وبهالحالة اكون نشرت إلكم كل مواد المرحلة الثالثة
مصادر كلش مهمة وموثوقة ، إعتمدها أكثر من طالب والحمدلله اجت بنتيجة كلش زينة

موفقين بقرايتكم جميعًا
ممطلوب مِنْكم فقط الدعاء إلي ولوالديّ 🫶🏻♥️

أما بخصوص دكاترة المرحلة الثالثة
هم انشرلكم عليهم "ومااعرف اذا الدكاترة بقوا نفسهم او يتغيرون"
لكن انشرلكم من جانب الاستفادة

نظام وطريقة تدريس دكاترة المرحلة الثالثة 👇

مادة الشعر "دكتورة أمل"
ما تعتمد ع اليومي ، نظام الامتحانات الشهرية أربع إمتحانات شهرية ، تُجمع و تُقسم على أربعة، بعدها يطلعلك سعي من ٤٠

مادة المسرح "دكتورة أنعام"
تعتمد ع اليومي ولكن بشكل قليل مِنْ خلال تقديم وشرح موضوع عن المسرحية
نظام الإمتحانات الشهرية إمتحانين أو ثلاثة
تاخذ أعلى درجتين وتجمعهم+درجة اليومي والحظور
ويطلعلك سعي من ٤٠

مادة الرواية "ست زينب"
من أكثر التدريسيين الي شفتها تعتمد ع اليومي اكثر من ورقة الإمتحان الشهري
إمتحانين فقط لا غير كل إمتحان من ١٥
واذا عندك مشاركة قوية ممكن سعيك يطلع اعلى من جمع درجاتك 🌚✅

مادة النحو "ست إيمان"
إمتحانين شهريات بس ، درجة برزنتيشن وحظور
ينجمعن ويطلعلك سعي من ٤٠

"وكلش تراعي من ناحية درجات الحظور والبرزنتيشن"

مادة اللُغة "ست هُدى"
إمتحانين شهريات اثنين فقط ، وفي حال عندك درجة رسوب راح تراعيك وتسوي امتحان ثالث
اليومي عدها حظور وبرزتتيشن "بيهن درجات"
هذن كلهن ينجمعن ويطلعلك سعي من ٤٠

مادة المناهج "دكتورة إيلاف"
أربع إمتحانات شهرية+ درجة البرزنتيشن كورسين
ينجمعن ويتقسمن ويطلعلك سعي من ٤٠
"عدها يومي وكذلك ينحسب عليه درجة"

مادة الإستماع "دكتورة مَي"
إمتحانين أو ثلاث إمتحانات
تعتمد ع اليومي والحظور بشكل كلشش جبير وتحاسب عليه
وهذن كلهن ينجمعن ويطلعلك سعي من ٥٠

مادة الإرشاد+مادة الكتابة
هالمادتين بدون يومي يعني مااعرف ليش
فقط درجة الإمتحانات الشهرية تُجمع ويطلعلك سعي من ٤٠

الكتابة ممكن اكثر من امتحانين وينجمعن ويتقسمن ويطلعلك سعي من ٤٠

الارشاد فقط امتحانين ينجمعن ويطلعلك سعي من ٤٠

كلشي يخص المرحلة الثالثة صار بين إيديكم ، ملخصات وملفات وطريقة تدريس

اعرف نشرتهن الكم وبعد هواي ع الدوام
لكن كثير من الطلاب طلبوا مِنْي انشرهن هسة+الايام الجاية ماعنديي وقت لذلك كملتهن من هسة

موفقين بقرايتكم جميعًا ♥️🫶🏻