيعة الامتحان وكذلك الدرجات نفسها والاسئله نفسها

الامتحان حيكون انو دكتور الي دياخذكم حاليا لكل كروب هوه الي يمتحنكم مثلا كروب دكتور فائز امتحنهم دكتور فائز وهكذا بس هذا الشيء ميطبق على الكل لان كروب A العام تم تغيير كل الدكاتره وامتحنوهم دكاتره الي يدرسون مرحلة رابعة

كل دكتور وحسب هوه شنو يريد مثلا ناخذ مثال انو دكتور عبد الله العام كال للطلاب اتجمعو الساعه 7 والامتحان يبدأ ب 9 هنا يجوون طلاب من سبعه او قبلها يفترون على مرضى وياخذون كيس ويكعدون على راحتهم يحولوه انكليزي واكو يمك فونك ومترجم وكل شيء .. شطارتك تعتمد على انو انت ماخذ كيس قبل وتعرف ترتب هستري او لا ؟

طبعا لنفرض انو 10 طلاب يمتحنون يم دكتور فائز ميصير 2 طلاب من ضمن ذوله العشره ماخذين من نفس الپيشنت يعتبر صفر
اما مثلا صديقين واحد يمتحن يم دكتور فائز وواحد يم دكتور عبد الله وعدهم نفس الهستري عادي ماكو مشكله

من يبدأ الامتحان الدكتور يذيع اسم اسم وتدخل يمه بيدك الدفتر وتقرأ الهستري
ممكن يسألك سؤال من داخل الهستري يسأل عن فارما او تشخيص هوه بكيفه وكل دكتور يخلي الدرجه حسب هوه قناعته بالهستري مالتك


هسه تكولون الله شكد حلو يعني فون يمي وصديقي يمي وساعات كومه اكتب بيها واخذ هستري
اي عزيزي الطالب بس هاي الطريقه مع احترامي (فاشلة)
هسه تكولون ليش؟

اني من الناس الي امتحنت يم دكتور عبد الرحمن الي راح ياخذكم كورس ثاني

دكتور عبد الرحمن عادل جدًا وينطي كل شخص حقه مثلا هوه ملتزم بالحضور اليومي يحفظك اذا مشارك او لا ويمه ورقه الحضور
مبدأ امتحاني كان انو دكتور هوه الي يحدد الي اسم پيشنت وهل اني بردهة القلبيه او الديلزه( غسيل الكلى)

هسه تكولون شنو فرق ؟
الفرق انو القلبية معروفه احسن من ديلزه لان ديلزه هستري مالتها يكون صعب وخاصة اذا اجاك واحد مرتفع عنده يوريا بالدم تسأله شنو اسمك يكولك بيتنا بفلان مكان
ف دكتور خابر الممثل وكال فلان اسم فلان اسم بالقلبيه وباقي ديلزه الي همه محاضرين يومي ولا شايفهم ولا مقدمين هستري ولا مره ..

كدام اسمي مثلا مكتوب المريضه سميه وغصبا ما عليه هاي مريضتي مو بكيفي اختار وعندي 20 دقيقه فقط اخذ واكتب واترجم الهستري وراها يبدي دكتور يذيع الاسماء وتدخل ويشوفك اول شيء جنت حاضر يومي او لا وهنا يكولك قدم ويسألك كم سؤال وتروح

هاي الطريقة الصحيحه لان انتَ من توصل رابع دكتور واكف فوك راسك وهو يختار بيشنت وينطيك اربع دقائق تسأله كل شيء
هنا دكتور يشوفك تعرف تاخذ وتنطي ويا مريض ماخذ هستري قبل بالثالث لو هيج جاي

كروبات بقيه من حصلو درجات مو مرضيه اغلبهم كالو اي ليش دكتور عبد الرحمن انطه ل ( بعض) طلابه فول مارك واحنا لا؟

واحد من طلاب كال اني وصديقي نفس هستري وهوه انطاه درجه دكتوره واني غير درجه
اي نعم عزيزي لان دكتور يعرف بيك صديقك العزيز هوه الي مسوي الهستري هذا مو انتَ من خلال تقديمك للهستري مبين واحد مو يم سالفه ولا ماخذ هستري قبل
ف يا طلاب محد راح يفيدك باچر عكبه غير نفسك شكد ماتكول هذا صديقي او صديقتي مستحيل تاذيني ف عوفو العواطف الجانبيه بالدراسه وبالدراسه خلو نفسكم اولى بكل شيء
مو صديقي اخذ صفر يلا اني هم عالواهس لان هوه مثل اخويه .. لا وانما اشوف فلان او صديقي اخذ درجه اني مو اقل منه ولا هوه احسن مني (انتَ طبيب) هاي جمله كولش كبيره اني جاي للكلية هنا صدوك رايد اصير طبيب لتعتمد على فلان وفلان محد يفيدك
مو لازم دائما درجاتك كولها فول مارك عادي كلنا تجي علينا ايام نقرا ومنجاوب بس مو نعوف القرايه وانما اشوف اني ليش جبت درجه قليله بهلامتحان ادرس اخطائي وبنفس هاي ماده مره جايه اجيب درجه عاليه

اسفه علاطالة بس حبيت اكول الكم كل التفاصيل الي تخص الامتحان
وياريت تروحون من هسه للمستشفى تاخذون عشره عشرين هستري بس ضلو ادربو قبل الامتحان علمود تروح الخوفه وتكون مسيطر
كل التوفيق الكم واي سؤال اني ماقصر ان شاء الله♥️