ቤልጂየም ምን አለች?

ቤልጅየም የአውሮፓ ህብረት ለዩክሬን ድጋፍ አደርጋለሁ ማለቱን ተቃወመች።

ህብረቱ እንዳይንቀሳቀሱ የታገደው 182 ቢሊዮን ዩሮ የሚገመተው የሩሲያ ንብረት ዩክሬንን መልሶ ለመገንባት ጥቅም ላይ እንዲውል ወስኗል።

የቤልጅየም ጠቅላይ ሚኒስትር ባርት ዌቨር ግን፣ "መፍትሄ መፈለግ ይሻላል ወይስ ዛሬም ለዩክሬን  ድጋፍ ማድረግ?" ሲሉ ጠይቀዋል።

ጠቅላይ ሚኒስትሩ፣ "ይህ ነገር የከፋ ውጤት ሊያስከትል እንደሚችል ማወቅ አለብን" ብለዋል።

የአውሮፓ ህብረት አባል ሀገራት በብራሰልስ የሁለት ቀናት ስብሰባ እያካሄዱ ይገኛሉ። #helsinkitimes

@ThiqahETH

በሱዳን በድሮን ጥቃት ቢያንስ አምስት ሰዎች ተገደሉ።

ጥቃቱን የፈጸሙት የፈጥኖ ደራሽ ሀይሎች  መሆናቸውን የሱዳን ጦር አስታውቋል።

ጦሩ የድሮን ጥቃቱ የተፈጸመው በካርቱም አየርመንገድ አጠገብ መሆኑም ገልጿል። #trtworld

@ThiqahETH

አሜሪካ በኮሎምቢያ ፕሬዚዳንት ጉስታቮ ፔትሮ ላይ ማዕቀብ ጣለች።

ማዕቀቡ "የአደንዛዥ እፅ ምርትን አስፋፍቷል እና ፀረ ናሮቲክ እርምጃዎችን አደናቅፈዋል" በሚል እንደሆነ ተገልጿል።

የአሜሪካ ገንዘብ ቢሮ ሀላፊ ስኮት ባሰንት በአሜሪካ የሚገኘው የፕሬዝዳንት ፔትሮ ገንዘብ እንዳይቀሰቀስ አግደዋል ተብሏል።

አሜሪካ ከፕሬዝዳንቱ በተጨማሪ በሀገር ውስጥ ሚኒስትሩ ሉዊስ ፈርናንዶ ላይም ማዕቀብ ጥላለች። #shafaaqnews

@ThiqhETH

በደቡብ ሱዳን 9.3 ሚሊዮን ሰዎች ሰብዓዊ እርዳታ እንደሚያስፈልጋቸው ተገለጸ።

አብዛኞቹ እርዳታ ፈላጊዎች በጎርፍ፣ በፖለቲካ እና በምጣኔ ሀብት ውድቀት የተጎዱ መሆናቸውን ተመድ አስታውቋል።

በደቡብ ሱዳን የተመድ ሰብዓዊ እርዳታ አስተባባሪ አኒታ ጌቦ "በተለይ ስድስት ግዛቶች የተለየ ችግር አለባቸው" ብለዋል።

ጌቦ "በቅርቡ በተከሰተው ጎርፍ ብቻ 960,000 ህዝብ በጎርፍ ተጎድቷል" ሲሉ ተናግረዋል።

"በሀገሪቱ ያለው የፖለቲካ አለመረጋጋት ችግሩን አባብሶታል" ብለዋል።

ኃላፊዋ አክለውም በተያዘው አመት ሶስት ሚሊየን ሰዎች እርዳታ ማድረስ መቻሉን ገልፀዋል። #aa

@ThiqahETH

"ትራምፕ ጦርነት እየፈበረኩ ነው" - ቬንዙዌላ

የቬኔዙዌላ ፕሬዚዳንት ኒኮላስ ማዱሮ ፕሬዝዳንት ዶናልድ ትራምፕን በጦርነት ቀስቃሽነት ወነጀሉ።

ማዱሮ "ሀገራችንን ለግጭት እየገፋፉ ነው" ሲሉ ወንጅለዋል።

"ትራምፕ ጦርነት እየፈበረኩ ነው። ጦርነት አንፈልግም ይሉናል ግን ወንጀለኛ አድርገው እየሳሉን ነው" ብለዋል።

ፕሬዝዳንቱ ይህን ያሉት የአሜሪካ መከላከያ ቢሮ ፔንታጎን ትልቁ የጦር አውሮፕላን ወደላቲን አሜሪካ መጓጓዙን ማስታወቁን ተከትሎ ነው። #time

@ThiqahETH

አይቮሪኮስት ብሄራዊ ምርጫ ማካሄድ ጀመረች።

የወቅቱን ፕሬዝዳንት አላሳን ኦታራን ጨምሮ አምስት እጩዎች በምርጫው እየተወዳደሩ እንደሚገኙ ተገልጿል።

ከእጩዎቹ መካከል የቀድሞዋ ቀዳማዊት እመቤት ጂን ሉዊስ እና በኦታራ የመጀመሪያዎቹ የስልጣን ዘመን የንግድ ሚኒስትር የነበሩት አሁዋዶን ሜሎ ይገኙበታል ተብሏል።

ሀገሪቱ ካላት 30 ሚሊየን ህዝብ 37% የሚሆነው በድህነት ወለል እንደሚገኝ ተመላክቷል። #france24

@ThiqahETH

ካትሪን ኮሎኒ የአየርላንድ ብሄራዊ ምርጫን አሸነፉ።

የ68 አመቷ ኮሎኒ ረቡዕ የተካሄደውን ምርጫ 55.7 በመቶ ድምፅ በማግኘት ማሸነፋቸው ተገልጿል።

ፕሬዝዳንቷ የጋላዋይ ከተማ ከንቲባ ሁነው አገልግለዋል። #bbc

@ThiqahETH

የጅቡቲ ፓርላማ የፕሬዝዳንታዊ እጩ የእድሜ ገደብን አነሳ።

ይሄ ውሳኔ ፕሬዝዳንት እስማኤል ኦማር ጉሌህ ለስድስተኛ ዙር ሀገራዊ ምርጫ መወዳደር የሚያስችል እንደሆነ ተገልጿል።

የ77 አመቱ ጉሌህ በቀጣይ አመት 2026 የምርጫ ዘመን እጩ ሆነው ይቀርባሉ ተብሏል።

የሀገሪቱ ህግ እድሚያቸው ከ75 በላይ የሆኑ ፖለቲከኞች ለመሪነት እጩ መሆን እንደማይችሉ ይደነግጋል።

ህጉ የጸደቀው ከ15 አመት በፊት በ2010 ሲሆን፣ ሀሳቡን ያመጡት የወቅቱ ፕሬዚዳንት ኦማር ጉሌህ ናቸው።

ጉሌህ ከፈረንጆች 1999 ጀምሮ ላለፉት 26 አመታት ጅቡቲን በፕሬዝዳንትነት እያስተዳደሩ ይገኛሉ። #aljazeera

@ThiqahEth