📢 🟦🟦🟦

2026-yil 9-aprel kuni Ingliz tili amaliy fanlar №3 kafedrasi o‘qituvchisi Radjabova Dildora Karimberdiyevna tomonidan 2506-guruh talabalari ishtirokida “Reported Speech” mavzusida ochiq dars o‘tkazildi.

Mazkur ochiq darsning asosiy maqsadi talabalarga bilvosita nutq (reported speech)ning nazariy asoslarini chuqur tushuntirish, gaplarni bevosita nutqdan bilvosita nutqqa to‘g‘ri o‘tkazish ko‘nikmalarini shakllantirish hamda ularni amaliy mashqlar orqali mustahkamlashdan iborat bo‘ldi.

Dars davomida talabalar:

reported speechning asosiy qoidalari va turlarini o‘rgandilar;
zamonlarning moslashuvi (sequence of tenses) va olmoshlar o‘zgarishini amaliy misollar orqali tahlil qildilar;
turli interaktiv mashg‘ulotlar, juftlik va guruh ishlari orqali mavzuni chuqurroq o‘zlashtirdilar.

Mashg‘ulot zamonaviy pedagogik texnologiyalar asosida tashkil etilib, savol-javoblar, muhokamalar va amaliy topshiriqlar orqali talabalar faolligi ta’minlandi. Dars jarayonida vizual materiallar va interaktiv metodlardan samarali foydalanildi.

Ochiq dars yuqori saviyada, aniq reja asosida va metodik jihatdan to‘g‘ri tashkil etildi. Talabalar tomonidan mavzu yaxshi o‘zlashtirildi

🎓 Ma’naviy-ma’rifiy uchrashuv tashkil etildi

O‘zbekiston davlat jahon tillari universiteti Ingliz tili 3-fakulteti talabalari uchun tutorlar Xolmurodova Z. va Avazova M. tomonidan buyuk sarkarda Amir Temur hamda Temuriylar davri tarixiga bag‘ishlangan ma’naviy-ma’rifiy uchrashuv tashkil etildi.

📚 Uchrashuv davomida talabalar Sohibqironning boy merosi, uning davlat boshqaruvidagi yuksak salohiyati, shuningdek Temuriylar davrida ilm-fan va madaniyatning rivoji haqida atroflicha ma’lumotlarga ega bo‘ldilar.

🏛 Shuningdek, fakultetimiz 2519-guruh talabalari Amir Temur xiyoboniga tashrif buyurib, buyuk ajdodimiz xotirasiga hurmat bajo keltirdilar.

🇺🇿 Ushbu tadbir yoshlar ongida tarixiy merosimizga bo‘lgan hurmatni yanada oshirish, milliy qadriyatlarimizni mustahkamlashga xizmat qildi.

03.04.2026 da Ingliz tili 3-ingliz fakulteti ingliz tili nazariy aspektlar-3 kafedrasi o’qituvchilari PhD dotsenti Ruzmetova Dildora va Yakupova Zuhra“ Young researchers” ilmiy-amaliy to‘garagining navbatdagi mashg‘ulotini XT-23.08 - guruh talabalari bilan “IMRAD usulida ilmiy maqola yozish” mavzusida to'garak tashkil etildi.
✨Mazkur mashg‘ulotning asosiy maqsadi talabalarda ilmiy maqola yozishning zamonaviy xalqaro talablari, xususan IMRAD strukturasi asosida ilmiy fikrni tizimli va mantiqiy ifodalash ko‘nikmalarini shakllantirishdan iborat bo‘ldi.
✨Kelgusida bu kabi amaliy mashg‘ulotlarni muntazam tashkil etish orqali talabalarni ilmiy-tadqiqot faoliyatiga kengroq jalb etish maqsadga muvofiq hisoblanadi.