من الأمور المؤسفة التي لاحظتها وتوصلت لها بسبب عراقيتي، انه لايمكن تغيير مجتمع رث، منحط، متعجرف ومتنمر. إلا من خلال استخدام نفس الوسائل التي يمارسها.. كالتنمر عليه وأهانتهُ
فهي اللغة او الثقافة الوحيدة التي يفهمها.. إذ لايمكن ان تقنع دب الپاندا في تغيير أساليبه من خلال اقتباس لمارك توين او تتعامل معه بأداوت منطق آرسطو..
لهذا تلاحظ كيفية هبوط الفن على صعيد التمثيل او الغناء او الكتابة او البرامج المتنوعة حد الرثاثة والسخافة وينزل لمستوى الدهماء، ليلقى رواجًا وقبولاً من قبلهم..
خذ رحلة سريعة في مواقع التواصل، تيك توك مثلًا وقارن بين عدد مشاهدات التفاهة وبين مشاهدات برامج ذات قيمة فكرية وتنويرية..
ستجد ان (معظم او أغلب) المشاهير لديهم جوائز نوبل في التفاهة والإنحطاط..
قارن بلوكر لديها 18 الف عملية تجميل او مطرب فاشل وبين فيلسوف او مؤرخ يطرح برنامجا تاريخيًا او فلسفيًا يصب في فائدة الناس وتنوير العقول لكنه يتحدث بطريقة رسمية وجدية..
طالما يوجد جمهور يشجع التفاهة والسخافة والإنحطاط الخُلقي والقيَمي، سيتكاثر (الطاشين) بأخس وأرذل الأنواع.
الى الله المُشتكى ...
وكلكم عيوني.
فهي اللغة او الثقافة الوحيدة التي يفهمها.. إذ لايمكن ان تقنع دب الپاندا في تغيير أساليبه من خلال اقتباس لمارك توين او تتعامل معه بأداوت منطق آرسطو..
لهذا تلاحظ كيفية هبوط الفن على صعيد التمثيل او الغناء او الكتابة او البرامج المتنوعة حد الرثاثة والسخافة وينزل لمستوى الدهماء، ليلقى رواجًا وقبولاً من قبلهم..
خذ رحلة سريعة في مواقع التواصل، تيك توك مثلًا وقارن بين عدد مشاهدات التفاهة وبين مشاهدات برامج ذات قيمة فكرية وتنويرية..
ستجد ان (معظم او أغلب) المشاهير لديهم جوائز نوبل في التفاهة والإنحطاط..
قارن بلوكر لديها 18 الف عملية تجميل او مطرب فاشل وبين فيلسوف او مؤرخ يطرح برنامجا تاريخيًا او فلسفيًا يصب في فائدة الناس وتنوير العقول لكنه يتحدث بطريقة رسمية وجدية..
طالما يوجد جمهور يشجع التفاهة والسخافة والإنحطاط الخُلقي والقيَمي، سيتكاثر (الطاشين) بأخس وأرذل الأنواع.
الى الله المُشتكى ...
وكلكم عيوني.
بلعبتنا السابقة ويه اندونيسيا انتشر مقطع لبنية يابانية جانت كاعدة بالمدرجات وتحلل لواعيب منتخبنا ، تشوف نقاط ضعفهم ونقاط قوتهم واسلوب اللعب وتسوي تقرير كامل تشوفه لمدرب اليابان.
مسكينة هالبنية، ما تدري بأهم سبب خلانا نفوز عليهم
ما تدري ويانه علي بن ابي طالب عليهِ السلام🙏🏼
مبارك الفوز التأريخي ، فرحة مابعدها فرحة.
وكلكم عيوني
مسكينة هالبنية، ما تدري بأهم سبب خلانا نفوز عليهم
ما تدري ويانه علي بن ابي طالب عليهِ السلام🙏🏼
مبارك الفوز التأريخي ، فرحة مابعدها فرحة.
وكلكم عيوني
الصمت
هو النتيجة النهائية لكل إنسان على وجه الكرة الأرضية، لكل واحد ظالم وصوته عالي، لكل واحد جان يگول اني وبس، لكل واحد جان يحجي على الناس ويسب بعرضهم ويتهمهم زور، لكل واحد جان يكفّر الشخص المقابل لمجرد ما يتفق وياه برأي او فكرة، لكل زاني ولكل خاين وچذاب، لكل متقي ومخلص، لكل من آمن ولكل من ألحد، لكل من شَكر ولكل من كفر
نتيجتهم الصمت الأبدي الي يحس بي الإنسان من يدخله زيارة لمقبرة، وين جان صوته ؟ قوته المفتخر بيها، نسبة وأصلة وجماعته، وينهم؟ الفلوس الجان خابص نفسه حتى يجمعهن وماد ايده بالحرام، وينهن؟ماشفت ربع دينار موجود على قبر احد
هذا الصمت يذكرني بآية كريمة، بنهاية الخلق وره ميموت كل البشر والجن والملائكة، وره مينتهي الوجود وقبل ميطوي الله السماء والإرض كطيّ السجلِ للكتب
وقبل ميبدي يوم الحساب
الله سبحانهُ وتعالى بصوتهِ المبارك بالآية الكريمة يقول "لمن المُلُكُ اليوم؟ ويكررها ثلاث مرات
محد يرد، صمت، صمت عظيم.
ثمُ يقول "لله الواحد القهّار"
كلشي تملكه بالدنيا وبالآخرة نتيجته الى الله، ما راح تاخذ لقبرك بس حسناتك وأعمالك الطيبة بالدنيا، اتمنى كل يوم تسأل نفسك،
تسوه هالدنيا؟
لا والله ماتسوه.
وكلكم عيوني.
هو النتيجة النهائية لكل إنسان على وجه الكرة الأرضية، لكل واحد ظالم وصوته عالي، لكل واحد جان يگول اني وبس، لكل واحد جان يحجي على الناس ويسب بعرضهم ويتهمهم زور، لكل واحد جان يكفّر الشخص المقابل لمجرد ما يتفق وياه برأي او فكرة، لكل زاني ولكل خاين وچذاب، لكل متقي ومخلص، لكل من آمن ولكل من ألحد، لكل من شَكر ولكل من كفر
نتيجتهم الصمت الأبدي الي يحس بي الإنسان من يدخله زيارة لمقبرة، وين جان صوته ؟ قوته المفتخر بيها، نسبة وأصلة وجماعته، وينهم؟ الفلوس الجان خابص نفسه حتى يجمعهن وماد ايده بالحرام، وينهن؟ماشفت ربع دينار موجود على قبر احد
هذا الصمت يذكرني بآية كريمة، بنهاية الخلق وره ميموت كل البشر والجن والملائكة، وره مينتهي الوجود وقبل ميطوي الله السماء والإرض كطيّ السجلِ للكتب
وقبل ميبدي يوم الحساب
الله سبحانهُ وتعالى بصوتهِ المبارك بالآية الكريمة يقول "لمن المُلُكُ اليوم؟ ويكررها ثلاث مرات
محد يرد، صمت، صمت عظيم.
ثمُ يقول "لله الواحد القهّار"
كلشي تملكه بالدنيا وبالآخرة نتيجته الى الله، ما راح تاخذ لقبرك بس حسناتك وأعمالك الطيبة بالدنيا، اتمنى كل يوم تسأل نفسك،
تسوه هالدنيا؟
لا والله ماتسوه.
وكلكم عيوني.
يسقط حقه بالمطالبة بالرجولة، كل شخص يمد ايده على بنيه
ولا اعترف بيهم زلم.
ولا اعترف بيهم زلم.
استقبلنا فوز العراق واليوم نستقبل ولادة خير الخَلق ويعسوب الدين نَفَس مُحمد صل الله عليهِ وآله وبابُ مدينتهِ وحامل رايتهِ وابنَ عمهِ وزوج إبنتهِ، مولانا وشفيعنا ووسيلتنا الى الله، علي بن ابي طالب عليهِ السلام.
شحلو هاليوم.
شحلو هاليوم.
واحد يگول :
زميلي بالعمل ملحد
اليوم سألته عن الإلحاد ، گلي رجعت مسلم ولله الحمد
سألته بارك الله بك بس شعجب ؟
يگلي بربك تصدگ علي بن ابي طالب خالقته الطبيعة ؟
وكلكم عيوني.
زميلي بالعمل ملحد
اليوم سألته عن الإلحاد ، گلي رجعت مسلم ولله الحمد
سألته بارك الله بك بس شعجب ؟
يگلي بربك تصدگ علي بن ابي طالب خالقته الطبيعة ؟
وكلكم عيوني.
لا جديد
العراق دائمًا مظلوم ، تحس هالشي صار فطرة
دول جوار تظلمنة دول عالم كبرى تظلمنا، الصديق والشقيق والعدو والمو عدو،
تحس اكو مؤامرة كونيّة على هالبلد، كلها تتفنن شلون تظلمة وتقهره.
ألف الحمدلله على كلشي، الحمدلله على ما اعطى وعلى ما أخذ
والحمدلله عل ما سيعطي وعلى ما سيأخذ
شكرًا على كل شيء
ويبقى العراق تاج راسهم وراعبهم وضاغطهم بكل زمان وبكل مكان
كناس وكمنتخب وكجيش.
لحد يضوج عيوني انتو ❤️
العراق دائمًا مظلوم ، تحس هالشي صار فطرة
دول جوار تظلمنة دول عالم كبرى تظلمنا، الصديق والشقيق والعدو والمو عدو،
تحس اكو مؤامرة كونيّة على هالبلد، كلها تتفنن شلون تظلمة وتقهره.
ألف الحمدلله على كلشي، الحمدلله على ما اعطى وعلى ما أخذ
والحمدلله عل ما سيعطي وعلى ما سيأخذ
شكرًا على كل شيء
ويبقى العراق تاج راسهم وراعبهم وضاغطهم بكل زمان وبكل مكان
كناس وكمنتخب وكجيش.
لحد يضوج عيوني انتو ❤️
كل إنسان عنده لونين،
أبيض وأسود، مرات الإنسان ينرفض بسبب مميزاته مو بسبب عيوبه، مرات محبتك تصير چبيره على فلان او عطائك يصير اكبر من قيمته، او تلگاه ما مصادف گلب نظيف مثلك وما متعوّد على صدق المشاعر، اباله الناس كلهم خاينة وكلهم مو خوش اوادم، العاش عمره متعگل بناس غلط ما يفهم قيمة الناس من يقابلهم، مثل ما تلكه بشر يرفضون النعمة راح تلكه بشر ترفض الناس الصح.
وكلكم عيوني.
أبيض وأسود، مرات الإنسان ينرفض بسبب مميزاته مو بسبب عيوبه، مرات محبتك تصير چبيره على فلان او عطائك يصير اكبر من قيمته، او تلگاه ما مصادف گلب نظيف مثلك وما متعوّد على صدق المشاعر، اباله الناس كلهم خاينة وكلهم مو خوش اوادم، العاش عمره متعگل بناس غلط ما يفهم قيمة الناس من يقابلهم، مثل ما تلكه بشر يرفضون النعمة راح تلكه بشر ترفض الناس الصح.
وكلكم عيوني.
صور الألبومات القديمة تنطيك شعور غريب، تفصلك عن الواقع لثواني معدودة، بهل ثواني تقرّب الصورة على ملامحك، يمر عليك شريط الطفولة، وفجأة يجيك حنين على كسران خاطر لشخصك القديم الموجود بالصورة، قبل ميدخل بمعمل الحياة المتعب وتتشوّه ملامحه، شعور أنك تشوف ورقتك البيضة قبل ما تتلطخ بسواد الدنيا
شعور غريب.
وكلكم عيوني.
شعور غريب.
وكلكم عيوني.
كل إنسان بهل حياة يحس عنده نقاط معيّنة يتميّز بيهن، أني اشوف أحد نقاطي المميزة هو ترك الأثر بالمقابل.
وهذا الأثر ممكن يكون موقف، كخدمة بسيطة او تسهيل أمر او حل لمشكلة عويصة، أو هالأثر ممكن يكون شعور،
مثل شعور أنّك بأمان دائمًا يمي حتى وانتَ ماتعرفني مسبقًا، شعور أنّك تشوف بيّه القبول إلاهي كوجه او تعامل لطيف على المستوى الشخصي، ابتسامتي وردة فعلي السريعة وتركيزي اللامتناهي ويه ادق واصغر تفصيلة بيك.
او هالأثر ممكن يكون نصيحة جنت محتاج تسمعها، نص مني جنت تدور عليّ حتى يشرحلك العاجز عن وصفه، او جملتي المعتادة بـ الله كريم تهون، وره كل نهاية رسالة لشخص يسولفلي همّة، واتذكر مرة شخص گلي احمد اني اسولفلك مشاكلي فقط حتى اسمع هالجملة، احسها منك مختلفة وعندي أمل بالحياة بيها، ممكن غيره يشوفها عادية وروتينية،
بس هذا الأثر الداحجي عنه
أنُ اني أكدر احول الشغلات الإعتيادية، الى شغلات ما تنسي وتبقى طول عمرك تتذكرها.
مو فقط كلام، ممكن كلاص چاي"بإستكان" بمقهى محد يندله بالكوكب، او ممكن كاسة لبلبي على دجلة، او لزمة إيد او حتى عطري الخاص، او اي شي يحسسك أنتَ مهم بالنسبة الي
ممكن نظرة
وممكن روحي.
وكلكم عيوني
أحمد قاسم.
وهذا الأثر ممكن يكون موقف، كخدمة بسيطة او تسهيل أمر او حل لمشكلة عويصة، أو هالأثر ممكن يكون شعور،
مثل شعور أنّك بأمان دائمًا يمي حتى وانتَ ماتعرفني مسبقًا، شعور أنّك تشوف بيّه القبول إلاهي كوجه او تعامل لطيف على المستوى الشخصي، ابتسامتي وردة فعلي السريعة وتركيزي اللامتناهي ويه ادق واصغر تفصيلة بيك.
او هالأثر ممكن يكون نصيحة جنت محتاج تسمعها، نص مني جنت تدور عليّ حتى يشرحلك العاجز عن وصفه، او جملتي المعتادة بـ الله كريم تهون، وره كل نهاية رسالة لشخص يسولفلي همّة، واتذكر مرة شخص گلي احمد اني اسولفلك مشاكلي فقط حتى اسمع هالجملة، احسها منك مختلفة وعندي أمل بالحياة بيها، ممكن غيره يشوفها عادية وروتينية،
بس هذا الأثر الداحجي عنه
أنُ اني أكدر احول الشغلات الإعتيادية، الى شغلات ما تنسي وتبقى طول عمرك تتذكرها.
مو فقط كلام، ممكن كلاص چاي"بإستكان" بمقهى محد يندله بالكوكب، او ممكن كاسة لبلبي على دجلة، او لزمة إيد او حتى عطري الخاص، او اي شي يحسسك أنتَ مهم بالنسبة الي
ممكن نظرة
وممكن روحي.
وكلكم عيوني
أحمد قاسم.
أحد يگول:
تبرّعت حتى اشتري كم كرسي متحرك لأطفال معاقين بأحد الجمعيات المتكفلة بيهم، وأصر مدير الجمعية انُ اروح وياه وأقدم هديتي بنفسي، شفت الفرحة بعيونهم، والإبتسامة متروسه بوجوهم الحلوه،
ومن كملنه دا اطلع، إجاني طفل ولزم رجلي وعيونه مركزة بوجهي.
يگول دنگت راسي حتى اسأله اذا محتاج شي قبل ماروح
گلي الطفل:
لا عمو ماريد شي، بس اريد اتذكر ملامح وجهك حتى أعرفك من أشوفك بالجنة، وأشكرك مرة اخرى گدام الله!
ابد لا تتردد بجبر خواطر المستضعفين.
وكلكم عيوني.
تبرّعت حتى اشتري كم كرسي متحرك لأطفال معاقين بأحد الجمعيات المتكفلة بيهم، وأصر مدير الجمعية انُ اروح وياه وأقدم هديتي بنفسي، شفت الفرحة بعيونهم، والإبتسامة متروسه بوجوهم الحلوه،
ومن كملنه دا اطلع، إجاني طفل ولزم رجلي وعيونه مركزة بوجهي.
يگول دنگت راسي حتى اسأله اذا محتاج شي قبل ماروح
گلي الطفل:
لا عمو ماريد شي، بس اريد اتذكر ملامح وجهك حتى أعرفك من أشوفك بالجنة، وأشكرك مرة اخرى گدام الله!
ابد لا تتردد بجبر خواطر المستضعفين.
وكلكم عيوني.
اذا اذا ما تزوجّت لحد الآن استمتع بالحرية واللامسؤولية، واذا تزوجت إستمتع بالوَنَس والمشاركة، واذا ما چان عندك أطفال استمتع بالهدوء والخفّة، واذا عندك أطفال استمتع بالتربية والسعادة، واذا بعدك طالب استمتع بالحياة الجامعية والأصدقاء، واذا تخرجت إستمتع بالشغل والفلوس.
دائمًا أي وضع بالدنيا بي وجهين،
اذا ركزت على الظلمة راح تبقى طول حياتك مهموم وحزين وتفكر للخطوة ألف حساب.
واذا ركزت على نعمة الله وتشكره عليها دائمًا بكل وضع تمر بي، گلبك راح ينترس سعادة وراحة بال.
وتذكر دائمًا
الحياة فيما تشعر بها.
وكلكم عيوني.
دائمًا أي وضع بالدنيا بي وجهين،
اذا ركزت على الظلمة راح تبقى طول حياتك مهموم وحزين وتفكر للخطوة ألف حساب.
واذا ركزت على نعمة الله وتشكره عليها دائمًا بكل وضع تمر بي، گلبك راح ينترس سعادة وراحة بال.
وتذكر دائمًا
الحياة فيما تشعر بها.
وكلكم عيوني.
لساعني اتذكر بالأول متوسط المدرس گلي أني احترمك لأن شاطر،
ومرة سمعت ام صديقي تگله شكد متريد انطيك فلوس لأن انتَ أحسن اخوانك،
ومرة وصلتني رسالة من بنية ماعرفها
تگلي احبك لأن اعتبرك قدوة ومثالي.
وقبل فترة شفت فلم البطل گاللها أني احبج لأن عرفت نفسي عن طريقج،
كل الحب الذكرته فوك جان "مشروط"
لازم فلان شغلة حتى احبك، لازم أكو اخذ وعطى بين الطرفين، واحد يقدم والآخر يحب.
طول عمري ما آمنت بالحب المشروط، ولا اعتبره حب حقيقي نابع من رغبة إنسانية صريحة.
حتى احنه ما نحب نفسنه ألا من نكون بأفضل حالاتنا، أحب نفسي اذا جاوبت بالإمتحان، اذا لبست حلو ونسّقت، اذا سويت هيج وهيج، لكن ما راح احب نفسي اذا رسبت او ما كشخت اليوم لأن مالي مزاج، راح أحب نفسي بأقوة نسخة، بس النسخة الضعيفة تولي اكرهة.
راح تنضج من تتأكد ماكو شي مشروط بالحب
وأولهم نفسك.
وكلكم عيوني.
ومرة سمعت ام صديقي تگله شكد متريد انطيك فلوس لأن انتَ أحسن اخوانك،
ومرة وصلتني رسالة من بنية ماعرفها
تگلي احبك لأن اعتبرك قدوة ومثالي.
وقبل فترة شفت فلم البطل گاللها أني احبج لأن عرفت نفسي عن طريقج،
كل الحب الذكرته فوك جان "مشروط"
لازم فلان شغلة حتى احبك، لازم أكو اخذ وعطى بين الطرفين، واحد يقدم والآخر يحب.
طول عمري ما آمنت بالحب المشروط، ولا اعتبره حب حقيقي نابع من رغبة إنسانية صريحة.
حتى احنه ما نحب نفسنه ألا من نكون بأفضل حالاتنا، أحب نفسي اذا جاوبت بالإمتحان، اذا لبست حلو ونسّقت، اذا سويت هيج وهيج، لكن ما راح احب نفسي اذا رسبت او ما كشخت اليوم لأن مالي مزاج، راح أحب نفسي بأقوة نسخة، بس النسخة الضعيفة تولي اكرهة.
راح تنضج من تتأكد ماكو شي مشروط بالحب
وأولهم نفسك.
وكلكم عيوني.