#ملخص_رياضيات
⭕️ هام جدا وشامل ﻷفكار المنهاج ⭕️
بدايته تأسيس للتحليل يلي ماحضره عند استاذ وبعدين تلخيص ﻷفكار وقوانين التحليل وبعدين الجبر تأسيس وقوانين ثم الهندسة ..

🌱لاتتوقف عن أحلامك مهما كانت صغيرة ..
فتلك النجوم البعيدة الصغيرة هي
من جعلت السماء جميلة 💫

كيفكن 😃
بعد صدور المطلوبات لسنة 2018 🙄 وتأكيدهم من قبل تربية إدلب اﻷغلب نزعجوا أو خافوا وأنوا صعبين يلي رجعوا وماعاد نلحق وبلشوا يسمعوا للطلاب يلي حوليهم وأنوا هي تعديلات غلط ومابصير هيك ومن هالحكي يلي مابقدم ولا بأخر 😥😐
طيب أول شي حطوا كلام الطلاب ع طرف حرقوه كبوه شو بدكم عملوا المهم أنسوه 😕
بعدين خلينا سوا نستعرض الشي يلي رجع انطلب وليش انطلب ولا تفكروا أبدا أنوا التربية مو حاسة فيكم ﻷنو يلي طلب هدول هنن اساتذة من الداخل السوري المحرر وعدا ذلك عم يدرسوا وبيعرفوا منيح وضعكم ووضع المدارس وكلشي مدروس من قبلهم بس باﻷخير نحن ك طلاب مامنعرف وين ملصحتنا ومابتعرفوا كل هي الجهود وكل هاد السعي راح يكون من خلفه اعتراف بالشهادة وقوة إلها مع السنين 🤠
طيب البعض مابهموا الاعتراف وبقول ليش ع حظنا طلبوا كل هاد وليش وليش وببدء سلسلة اﻷسئلة يلي مالها فائدة 😏
ماشي نزعجت وتوترت وخفت مستقبلك وبدك مجموع عالي ولهلق مو اخدين شي ..
كمان ماشي توترت وضعت وصرلك كم شهر مبلشين بالمنهاج وهلق لازم ترجع ع الدروس يلي مااخدتهم ونطلبوا جديد لتدرسهم .. 💔
طلع فيني أول شي الشي نفرض ومافيك تغيره لا أنت ولا غيرك فلذلك خلينا نشوف أنوا نحن أقوياء وقدهااا لك نحن الحياة ونحن الوجود ونحن يلي منكون ومتل ما أثبتنا للعالم كلو وجودنا وقوتنا وصمودنا ضد جيوش العالم ماراح أبدا يكسرنا كم درس زيادة 💪
بالوقت يلي الناس تركت وخافت نحن بقينا وكمان خلينا حلمنا باقي معنا ومااستسلمنا ودرسنا وتعبنا لوصلنا لنهاية رحلتنا مع المدرسة 😄
وراح نقول بكل إصرار وتحدي للكل أنوا مافي حدا بيقدر يهزمنا نحن خلقنا لنكون.. خلقنا لنحقق أحلامنا.. خلقنا لنصنع مجد اﻷمة وننهض بها.. خلقنا لنبقى ولنكافح ✌️ ❤️

طيب مع أول مادة وشو اختلف الزيادة والحذف فيها وهي #اﻹنكليزي 😃
نطلبت الوحدة اﻷخيرة ويلي هي 10 و11 و12 وفيهن زيادة بكتاب الطالب نص رئيسي وأسئلة عليه وكتير سهل ونصين يساعدوا بكتابة الموضوع وممكن أن يأتوا كفراغات ذاكرة *يلي مابيعرف الفراغات الذاكرة بتجي من النصوص الفرعية القصيرة يلي ماعليها أسئلة* وكم تمرين بين قواعدي وبين ترجمة وأسئلة الوحدة ..😁
أما كتاب الأنشطة فيه زيادة ضمن الوحدة الرابعة نص رئيسي وأسئلة عليه وملاحظة هامة *سنة 2016 و2017* أجا من الوحدة العاشرة 3 فراغات تقريباً مع حذفها وطبعاً في فراغ كان معتمد ع الترجمة والمعظم ماعرف حلو فاﻷفضل انوا خلص يطلبوا كلو ومانتفاجأ يوم الامتحان يجي شي من المحذوف 😇
ونص ثاني رئيسي وأسئلة عليه وسؤالين قواعد المبني للمجهول
ونص ثالث رئيسي وأسئلة عليه وطبعا أسئلة الوحدة 😀
#الحذف
شي 24 صفحة من كتاب اﻷنشطة وشي 23 صفحة من كتاب الطالب 😕 مو محرزين كانوا يطلبوا المنهاج كامل وخلصنا 😏
بس كمان لا تنسوا في ملحق يعني المهم مانطلب الملحق 😄 ويلي نطلب من الكتابين مافيو شي وسهل جداً هو متمم فقط للكتابين ..

#عربي
الوحدات 1 و 2 و 3 مطالبين فيهم كلهم عدا دروس القراءة الرافدة بس هي الدروس بتفيد بالمووضوع بتاخدوا منها جمل ومقدمات ..
الوحدة الرابعة حذف 😃 كان فيها درسين قراءة بتحفظوا منهم شواهد المواضيع ودرس مطالعة وكانت مطلوبة سنة 2017 بس هلق نحذفت وأصلا الطلاب ماعرفوا كيف يدرسوها ومالها أهمية ..
بس ضافوا بدالها الوحدة الخامسة 😁
طلبوا منها قصيدتين ودرس مطالعة وموضوعها ..
الوحدة السادسة حذفوا قصيدة كانوا مطالبين فيها بسنة 2017 😊

#علوم
بالضبط نفس تعديلات 2017
بس بالوراثة طالبين *أولاً* من الدرس الثاني وطالبين أسئلة الدرس الثاني فقط هاد الزيادة ..

#فرنسي
نفس سنة 2017 الكتاب كامل عدا آخر وحدة ومطالبين بموضوع كل وحدة

#الديانة
الكتاب كامل مطلوب
اما في سنة 2017 كان محذوف بحث الحضارة *وحدة التربية اﻹنسانية* يحتوي على 3 دروس فقط
ومحذوف كان 4 دروس من كل وحدة درس بس مافيهم شي ..
أصلا الديانة كلها إعادة 3 مرات بتضمن التامة بس انتبه على اﻷخطاء اﻹملائية بالحديث واﻵية كتير بدققوا عليهم 😄

#الرياضيات 😃😃
في كتير شغلات محذوفة راح نبلش #تحليل طالبين نهايات واستمرار البحثين كاملين مثل سنة 2017 وأما اﻹشتقاق في ملاحظة عليه أنوا فقط *قواعد اﻹشتقاق* بس لا يخفى عليكم أنوا أي تمرين موجود وبخص هي القواعد لازم يندرس بهي الفقرات مو تقولوا فقط القوانين بدون التمارين فهاد غلط ﻷنو التمارين هي توضيح وتسهيل عليكم وممكن يجي منهم أما المقصود من الحذف فهو المبرهنات النظرية ..
تطبيقات اﻹشتقاق أهم شي انوا نحذف اﻹستقراء الرياضي 😄 هو مو صعب ولكن فقط عليه تمرينين فلذلك الطالب بواجهوا صعوبة فيه وسنة 2017 منهم حفظوه ومنهم ﻷ بما أنوا ماكان مبين الحذف..
وكمان حذفوا معدلات التغير 😊 هدول إلهم قانون واحد بس بايخين ﻷنو مسألة كاملة بدك تحللها من شان تحفظ هالقانون والحل عليه فقط..
دراسة تغيرات مطلوب البحث كامل مثل سنة2017
القيم الكبرى والصغرى البحث كامل عداااا تطبيقاتها 😃😃
التطبيقات مو صعبة بس إلها أفكار وقوانين هندسية وكل مسألة بتنحل ب4 طرق والحمدلله نحذفت كانت مسببة عقدة لكل طالب بكلوريا وأكتر شي نصدموا الطلاب وقت أجت بدورة 2016 والمهم حالياً مالها وجود 😌😇 التكامل كلو متل سنة 2017 بس في حذف حساب طول قوس المنحني اﻷملس وهاد إله قانون واحد ولكن حسابه طويل فلذلك نحذف وسنة 2017 حفظوه ﻷنو ماكان واضح الحذف ..😅
المستقيمات المقاربة والدوال الكسرية كاملين متل سنة 2017 ..
وأسئلة الوحدة يلي طالبينهن كتير سهلين وهنن 6 مسائل فقط خصوصاً المسائل ﻷنو هي فقط دالة كسرية وشوفي أسهل من دالة كسرية لدراسة تغيراتها 😳
وطالبين كمان شي 18 سؤال تكامل و3 أسئلة منوعة عن تطبيقات الاشتقاق

#هندسة
نفس سنة 2017
القطوع ال3 كاملة عدا التعريف المشترك للقطوع يلي باﻷصل محذوف من زمان مع أسلئته فقط ..
المستقيم والمستوي كاملين
ومن اسئلة الوحدة هنن فقط تدريب على الكتاب طالبينهن كلهن عدا 2 و3 و4 و5 ..
#الجبر
اﻹحتمالات كلهم متل سنة 2017
اﻹحصاء 😃 أهم شي محذوف هو سهل بس بايخ يعني اول شي عندكم شي 5 تعاريف جافة بدها حفظ بصم وطريقة حسابية طويلة للمسألة انوا بتربعوا عدد ضخم وبتحطوا قوانين طرح وجذر وهيك اذا حبيتوا تطلعوا عليه شوفوا مثال محلول صفحة 43 😃
المصفوفات كمان كلهم متل 2017
اﻷعداد المركبة ب2017 طالبين اول درسين ام اﻵن طالبين اول درس فقط كمان هون في حذف 😉
اﻷسئلة العامة كل مسائل اﻹحتمالات فقط 😃

#كيمياء
كيمياء نووية نحذفت فقرة وحدة ويلي هي الاستقرار النووي وبالحذف مو موضحين اذا فقرة عمر النصف للمادة المشعة محذوفة أو ﻷ ولكن طالبين أسئلة الدرس كاملة وفي مسألة عنه فلذلك مطلوبة هي الفقرة ..
كيمياء حرارية وسرعة التفاعل والتوازن الكيميائي الدروس كاملة ..
الحموض واﻷسس واﻷملاح والمعايرة كمان كاملة ..
أسئلة الوحدة الخامسة مطالبين ب3 مسائل من 5 مسائل ..
العضوية مطالبين بالدرس اﻷول كامل والثاني كامل عدا المسائل يلي فيهن أما الدرس الثالث والرابع في فقرات محذوفة ويلي هي ( الخاصيات الكيميائية ) وفي مسألة عضوية بالدرس الرابع مطلوبة 😅
يعني تقريباً رجعوا درس المعايرة وهاد كان محذوف سنة 2017 ورجعوا آخر درسين عضوية

#فيزياء
النواسات ال3 مطلوبين كاملين هنن والأسئلة العامة يلي بتخصهم يعني 8 مسائل عامة إلهم .. بسنة 2017 كان طالبين بالمسائل العامة فقط 5 مسائل ..
ميكانيك السؤال 😒
معليش طولوا بالكم شوي يلي رجع فيو بينقبل شوي أنوا الطالب يدرسه طبعاً مو متل آخر دروس نظرية بحت ..😢
فأول فقرة كانت نظرية تعريف وبعدها استنتاج *ضغط سائل* وهاد هااام جدا جدا وأتى بأسئلة دورات سابقة للنظام بعدين فقرة محذوفة *اﻷواني المستطرقة* وبعدين استنتاج نظري *دافعة أرخميدس* من الصف الخامس عم ناخدها مافيها شي ..😀
قانون باسكال نص نظري وتطبيقات باسكال ومعهم مثال بعدين فقرة محذوفة ميكانيك السؤال المتحركة كلها..
بعدين معادلة اﻹستمرارية فقرة استنتاج بعدين يلي الطالب بواجهوا صعوبة باستنتاجها نظرية برنولي وهي هون طالبين فقط نص النظرية *بدون استنتاج*
منروح على الأسئلة مطالبين فيها كلها عدا اختر اﻹجابة الصحيحة من اولا والمسألتين الاولى والثالثة ...
المغناطيسة طالبين نفس 2017 بالنسبة للدرسين اﻷول والثاني
أما الدرس الثالث وفي بعض الكتب الخامس حسب طبعته ..
أقصد درس الدارات المهتزة فهون في مشكلة وراح نبه عليها آخر شي مرة ثانية من شان الكل ينتبه إلها 😕
طيب المشكلة انوا مرجعين فقرة *تبادل الطاقة بين المكثفة والوشيعة*
هي فيها اختلاف بين النسخ 😐 وطبعاً يلي رجعهاا مافكر بهاد اﻷمر أكيد وبعدين شغلة هي فقرة نظرية بحتة والاساتذة بيعطوها هيك وبقولوا للطلاب يدرسوها وكأنها موضوع تعبير بس شو دخلها بالفيزياء معقول نكتب 6 أسطر شرح عن تبادل الطاقة بالفحص ✋😕
طبعاً النسخة الجديدة اعتمدوها بحفظ هي الفقرة ﻷنو هي أصح ..
بالمناسبة الدرس هاد كلو مطلوب بس فقرة ال3 محذوفة من بداية الدرس ..
وقال شو بفقرة التيارات عالية التواتر طالبين أول فقرتين بس سؤال ؟ ليش الفقرة الثالثة باﻷصل هي مطالعة يلا بنحفظها كمان زيادة معلومات مالنا خسرانين شي وكان بالمرة يطلبوا الكتاب كامل 😥
درس التيار المتناوب ودرس المحولة كاملين بسنة 2017 كان الاستنتاج الفقرات بدرس المحولة محذوف اما السنة طلبوا الدرس كامل ..
وحدة اﻷمواج كاملة ..
وحدة اﻹلكترونيات درس انتزاع اﻹلكترونيات وتسريعها كامل ودرس الانفراغ الكهربائي كامل هدول متل سنة 2017 ..
اما في درسين زيادة هي السنة اﻷول الفعل الكهرضوئي نظري وفيو 3 مسائل ..
درس اﻷشعة السينية كامل أما بسنة 2017 كان محذوف اول صفحة منو ..
درس الليزر كامل هاد زيادة واول سنة بنطلب ماكان موجود بالسنوات السابقة كمان هو درس نظري ...
المسائل العامة زادوا عن سنة 2017 شي 7 مسائل 3 نواسات و 1 ميكانيك سؤال و 1 تيار متناوب و 2 أشعة سينية ..

#تنبيه_هام ⭕️✋
في فقرة بالفيزياء بالدرس الثالث على كتب الحكومة المؤقتة وبالدرس الخامس على كتب النظام لنسخة 2016 الدرس بعنوان *الدارات المهتزة او الدارة المهتزة حسب نسخة الكتاب*
الفقرة كانت بعنوان *تبادل الطاقة بين المكثفة والوشيعة* فيها اختلاف كلي بين النسختين 😕
الفقرة جافة شوي ونظرية ولكن السؤال عأي نسخة لازم الطالب يحفظها مع العلم النسخة الحديثة أصح وفي طلاب كتير إئتلاف اشتروا كتبهم ونسخهم 2016 ..
فلذلك وجب التنبيه عليها وبعض اﻷساتذة قالوا حفظوا ع النسخة الحديثة ﻷنو أصح ..
وهي الإختلاف بالصور شوفوهن 👇 ..

#2016

#2015

صباح الخير 😃
الوضع كان امبارحة صعب على الكل وأنوا بلش الخوف والتوتر يأثر عليكم وعلى دراستكم لذلك أردت ان أتكلم معكم ونتفق على بعض اﻷمور لحتى نقدر نتفوق بهي السنة 😃
أول شي الوضع هاد ماتعودنا عليه ماصرلنا 5 سنين عنفس الحالة 😒 ويمكن بكل مرة عم يصير الوضع أسوء من قبل صحيح ولكن هاد الشي ماراح نخليه يأثر علينا 😃
هاد الشي راح نتعايش معو وراح نأثبت للكل أنوا نحن أقوياء ونحن ماحدا فيو يهزمنا أو يخفف من عزيمتنا ✌️❤️
طيب خلينا سوا نعيش الحالة عند اﻷغلب
عم ادرس وكل شي تمام فبصير قصف ومابعود بركز وأنا بتوتر وبخاف وبترك الكتب 😭
معليش أول شي تهدى وبعدين تذكر حلمك وهدفك 😍 وسؤال هل بس أنت عشت هي اللحظات !.
طبعاً ﻷ من 5 سنين وكل طلاب البكلوريا عاشوها ولكن كيف تفوقوا وكيف تجاوزوا هي المرحلة😢
الجواب بكل بساطة ﻷنو في عندهن إرادة وتحدي 👌💪
الوضع مافينا نغيره ولكن فينا نتعايش معو مثلاً تأثرت ونزعجت ساعة او ساعتين وبعدين يعني 😕 بدك تضل هيك وفكرك راح توقف الحياة عندك وعند هي اللحظة 😐 ﻷ أنت غلطان الحياة راح تستمر وماراح توقف وماراح تروح غير عليك يلي تركت كتبك ..
راح الطيران وهدي الوضع بتأخد استراحة وبتستعيد أفكارك وحلمك وبتتوكل على الله وبتغير جلستك ووضعيتك ورتب كتبك وأحضر ورقة وقلم وأكتب كلشي حسيت فيو وكلشي زعجك وبالنهاية أدعي لحتى ترتاح 😌 وأهم شي تغير المادة يلي عم تدرسها بمادة بتحبها ..
قصة صارت سابقاً وأردت الحديث عنها اﻵن
*أحد اﻷشخاص حدثنا أنه تعرضت الحارة التي يسكن فيها للقصف وبعد ما تم إسعاف الجرحى وتم إجلاء الأنقاض لمدة لا تتجاوز ساعة واحدة قام الناس في تلك الحارة بنفض غبار القصف عنهم وإعادة غسل المنطقة وأفتتحوا محلاتهم من جديد ولكن ماالذي دفع بهم للعودة إلى البيع والشراء مع العلم أنهم بأخطر مدينة كما وصفها العالم 😱
نعم إنها الحياة وإنه التحدي وإنها القوة اﻷشخاص يلي استشهدوا دفنوهن ويلي أنجرح بالمشفى عم يتعالج بس رزقهم ورزق أولادهم مين راح يجيبوا إذا سكروااااا وخافوااا 😭 طيب إذا سكروا يوم ويومين وعشرة وبعدين !. مين بيعرف او بيضمن أنوا ينتهي القصف* 😔 أكيد ماحدا وأنتوا باﻷولى منهم باﻷخير أنتوا معكم سنة واحدة لتخلصوا وتتقدموا للامتحان النهائي 😒
فلذلك يا أصدقائي لازم تكونوا متل هؤلاء الناس بنفس اللحظة زعلنا وتأثرنا ونزعجنا بعدين خلص بدنا نكمل حياتنا مو معقول توقف الحياة عند هي اللحظة 😔
أصدقائي هاد مستقبلكم والله بيعلم أيمت راح نطلع من هالحرب بس سئلوا أنفسكم هل راح تستلموا !!
هل راح تكونوا من ضحايا الحزن والكآبة وتتركوا هدفكم وعملكم !!
ولا راح تتحدوا العالم وتكونوا أقوياء وتجاهدوا في طلب العلم وتحتسبوا النية وبكل دمعة وبكل ألم وحتى الشوكة ستثابونا عليها حسنات فمابالكم بتعب سنة ومابالكم بألم ساعات 😃
فهلق لازم توعدوا أنفسكم وماتخيبوا أمل أهلكم فيكم بعد ماتعبوا عليكم وأوصلوكم لهي المرحلة أنوا راح تستمروا بالدراسة وماراح شي يأثر عليكم وراح تكونوا من الذين ينهضونا بالأمة ويعيدوا مجدها بإذن الله ❤️💪

حدد هدفك لهذا الشهر بأن تقضي كل يوم من أيامه في فعل أمر واحد يقربك أكثر من تحقيق هدفك .👌🌷
#قم_لحلمك
#جرعة_تحفيز

🍃"لنّ يتجمد الكون لكونك قد كُسرت،ولن تقام طقوس العَزاء لكونك قد حزنت، الجميع قادر على تأمل لحظة سقوطك، لذا قف وأرتفع."🌷
#جرعة_تحفيز

هل أنت مستعد للمرحلة اﻷعلى ؟
ماذا ستفعل بالوقت المتبقي لك ؟💙
#حارب_ﻷجل_مستقبلك
#جاهد_وكن_قويا

📗‏"الذي لا يستيقظ على أهداف يطاردها مع بكور الفجر إلى غسق الليل لا قيمة له في الحياة "🏅
صباحكم أمنيات محقّقة ☔💛
#ولدت_لتنجح
#قم_وحارب_ﻷجل_حلمك 🔬

‏لا تقف آمالك عند حدّ حينما ترجو الله!
‏لا تهتم لكل من يقول "أن ما تتمنى بعيد"
‏الله وٓعٓدٓ من ظنّ بهِ ظنًا أن يبلّغه🌟💜.

السلام عليكم ورحمة الله وبركاته
اﻷغلب عم يدرس الديانة لوحده وماعم يعرف كيف يدرسها..
أول شي بدي أذكر أنوا الديانة داخلة بالمجموع وعلامة وحدة بتخسرها ممكن ماتمكنك من دخول الفرع يلي حلمت فيو والديانة ك الكيمياء ب20 درجة ولكن نحن منتساهل بالديانة وبعدين مننصدم أنه خسرنا درجة او اثنتين وماعرفنا وين طاروا 😅
سأقسم لكم المنهاج إلى عدة أقسام وترتيبات حسب السؤال اﻷكثر علامة وسيساعد هذا اﻷمر بمعرفة كيفية الدراسة وعلى ماذا تذهب العلامة..
♦️ ملاحظة :
ترتيب الكتاب نفس ترتيب ورقة اﻹمتحان..
كيف يعني 🤔
يعني مثلا اول سؤال كان عن التلاوة فأول وحدة بالكتاب هي التلاوة..
ثاني سؤال عن الاستحفاظ وكمان ثاني وحدة بالكتاب استحفاظ
ثالث سؤال الحديث وثالث وحدة بالكتاب الحديث
والسؤالين الرابع والخامس هنن أسئلة من 17 الدرس الباقيين..
وراح أبلش بالنموذج اﻹمتحاني :
#السؤال_اﻷول
التلاوة وبتكون ب4 درجات..
السؤال اﻷول شرح مفردات لكل مفردة نصف درجة..
اما السؤال الثاني فبكون أحكام تجويد واﻷكثر تكراراً هي { أحكام النون - أحكام الميم - أحكام المد - القلقلة - اسم الجلالة } وبكون لكل حكم صح نصف درجة..
السؤال الثالث هو التوجيه اﻹلهي بدرجة..
•••••••••••••••••••••••••••••••••••••••••••••
#السؤال_الثاني :
الاستحفاظ ب3 درجات
بكون تكملة الاستحفاظ ب2 درجة وتحاسب على أي خطأ شو ماكان ولو حرف وتحذف نصف درجة مباشرة 🚫
السؤال الثاني هو من ضمن وحدة الاستحفاظ بس من غير السورة يلي أتى إكمالها.
#مثلاً جاء بدورة 2017 اﻷولى السورة الأولى من الوحدة أما السؤال فقد كان من السورة الثالثة..
••••••••••••••••••••••••••••••••••••••••••••••
#السؤال_الثالث :
عن الحديث ب4 درجات
السؤال اﻷول هو إكمال الحديث وتسمية الراوي..
وأي خطأ بالحديث ولو حرف تحذف نصف درجة 🚫
والثاني هو أيضاً من وحدة الحديث ولكن من غير الدرس الذي أتى منه الحديث ويكون ب2 درجة..
#مثلا دورة 2017 اﻷولى كان الحديث المطلوب هو الثالث أما السؤال يلي بعده فكان من الحديث الرابع..
••••••••••••••••••••••••••••••••••••••••••••••
#السؤال_الرابع :
عبارة عن سؤالين أيضاً و 5 درجات وبكونوا من الدروس *حصرا*
واﻷول هو صح أو غلط بدون التصحيح..
وإذا ماقالوا صحح لا تتشاطر وتصحح ﻷنو بعدين إذا كان غلط ممكن ينحذف نصف درجة..🚫
والسؤال الثاني بكون تعريف و تعداد *غالباً..
••••••••••••••••••••••••••••••••••••••••••••••
#السؤال_الخامس :
#اختياري.
وإياك ثم إياك تحل الثلاثة ويكون في غلط او شي مو متأكد منه بأول اثنين 😅
ﻷنو مابياخدوا غير حل اول سؤالين والثالث مابطلعوا عليه 😁
أيام التاسع راحت وقت بطلعوا عالسؤال الصح وبياخدوه 🙃
لكل سؤال 2 درجة.
اﻷسئلة بتكون من الدروس وممكن تكملة فراغات من راوي الحديث *أجا هاد الشي بدورة 2015*
وهيك بكون خلص النموذج والتقسيم أما الاستحفاظ والحديث في عنا مفاجأة 😃
#حاولنا نلاقي الأحاديث كصوت ولقيناهم عدا الحديث #الرابع 😕
واﻵيات راح يكونوا ك صوت وك مقطع فيديو
المقطع راح يكون السورة فيه مقروءة ومسموعة من شان مالكم بحاجة للكتاب..
#طبعا يلي عم يبحث عن العلامة الكاملة لا غنى له عن الكتاب..
ممكن تشوفوا النوطة يلي راح نبعتها وبتضمن علامة 18 وفوق بس بجوز تكون النوطة منقصة شي فقرة او معتبرتها مو مهمة وتأتي بالفحص..
فلذلك يفضل تلخص النوطة عكتابك وتدرس من الكتاب 🙂
النوطة فيها نقص عن راوي الحديث وهاد مهم تحفظه ﻷنو أتى منه بدورة وممكن ان يأتي اﻵن..