#أسئلة_دورات #علمي #2017

#نصائح #علوم #اﻷسئلة_الشائعة
العلوم ثم العلوم 📚
👈هلق بالبداية الحفظ فهم
فهم وكل درس بتحفظوا بصم ممكن ينقص من المجموع 🙁

🔸ليش ؟
ﻷنو العلوم في تعاريف وتعاليل استنتاجية يعني بدها ملخص او استاذ
اذا عم تدرس لحالك صعب تقدر تطالعها ❤️
بس الدراسة حصراا من الكتاب
من شو ؟؟
من الكتاب ﻷنو في محاسبة ع بعض الكلمات ممكن ماتكون بالنوط 😕
أي في محاسبة وتدقيق كمان والنوط للمساعدة وتبسيط المعلومة لا أكثر
الكتاب لا غنى لك عنه 😇
في فقرات ممكن يطلع منها 15 سؤال بين تعريف واستنتاج ووظيفة وموقع ومين يفرزها ومن يحررها وهكذااا ومافي نوطة ممكن تكون كاملة وموجود فيها كلشي لذلك ادرس من الكتاب والنوط مساعدة بس 😃

🎈حاول تاخد العلوم من استاذ بشي معهد او مدرسة ليسهل حفظو عليك

🎐أوقات دراسته بعد صلاة الفجر 🌸
شي ساعة ونصف للساعتين

🌨العلوم أهم شي فيو التكرار ثم التكرار ثم التكرار 🙃
أي المعلومة بتترسخ من كتر التكرار ومابتنساها أبداً
🌱وفائدة تانية يلي تذكره بطيء وقت الامتحان يحاول يعيده كتيررر
ليقدر يتذكره منيح يوم اﻹمتحان ويلحق يراجعه كله 😬

🌙العلوم 27 درس
حاول لا تمل وانت تحفظهن
ادرسن بحب 😍 أي حب
الحب بساعدك ع حفظ المادة وبتدخل بسهولة بعقلك بعد ماتحبها ❤️
مو صعب اﻷمر فيك تحط عطر من رائحة بتحبها
راح تنجذب تلقائياً نحو 🌸
فيك تكتب عبارات تشجيعية ع أوراق ملاحظة وتحطن بين أوراق الكتاب
فيك تحط حلمك بهي اﻷوراق ببداية الكتاب وممكن بين أوراقه ❤️
واستخدم اﻷلوان واﻷوراق الملونة فيو
مثلا فيك تعمل خرايط عليه
أي المهم انوا توصل لمرحلة انوا هاد حياتك بهي السنة 😌

🕊العملاق اﻷخضر كما يقولون أجدادنا البكلوريات السابقين 😅
ماتخاف منو مالو شبح ولا بيأكل
على العكس انت لازم تأكله تمام 😋
اعتبره ** سندويشة شاورما **
تشبيه حلو ماهيك 😍
وبلش بحفظه من هاد الوقت لتقدر تعيده عدة مرات

الرسمات 😐
شي برعب مااا ؟ 😧
بدك تدرسهن كل رسمة مع فقرتها
ماتراكم 10 رسمات وبعدين تقول مابتجي هي وهي مابتجي وبتطير علامة الرسمة
فيك تتخيل مثلا الرسمة اﻷولى هي ايد
* يد والهيولات هي اﻷصابع أما المحوار هو الساعد *
كيفني معك مو حلوة 😏
اي وهيك تحط ترميز لكل رسمة بتلاقيها وتحاول تربط بين الرسمة وفقرتها
حفظ الرسمة يودي الى حفظ الفقرة والعكس صحيح

السؤال اﻷهم ممكن تجي نحن نرسمها ؟ 😟
طبعاً ممكن وليش ﻷ
الرسمة واضحة وسهلة راح تكون والاساتذة راح ينبهوا عليها 😉

👈 ربط والربط وثم الربط
شو يعني ؟!
يعني انوا عندك 27 درس
بدك تحط ببالك انوا كل درس في إلو عشيرة 💛
مو تحفظ الدرس وتقول خلص حفظتوا لحالو ماعاد بلزمني بعدين لوقت المذاكرة وبعدين يجي شي متعلق فيو بدروس لاحقة وتنصدم وماتعرف 😕
مثلا الغدد راح يمرو معك ب3 دروس حكي عنهن وماله مفصل كتير
راح يحكوا عن حاثات معينة وبعدين بقلولك الحاثة الفلانية راح نذكرها لاحقاً بالتفصيل
يعني عليك تتذكر مين أفرزها من هدول الدروس و وظيفتها بالدروس اﻷخيرة من الكتاب 😊
مو صعب بس تحط الفكرة ببالك بتلاقيها سهلة جداً وبتتركز انوا كل فقرة بالكتاب إلها مرافق بعد عدة فقرات او صفحات 🙂

🎈 بدك تقرأ الدرس مرة بإطلاع وتفهم لكل كلمة
بعدين بتبلش فقرة فقرة بتحفظها وبتكتبها وبتنتقل ل يلي بعدها
وهيك لنهاية الدرس
بتعيد الدرس كامل مع كل الفقرات سوا
وبعد فترة بتعيد الدرس الجديد مع القديم
مو تتركه لبعد أسبوع وتقول عم انسى 😢
شي طبيعي انك تنسى ﻷنو كل يومين بدك تكرﻻ المعلومة الجديدة لتنتقل لذاكرة طويلة اﻷمد 🙂
وشغلة تانية ماتراكم ولا درس عليك !
بس تراكمت العلوم صعب حفظها
والحفظ بعد المدرس مباشرة مابتتركه يومين وثلاثة بعدين بتنصدم من الوضع يلي انت وصلت له 😕

🎐بالنهاية هي مجرد نصائح وشغلات قلنا منساعدكم فيها
حاولنا نجمع معظم اﻷسئلة والاستفسارات
بجوز ماقدرنا نذكر كلشي ولكن أكثر الأسئلة حاولنا نشملها 🌹

بالتوفيق 🌸💛

#سلم_تصحيح #علمي #عربي
** النسخة المعدلة **

🔴 خُـطوة لـ لاستعداد للمذاكـرة 🔴

⚜_ أخلص النـّية لله ، و اجعل طلب العلم عبادة.
⚜_ تذكّر دائماً أن التّوفيق من الله و الأسباب من الإنسان..
⚜_ احذف كلمة « سـَوف » من حياتك و لا تؤجّل.
⚜_ احذر الإيحاءات السّلبية : أنا فاشل _ المادّة صعبة .. لا أستطيع..!
⚜_ ثق بتوفيق الله و ابذل الأسباب
⚜_ احذر رفقاء السّوء و قتلة الوقت.
⚜_ نظّم كراستك ، ترتاح مذاكرتك ..
⚜_ أدِّ واجباتك و راجع يوماً بيوم..
تزوّد بأحسن الوقود ( أفضل التّغذية : أكثر من الفواكه و الخضروات )
⚜_ لا تذاكر أبداً و أنت مرهق.✋🏻
⚜_ نظّم وقتك 👌🏻 :
تذكّر أن أحسن طريقة لاستغلال الوقت أن تبدأ الآن !!
حدّد أولوياّتك الدّراسية وفق الوقت المتاح.

🌱 ضـَع جدولاً يومياً أو أسبوعيّاً لتنظيم الوقت و الأولويات..

فـ تنظيم الوقت :👇🏻
رغبة + إدارة + ممارسة + جهد = متعة الدراسة💛

السلام عليكم ورحمة الله وبركاته
تأخرنا عليكم وخلينا نبلش مباشرة لحتى نعوض التقصير السابق 👍
بأول مادة معنا وأمتع وأحلى مادة ويلي هي #الرياضيات 😃
بالبداية كاﻵتي راح أحكي عن النموذج اﻹمتحاني وثم كيفية دراسة المادة
#النموذج_اﻹمتحاني_رياضيات
#السؤال_اﻷول :
#أولا :
اختر اﻹجابة الصحيحة عدد اﻷسئلة 6 وبكل سؤال في 4 خيارات ولكل خيار صحيح علامة
*ان كتب الطالب اكثر من إجابة فتأخذ الأولى فقط
*لا ينظر أبداً إلى الطريقة فقط إلى الجواب الصحيح
*اﻷسئلة 4 منهن عن التحليل بين نهايات واستمرار واشتقاق وسؤال جبر وسؤال هندسة غالباً وممكن سؤالين هندسة وسؤال جبر و3 تحليل وبالعكس كمان ..
••••••••••••••••••••••••••••••••••••••••••••••
#ثانيا :
عن التحليل وغالباً تكامل لكل تكامل 3 ونصف علامة وأحياناً أربعة علامات
*أنتهبوا على إذا كان محدد بتلاقوا حاطين حدود التكامل بكون نصف العلامة على التكامل الصحيح والنصف اﻵخر على التعويض .
*ان لم يكن له حدود فلا تنسوا C+ بنصف علامة ..
••••••••••••••••••••••••••••••••••••••••••••••
#ثالثا_ورابعا :
غالباً سؤالين تحليل
*من تطبيقات اﻹشتقاق وممكن دراسة دالة مجموعة تعريف واشتقاق وتكامل وممكن إيجاد قيمة تقريبية وممكن عن المماس وغيره..
يعني مافينا نحصر هيك سؤال بنمط معين ولكن هي بعض النماذج يلي وردت بأسئلة الدورات ..
••••••••••••••••••••••••••••••••••••••••••••••
#خامسا_وسادسا :
أسئلة عن الجبر والهندسة
🔺الجبر حل المعادلات بطريقة غاوس
🔺الهندسة سؤال قطوع بطلب رسم دائماً وممكن بالورقة سؤالين قطوع وممكن سؤال *يعني سؤال بدو المركز والذروة والرسم و... وسؤال بطلب العكس مثل بيعطي ذروتين ومحرق وبطلب المعادلة وطبعاً إذا كان في سؤالين من قطعين مختلفين عاﻷكيد ..
وسؤال عاﻷكيد من آخر 3 دروس يعني المستقيم والمستوي ..
••••••••••••••••••••••••••••••••••••••••••••••
#السؤال_الثاني : #مسائل
مسألتين أو ثلاثة وأحلى شي هنن 😌
🔺مسألة التحليل ب12 أو 10 علامات
بطلب فيها تغيرات كاملة والرسم والتكامل وأحياناً حجم *يعني هي كلشي بالتحليل بكون فيها*
بس مابطلب مجموعة تعريف ﻷنو اذا الطالب ماعرفها او خربط بتروح كل المسألة تقريباً ..
* غالباً دالة كسرية بس هاد مابيعني أنوا مو ممكن تكون جذرية او صحيحة او حتى لوغارتمية وأسية ومرة وحدة لوغارتيمة ب2014 أجت ومن اﻷسئلة المضمونة علامتها*
🔺مسألة الجبر
احتمالات ومن الكتاب ونفس اﻷرقام أحياناً وغالباً متغير عشوائي وممكن تكون احتمال شرطي بس طبعاً مع المتغير العشوائي عم يكون في أسئلة عن الاحتمالات بشكل عام ..
🔺مسألة هندسة ممكن تكون او ﻷ
وهي قطوع عاﻷكيد *ممكن طلب معادلة القطع مع سؤال المماس وممكن العكس *

🌱بشكل عام نموذج الرياضيات مختلف بكل سنة حاطين شكل بس هيك اﻷغلب راح يكون سنة 2018 بقصد مثل سنة 2017

#طرائق_لدراسة_الرياضيات
أول شي بدون الورقة والقلم مابمشي الحال 😉

♦️كل تمرين بتمرينه بتاخده بترجع عالبيت بتفكر بحلو ممكن من اول مرة مايخطر ببالك وحتى من المرة 3 مايخطر عادي بتضل بتحاول فيو كل فترة مو بتقعد ساعة عليه وبتضيع وقت المادة كلها 😁

♦️مابتراكم عليك ولا تمرين واحد عاﻷقل بتحله مرة اول ماتاخده ومرة وقت المذاكرة 😃

♦️تعتمد طول السنة على مستوى ذكائك بدون ماتحفظ شي مابمشي الحال
بدك تحفظ وتشغل مخك بنفس الوقت
الذكاء مو هو كل شيء المهارة بالفهم والحفظ هي اﻷساس 😄

♦️تمرين مافهمتوا مو غلط أنك تحفظ فكرته او طريقة حله الغلط أنك بعد فترة تكتشف مو فهمان شي او مو مركز شي أبداً .

♦️يلي لسه ما سجل عند حدا رياضيات يفكر انوا هو بحب الطريقة المبسطة او الطريقة القوية (إعطاء الرياضيات حقها)
ويشوف الاساتذة ﻷنو الاستاذ هو يلي بحببك المادة او بكرهك فيها..
وأهم شي تاخد مراجعات وتتأسس بالتحليل
هندسة وجبر سهلين مابدهن أساس بكفي تاخد من المنهاج مباشرة 😊

♦️نسب مثلثية ودساتير التحويل اﻷغلب بوصل للامتحان مو حفظانها او مو مركزها وبخاف وبلجأ مع اﻷسف من خوفه انوا ينقص علامة إلى الغش لحتى اذا اجا هيك سؤال يحلوا بس هو مافكر أنوا هاد القانون الصغير راح يكون بسببه جزء من مالك المستقبلي بالشهادة من طريق غير مشروع ..😓
♦️طيب راح أعطيكن حل مناسب 😬
وراق الملاحظات الملونة بتكتب كل القوانين عليهن وبتملي مكان نومتك ودراستك منهم عالحيط وببداية دفترك الرياضيات وكل مامليت خود نظرة عالحيط وحفاظ قانون وضل عيده ليوم اﻹمتحان حفظو فهم او بصم شو ماكان المهم ماتروح عاﻹمتحان وتخسر شي من العلامة بسببه 😃
بدنا التامة هاا 😅

♦️ممكن كل فكرة صعبة او تمرين تحط عليه ورقة ملاحظة وتكتب كيفية الطريقة وهيك وقت المراجعة بتتذكر حتى كيف كنت مرتب دفترك واﻷفكار وبتقدر تحل التمرين *مو شرط يعمل الكل هيك بس هي طريقة*

♦️مجموعة التعريف يعني هااامة جدا وفهمك إلها بتعني فهم التحليل
راح أنزل شي بساعدكم بهاد الخصوص وحاولوا فيها يعني مثلا بجوز يطلب بسؤال عليه علامتين مجموعة التعريف
وهي أسهل من أنوا تضيعوا علامة عليها
لك الرياضات أسهل من أنوا تخسر علامة فيو 😇

♦️ تطبيقات القيم الكبرى والصغرى مالهن عمو الطيران حتى تخافوا او تنزعجوا 😂
شوية فهم مع حفظ بمشي حالهن وتدريب كل فترة أسبوع ع أفكارهن بكونوا خالصين بإذن الله 🌷

♦️ خلصتوا مثلا احتمالات مو تروحوا تتركوهن لشي شهر وتجوا تقولوا صعبين وماعم نعرف شي ونسينا 😐
مابنترك الرياضيات أبداً وخصوصا احتمالات خلي كل فترة ولو حتى راجعتوا كم فكرة فيهن
خليكن ع تواصل مباشر مع الرياضيات تواصل يومي 😉
وهيك إن شاء الله بتضمنوا التامة

راح نكون معكم عبوت التواصل ﻷي سؤال او استفسار @FreeLibrary2_bot

تتسعُ الحياة للحالمين تبتسم للمتفائلين وتقطب في وجه اليائسين .!
الثقه بالله والقوة به هي من تصنعُ فارقًا جميلاً في حياتك ابتسم وتوكل على الله 👌🏻.


#تحفيز ..✌️🏻

#ملخص_رياضيات
⭕️ هام جدا وشامل ﻷفكار المنهاج ⭕️
بدايته تأسيس للتحليل يلي ماحضره عند استاذ وبعدين تلخيص ﻷفكار وقوانين التحليل وبعدين الجبر تأسيس وقوانين ثم الهندسة ..

🌱لاتتوقف عن أحلامك مهما كانت صغيرة ..
فتلك النجوم البعيدة الصغيرة هي
من جعلت السماء جميلة 💫

كيفكن 😃
بعد صدور المطلوبات لسنة 2018 🙄 وتأكيدهم من قبل تربية إدلب اﻷغلب نزعجوا أو خافوا وأنوا صعبين يلي رجعوا وماعاد نلحق وبلشوا يسمعوا للطلاب يلي حوليهم وأنوا هي تعديلات غلط ومابصير هيك ومن هالحكي يلي مابقدم ولا بأخر 😥😐
طيب أول شي حطوا كلام الطلاب ع طرف حرقوه كبوه شو بدكم عملوا المهم أنسوه 😕
بعدين خلينا سوا نستعرض الشي يلي رجع انطلب وليش انطلب ولا تفكروا أبدا أنوا التربية مو حاسة فيكم ﻷنو يلي طلب هدول هنن اساتذة من الداخل السوري المحرر وعدا ذلك عم يدرسوا وبيعرفوا منيح وضعكم ووضع المدارس وكلشي مدروس من قبلهم بس باﻷخير نحن ك طلاب مامنعرف وين ملصحتنا ومابتعرفوا كل هي الجهود وكل هاد السعي راح يكون من خلفه اعتراف بالشهادة وقوة إلها مع السنين 🤠
طيب البعض مابهموا الاعتراف وبقول ليش ع حظنا طلبوا كل هاد وليش وليش وببدء سلسلة اﻷسئلة يلي مالها فائدة 😏
ماشي نزعجت وتوترت وخفت مستقبلك وبدك مجموع عالي ولهلق مو اخدين شي ..
كمان ماشي توترت وضعت وصرلك كم شهر مبلشين بالمنهاج وهلق لازم ترجع ع الدروس يلي مااخدتهم ونطلبوا جديد لتدرسهم .. 💔
طلع فيني أول شي الشي نفرض ومافيك تغيره لا أنت ولا غيرك فلذلك خلينا نشوف أنوا نحن أقوياء وقدهااا لك نحن الحياة ونحن الوجود ونحن يلي منكون ومتل ما أثبتنا للعالم كلو وجودنا وقوتنا وصمودنا ضد جيوش العالم ماراح أبدا يكسرنا كم درس زيادة 💪
بالوقت يلي الناس تركت وخافت نحن بقينا وكمان خلينا حلمنا باقي معنا ومااستسلمنا ودرسنا وتعبنا لوصلنا لنهاية رحلتنا مع المدرسة 😄
وراح نقول بكل إصرار وتحدي للكل أنوا مافي حدا بيقدر يهزمنا نحن خلقنا لنكون.. خلقنا لنحقق أحلامنا.. خلقنا لنصنع مجد اﻷمة وننهض بها.. خلقنا لنبقى ولنكافح ✌️ ❤️

طيب مع أول مادة وشو اختلف الزيادة والحذف فيها وهي #اﻹنكليزي 😃
نطلبت الوحدة اﻷخيرة ويلي هي 10 و11 و12 وفيهن زيادة بكتاب الطالب نص رئيسي وأسئلة عليه وكتير سهل ونصين يساعدوا بكتابة الموضوع وممكن أن يأتوا كفراغات ذاكرة *يلي مابيعرف الفراغات الذاكرة بتجي من النصوص الفرعية القصيرة يلي ماعليها أسئلة* وكم تمرين بين قواعدي وبين ترجمة وأسئلة الوحدة ..😁
أما كتاب الأنشطة فيه زيادة ضمن الوحدة الرابعة نص رئيسي وأسئلة عليه وملاحظة هامة *سنة 2016 و2017* أجا من الوحدة العاشرة 3 فراغات تقريباً مع حذفها وطبعاً في فراغ كان معتمد ع الترجمة والمعظم ماعرف حلو فاﻷفضل انوا خلص يطلبوا كلو ومانتفاجأ يوم الامتحان يجي شي من المحذوف 😇
ونص ثاني رئيسي وأسئلة عليه وسؤالين قواعد المبني للمجهول
ونص ثالث رئيسي وأسئلة عليه وطبعا أسئلة الوحدة 😀
#الحذف
شي 24 صفحة من كتاب اﻷنشطة وشي 23 صفحة من كتاب الطالب 😕 مو محرزين كانوا يطلبوا المنهاج كامل وخلصنا 😏
بس كمان لا تنسوا في ملحق يعني المهم مانطلب الملحق 😄 ويلي نطلب من الكتابين مافيو شي وسهل جداً هو متمم فقط للكتابين ..

#عربي
الوحدات 1 و 2 و 3 مطالبين فيهم كلهم عدا دروس القراءة الرافدة بس هي الدروس بتفيد بالمووضوع بتاخدوا منها جمل ومقدمات ..
الوحدة الرابعة حذف 😃 كان فيها درسين قراءة بتحفظوا منهم شواهد المواضيع ودرس مطالعة وكانت مطلوبة سنة 2017 بس هلق نحذفت وأصلا الطلاب ماعرفوا كيف يدرسوها ومالها أهمية ..
بس ضافوا بدالها الوحدة الخامسة 😁
طلبوا منها قصيدتين ودرس مطالعة وموضوعها ..
الوحدة السادسة حذفوا قصيدة كانوا مطالبين فيها بسنة 2017 😊

#علوم
بالضبط نفس تعديلات 2017
بس بالوراثة طالبين *أولاً* من الدرس الثاني وطالبين أسئلة الدرس الثاني فقط هاد الزيادة ..

#فرنسي
نفس سنة 2017 الكتاب كامل عدا آخر وحدة ومطالبين بموضوع كل وحدة

#الديانة
الكتاب كامل مطلوب
اما في سنة 2017 كان محذوف بحث الحضارة *وحدة التربية اﻹنسانية* يحتوي على 3 دروس فقط
ومحذوف كان 4 دروس من كل وحدة درس بس مافيهم شي ..
أصلا الديانة كلها إعادة 3 مرات بتضمن التامة بس انتبه على اﻷخطاء اﻹملائية بالحديث واﻵية كتير بدققوا عليهم 😄

#الرياضيات 😃😃
في كتير شغلات محذوفة راح نبلش #تحليل طالبين نهايات واستمرار البحثين كاملين مثل سنة 2017 وأما اﻹشتقاق في ملاحظة عليه أنوا فقط *قواعد اﻹشتقاق* بس لا يخفى عليكم أنوا أي تمرين موجود وبخص هي القواعد لازم يندرس بهي الفقرات مو تقولوا فقط القوانين بدون التمارين فهاد غلط ﻷنو التمارين هي توضيح وتسهيل عليكم وممكن يجي منهم أما المقصود من الحذف فهو المبرهنات النظرية ..
تطبيقات اﻹشتقاق أهم شي انوا نحذف اﻹستقراء الرياضي 😄 هو مو صعب ولكن فقط عليه تمرينين فلذلك الطالب بواجهوا صعوبة فيه وسنة 2017 منهم حفظوه ومنهم ﻷ بما أنوا ماكان مبين الحذف..
وكمان حذفوا معدلات التغير 😊 هدول إلهم قانون واحد بس بايخين ﻷنو مسألة كاملة بدك تحللها من شان تحفظ هالقانون والحل عليه فقط..
دراسة تغيرات مطلوب البحث كامل مثل سنة2017
القيم الكبرى والصغرى البحث كامل عداااا تطبيقاتها 😃😃
التطبيقات مو صعبة بس إلها أفكار وقوانين هندسية وكل مسألة بتنحل ب4 طرق والحمدلله نحذفت كانت مسببة عقدة لكل طالب بكلوريا وأكتر شي نصدموا الطلاب وقت أجت بدورة 2016 والمهم حالياً مالها وجود 😌😇 التكامل كلو متل سنة 2017 بس في حذف حساب طول قوس المنحني اﻷملس وهاد إله قانون واحد ولكن حسابه طويل فلذلك نحذف وسنة 2017 حفظوه ﻷنو ماكان واضح الحذف ..😅
المستقيمات المقاربة والدوال الكسرية كاملين متل سنة 2017 ..
وأسئلة الوحدة يلي طالبينهن كتير سهلين وهنن 6 مسائل فقط خصوصاً المسائل ﻷنو هي فقط دالة كسرية وشوفي أسهل من دالة كسرية لدراسة تغيراتها 😳
وطالبين كمان شي 18 سؤال تكامل و3 أسئلة منوعة عن تطبيقات الاشتقاق

#هندسة
نفس سنة 2017
القطوع ال3 كاملة عدا التعريف المشترك للقطوع يلي باﻷصل محذوف من زمان مع أسلئته فقط ..
المستقيم والمستوي كاملين
ومن اسئلة الوحدة هنن فقط تدريب على الكتاب طالبينهن كلهن عدا 2 و3 و4 و5 ..
#الجبر
اﻹحتمالات كلهم متل سنة 2017
اﻹحصاء 😃 أهم شي محذوف هو سهل بس بايخ يعني اول شي عندكم شي 5 تعاريف جافة بدها حفظ بصم وطريقة حسابية طويلة للمسألة انوا بتربعوا عدد ضخم وبتحطوا قوانين طرح وجذر وهيك اذا حبيتوا تطلعوا عليه شوفوا مثال محلول صفحة 43 😃
المصفوفات كمان كلهم متل 2017
اﻷعداد المركبة ب2017 طالبين اول درسين ام اﻵن طالبين اول درس فقط كمان هون في حذف 😉
اﻷسئلة العامة كل مسائل اﻹحتمالات فقط 😃

#كيمياء
كيمياء نووية نحذفت فقرة وحدة ويلي هي الاستقرار النووي وبالحذف مو موضحين اذا فقرة عمر النصف للمادة المشعة محذوفة أو ﻷ ولكن طالبين أسئلة الدرس كاملة وفي مسألة عنه فلذلك مطلوبة هي الفقرة ..
كيمياء حرارية وسرعة التفاعل والتوازن الكيميائي الدروس كاملة ..
الحموض واﻷسس واﻷملاح والمعايرة كمان كاملة ..
أسئلة الوحدة الخامسة مطالبين ب3 مسائل من 5 مسائل ..
العضوية مطالبين بالدرس اﻷول كامل والثاني كامل عدا المسائل يلي فيهن أما الدرس الثالث والرابع في فقرات محذوفة ويلي هي ( الخاصيات الكيميائية ) وفي مسألة عضوية بالدرس الرابع مطلوبة 😅
يعني تقريباً رجعوا درس المعايرة وهاد كان محذوف سنة 2017 ورجعوا آخر درسين عضوية

#فيزياء
النواسات ال3 مطلوبين كاملين هنن والأسئلة العامة يلي بتخصهم يعني 8 مسائل عامة إلهم .. بسنة 2017 كان طالبين بالمسائل العامة فقط 5 مسائل ..
ميكانيك السؤال 😒
معليش طولوا بالكم شوي يلي رجع فيو بينقبل شوي أنوا الطالب يدرسه طبعاً مو متل آخر دروس نظرية بحت ..😢
فأول فقرة كانت نظرية تعريف وبعدها استنتاج *ضغط سائل* وهاد هااام جدا جدا وأتى بأسئلة دورات سابقة للنظام بعدين فقرة محذوفة *اﻷواني المستطرقة* وبعدين استنتاج نظري *دافعة أرخميدس* من الصف الخامس عم ناخدها مافيها شي ..😀
قانون باسكال نص نظري وتطبيقات باسكال ومعهم مثال بعدين فقرة محذوفة ميكانيك السؤال المتحركة كلها..
بعدين معادلة اﻹستمرارية فقرة استنتاج بعدين يلي الطالب بواجهوا صعوبة باستنتاجها نظرية برنولي وهي هون طالبين فقط نص النظرية *بدون استنتاج*
منروح على الأسئلة مطالبين فيها كلها عدا اختر اﻹجابة الصحيحة من اولا والمسألتين الاولى والثالثة ...
المغناطيسة طالبين نفس 2017 بالنسبة للدرسين اﻷول والثاني
أما الدرس الثالث وفي بعض الكتب الخامس حسب طبعته ..
أقصد درس الدارات المهتزة فهون في مشكلة وراح نبه عليها آخر شي مرة ثانية من شان الكل ينتبه إلها 😕
طيب المشكلة انوا مرجعين فقرة *تبادل الطاقة بين المكثفة والوشيعة*
هي فيها اختلاف بين النسخ 😐 وطبعاً يلي رجعهاا مافكر بهاد اﻷمر أكيد وبعدين شغلة هي فقرة نظرية بحتة والاساتذة بيعطوها هيك وبقولوا للطلاب يدرسوها وكأنها موضوع تعبير بس شو دخلها بالفيزياء معقول نكتب 6 أسطر شرح عن تبادل الطاقة بالفحص ✋😕
طبعاً النسخة الجديدة اعتمدوها بحفظ هي الفقرة ﻷنو هي أصح ..
بالمناسبة الدرس هاد كلو مطلوب بس فقرة ال3 محذوفة من بداية الدرس ..
وقال شو بفقرة التيارات عالية التواتر طالبين أول فقرتين بس سؤال ؟ ليش الفقرة الثالثة باﻷصل هي مطالعة يلا بنحفظها كمان زيادة معلومات مالنا خسرانين شي وكان بالمرة يطلبوا الكتاب كامل 😥
درس التيار المتناوب ودرس المحولة كاملين بسنة 2017 كان الاستنتاج الفقرات بدرس المحولة محذوف اما السنة طلبوا الدرس كامل ..
وحدة اﻷمواج كاملة ..
وحدة اﻹلكترونيات درس انتزاع اﻹلكترونيات وتسريعها كامل ودرس الانفراغ الكهربائي كامل هدول متل سنة 2017 ..
اما في درسين زيادة هي السنة اﻷول الفعل الكهرضوئي نظري وفيو 3 مسائل ..
درس اﻷشعة السينية كامل أما بسنة 2017 كان محذوف اول صفحة منو ..
درس الليزر كامل هاد زيادة واول سنة بنطلب ماكان موجود بالسنوات السابقة كمان هو درس نظري ...
المسائل العامة زادوا عن سنة 2017 شي 7 مسائل 3 نواسات و 1 ميكانيك سؤال و 1 تيار متناوب و 2 أشعة سينية ..

#تنبيه_هام ⭕️✋
في فقرة بالفيزياء بالدرس الثالث على كتب الحكومة المؤقتة وبالدرس الخامس على كتب النظام لنسخة 2016 الدرس بعنوان *الدارات المهتزة او الدارة المهتزة حسب نسخة الكتاب*
الفقرة كانت بعنوان *تبادل الطاقة بين المكثفة والوشيعة* فيها اختلاف كلي بين النسختين 😕
الفقرة جافة شوي ونظرية ولكن السؤال عأي نسخة لازم الطالب يحفظها مع العلم النسخة الحديثة أصح وفي طلاب كتير إئتلاف اشتروا كتبهم ونسخهم 2016 ..
فلذلك وجب التنبيه عليها وبعض اﻷساتذة قالوا حفظوا ع النسخة الحديثة ﻷنو أصح ..
وهي الإختلاف بالصور شوفوهن 👇 ..

#2016

#2015

صباح الخير 😃
الوضع كان امبارحة صعب على الكل وأنوا بلش الخوف والتوتر يأثر عليكم وعلى دراستكم لذلك أردت ان أتكلم معكم ونتفق على بعض اﻷمور لحتى نقدر نتفوق بهي السنة 😃
أول شي الوضع هاد ماتعودنا عليه ماصرلنا 5 سنين عنفس الحالة 😒 ويمكن بكل مرة عم يصير الوضع أسوء من قبل صحيح ولكن هاد الشي ماراح نخليه يأثر علينا 😃
هاد الشي راح نتعايش معو وراح نأثبت للكل أنوا نحن أقوياء ونحن ماحدا فيو يهزمنا أو يخفف من عزيمتنا ✌️❤️
طيب خلينا سوا نعيش الحالة عند اﻷغلب
عم ادرس وكل شي تمام فبصير قصف ومابعود بركز وأنا بتوتر وبخاف وبترك الكتب 😭
معليش أول شي تهدى وبعدين تذكر حلمك وهدفك 😍 وسؤال هل بس أنت عشت هي اللحظات !.
طبعاً ﻷ من 5 سنين وكل طلاب البكلوريا عاشوها ولكن كيف تفوقوا وكيف تجاوزوا هي المرحلة😢
الجواب بكل بساطة ﻷنو في عندهن إرادة وتحدي 👌💪
الوضع مافينا نغيره ولكن فينا نتعايش معو مثلاً تأثرت ونزعجت ساعة او ساعتين وبعدين يعني 😕 بدك تضل هيك وفكرك راح توقف الحياة عندك وعند هي اللحظة 😐 ﻷ أنت غلطان الحياة راح تستمر وماراح توقف وماراح تروح غير عليك يلي تركت كتبك ..
راح الطيران وهدي الوضع بتأخد استراحة وبتستعيد أفكارك وحلمك وبتتوكل على الله وبتغير جلستك ووضعيتك ورتب كتبك وأحضر ورقة وقلم وأكتب كلشي حسيت فيو وكلشي زعجك وبالنهاية أدعي لحتى ترتاح 😌 وأهم شي تغير المادة يلي عم تدرسها بمادة بتحبها ..
قصة صارت سابقاً وأردت الحديث عنها اﻵن
*أحد اﻷشخاص حدثنا أنه تعرضت الحارة التي يسكن فيها للقصف وبعد ما تم إسعاف الجرحى وتم إجلاء الأنقاض لمدة لا تتجاوز ساعة واحدة قام الناس في تلك الحارة بنفض غبار القصف عنهم وإعادة غسل المنطقة وأفتتحوا محلاتهم من جديد ولكن ماالذي دفع بهم للعودة إلى البيع والشراء مع العلم أنهم بأخطر مدينة كما وصفها العالم 😱
نعم إنها الحياة وإنه التحدي وإنها القوة اﻷشخاص يلي استشهدوا دفنوهن ويلي أنجرح بالمشفى عم يتعالج بس رزقهم ورزق أولادهم مين راح يجيبوا إذا سكروااااا وخافوااا 😭 طيب إذا سكروا يوم ويومين وعشرة وبعدين !. مين بيعرف او بيضمن أنوا ينتهي القصف* 😔 أكيد ماحدا وأنتوا باﻷولى منهم باﻷخير أنتوا معكم سنة واحدة لتخلصوا وتتقدموا للامتحان النهائي 😒
فلذلك يا أصدقائي لازم تكونوا متل هؤلاء الناس بنفس اللحظة زعلنا وتأثرنا ونزعجنا بعدين خلص بدنا نكمل حياتنا مو معقول توقف الحياة عند هي اللحظة 😔
أصدقائي هاد مستقبلكم والله بيعلم أيمت راح نطلع من هالحرب بس سئلوا أنفسكم هل راح تستلموا !!
هل راح تكونوا من ضحايا الحزن والكآبة وتتركوا هدفكم وعملكم !!
ولا راح تتحدوا العالم وتكونوا أقوياء وتجاهدوا في طلب العلم وتحتسبوا النية وبكل دمعة وبكل ألم وحتى الشوكة ستثابونا عليها حسنات فمابالكم بتعب سنة ومابالكم بألم ساعات 😃
فهلق لازم توعدوا أنفسكم وماتخيبوا أمل أهلكم فيكم بعد ماتعبوا عليكم وأوصلوكم لهي المرحلة أنوا راح تستمروا بالدراسة وماراح شي يأثر عليكم وراح تكونوا من الذين ينهضونا بالأمة ويعيدوا مجدها بإذن الله ❤️💪

حدد هدفك لهذا الشهر بأن تقضي كل يوم من أيامه في فعل أمر واحد يقربك أكثر من تحقيق هدفك .👌🌷
#قم_لحلمك
#جرعة_تحفيز