مو معناها اذا ما فهمت القطعة انه متعرف تجاوب
اكيد لا ..تكدر تستخرج الجواب حسب معنى اداة الاستفهام تعرف شلون تدور ع الجواب

واذا كان السؤال بفعل مساعد معناها يكون الجواب yes او no

السؤال الثاني هو عن قطع الكتاب
تحفظ الاسئلة المتعلقة بالقطع الي موجودة بكتاب النشاط و اكيد راح تحفظها بعد متعرف معنى السؤال والجواب لان يمك موجودة مترجمة
هذا السؤال تحصل ١٠ درجات عليه

وكذلك سؤال القصص عليه ١٠ درجات
تحفظ اسئلة النشاط و كذلك الاسئلة الموجودة بالكتاب الملون ايضا متعلقة بالقصة مطلوبة

سؤال القواعد ٢٠ درجة
تحل اسئلة النشاط كلها الخاصة بالقواعد
والطالب الي يريد يضبط القواعد يحل بعد النشاط نماذج وزارية متعددة

فرع الاسقاط ٥
فرع التعاريف ٥
فرع التوصيل ٥
ايضا تجي من النشاط بدون اي تغيير

يبقى سؤال الاملاء ١٠ درجات
يشمل معاكسات ..مقارنة او مفاضلة ..جمع ..اختصار...اضافة ing..تحويل ضمائر ...تحويل للماضي ..الدولة و الجنسية ..الخ
ايضا تحل وزاريات سؤال الاملاء

سؤال علامات التنقيط ٥ درجات

اخر شي سؤال الانشاء ١٥ درجة
لا تقرا انشاء ع المرشحات اقرا كلها و ركز ع المهمات

اتمنى لكم النجاح والتفوق بإذن الله تعالى

اي طالب عنده سؤال اي مادة صعبة
يكدر يسأل ويتواصل مع المدرسات

تنظيم الوقت مع طريقة الدراسة والحفظ اكيد توصلك للنجاح وبكل المواد ان شاءالله