عجبكم؟ ؟

وبهاد الوقت بيجيك شعور غريب 😞
أنو ياترى رح أوصل ولا لاء ومابقي غير شهر وهالشهر رمضان .....بحب قلكن كم شغلة بلكي بفيدوكن بإذن الله 😍أول شي رمضان شهر البركة والدعاء مستجاب بإذن الله أدعوا ربكم يوفقكم ويهون عليكم حاولو تبعدو عن كلشي بيغضب رب العالمين وخدوا عهد مع أنفسكم أنو تجددوا حياتكن وتبلشوا حياة جديدة وتكونوا متعلقين برب العالمين لأنو صدقا مافي احن وأكرم منو سبحان الله 💚
بالنسبة لأنو رح توصل ولا لا ماحدا بيعرف لا انا ولا أنت ولا أي حدا العلم عند رب العالمين بس اللي بيتعب وبيدرس وبطلع قوتو أكيد عند رب العباد ما بضيع شي 💜
خلوا أملكن بربكن كتير واستغلوا فرصتكم الأخيرة لا تفكروا بشي غير مستقبلكم 😌💚وإن شاء الله رح ترفعولنا راسنا رغم كلشي،رغم كل الظروف 💔في قانون الناجحين هنن اللي ثابروا وما استسلموا بالنهاية مافي حدا ما بيفهم ولا حدا مابيقدر بس في حدا بضل مواصل بأصعب الظروف وهاد اللي بيلمع نجاحو 😍😍🌸
والتوفيق من رب العالمين بس لازم ما نيأس وما نفكر بشي لاحقين عالتفكير انت هلق عليك تدرس وبس😼😼أهلك منتظرينك أخواتك 😍رفقاتك ❤️أساتذة تعبوا معك وشايفين فيك الخير لا تخيبوا ظنون حدا وقاوموا هانت هانت هانت وهالمرة اكتر من كل مرة عم نقرب ❤️❤️
#الله يوفق الجميع يارب ولاتنسونا من صالح دعائكم 😊💚
#طالبة بكلوريا متلي متلكن 😁لهيك حاسة بهاد الشعور 🙈بتمنى ما كون طولت 😐

#yes we can 💚
#don'tgive up

برنامج دراسي طعامي رمضاني بسيط لطلاب البكالوريا
..
من 3 قبل الفجر حتى 12 ظهرا"
(((( 9 ساعات دراسة ذهبية يتخللها السحور))))
يفضل استخدام البيض ومادة العسل بيعطي طاقة مرتبة
وكوكتيل حليب وموز بشكل أساسي
..
من 12 ظهرا" حتى 4 عصرا".. نوم
((((4 ساعات نوم))))
..
من 4 عصرا" حتى 12 ليلا" دراسة
(يتخللها الفطور وخمول ما بعد الفطور
مدة 3 ساعات) خلي فطورك أكلات خفيفة بروتينية (لحوم بيضاء وخاصة السمك -بيض بأنواعه -سلطة بأكتر كمية متنوعة من الخضروات _ وبقية الوقت بعد الافطار كل ساعة خدلك فاكهاية! او خضراية..جزر خيار ....وكتر حمضيات)

(يعني دراسة فعلية 5 ساعات)
..
من 12 ليلا" حتى 3 قبل الفجر ..نوم
((((3 ساعات نوم))))
_
وهيك صار مجموع ساعات النوم 7
والدراسة على الأقل 13 ساعة فعلية
و الطعام والاستراحات 4
...
حافظ على صلواتك وقراءة قرآن لو 5 دقائق بقلب حاضر
وتقرب الى الله بهالفترة بدراستك فقط لا غير
...
ملاحظة:
كل طالب عنده قدرته الخاصة فيه
لا تحمل حالك فوق طاقتك
يعني استيعابك مدته 9 ساعات خليك 9 و لاتحرق حالك ع الفاضي بأكتر من هيك
...
ربي يوفقكم
قلبي معكم

هلق الكل وصل لمرحلة يا ترى رح اوصل ولا لاء وهالشهر،بكفي ولا لاء من وين بلش وشو ادرس ومين ماشافني بقلي ماضل شي والأفكار عم تدور،براسي 😐💔بحب قلكم ما دام متوكلين على الله وعم تحاولو وتعملو اللي عليكم لا تخافوا أبدا وكلشي كاتبو رب العالمين أكيد خير،لألنا بس هلق لازم نشتغل حتى ما نندم بعدين ونقول ياريت خلينا نوصل لمرحلة انو انا قدمت اللي عندي وتوكلت ع رب العالمين 💚🌸
ورغم كلشي،لازم نستمر صح عم نمر باوقات صعبة 💔بس هاد الشي،ما بيعني أبدا أنو نوقف عن المحاولة لا أبدا الفشل مو أنك تفشل الفشل أنك تضل بمكانك 👌🏻
لهيك خلوا أملكن برب،العالمين كبير وهو قادر،يغير،كلشي،بلحظة 💓
ومنرجع ومنقول ومنكرر أنت بتقدر بإذن الله تعب السنة كاملا رح تلاقي ان شاء الله 💙


#don't give up 💚

نعم نعم بقي القليل 😍
القليل وستجد نفسك وسط حلمك الذي تعبت لأجله كل السنين 💔
قاوم وكافح حتى تصل 💪🏻💚
لما تكون فايق وعمتدرس والكل نايم هاد التعب رح تؤجر عليه إن شاء الله وأنت كطالب علم يعتبر جهاد إن شاء الله لأنك عم تشتغل بالوقت اللي الكل بيرتاح وأنت مع كتبك وعم تقول يارب وتبذل الأسباب أنت بالذات الله لايضيعلك تعب ويوفقك 😍❤️
ما لازم نستسلم أبدا ونتطلع عالماضي لازم نكون متأملين خير،باللي جاي وندعي ونحن موقنين بالإجابة 😍❤️
أنتو جيل المستقبل أنتو المنقذ بهي الحرب 💔قاوموا من اجل هي اللحظة 😊
#اللهم قوة 💙🌸

#yes we can 💚🌸
#لا تستسلم 😌

مشاهدة "انت تقدر - الحلقة 1 - لطلبة الثانوية - مصطفى ياسر" على YouTube
https://youtu.be/MgdUXl5zoDU

بهاد الوقت 💔
أنك تكون قاعد عم تدرس وفجأة بتشرد بروح فكرك لبعيييد ياترى بعد هالتعب رح افرح ورح اوصل لحلمي اللي عم ضحي بكلشي كرمالو؟ بينزلو دموعك فجأة ولاشعوريا لما تتخيل انو حلمك ضاع لاسمح الله وبترجع بتدعي وبتقول يارب ياااارب 😍حتى لو ضعفت هلق واختنقت ربك مارح يضيعك ويخليك بهالحالة أبدا أبدا هو كاتب كلشي وبيعرف شو الشي اللي في الخير،وشو اللي بناسبك وبيعطيك بس ماتفكر انو مابيستجاب وأنو كلشي عم تدعي عالفاضي لا أبدا حاشاه إذا رفع عبديديه إلى السماء ان يردهما صفرا خائبتين 😔حتى لو كان الشي عم ندعي ربنا مشانو مو مقدرلنا أكيد رح يكتبلنا الخيرويرضينا 😌رح نضل مقاومين لآخر لحظة بإذن الله وكل التعب ...والملل ..💔والإحباط اللي بيجينا من الناس الحوالينا كلو حيروح مارح يضل بس نوصل 😍أهم شي يكون في عنا يقين بالله وما نسأل عن حدا إن كان مؤمن بحلمك أو لا المهم أنت مقتنع وعم تشتغل ع هاد الشي 💙هالأيام الباقية رح يكونوا الفاصل إن شاء الله وهاد الشهر شهر الخير كلشي فيه مضاعف ورب العالمين ببارك بالوقت 😍
#لن نيأس 😌
#سنحقق الحلم 🌸
#yes we can 💪🏻

مشاهدة "انت تقدر - الحلقة 5 - لطلبة الثانوية - مصطفى ياسر" على YouTube
https://youtu.be/3SuKJ_G438M

البرنامج الامتحاني لشهادات التعليم الأساسي والثانوي(العلمي والأدبي) والشرعي والمهني

@FreeLibrary2

سنتعب نعم 😞💔وسنفقد الأمل في بعض اللحظات ..😥لكن لن نستسلم 😌💪🏻وسنقاوم حتى نصل بإذن الله 🌸
أنك تشوف حدا عم يستهزأ فيك وبقدراتك هاد شي كتير،صعب وبيجرحك من جوا 💔أنت كرمال هدول الأشخاص اللي همن يحبطوك ويفشلوك لازم تقاوم وتدرس بكل طاقتك ✊🏻🌸كرمال فرحة النجاح 😍😭فرحة أهلك ورفقاتك والناس اللي بحبوك وبيتمنولك الخير،لازم تنجح لازم تكون قوي أي أي تكون قوي لأن مو الكل عندو هي القوة حتى يوصل كتير،بوقفوا بنص الطريق؟ !ليش،ببساطة لأنو آخر خطوة بتكون أصعب خطوة واللي بيصبر،بنااال 😍💙
لهيك معلش معلش ولو تعبنا رح نرجع أقوى وأقوى بإذن الله 😍💚وكل الدعوات اللي عم ندعيها مارح تروح عالفاضي سيعطينا.... سيكرمنا .....سيحبرنا .....🌸

««كن لحوحا بالدعاء فقد أوشك السهم أن يصيب 👌🏻🌹»»

#نحن لن نهزم 😌🌹

#yes we can💚🌸

نحن أحلام أهلنا الضائعة نحن أملهم في هذه الحياة 😌🌸كل ماتتعبوا وتفقدوا الامل 😞💔تذكروا فرحة أهلكم فيكم وشقد تعبوا ليشوفوكم بهاد العمر 😍عمر الورود ولو نحنا ماعم نشوفوا هيك بس جربوا سالوهن وشوفوا شو بقلولكن 💕أكيد رح يقولو أنو انت فرحتهن بهالحياة ومابدهن إلا تكونوا ناجحين ومتفوقين 😌💙
حطوا ببالكن أنو ماتخيبوهن 💔وتكونوا قدها 😌ومتل مامنقول دائما نحن منقدر 😌😌💚بإذن الله رح ترفعوا راسهن وتكونوا القدوة لكتار حتى كل مايشوفوكن يقولوا كونوا متل فلان ....☺صبر ونال 😍 تخيلوا شقد هاد الشي حلو بينما لاسمح الله أنو يقولو لو انو دارس ومهتم بحالو كان نجح وكان طلع 💔غصة بقلبك قبل ما تكون بين الناس 😢 لسا معنا وقت بس مو متل كل مرة منقول بتقدر تلحق هالمرة اذا ماشديتوا حالكن ونظمتوا اموركن عالتمام 👏مابتكون النتيجة متل مو مفكرين ☺
بالتوفيق للجميع حبيت ذكركن حتى اللي مالل وتعبان يقوم ويشد حالو 😌👌
#don't give up👊🏻
#yes we can 💙🌸