طب المجتمع (💻community)

الكميونيتي مادة جدًا ما احبها وزايدة عالطب أصلًا مجرد تضيعه وقت لا اكثر يعني مو صعبه بس مزعجه .. المهم اول شيء نحچي عن كل دكتور وملازمه وشلون تقروها

دكتور (جليل) تقريبًا كل الملازم اله واكثر حصه من الدرجات ماعدا مادة
1. Epidemiology
2.pollution

دكتور جليل ياخذكم عملي ونظري اما الباقيين ف فقط نظري

العملي:

العملي مال دكتور جليل اذا فوتوا محاضره وحده تضيعون حرفيًا لان مراح تفهمون بدون ميشرح الكم+ الحضوررررر 💯 محسوب ف حرامات درجات يدوب تنلم ف لتغيبون وهوه شرحه اشوفه اني زين صح تعامله مرات هيچ ومرات هيچ ويفشل مرات ف ديروا بالكم لازم تجون دائما قاريين المحاضرة الي اخذتوها بالمختبر السابق لان يگوم عالسبورة ويگول حل يلا والي ميعرف يحل يفشلة مرات ومرات لا يجي ايام يكولك عادي حبيبي ويعيدلك الشرح والا تفهم يلا يعوفك ف حسب بعد وخلو بالكم وعينكم دائما عالسبورة واحفظوا القوانين ويا لان وره ما يخلص المختبر او اثناء المختبر يگوم الطلاب بكيفه ويگول انطيني كذا قانون او يگوم طالب طالب ومرات مثل الابتدائيه يفتش الدفاتر ويفتر عليكم والي مجايب دفتر وكاتب بيه المسائل يطلعه بره ويگوله روح اشتري دفتر وتعال ومرات يكوزكم على غفله ومحسوب والحضووووووور محسوببب والكوز الي يبلغكم بيه مليار بالمية محسوب
ف ديروا بالكم رجاءًا واكتبوا وافهموا وياه

النظري :
ملازم دكتور جليل بالنظري هوسه صح بس مهمه المسائل الي بالملازم اذا انتوا قاريين العملي ف ميحتاج تقروها اما شرح ف اكو زايد ومو مهم واكو كولش مهم ويجيب منه

بالنسبة ل اسئلته بلامتحان مال المد ف جدًا سهله وخاصة العملي يجيب البسيط ومو معقد ابد

———————————————————
دكتور (نوار)
خلي نتفق على انو دكتور نوار ملازمه مو ذيج الصعوبه تنفهم بس للاسف ميجي منها🙃
يجيب اسئله مادري منين صراحة وصعبة واكو مصدر امسكيو جاب منه امسكيو واحد فقط وهاهيه
ملازمه:
General Epidemiology
Descriptive Epidemiology
Analytic Epidemiology
Measures of Morbidity
Measures of Mortality

دكتور نوار راح ياخذكم فقط بالمد الاول وصعب اكيد ..اما بالفاينل ف صراحة جاب اسئله سهله ومن الملازم وهاي اول سنة تصير هيچ سالفه ف ان شاء الله انتوا هم

——————————————————-
دكتور (سعدون )
Introduction to Pollution
Air Pollution
Ecology
Water Pollution

دكتور سعدون داخله ملازمه فقط بالفاينل وكولش سهلات مال الابتدائيه المواضيع
اكو ولا ملزمه فاتحيين واخذوا فول مارك ب امسكيو دكتور سعدون لان كل سنه يكرر ال 10 امسكيو نفسها ميغير ابد

هاي القناة👆🏻شرح عاليوتيوب لمادة الاحصاء ممكن تفيدكم

🟡مادة العملي شاملة لكل المواضيع من اول محاضرة ل اخر محاضرة لكل السنة👆🏻
تگدرون تعتمدون على هالملفات طالب عدنا مسويها ومرتبة بس انتوا هم كتبوا بدفاتركم حتلو مخربط لان يفتش

🟡مادة الكورس الاول👆🏻

كل الملازم الخاصة بدكتور جليل الي مدخلت بالمد الاول بدون ملازم دكتور نوار او دكتور سعدون

🟡مادة الكورس الثاني👆🏻

مادة طب المجتمع للامتحان النهائي

* للدخول على موضوع اضغط PRESS HERE
* اللون الأحمر دلالة على عدم دخول المادة في الامتحانات السابقة
* اللون الأصفر دلالة على دخول المادة في الامتحانات السابقة
* جميع المادة متوفرة في البوت

🟡مادة الفاينل👆🏻

🟡تقسيم الدرجة:
المد الاول من 20 ولكن الدرجة من 100

تشمل الحضور والكوزات على ما اعتقد ومحد يعرف كيف قسموها

علاكثر كان 15 امسكيو لدكتور نوار و 15 لدكتور جليل يشمل العملي والنظري

المد الثاني من 20

الفاينل من 60

‼️مهم جدًا :- رجاءً لحد يغيب بمادة طب المجتمع سواء نظري او عملي لان والله الحضور محسوب ف حرامات واذا بالنظري متفهمون افتحوا غير مادة المهم تدخلون وخاصة بمحاضرات دكتور نوار

طب المجتمع ✔️

السلام عليكم طلاب 💙
اني طالبة وياكم مرحلة رابعة حاليًا .. حبيت اساعدكم واسوي الكم قناة تشمل كل ما يخص المرحلة الثالثة :

1- مقدمة عن كل مادة واسماء الدكاترة والملازم التابعة لكل دكتور لان مثل متعرفون لازم نعرف اسم الدكتور والملازم مالته علمود نعرف يجيب منها او لا وحچيتلكم بالتفصيل عن واحد واحد من اول دكتور ل اخر دكتور

2-طريقة القراءة لكل المواد واضافة مدرسين مختصين على اليوتيوب مع الروابط وكذلك اشتراك اكاديميات وغيرها

3-مادة الكورس الاول مع ملازمها مفصولة عن مادة الكورس الثاني والفاينل أيضًا

4- امسكيو الفصل الاول مفصول عن الفصل الثاني والفاينل أيضًا

5-صيغة الامتحان سواءً نظري او عملي

6-تقسيم الدرجة العملي والنظري

7-الحضور محسوب او لا ؟ لكل مادة سواءً عملي او نظري

8-اضافة بوت وقنوات

9- اضافه هاشتاك لكل مادة بمجرد الضغط على المادة المطلوبة يحولكم اليها مباشرةً

10- اي سؤال يخص المرحلة الثالثة تگدرون تدزولي على هذا المعرف 👈🏻 @Shireen_abbas21 ولحد يتردد او يخجل سواءً شباب او بنات كلنا بالنهاية طلاب طب وجايين نتعلم ونفيد بعضنا🤍


رابط القناة👈🏻 https://t.me/thirdstageiucom

اتمنالكم كل التوفيق بالمرحلة الثالثة 💚ولحد يخاف مرحلة مو صعبة ولا سهلة جدًا ..بس مجرد يرادلها متابعه يوميه وكل شي يصير سهل اما الي يتركها للامتحان يضيع و من هنا واگدر اگول الكم بدأ الطب الحقيقي ف الشاطر الي يستغل المعلومات ويقرأ صح علمود المراحل القادمة💜

صباح الخير طلاب 💙..
طلاب هواي راسلوني و يسألوني احنا منريد نقرأ بالعطلة بس اكو يگولون النا الثالث صعب ولازم نقرأ بالعطلة ف شنسوي؟

طلاب هيه اسمها عطله يعني الواحد يرتاح بيها ف اذا متريد تقرأ لا تقرأ هيه شهرين وتخلص ويجي دوام عشر اشهر تلحك اذا تقرأ يوم بيومه ومتراكم شي.. اني من الناس الي مقريت ابد بالعطلة ف جدًا عادي وثالث مو صعب بالمتابعه
يبقى الي يريد ويحب يقرأ ف مادتين الي هيه الباثو والفارما اهم شيء

@BATCHXbot
👆🏻هذا بوت الملازم الخاص بمرحلتنا
كل شي تلكون بيه المصادر والملازم

وكذلك خانة لملازم اكاديميه العطاء الي ميحب يقرا على مصدر لبنكوت يكدر يقرأ على ملازمهم بالنسبة للفارما لان هيه نفسها مصدر لبنكوت نصًا بس ضايفين صور ومخططات

واذا ملكيتوا كل الملازم تكدرون تدخلون على رابط قناتهم وتكتبون اسم ملزمه تردوها وتطلع الكم بالهاشتاك

https://t.me/ida1familystage3

السلام عليكم طلاب🤍
الي دور ثاني بالمرحلة الثانية اذا يحب يدخل لقناتي 👇🏻

https://t.me/third_stage21

مثبته هاشتاك المواد ممكن تفيدكم امسكيوات او مصادر ودكاترة وغيرها