شُكُر يجب أن يُقال.

شُكرًا لكل مُسلم "سُنّي" لم يَنشُر الأغاني ولم يستَهزء بالشعائر الحُسينية
شكرًا لكُل سُنّي دَمعت عيناه وحَزَنَ لفاجعة ابنَ بنتِ الرسول، ولكُل سُنّي مُدرِك أن الحُسين بن عليَ هو للمسلمين أجمعين - أيّ يخصهم كذلك - وليسَ مخُتصًا بطائفيةٍ دون أخرى.
شكرًا لكُل سُنّي طبخَ الأكل وأقامَ المجلس في سبيل الحُسين، شُكرًا لكُل سُنّي يحتَرُم مشاعر الآخرين ولا يستَفز أحدًا بأحزانهِمِ ولا يستهزء بجراح آل البيت لأنهُ سيكون من المُخلدين في قعرِ جهنم وبأس المصير.

وعتبي كل العتب على الأشخاص اللذين سمعوا او نشروا الآغاني لأي قَصدٍ كان، وكأحمد قاسم، لا أتشرف نهائيًا في أيّ وقت من الأوقات بالأشخاص الذين سَمعِوا او نَشَروا الأغاني في هذا اليوم المقدَّس لدى الله ونبيَّه، وأنا على خِصام معهم إلى يوم الدين، ولعن الله الفكر الأموي والجهل بمصاب آل البيت.

بالنهاية قالَ تعالى
( ليس عليك هُداهُم ولكن الله يهدي من يشاء ۗ وما تنفقوا من خيرٍ فلأنفسكم ۚ وما تنفقون إلا ابتغاء وجه الله )

وكلكم عيوني.

حبايبي طلاب السادس

مبارك للنجحوا بمعدلات ترضيهم،
وللمأجلين او الي اخذوا اقل من استحقاقهم
فهاي مو نهاية الدنيا، مادام اكو فرصة ثانية فأكو أمل ثاني
والحياة رغم قساوتها وعدم إنصافها،
لكن نقطة ايجابية

تمنحك دائمًا الفرصة للمحاولة
فلا تيأس ..
وتذكّر
الخيره فيما يختارهُ الله

يوم على يوم يزيد يقيني أن الغالبية العظمى من الي يسوون ترندات همه أسخف شي ممكن تقابله بحياتك.

يعني شنو مسويلي الترند مال مي ترشه فوك راسك الخايس حتى تسجل دخولك وي الموجة، عتبي كل العتب على العرب الي يقلدون هيج سوالف تعبانه
اولًا:- غزة لحد الآن بأسوء حالاتها الإقتصادية والأمنية، الناس اكل ما لاكيه تاكل، مي يضطرون يقطعون عشرات الكيلومترات وهمه شايلين دبات المي الفارغة حتى بلكي يترسوهن من مكان نظيف واذا ما لكوا يرجعون بدون ميشربون !
ثانيًا:- ليش مثل هيج ترندات الها علاقة بالمي تشتهر بهل فترة بالتحديد، بالفترة الي استشهد بيها ابن بنت نبيك وحفيده!
وكلكم تعرفون استشهد هو واصحابة عطاشى وقطرة المي جانت حسره على الأطفال اليبجون عطشانين بسبب جيش اللعين يزيد بن معاوية لأن قاطع عنهم المي ومسوي حصار عليهم.
ليش دائمًا تصرون على أنُ تمثلون دور يزيد والشمر على أمة محمد
يا خيسة العرب!

مجانين

ماكدرت الكي وصف غير هالكلمة، لأن الديصير سنة بعد سنة هو الجنون بحد ذاته
لكن مو الجنون الي معناها فقدان العقل والدين، بل الجنون الي يخليك بأعلى درجات التمسُك بالدين وبالعقل وبالفطرة الإنسانية والأخلاق.

أهل المواكب الحسينية كل سنة يجبروني أن أكسر قلمي والغي الكتابة واكتفي بالتمتع بمشاهدتهم والفخر بيهم،
أطفال بعمر 3 سنين يادوب يكدرون يمشون، تلكاهم يتطافرون بين المشاية حتى يوزعون الشربت والكيك ولفات الأكل، شيّاب اعمارهم عبرت ال 80 سنة يوكفون بالحر ايام كاملة علمود يخدمون الناس التمشي للحسين، وشكد طيّب المي من ايدهم، ونفسهم المشاية بيهم كبار بالعمر لدرجة يمشي على عكازة ومايكدر يرفع راسه، شفت مقطع لحجي جبير بالعمر يبوس الزوار ويتوسل بيهم أن يخدمهم خاف السنة الجاية يموت ومايكدر يتواجد !
الأكل والشرب والخدمة من كل النواحي، شمسيات وعربات مال اطفال وامور طبيّة وكلشي يخطر ببالك، كلشي !
أمهات كبار وصغار من كل مكان بالكرة الأرضية، اكثر من 25 مليون يتجمعون كلهم تحت راية وحدة ولهدف واحد، هو تجديد العهد لنبيهم الكريم محمد صلّ الله عليهِ وآلهِ وسلّم، بأنهم كل سنة يحزنون لحزنك ويبكون على بكاءك لفقدانك سيد شهداء أهل الجنة وروحك الثانية التي منهُ تتكون، وهو الإمام الحسين بن علي عليهِ السلام.
(حسينٌ مني وأنا من حسين )
حسينٌ مني عرفناها يا رسول الله،
لكن أنا من حسين !!! ما هذهِ العظمة وما هذا التقديس يا ابنَ فاطمة الزهراء عليها السلام

أيُّ نصرٍ هذا ؟ أيُّ دينٍ هذا ؟ أيُّ عقيدةٍ أيُّ مبدئ ؟
أيُّ عطاءٍ يُهدى لكَ يا أبا عبد الله؟

والله إننا مجانين بحبك، والله لو أهدينا عمرنا وأرواحنا فلن نعظّم قدرك ولن نُجازي موقفك.

عظمت الررزيةُ وجلَت المصيبة بكَ علينا وعلى جميع أهل السماوات والأرض.

وكلكم عيوني يزوّار !
احمد قاسم.

حابة اكتبلك رِسالة شُكر الك شخصياً ،
أحمد قاسم شخص شفت بوست اله عادي قبل ٣ سنين ، حبيت محتواك واللي تقدمه وبَس چانت مُتابعه
انه مو من النوع اللي يقرة الكتابات الطويله واعبرهن بسرعه لأن امل ، بس أنتَ الوحيد الي كدرت تجذب انتباهي بمواضيعك وطرحك للموضوع ، وبكل موضوع چنت تنشر عنه اطلع منه وانه عقلي متغير تماماً ،
ساعدتني بهواي اشياء ، حتى علاقتي برب العالمين اتقربت اكثر ، من شخص عادي الى شخص مَمنونه منه جداً ، شخص ماعرف شلون اشكره ابداً ، ومو بس انه هواي اشخاص متأكده همه نفسي وغيرت هواي اشياء بيهم للأحلى ، وادعيلك دائماً بالتوفيق ، ورَبي يحُفظك بجاه الحُسين ، وأمام الزمان يرافقك بكُل درب تخطي ، شكراً هواي ، عَزيزنا أحمد 🤍.

لكل شخص يقره البوست كله حتى الكلايش الطويلة

احبكم

برأيي الشخصي
اكثر صفة المفروض الرجل يتصّف بيها هيّ الغيرة.
صراحة لو ننظر لكل المشاكل والمظاهر المجتمعية والتشوّه الشكلي الدنشوفه بالشوارع من لبس فاضح ومن أخلاق مترديّة، هو بسبب فقدان الغيرة للرجل على عرضه، سواء زوجته او بنته او اخته او أمه.
ولا اكدر اعترف برجل يحب زوجته شكليًا وهو مخليها متبرجة وتفاصيلها يشوفها القاصي والداني، ولا اكدر اتقبل فكرة كونَهُ زلمة وهو مخليها تطلع شعرها او جسمها ولو سانتيم،

دائمًا اشوف بالأنترنيت الضحك والونسه والحب والهدايا (والشو) الإعلامي الي يقدمه هذا المعتبر نفسه رجل الى مرته، لكن غالبًا منشوف أن جزء كبير منهم علاقتهم تنتهي بالفشل، سواء خيانة او يصير برود وتلقائيًا العلاقة تنتهي بالطلاق ( اذا جانوا مزوجين يعني) وتبدي البثوث واحد يغرد للآخر.

لكل إنسان متزوج أتمنى تعيد النظر بهالفكرة الأساسية والجوهرية بحياتك، انتَ مو أفهم من الدين، لذلك لتحاول تهيّن نفسك وتقلل من قدرك وتمحي رجولتك علمود شي يلعب النفس وتخلي كل الداير مدايرك ياخذون عليك نظرة اكدر اختصرها بمصطلح اسمه (ستيل) .
ولكل إنسان راح يتزوّج ، لتخلي نفسك بموقف محرج كدام الله ونبيّه وأئمته وكدام الناس وتاخذلك وحدة تريد بالكوه تنزع، بنية لا تعترف بالأخلاقيات العامة ولا تعترف بالله وبالدين.
واذا صار فـ راح تعيش ، لكن تعيش مذلول طول عمرك.
الإنسان الماعنده غيره على عرضه، إنسان مطرود من رحمة الله
لأن الله غيور ، يغار على خلقَه من الفواحش، ما ظَهَرَ منها وما بَطَن.
قال تعالى (بِئْسَمَا اشْتَرَوْا بِهِ أَنفُسَهُمْ أَن يَكْفُرُوا بِمَا أَنزَلَ اللَّهُ )

والعاقل يفتهم.
وكلكم عيوني.

اذا جان اكو شي مضوجك او قاهرك او مخليك حزين وقلق، ضوج وإنقهر واحزن
، انتَ بشر وعندك مشاعر ومن حقك تتأثر
بس الفكرة ان لا تطوّل بالحزن والقلق والضوجة ، لا تطول بالمشاعر السلبية التقدمها لروحك، لأن لو تصفنلها محد متأذي بس روحك الحلوه الما تستحق كل هذا
لا تطبك ويا الناس والظروف وتقسي انت هم على روحك
دللها وأهتم بيها وكون الها المتنفس الوحيد
كون لهل روح مثل النافذة الترتاح بيها من ضغط الدنيا.
ماكو شي يبقة ثابت بالقمة، لا الفرح ولا الحزن، لذلك خليها على الله.

وكلكم عيوني.

لا حول ولا قوة إلا بالله العليّ العظيم
وإنا للهِ وإنا اليهِ راجعون

هنيئًا لكم يا شيعة عليّ بن ابي طالب عليهِ السلام
هذا الفداء وهذهِ التضحية في سبيل الحقّ وفي سبيل القدس وفي سبيل الكرامة والمجّد.

ألا لعنة اللهِ على الظالمين.

بردًا وسلامة على لبنان
اللهم احفظ أهلها وشُدَ عزم مقاتليها الأبطال
اللهم أنصر حزب الله نصرًا واسعًا كذلك النصر الذي نصرتَ بهِ عليًا في خيبر
اللهم فأنهم أتباع ذلك الفارس الشجاع الذي أرعب اليهود وقلَع بابهم بيديهِ المباركة
اللهم فأنصرهم نصرًا واسعًا لا يعلمُ بهِ إلا انتَ
وادخل شهداءهم الفردوس الأعلى يا ربّ العالمين