السلام عليكم
انا قدمت بكالوريا هي السنة ( حرة ) ودرست قبل بكم شهر بس والحمدلله نجحت بمجموع عالي .

وفي شوية نصائح بجوز يستفيد منها طلاب هي السنة..

اول شغلة هي قصة النوط الأفضل انو ماتعتمدوا عالنوط أبدا لأن الاسئلة رح تجي من الكتاب بس ماعدا العربي والإنكليزي أكيد بتحتاجوا نوط وأفضل نوطة بالانكليزي هي نوطة البسيط شاملة لكل القواعد والمفردات وكل شي وارد بالمنهاج ادرسوا منها وبعدها حلوا تمارينها وتمارين الكتاب رح تتطلعوا من الانكليزي بقوة إن شاءالله
وبالنسبة للعربي في نوطة هافال شيخو منيحة وفيها حل التمارين بس قبل ماتبدأوا بالمنهاج لازم تراجعوا جميع القواعد المطلوبة وكمان راجعوا نوطة خير الكلام
وكمان أسئلة السنوات السابقة والنماذج كتير مهمة وخاصة بالرياضيات والإنكليزي والعربي .
وفي كم نصيحة عامة

1_ الاخلاص والاستعانة بالله والدعاء اجعل نيتك بالحفظ هي طلب العلم حتى تاخد الأجر والثواب واستعين بالله وتأكد انك مارح تنجح بقدرتك اذا الله ماوفقك انت عليك تعمل وتجتهد وتعتمد على الله وأكيد مارح يضيع تعبك فأحسن الظن بالله وخليك عم تدعي يمدك بقوة الحفظ والجسد والهمة العالية وكمان نقطة كتير مهمة هي رضا الوالدين لأن سبب عظيم للتوفيق .
وحدد هدفك يمكن تقول بكير بس صدقني لما يكون عندك هدف واضح رح تتعب وتحاول اكتر لحتى توصله .

2_ أكثر من شرب الماء والأكل الصحي (خضار ، فواكه ..) وابدأ يومك بشرب شي ساخن بدون منبهات بجدد الطاقة بالجسم وكمان الصيام كل فترة بجدد الطاقة(مثلا الايام البيض من كل شهر ) .

3_لو تقدر كل فترة أطلع لمكان خالي وحبذا يكون طبيعة وخاصة أيام الامتحانات لان كتير رح يخفف الضغط ومجربة مني شخصيا .

4_ كل شخص بفضل وقت للحفظ ولكن أفضل وقت هو قبل وبعد الفجر للظهر هالوقت مبارك و بيكون الذهن صافي .

5_ اتبع طريقة التركيز وهي انو تبتعد عن كل الملهيات وتهيئ الجو وتركز نص ساعة وبعدها تاخد استراحة خمس دقائق وحاول تتحرك او تمشي او تاكل شي خفيف بوقت الاستراحة وبترجع بتكمل بنفس الطريقة .

6_لازم يكون عندك قوة إرادة وإصرار لان أكيد رح تواجه كتير صعوبات وأحيانا رح تتعب وتضعف بس لازم تتم تقاوم وتستمر واستعين بالله والزم أذكار الصباح والمساء والنوم وخلي الك كل يوم ورد من القرآن ولو كان كم صفحة .

7_نظم وقتك ونظم حفظك لكل يوم وماتحفظ هيك بشكل عشوائي وابعد عن كل المليهات وخاصة الموبايل هو عدوك بالبكالوريا احذف كل البرامج الي مالها لزمة (فيس ، انستغرام ، ألعاب ، ببجي😆 ..) واترك بس الضروري واللازم

بتمنى تكونوا استفدتوا من هي النصائح وياريت دعوة من قلوبكم انو الله يسرلي دخول الكلية الي بتمناها ولكم بالمثل ان شاءالله🌸

مشاركة من إحدى الطالبات 🌷

#أسئلة_دورات
#بكلوريا
#علمي

أسئلة دورة 2019 بكلوريا علمي

#أسئلة_دورات
#تاسع

أسئلة دورة 2019 تاسع

ليس هناك عصا سحرية للنجاح..!
"فالنجاح يحظى به المكافحون"
والله يهب الطير رزقه لكنه ﻻ يضعه له في عشه ..
ﻻشيء يتحقق بالصدفة وﻻ نجاح…!

#yes we can 💚🌸

#زاد_الطلبة_الأحرار 💚

المجد ليس محصُور في الطب والهندسة و الصيدلة ! ولا بأي تخصُص جامعي
بل إنه محصور في ”داخِلك أنتَ “
متى ما قررت أن تكون مُجدًا صدقني سَتكون..
حتى لَـوْ كُنت في إختِصاص لا يمت لهوايتكَ وشغفك وطموحِكَ بِصلةٍ .. دعَك مِـنْ كلام المُحبطين بإن التخصُص الفُلاني ليس َلهُ مُستقبل ..أصلًا لايوجد تَخصُص سَلِمَ مِـنْ كَلام الناس !
ولكن يُوجد مُتميزون صنعوا لِلتخصُص مُستقبلاً
كُـن أنـتَ احدهم💙

#yes we can 💚🌸

#زاد_الطلبة_الأحرار 💚

سيبدو الأمر مستحيلا حتى تجد نفسك منخرطاً فيه 👌🏻🌸


#لا مستحيل مع الإرادة 😊
#زاد_الطلبة_الأحرار 💚

‏أقدارك ليست بيدك ولو كانت بيدك لهلكت.!
ثق تمام الثقة أن الله سيضعك دائما في المكان الذي تنتمي إليه .. . والذي هو حتماً يناسبك ويلائمك .. فلا تجزع ولا تسخط..! 👌🏻♥️

#زاد_الطلبة_الأحرار 💚

#yes _we_can 💚

" وَكَانَ اللّٰـهُ عَلَىٰ كلِّ شَيءٍ مقتَدِرا "

لا تستبعد أيَّ شيءٍ عن قدرة اللّٰـهِ فمقاليد الأمور بيده سبحانه ، يبدِّل الحال و يغيِّر الأحوال 💚

#زاد_الطلبة_الأحرار 💚

#أسئلة_دورات
#بكلوريا
#أدبي

أسئلة دورة 2019 بكلوريا أدبي

#سلم_تصحيح
#بكلوريا #علمي

سلم تصحيح مادة الفيزياء
للبكلوريا العلمي ٢٠١٩
الدورة التكميلية

وهيييييك منكون وصلنا لنهاية المشوار،☺🌸بعد تعب وسهر أيااام وليالي الحمدلله خلصنا من شي اسمو بكالوريااااا طبعا هاد الحكي لطلاب التكميلية بدي احكي كم شغلة وخلوهن ببالكم 👌🏻
أول شغلة هي الإيمان بالله عز وجل أنه رح يختارلكم الفرع المناسب واللي فيه الخير مو شرط اللي بتتمنوه وما لازم تزعلوا أبدا لأنكم حاولتم وسعيتم ولم تقفوا ولم تستسلم بل العكس وصولكم لهي المرحلة بالذات نجاح ومو كل حدا عندو هي القوة ليوصل 😌
لهيك بالنهاية بعد ما تعبنا ودرسنا ودعينا كتير هاد كله مارح يروح أبدا وبإذن الله رب العالمين رح يعطينا حتى يرضينا ☺في خير كبير بس نحن لسا مو شايفينو لهيك خلوا عندكم أمل أنو رب العالمين لأجلك ولأجل دعائك وتعلقك به رح يغير،المستحيل صح في ناس انصدمت بس هي مو نهاية الطريق أبدا بالعكس كتير ناس دخلت فرع تاني وأبدعت 😍👌🏻حطوا ببالكم شغلة وحدة أنو تكونوا ناجحين ومميزين شو ما دخلتوا النجاح مو محصور لا بالطب ولا هندسة ولا غيروووو .....النجاح منك أنت وبداخلك كلنا فينا نساعد ولو بكلمة طيبة بس تكون نيتك خالصة لوجه الله وبالنهاية هاد اختيار،رب العالمين فيكم ما ترضوا؟ ((وعسى أن تكرهوا شيئئا وهو خير لكم) ) 💚🌸

هدول مجرد كلمات انا كاتبتهن من قناعتي ومن خلال الواقع اللي وصلتلوا وأنو كان هدفي أعلى بس يمكن ما أوصل بس هاد الشي ما بيعني أنو اتخلى عن مبادئي وانو أيأس وأوقف صح مننصدم بس فكروا شوية بحكمة رب العالمين وأنو اكيد رح يكرمنا ☺🌸والحمدلله في كل الأحوال ما حدا بيعرف شوفي بقلبك ولا أنك تعبت غير اللي عاش حالتك وغير،ربك اللي دائما كنت تحكيلوا كلشي 😍 رح نكمل المسير لآخرتوا وآخر شي يكون النا أثر جميل قبل الرحيل 💔

#والله يوفقكم جميعااااا ويختارلكم الخير بالفرع اللي بتحبوه وبتتمنوه يارب💚
#مبارك انتهاء مشوار البكالوريا 😌💪🏻
وما مننسى دائما ☺yes we can 😍

#سلم_تصحيح
#بكلوريا #علمي

سلم تصحيح مادة العلوم
للبكلوريا العلمي ٢٠١٩
الدورة التكميلية

ليس النجاح بفرعٍ تدخله
ليس النجاح بدخول الطب أو الهندسة
ليس النجاح بدخول الصحافة والإعلام

لنكن صريحين مع أنفسنا..
كم من طالب بذل قصار جهده ليدخل الطب ولم يستطع ودخل فرعاً آخر فنجح وأبدع فيه

وكم من طالب فرح لدخوله الطب فاصطدم بجداره وتفاجأ من المنهاج وضخامته وغزارة الامتحانات وهمومها وعبء الدراسة وتعبها ففشل فيه وأضاع عمره وأفناه..

🔸إن النجاح في أن ترضى بما كتبه الله لك وتسعى لأن تكون أفضل من دخل هذا الفرع

🔹فلايهم نوع المضمار الذي تسلكه
لكن إذا خضت مضماراً.. فكن بطله 💪🏻

#تجمع_الطلبة_الأحرار

وقت كنت بكالوريا استاذنا قالنا #ثلاثة سبب فشلك بالبكالوريا ..😉👇
١- الحب أو الاعجاب : راح تفقد كل تركيزك بالدراسة وطول وقتك عم تفكر بالمحبوب/ة وتسرح بخيالك بالغرمات والرومنسيات ..ف ابتعد عن هالجو برتاح مخك وتفكيرك وجيبتك 😂 ولاحقه الها بس تبني مستقبلك ✔
٢- الرفقات : تاع اسهر معي ويلا نروح مشوار ويلا جاي لعندك .. وزهقان/ة مالي نفس احضر الدرس تع/ي ما نحضر ونطلع مشوار وهيك السنة مرت وراحت عليك دروس واجت فترة الانقطاع ودروسك متراكمه وبتحوص وبتلوص وماعارف كيف بدك تخلص المواد .. لهيك نصيحة رفيقك/رفيقتك لا تمشي مع رفقاتك بالغلط اتعود تقول عندي دراسة لغير يوم 👍😎
٣- عدم الثقة بالنفس ، وتسمع لغيرك: ما يكون عندك ثقة بنفسك وبقدراتك اي كلمة بتهزك وبتدمر نفسيتك وبتتسلم الها بسهولة مثلاً (انت فاشل مستحيل تنجح) (البكالوريا لغيرك ) ....الخ 😵 ..تسمع حكي وتصدقوا وتوخذو من المسلمات مثلاً ( التربية مابدها حدى ينجح ، الرياضيات كتييير صعبه ، الفيزياء عقدتنا ، العلوم الاخضر العملاق صعب ينهزم وراح يهزمنا ، البكالوريا حظ لا تدرس وتعب حالك ) هاد غلط القدرات بين الطلاب متفاوتة في منهن اللي بلقطها عالطاير ما محتاج يعيد ويزيد .. وفي يلي بحتاج يركز اكتر ليفهم الشغله ويعود حالو عالحل .. وفي منو عندو قدرة عالحفظ وعدم النسيان وفي العكس طالب لازمو يعيد ويزيد ويبتكر طرق للتسهل عليه الحفظ 😉 .. لا ترخي دانك للحكي اتعب على حالك واجتهد شوف وين ضعفك وحاول تعالجو وين نقاط قوتك وحاول تستثمرها وشيل الفشل من قاموس حياتك🙅💪
👈 #البكالوريا متل الحرب بدها تحضير واستعداد وعزيمة وقوة وتحدي وإيمان بالله وبنفسك وبقدراتك بدها محارب قوي يحارب بكل قوته ما يكون متل البسكوته🍪 اي كلمة بتهزو تكسرو واي تجربة فاشلة او حظ عاثر لغيرو بتصيبه باليأس ويضعفه ويستسلم الها 🌺
#أنت_بكالوريا_كون_قد_التحدي..✊✌

#دمتم_بخير..🌸

#أسئلة_دورات
#تاسع

أسئلة الدورة التكميلية
تاسع 2019

#سلم_تصحيح
#بكلوريا #أدبي

سلم تصحيح مادة الفلسفة
للبكلوريا الأدبي الدورة التكميلية ٢٠١٩

بمناسبة بدء العام الدراسي ...
هناك عبارة مكتوبة في جامعة هارفارد ... تقول :
( ألم الدراسة لحظة وتنتهي .. لكن إهمالها ألم يستمر مدى الحياة )
وقال قبلهم الإمام الشافعي رحمه الله :
( من لم يذق مرَّ التعلم ساعة .. تجرَّع ذُلَّ الجهل طول حياته )

جانبك المظلم سيضيء يوماً ما ، كن قوياً ولا تستسلم لواقعك مهما كان سيء
لا تسمح لأحدهم بخدش روحك ، لا تسمح للظروف بكسر همتك😍💜
و لا تعتقد بأن جلوسك امام الهاتف لساعات طويلة سيحقق أهدافك التي تنوي تحقيقها..😊

ولا تعتقد بأن الكلمات التي تقرأها هنا من اجل أن تعطيك أمل هي فقط من تجعلك تستمر في تحقيق حلمك ..

لا يا صديقي أنت مخطئ للغاية ، فهذه الكلمات ليست سوى #جرعة_أمل تقرأها لثوان فقط..💜

تجعلك تشعر بأن كل شيء حولك جميل وكل شيء ممكن لكن ؟

الأمر ليس بالكلمات التحفيزية القوية ، الأمر أبسط بكثير ..

يا صديقي أنا أخبرك الحقيقة ، حقيقة أن كل شيء #يعتمد_عليك انت💜

كل ما تريده ستحصل عليه ما دمت مصر عليه ، مجتهد ومثابر لأجله💜🌸

أنت أقوى من أن تنتظر كتابة أحدهم لكي تحيي في داخلك شعور الأمل..🙈💜
كن أنت جرعة الأمل هذه ..😍👌

#كن_انت_الأمل...💙🌸
-نحن أبناء الحروب لا يليق بنا الاستسلام ..👌💙

بكالوريا إعادة وخايف

-------------------------------------------

لشو الخوف ؟
قررت تعيد لأنو أكيد في حلم و بدك توصلو

و بما أنك محدد حلمك فهاد أهم شي

سنة و بتمضى ع الحلوة و المرة

بكرى بس تنجح و تحقق حلمك و ترفع راس أهلك رح تنسى كل التعب ..

فكر بالشي الإيجابي .. انسى انك قدمت بكالوريا من قبل اعتبرها أول سنة

ادرس بكل طاقتك

خلي عندك رفقة يحفزوك ع الدراسة و تنافسهن ..ابعد عن الرفقة السلبيين

#بالتوفيق ..

نصائح للطلاب المقبلين ع البكالوريا (( دورة 2020 ))..

حدد كميات و ليس ساعات ..
لا تسهر ..ادرس في ساعات الصبح ..من بعد صلاة الفجر ..
التكرار و المتابعة و الالتزام ..💙
النوم الكافي ..
الابتعاد عن الخوف ..
المتابعة ورا الأستاذ ..
دراسة اول بأول لعدم التراكم ..
الابتعاد عن ما يلهي أثناء الدراسة. .
الدراسة بعيد عن جو العائلة ان وجد
المنهاج مو صعب ..
بس بدو دراسة و تعب
و مافي طالب اخد نتيجة بدون تعب 😊💚

#بالتوفيق

#هكذا_علمونا_الفيزياء !!!

🔵هل_تكره_الفيزياء ؟!
⚫ نعم أكره الفيزياء ..
🔵 لماذا؟
⚫ يا أخي معقدة ودمها ثقيل ، كلها قوانين قوانين احفظ قوانين، طبق قوانين، لاشيء سوى معادلات وقوانين، ثم يعطونك مسألة تنظر فيها من فوقها لتحتها فلا ترى فيها منفذا تبدأ منه ولا تدري أي قانون يجب أن تستخدم.
🔵 ولكن هذه ليست حقيقة الفيزياء !
⚫ هكذا علمونا الفيزياء😐
🔵 بالضبط، هنا المشكلة؛ “هكذا علموكم الفيزياء” هذه هي المعضلة الكبرى؛ كيف نتعلم الفيزياء، وكيف نعلمها.
أولا القوانين بحد ذاتها ليست هي الفيزياء فالطبيعة تحوي كثيرا من الظواهر التي نراها ونستمتع بها جدا كظاهرة قوس قزح .
⚫ كلا كلا، فالقوانين التي كنت أتحدث عنها ليست سوى رموز ومعادلات رياضية.
🔵 الرموز والمعادلات الرياضية ليست سوى تعبير عن ظواهر بديعية جميلة لكن بلغة الرياضيات التي تجعلها أكثر قابلية للدراسة والمعالجة.
⚫ نعم ولكن الرموز الرياضية والمعادلات مملة وتجلب الصداع .
🔵 هذا لأنها تفرغ من معناها الفيزيائي، ولو أنها ترجمت من رياضيات إلى فيزياء بشكل صحيح لرأيتها أجمل كثيرا . خذ مثلا قانون أوم !
⚫ ذلك القانون الممل U=RI
🔵 لا ليس هكذا يوصف، فهو ليس مملا ثم أنه ليس مجرد U=RI إنه علاقة بين شدة التيار الكهربائي والتوتر الكهربائي عبر ناقل أومي له مقاومة معينة نسميها R .
⚫ وما هي هذه العلاقة؟
🔵 العلاقة هي أن التيار الكهربائي الذي يمر في سلك مثلا يمكننا زيادته بزيادة فرق الجهد على طرفيه فإذا كان السلك مثلا هو فتيل سخان كهربائي فأنت ترينه يتوهج أكثر فأكثر كلما رفعنا جهده وهذا التوهج ناتج عن مرور إلكترونات عبره فتتصادم مع الذرات لتولد حرارة تؤدي إلى تسخين السلك وتوهجه .
⚫ ولكن أحدا لم يقل لنا ذلك وكل ما قاله لنا المدرس أن U=RI أي أن I=U/R. ثم خذ مسألة وأرقاما وهذا كل ما في الأمر.
🔵 هذه هي مشكلة الفيزياء مع من يتعاملون معها هذه الأيام. إنهم يحصرونها بمجموعة معادلات لا تعني شيئا دون تعريف وتفسير كل حد فيها لذلك يجب أن تحاول اكتشاف طبيعة هذه العلاقة بنفسك، من خلال التجربة. ثم تحاول صياغتها في شكلها الرياضي الذي تسمينه قانونا حتى تشعر بروعة الفهم وتزداد ثقة بقدرة العقل البشري على استيعاب الظواهر الغريبة.
وهذا هو مصدر جمال علم الفيزياء .. أننا نستطيع أخيرا استيعاب وتسخير الطبيعة لخدمتنا .
هل لا زلت تكرهها !!