مادة الرواية "ست زينب"
من أكثر التدريسيين الي شفتها تعتمد ع اليومي اكثر من ورقة الإمتحان الشهري
إمتحانين فقط لا غير كل إمتحان من ١٥
واذا عندك مشاركة قوية ممكن سعيك يطلع اعلى من جمع درجاتك 🌚✅

مادة النحو "ست إيمان"
إمتحانين شهريات بس ، درجة برزنتيشن وحظور
ينجمعن ويطلعلك سعي من ٤٠

"وكلش تراعي من ناحية درجات الحظور والبرزنتيشن"

مادة اللُغة "ست هُدى"
إمتحانين شهريات اثنين فقط ، وفي حال عندك درجة رسوب راح تراعيك وتسوي امتحان ثالث
اليومي عدها حظور وبرزتتيشن "بيهن درجات"
هذن كلهن ينجمعن ويطلعلك سعي من ٤٠

مادة المناهج "دكتورة إيلاف"
أربع إمتحانات شهرية+ درجة البرزنتيشن كورسين
ينجمعن ويتقسمن ويطلعلك سعي من ٤٠
"عدها يومي وكذلك ينحسب عليه درجة"

مادة الإستماع "دكتورة مَي"
إمتحانين أو ثلاث إمتحانات
تعتمد ع اليومي والحظور بشكل كلشش جبير وتحاسب عليه
وهذن كلهن ينجمعن ويطلعلك سعي من ٥٠

مادة الإرشاد+مادة الكتابة
هالمادتين بدون يومي يعني مااعرف ليش
فقط درجة الإمتحانات الشهرية تُجمع ويطلعلك سعي من ٤٠

الكتابة ممكن اكثر من امتحانين وينجمعن ويتقسمن ويطلعلك سعي من ٤٠

الارشاد فقط امتحانين ينجمعن ويطلعلك سعي من ٤٠

كلشي يخص المرحلة الثالثة صار بين إيديكم ، ملخصات وملفات وطريقة تدريس

اعرف نشرتهن الكم وبعد هواي ع الدوام
لكن كثير من الطلاب طلبوا مِنْي انشرهن هسة+الايام الجاية ماعنديي وقت لذلك كملتهن من هسة

موفقين بقرايتكم جميعًا ♥️🫶🏻

هاي أسئلة شهرية تخص مواد المرحلة الثالثة
مُساعدة مِنْ إحدى الطالبات
مشكورة الله يجازيها بالخير

بالنسبة لأسئلة مادة الشعر "م٣"

العام چانت الأسئلة عبارة عن فراغات بأشياء فهمية
يمكن بس شهر واحد جابت ستانزات
اما بقية الأشهر ف بس فراغات
"افهموا القصيدة لا تحفظون ستانزات"
لان الفراغات راح تكون من بين الأسطر

ممكن حتى تجيبلك فراغ "بمعنى لكلمة"
او لاين بالقصيدة وانت تكمل شنو نقص الي بيه

نظام اسئلة راح يكون جديد عليكم
احنة العام انصدمنة بيه ، مع ذلك بيه وفرة مال درجات
يعني كل فراغ عليه درجة مو اكثر

هذا كل الأگدر اساعدكم بيه
موفقين بقرايتكم جميعًا ♥️