هالشِلة مِنْ خِيرة الطُلاب إلي إتعرفت عليهم وصارت إلي مواقف حلووة كثيرة وياهم دراسيًا و إجتماعيًا ، بعيدًا عن كلشي وبعيدًا عن مَدحي إلهم لإنهم "أصدقائي و إخوتي" بَس ثِقتي بيهم عمياء و واثق بيهم راح يطلع فد عَمل حلو ورهيب يليق بيهم ويليق بِقسم اللُغة الإنكليزية ✨♥️..

يارب كل التوفيق إلكم وأشوفكم بأعلى المراتب دائمًا .

Ur Brother 🫂..

فد نصيحة وإخذوها بشكل جِدّي وحاولوا تِمشون عليها ،
أي شخص وين ميروح لازم يترك أثر طيب وذِكرى حلوة بين طُلاب دُفعته ، يترك أثر طيب بين الناس الزينة و حتى الناس الموزينة ، مو لإن نَظرتهم مُهمة لو فدشي عظيم ، بس أنت/ي بداخلك لازم يكون هالشي حتى تترك أثر طيب تِنذكر بيه بعدين ،
إضافةً "إتعلموا حُب الخير للغير"
والله مَراح ينقص مِنْك شي لو يزيد فوگ نفسك شي ، بالعكس هالشي هم لنفسك ، مِنْ تشوف صديقك ينجح وديحاول يسوي يبني لنفسه شي ، لا تنتقده ولا تنتقص من الشي إلي ديسوي ، لتنتقد إتعلم ، يجوز هالشي بالنسبة إلك تافه ، بَس بالنسبه إله شي عظيم وهو ديحاول لنفسه مو إلك حتى تستهزء بيه وتقلل مِنه ، هالشي أبد مو حلو ومَراح يخلي عَنْك إنطباع غير أنك شخص متحب تشوف شخص غيرك ديحاول وينجح وأنت گاعد بس تنتقد بي وتقلل مِنْ قيمته وقيمة الشي إلي ديسوي .

"الكُلية ومسيرتك الدراسية بقى إلها سنة وحدة وتِخلص ، حاول تخلي إلك ذِكر حلو بين طُلاب دُفعتك وتِنذكر بالزين مو بالشين"

وأنتم بكيفكم بَعد .

Excellent Work By
"3rd Stage Students ، Section D” ♥️👏🏻
I’m soo Proud Of You ✨✨🫶🏻

عاجل أبو العواجل
و نصيحة مهمة "جدًا جدًا"
كِتاب مادة المناهج "الجزء الثاني"
ابدًا لا تتركوه أو تهملوه "بالفاينل"
كلش وارد أنو يجي عليه ٢٥-٤٠ درجة

أبدًا لا تِغلطون غلطة طُلاب الثالث العام
لإن تقديراتنا إتكسرت فدنوب ،
وأنتم بكيفكم بعد .

شوفوا هاي الملزمة ،
وأكو طالب إسمه علي جليل مسوي ملزمة ع شرح هالسنة
بس أحصلها أنشرها إلكم

ملزمة مناهج
الكتاب الثاني

نصائح إعتمدوها بخصوص الفاينل 👇👇👇

نبديها بالمواد الأدبية و أولهن "

- مادة الرواية

ممكن أكثر مادة دتجيني عليها رسايل "المادة صعبة ، الچابترات هواي" ومن هالكلام

نصيحة:
- بأول كتاب withering heights
إقروا الچابترات إلي بيها مواقف درامية أكثر من الچابترات التافهة ومابيها أشياء ذات معنى
يعني شلون؟
مثلًا چابترات الي بيها بداية هيثكلف وقصته وي العائلة الي إتبنته
الجابترات الي بعدين تصير قصة حب بين الاولاد ابن هيثكلف وبنت المصرگعة كاثرين

يعني اكو جابترات واضحة وضوح الشمس كلش مهمة

- الرواية الثانية hard times
إقروا الچابترات إلي بيها خبصة وهوسة
ياهي؟
بداية البنية وشلون جانت تعاني بالمدرسة ولما أبوها تركها
ستيفن بلاكبول ومشكلته
الخادمة ومشكلتها وي زوجها
غرادغرايند وشلون هو شخص معقد وصاحب فكر موحد

هاي الاشياء كلش مهمة وراح يجي منها كلش هواي .

إضافةً و حتى لا تخربطون
الإقتباسات ممكن يجي عليهن سؤال واحد عليه ١٥ درجة وتكدر تتركه "يعني مو إجباري"
ف اذا تشوف نفسك متكدر تضبطهن لتضيع وقتك عليهن نصيحة 😉

- مادة الشعر

اكثر مادة راح تنصدمون بيها بالفاينل گدما سهلة وتكدرون تضبطوها
ليش؟
مثل ماا واضح گدامكم أسئلة عبارة عن أوبشنات وتگدر تترك بيها هواي

زين شلون نقرا أو نراجع الشعر؟
نصيحةة إبدأوا بالقصائد المطولة وإلي بيها أفكار هواي
مااتذكر أساميهن كلهن بس كوبلا كان و فورست واكو قصيدة بالفكتوري كلشش مهمة بس اشوف الملزمة اضيفها

- مادة المسرح
كذلك من المواد إلي تعتبر مكثفة وبيها هواي أفكار
بسس؟؟
ركزوا ع هاملت وإقروها كلش زين
و المُناجاة كلهن كلهن مهمات ،
و المسرحية الثانية إقروا بس أول آكتين

وبخصوص الإقتباسات كذلك نفس نصيحة الرواية
إذا تشوف نفسك موزين بيهن إتركهن ولتضيع وقتك

وبس هيج

- مادة النحو

مثل مدتشوفون الفاينل عبارة عن تمارين
يعني؟
سالفة الإمتحانات الشهرية والأسئلة الفكرية هالسنة تنسوها نهائيًا
المادة عبارة عن تمارين تطبيقية وتفصيلية للجُمل
إقروهن زين وحتجي سهلة والله

- مادة اللُغة

مادة سهلة وعبارة عن أشياء شرحية
وكذلك مثل ما واضح كدامكم وشكد الأسئلة سهلة
مااعرف ليش هالسنة بالشهريات المادة ديجيبون أسئلة مدري منين 🫠
بسس لتشيلون هم للفاينل

وكذلك راح يكون أكو أتواصل وي المسائي بخصوص المُهمات والأشياء المؤشرة

- مادة الكتابة

أهم شي تضبطون السؤال الإجباري 🌚

والباقي سهههلل كلش كلش "دكتور أمير حباب ومُتساهل بالفاينل"

- مادة المناهج

مثل ما كلتلكم بخصوص الكتاب الثاني لتهملوه لتهملوه لتهملوه
حرامات تطير درجاتكم ،

والكتاب الأول ضبطوا الفاكترز والتعداد بسيط

- مادة الإرشاد

حالها حال مادة جرائم حزب البعث "كـ سهولة"
بس حاولوا تشدون حيلكم بيها لإن عليها وحدات زينة مِنْ ناحية السعي العام بالثالثة

وهاي توضيح بسيط لكل المواد "بالفاينل"

نشرتهن مِنْ وكت لإن الأيام الجاية راح أكون مشغول ،
و إذا صار شي مُهم راح أحاول أنشره إلكم بوقته

يارب كل التوفيق بقرايتكم جميعًا
وما مطلوب مِنْكُم بَس الدُعاء إلي و لوالديّ.

بالتوفيق إن شاء الله

البوت للتواصل
@htjw_bot

أسئلة مسرح "مُحملين هالسنة"

❌❌❌❌❌

ماكو هيچ أسئلة
هيچ اسئلة ماكو
أسئلة ماكو هيچ

ممكن يجيك "إتكلم عن شخصية هاملت"
- مثلًا هاملت وجنونه ،
- إتكلم عن هاملت وشنو هي أبرز النقاط إلي تُشير أنهُ ديمثل "بجنونه" - هاملت وصداقته ومنو صديقه الوفي؟
بسس مو من بداية المسرحية لنهايتها؟؟
مع كل الإحترام والتقدير للشخص إلي نشر هالبوست ، بس لتخلون الطالب يضيع دربه ويرتبك ويفلش الأول والتالي .

مااتذكر وين مذكور هالشي ، بس شكسبير وضح فكرته على النساء وكيفية إستغلالهن ، وممكن تتكلمون عن هالشي مِنْ خلال:
-لَمّا بولونيوس بدأ يسولف وي بنته أوفيليا وكيف يريدها تاخذ معلومات من هاملت "هذا إستغلال"
- لَمّا هاملت إستغل أوفيليا و جعلها وسيلة نقل معلومات "لبولونيوس والملك"
- كذلك تكدرون تتكلمون عن والدة هاملت وكيف هي "أُستغلت" مِنْ قبل الملك كلوديوس و جعل منها "دُمية" يمشيها بكيفه وهاملت راد يكتلها بَس "الشبح مال والده" گاله أنه والدتك بريئة و أُستغلت من قبل عمك الملك كلوديوس