🔊O'zDJTU Ingliz tili 3-fakulteti 1-bosqich talabalari uchun “LOST IN TRANSLATION” to‘garagi o‘z faoliyatini davom ettirmoqda!

Joriy yilning 7️⃣-aprel sanasida Ingliz tili amaliy fanlar kafedrasi katta o‘qituvchisi Shukurova Shohsanam tomonidan "IT & Technology – Software & IT Texts” mavzusida to‘garakning navbatdagi mashg‘uloti o'tkazildi.

Mashg‘ulot davomida talabalar dasturiy ta’minot va axborot texnologiyalariga oid matnlar bilan ishladilar. Ular berilgan matnlarni bosqichma-bosqich tarjima qildilar, murakkab termin va iboralar ustida alohida to‘xtalib o‘tildi hamda ularning muqobil tarjima variantlari muhokama qilindi.

Mashg‘ulot yakunida talabalarning tarjima jarayonida yo‘l qo‘ygan xatolari tahlil qilindi va ularni bartaraf etish bo‘yicha tavsiyalar berildi. Shuningdek, ularga mustaqil ishlash uchun qo‘shimcha tarjima topshiriqlari berildi.

🏢Toshkent shahri Sergeli tumani 317-maktabda 9-sinflar o‘rtasida ingliz tili fanidan “Intellectual Quiz Competition” mavzusida ma’naviy-ma’rifiy tadbir o‘tkazildi.
🖥Ushbu tadbir Ingliz tili integrallashgan kursi 3-kafedrasi o‘qituvchisi Sultonova Ch. hamda 2436-guruh talabalari boshchiligida tashkil etildi.
Tadbirdan ko‘zlangan asosiy maqsad o‘quvchilarning ingliz tiliga bo‘lgan qiziqishini yanada oshirish, ularning bilim va ko‘nikmalarini mustahkamlash, shuningdek, mustaqil fikrlash, tezkor qaror qabul qilish va jamoa bilan ishlash malakalarini rivojlantirishdan iborat bo‘ldi.
💎Musobaqa davomida ishtirokchilar bir necha shartlar asosida bellashdilar. Jumladan, grammatik savollar, lug‘at boyligini aniqlovchi topshiriqlar, mantiqiy savol-javoblar hamda tezkor fikrlashni talab etuvchi interaktiv o‘yinlar tashkil etildi. Har bir shart o‘quvchilarning bilim darajasini sinovdan o‘tkazish bilan birga, ularda raqobat muhitini ham shakllantirdi.
📚Tadbir jarayonida o‘quvchilar faol ishtirok etib, o‘z iqtidor va salohiyatlarini namoyon etdilar. Ayniqsa, jamoaviy ishlash, o‘z fikrini erkin bayon etish va ingliz tilida muloqot qilish ko‘nikmalari yanada rivojlandi.
📒Tadbir yakunida faol qatnashgan va yuqori natijalarga erishgan jamoalar rag‘batlantirildi. Ushbu intellektual bellashuv o‘quvchilarning bilimini mustahkamlash bilan bir qatorda, ularni yangi marralar sari ruhlantirdi.
📆Oʻtkazilgan sana: 08.04.2026

🇺🇿 O‘zbekiston davlat jahon tillari universiteti
🎓 Ingliz tili 3-fakulteti

✨ Kelajak sari muhim qadam!

Mazkur fakultetda bitiruvchi talabalar bandligini ta’minlashga qaratilgan muhim va dolzarb tadbir tashkil etildi.

📌 Tadbir fakultet tutorı Uzoqova R. tashabbusi bilan
“Bitiruvchi talabalar bandligini ta’minlashga qaratilgan tadbirlarni tashkil etish” mavzusida o‘tkazildi.

💼 Tadbir davomida talabalar: — mehnat bozori talablari
— ishga joylashish imkoniyatlari
— karyera rejalashtirish
— zamonaviy ko‘nikmalarni rivojlantirish

bo‘yicha foydali ma’lumotlarga ega bo‘lishdi.

🚀 Talabalarga o‘z ustida ishlash, bilim va salohiyatni oshirish orqali raqobatbardosh mutaxassis bo‘lish zarurligi alohida ta’kidlandi.

🌟 Ushbu tadbir bitiruvchi talabalar uchun muhim tajriba va motivatsiya manbai bo‘lib xizmat qildi.

#to‘garak

2026-yil 8-aprel kuni “TEXT TITANS” to‘garagining navbatdagi qizg‘in mashg‘uloti bo‘lib o‘tdi

Mashg‘ulot Ingliz tili amaliy fanlar 3-kafedrasi o‘qituvchisi Kamalova D.A. rahbarligida “Text battle” mavzusida tashkil etildi.

Dars davomida talabalar o‘rtasida matnlarni tahlil qilish bo‘yicha o‘ziga xos intellektual bellashuv o‘tkazildi. Mashg‘ulotda matnning tarkibiy qismlarini tezkor aniqlash, argumentlarni topish va ularni tanqidiy baholashga asosiy urg‘u berildi.

🔍 Amaliy mashg‘ulotlarda:
• Turli janrdagi matnlar o‘zaro bellashuv (battle) formatida qiyoslandi
• Guruhlar matndagi asosiy g‘oyani topish bo‘yicha tezkorlikda musobaqalashishdi
• Matnlarning stilistik va grammatik jihatlari tahlil qilindi
• “Argumentlar jangi” orqali talabalarning notiqlik va asoslash ko‘nikmalari sinovdan o‘tkazildi

💬 Mashg‘ulot yuqori energiya, sog‘lom raqobat va faol munozaralar boy bo‘ldi. Talabalar matn bilan ishlashda ham tezlik, ham sifat muhimligini amalda ko‘rib chiqishdi.

✨ “TEXT TITANS” — bilim va tahlil maydoni!

Bugun, 2026-yil 8-aprel kuni Chilonzor tumanidagi 164-sonli umumta’lim maktabida navbatdagi qiziqarli va mazmunli ingliz tili to‘garak mashg‘uloti bo‘lib o‘tdi.

🎓 Mashg‘ulotni o‘z ishiga mas’uliyat bilan yondashadigan, izlanuvchan va faol Ingliz tili -3 fakultetining 2-kurs talabasi N. Zafarova olib bordi.

📝 Dars mavzusi: ingliz tilida so‘zlashuvning asosiy grammatik birliklaridan biri — “Have / Has got”.

Mashg‘ulot davomida o‘quvchilarga mavzu sodda va tushunarli usulda izohlandi, doskada misollar asosida tushuntirishlar berildi hamda savol-javoblar orqali bilimlar mustahkamlandi. O‘quvchilar dars jarayonida faol ishtirok etib, yangi mavzu yuzasidan o‘z fikrlarini ingliz tilida ifodalashga harakat qildilar.

Ayniqsa, darsning interfaol ruhda tashkil etilgani, o‘quvchilarning mavzuga qiziqishi va amaliy mashqlar orqali bilimlarini sinab ko‘rganlari mashg‘ulot samaradorligini yanada oshirdi.

Bunday to‘garak mashg‘ulotlari o‘quvchilarning ingliz tiliga bo‘lgan qiziqishini kuchaytirish, erkin fikrlash va muloqot ko‘nikmalarini rivojlantirishda muhim аҳamiyat kasb etadi.

#Chilonzor #164maktab #EnglishClass #TogarakMashguloti #InglizTili #HaveHasGot